ജീവനി പദ്ധതിയുടെ ഭാഗമായി തോലനൂര്‍, പത്തിരിപ്പാല ഗവ. ആര്‍ട്‌സ് ആന്‍ഡ് സയന്‍സ് കോളേജുകള്‍, മണ്ണാര്‍ക്കാട് എം. ഇ. എസ് കോളേജ്, ശ്രീകൃഷ്ണപുരം വി.ടി.ബി കോളേജ് എന്നിവിടങ്ങളില്‍ കരാര്‍ അടിസ്ഥാനത്തില്‍ സൈക്കോളജിസ്റ്റിനെ നിയമിക്കുന്നു. മെയ് 22 ന് രാവിലെ പത്തിന് പത്തിരിപ്പാല ഗവ. കോളേജില്‍ വെച്ച് കൂടിക്കാഴ്ച നടത്തും. സൈക്കോളജിയില്‍ റെഗുലര്‍ പഠനത്തിലൂടെ നേടിയ ബിരുദാനന്തര ബിരുദമാണ് യോഗ്യത. നിശ്ചിത യോഗ്യതയുള്ളവര്‍ അസല്‍ സര്‍ട്ടിഫിക്കറ്റുകളും പകര്‍പ്പും സഹിതം കൂടിക്കാഴ്ച്ചയ്ക്കായി കോളേജില്‍ നേരിട്ട് ഹാജരാകണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 0491 2873999.

കോട്ടയം, എറണാകുളം, ഇടുക്കി, ആലപ്പുഴ  ജില്ലകളിലെ വിവിധ സര്‍ക്കാര്‍ പദ്ധതികളുടെ പുരോഗതി അവലോകനം ചെയ്യുന്നതിനായി മുഖ്യമന്ത്രി പിണറായി വിജയന്റെ നേതൃത്വത്തില്‍ ജൂലൈ മൂന്നിന്  രാവിലെ 10 മണിക്ക് തെള്ളകം ഡി എം കണ്‍വെന്‍ഷന്‍ സെന്ററില്‍  മേഖലാ അവലോകന യോഗം ചേരും. മന്ത്രിമാര്‍, ചീഫ് സെക്രട്ടറി, വകുപ്പു സെക്രട്ടറിമാര്‍, നാലു ജില്ലകളിലെ ജില്ലാ കളക്ടര്‍മാര്‍, മറ്റ് ഉന്നത ഉദ്യോഗസ്ഥര്‍ തുടങ്ങിയവര്‍ യോഗത്തില്‍ പങ്കെടുക്കും.
 

ജില്ലയിലെ ക്രമസമാധാനം നിലനിര്‍ത്തുന്നതിനും മത സൗഹാര്‍ദ്ദം ഉറപ്പാക്കുന്നതിനും സ്വീകരിക്കേണ്ട നടപടികള്‍ ചര്‍ച്ച ചെയ്യുന്നതിനും പരിഹാരം കണ്ടെത്തുന്നതിനുമായി മെയ് 29 ന് രാവിലെ 11  മണിക്ക് രാഷ്ട്രീയ മത സാമുദായിക സംഘടനാ നേതാക്കളുടെയും ഉദ്യോഗസ്ഥരുടേയും യോഗം കളക്ടറേറ്റ് കോണ്‍ഫറന്‍സ് ഹാളില്‍ ചേരുമെന്ന് ജില്ലാ കളക്ടര്‍ അറിയിച്ചു.

മലമ്പുഴ ഗവ.ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തിലേക്ക് ഇംഗ്ലീഷ്, കെമിസ്ട്രി, സുവോളജി, വിഷയങ്ങളില്‍ അധ്യാപക നിയമനം (എച്ച്.എസ്.എസ്.ടി ജൂനിയര്‍) നടത്തുന്നു. അര്‍ഹരായ ഉദ്യോഗാര്‍ഥികള്‍ മെയ് 26ന് രാവിലെ 11 ന് അസല്‍ സര്‍ട്ടിഫിക്കറ്റുമായി കൂടിക്കാഴ്ച്ചക്കെത്തണമെന്ന് പ്രിന്‍സിപ്പല്‍ അറിയിച്ചു.

