പട്ടികവര്‍ഗ വികസന വകുപ്പിന്റെ കീഴില്‍ അട്ടപ്പാടി മുക്കാലിയിലെ അട്ടപ്പാടി മോഡല്‍ റസിഡന്‍ഷ്യല്‍ സ്‌കൂളില്‍ അടുത്ത അധ്യയന വര്‍ഷത്തേക്കുള്ള പ്രവേശന പരീക്ഷയും അഭിമുഖവും മെയ് 20ന് രാവിലെ 11 മണിക്ക് നടക്കും. ആറ്, എട്ട്, പത്ത് ക്ലാസുകളിലേക്കുള്ള പെണ്‍കുട്ടികള്‍ക്ക് മാത്രമാണ് അവസരം.  

മണ്ണാര്‍ക്കാട് ബ്ലോക്ക് പട്ടികജാതി വികസന ഓഫീസിന്റെ പരിധിയില്‍ തച്ചമ്പാറ, പൊറ്റശ്ശേരി, അഗളി (ആണ്‍കുട്ടികള്‍) പ്രീമെട്രിക് ഹോസ്റ്റല്‍ പ്രവേശനത്തിന് അഞ്ച് മുതല്‍ 10 വരെ പഠിക്കുന്ന പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികളുടെ രക്ഷിതാക്കളില്‍ നിന്നും അപേക്ഷ ക്ഷണിച്ചു. പ്രവേശനം ലഭിക്കുന്നവര്‍ക്ക് താമസം ഭക്ഷണം, ട്യൂഷന്‍, നോട്ട്ബുക്ക്, യൂണിഫോം എന്നിവ സൗജന്യമായി ലഭിക്കും. താല്‍പര്യമുള്ളവര്‍ മെയ് 20 മുന്‍പ് അപേക്ഷിക്കണം. ഫോണ്‍: 8547630125, തച്ചമ്പാറ 9447837103, പൊറ്റശ്ശേരി : 9447944858, അഗളി : 9846815786.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിങ് ഡിവിഷന്‍ നടത്തുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു. ഒരു വര്‍ഷം ദൈര്‍ഘ്യമുള്ള പി.ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ തുടങ്ങിയ കോഴ്സുകളിലേക്കാണ് അപേക്ഷ ക്ഷണിച്ചത്. ഫോണ്‍: 7994449314

അറ്റകുറ്റപ്പണികള്‍ നടക്കുന്നതിനാല്‍ വല്ലപ്പുഴ- കുലുക്കല്ലൂര്‍ സ്റ്റേഷനുകള്‍ക്കിടയിലെ റെയില്‍വേ ഗേറ്റ് മെയ് 14ന് രാത്രി 10 മണി മുതല്‍ മെയ് 15 രാവിലെ ആറ് വരെയും അന്നേദിവസം രാത്രി 10 മുതല്‍ മെയ് 16 രാവിലെ ആറ് വരെയും അടച്ചിടും. പട്ടാമ്പി-ചെര്‍പ്പുളശ്ശേരി വഴി പോകേണ്ട വാഹനങ്ങള്‍ പട്ടാമ്പി-യാറം-മുളയങ്കാവ്- ചെര്‍പ്പുളശ്ശേരി റോഡ് ഉപയോഗപ്പെടുത്തണമെന്ന് സീനിയര്‍ സെക്ഷന്‍ എഞ്ചിനീയര്‍ അറിയിച്ചു.

പാലക്കാട് മെഡിക്കല്‍ കോളേജിന് സമീപം യാക്കര വില്ലേജിലെ അഞ്ച് ഏക്കറില്‍ നിര്‍മിച്ച വി.ടി.ഭട്ടതിരിപ്പാട് സാംസ്‌കാരിക സമുച്ചയം ഉദ്ഘാടനത്തിനായി ഒരുങ്ങി.  68 കോടി ചിലവില്‍ അത്യാധുനിക സംവിധാനങ്ങള്‍ ഉള്‍പ്പെടുത്തിയാണ് സാംസ്‌കാരിക സമുച്ചയം നിര്‍മ്മിച്ചിട്ടുള്ളത്.

ജില്ലാ സ്‌പോര്‍ട്‌സ് കൗണ്‍സിലിന്റെ കീഴില്‍ സ്‌പോര്‍ട്‌സ് ക്ലബ്ബുകള്‍ക്കുള്ള രജിസ്‌ട്രേഷന്‍ ആരംഭിച്ചു. പുതിയതായി രജിസ്ടര്‍ ചെയ്യുന്നവര്‍ക്ക് 500 രൂപയും ജി.എസ്.ടിയും പുതുക്കുന്നവര്‍ക്ക് 200 രൂപയും ജി.എസ്.ടിയുമാണ് ഫീസ്. അപേക്ഷയോടൊപ്പം സൊസൈറ്റി രജിസ്‌ട്രേഷന്‍ സര്‍ട്ടിഫിക്കറ്റിന്റെ പകര്‍പ്പും ക്ലബ് ബൈലോ പകര്‍പ്പും നല്‍കണം. ഫോണ്‍: 904882888