ചിറ്റൂര്‍ സര്‍ക്കാര്‍ കോളേജില്‍ 2025-26 അധ്യയന വര്‍ഷത്തേക്ക് സംഗീതവിഭാഗത്തില്‍ ഗസ്റ്റ് അധ്യാപക നിയമനം നടത്തുന്നു. രണ്ട് ഒഴിവാണുള്ളത്. കോളേജ് വിദ്യാഭ്യാസ ഡെപ്യൂട്ടി ഡയറക്ടര്‍ ഓഫീസില്‍ പേര് രജിസ്റ്റര്‍ ചെയ്ത പി.എച്ച് ഡി/നെറ്റ് യോഗ്യതയുള്ള ഉദ്യോഗാര്‍ഥികള്‍ക്ക് അപേക്ഷിക്കാം. താത്പര്യമുള്ളവര്‍ ജൂണ്‍ ആറിന് രാവിലെ 10.30 ന് അസ്സല്‍ സര്‍ട്ടിഫിക്കറ്റ് സഹിതം  അഭിമുഖത്തിന് എത്തണം. പി.എച്ച്.ഡി, നെറ്റ് യോഗ്യതയുള്ള ഉദ്യോഗാര്‍ത്ഥികളുടെ അഭാവത്തില്‍ പി.ജിക്ക് 55 ശതമാനം മാര്‍ക്കുള്ളവരെയും പരിഗണിക്കും. ഫോണ്‍:8078042347

 ഉന്നതവിദ്യാഭ്യാസ വകുപ്പിനു കീഴിലുള്ള കേരള സംസ്ഥാന ശാസ്ത്രസാങ്കേതിക മ്യൂസിയത്തിന്റെ ആഭിമുഖ്യത്തില്‍ സ്ഥാപിച്ച സയന്‍സ് സിറ്റിയുടെ ഒന്നാംഘട്ട ഉദ്ഘാടനം ജൂലൈ 3 വ്യാഴം  വൈകിട്ട് അഞ്ചിന് മുഖ്യമന്ത്രി പിണറായി വിജയന്‍ നിര്‍വഹിക്കും. ഉന്നതവിദ്യാഭ്യാസ - സാമൂഹ്യനീതി വകുപ്പുമന്ത്രി ഡോ. ആര്‍. ബിന്ദു അധ്യക്ഷത വഹിക്കും. കേന്ദ്ര സാംസ്‌കാരിക മന്ത്രി ഗജേന്ദ്രസിംഗ് ശെഖാവത്ത്, സഹകരണം-തുറമുഖം-ദേവസ്വം വകുപ്പുമന്ത്രി വി.എന്‍. വാസവന്‍ എന്നിവര്‍ മുഖ്യാതിഥികളാകും.
കുറവിലങ്ങാട് ഗ്രാമപഞ്ചായത്തിലെ കോഴായില്‍ സംസ്ഥാന സര്‍ക്കാര്‍ അനുവദിച്ച 30 ഏക്കര്‍ ഭൂമിയിലാണ് സയന്‍സ് സിറ്റിയുടെ നിര്‍മാണം. 

വടക്കഞ്ചേരി സാമൂഹിക ആരോഗ്യ കേന്ദ്രത്തില്‍ താല്‍ക്കാലിക അടിസ്ഥാനത്തില്‍ ലാബ് ടെക്‌നീഷനെ നിയമിക്കുന്നു. പ്രീഡിഗ്രി സെക്കന്‍ഡ് ഗ്രൂപ്പ്/ പ്ലസ്ടു, മെഡിക്കല്‍ ലബോറട്ടറി ടെക്‌നോളജിയില്‍ ബിരുദം, മെഡിക്കല്‍ ലബോറട്ടറി ടെക്‌നോളജിയില്‍ ഡിപ്ലോമയോ യോഗ്യതയുള്ളവര്‍ക്ക് അപേക്ഷിക്കാം. പാരാമെഡിക്കല്‍ കൗണ്‍സില്‍ രജിസ്‌ട്രേഷന്‍ നിര്‍ബന്ധം. താത്പര്യമുള്ള ഉദ്യോഗാര്‍ഥികള്‍ മെയ് 27 നകം അപേക്ഷ നല്‍കണമെന്ന് ആലത്തൂര്‍ ബ്ലോക്ക് പഞ്ചായത്ത് സെക്രട്ടറി അറിയിച്ചു.

ജില്ലാ ആസൂത്രണ സമിതി യോഗം മെയ് 22 ന് ഉച്ചയ്ക്ക് ശേഷം രണ്ട് മണിക്ക് ജില്ലാ പഞ്ചായത്ത് ഹാളില്‍ ചേരുമെന്ന്ജില്ലാ കളക്ടര്‍ അറിയിച്ചു.

ജില്ലയില്‍ എക്‌സൈസ് വകുപ്പിലെ  വനിതാ സിവില്‍ എക്‌സൈസ് ഓഫീസര്‍ (കാറ്റഗറി നമ്പര്‍ 613/2021)  തസ്തികയിലേക്ക് 2024 ഏപ്രില്‍ 16 ന്  പ്രസിദ്ധീകരിച്ച റാങ്ക് 
പട്ടികയുടെ കാലാവധി 2025 ഏപ്രില്‍ 15 അര്‍ദ്ധരാത്രി  പൂര്‍ത്തിയായതിനാല്‍ റാങ്ക് പട്ടിക റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.