കെല്‍ട്രോണിന്റെ കുറിപ്പുറം നോളജ് സെന്ററില്‍ ഏപ്രില്‍ എട്ടിന് ആരംഭിക്കുന്ന അവധിക്കാല കംപ്യൂട്ടര്‍ കോഴ്സുകളായ ബിഗിനേഴ്‌സ് കോഴ്‌സ് ഇന്‍ മള്‍ട്ടിമീഡിയ ആന്റ് അനിമേഷന്‍, ജൂനിയര്‍ വെബ് ഡിസൈനര്‍, കാര്‍ട്ടൂണ്‍ സ്പെഷ്യലിസ്റ്റ്, എഡിറ്റിംഗ്, കംപ്യൂട്ടര്‍ ഹാര്‍ഡ്വെയര്‍ ആന്‍ഡ് നെറ്റ്വര്‍ക്ക് മെയ്ന്റനന്‍സ്, പൈത്തണ്‍ തുടങ്ങിയ വിവിധ കോഴ്സുകളിലേക്ക് അപേക്ഷ ക്ഷണിച്ചു. മൂന്നാം ക്ലാസ് യോഗ്യത മുതലുള്ളവര്‍ക്ക് അപേക്ഷിക്കാം. വിലാസം: ഹെഡ് ഓഫ് സെന്റര്‍, കെല്‍ട്രോണ്‍ നോളജ് സെന്റര്‍, കെല്‍ട്രോണ്‍ ടൂള്‍ റൂം കം ട്രെയിനിങ് സെന്റര്‍, തൃക്കണ്ണാപുരം, കുറ്റിപ്പുറം. ഫോണ്‍- 8590605276, 0494 2697288.

നിയമസഭ തെരഞ്ഞെടുപ്പിനായുള്ള ജില്ലയിലെ ഭിന്നശേഷി സൗഹൃദ ബൂത്തുകളെ സൗന്ദര്യവത്ക്കരിക്കും. സൗന്ദര്യവത്ക്കരണത്തിന്റെ ഭാഗമായി സീനിയര്‍ ചേംബര്‍ ഇന്റര്‍നാഷണല്‍ പ്രതിനിധികള്‍ ജില്ലാ കളക്ടര്‍ ഡോ. വിനയ് ഗോയലിന് പൂച്ചെടി കൈമാറി. ജില്ലയില്‍  മലപ്പുറം, മഞ്ചേരി, വണ്ടൂര്‍, നിയോജക മണ്ഡലങ്ങളിലെ തിരഞ്ഞെടുത്ത ഭിന്നശേഷി സൗഹൃദ ബൂത്തുകളെ സൗന്ദര്യവത്ക്കരിക്കും. ഇലക്ഷന്‍ ഡെപ്യൂട്ടി കളക്ടര്‍ ജയശ്രീ എസ്.വാര്യര്‍, ജില്ലാ സാമൂഹ്യനീതി ഓഫീസര്‍ സമീര്‍ മച്ചിങ്ങല്‍, ഡെപ്യൂട്ടി ഡി.എം.ഒ എ ഷിബുലാല്‍, കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ ബി.

നിയമസഭാ തെരഞ്ഞെടുപ്പില്‍ വോട്ടര്‍മാരുടെ തിരക്ക് നിയന്ത്രിക്കുന്നതിനും വോട്ടിംഗ് സുഗമമാക്കുന്നതിനുമായി മലപ്പുറം ജില്ലയില്‍ ഏഴ് ഓക്സിലറി പോളിംഗ് ബൂത്തുകള്‍ കൂടി സജ്ജീകരിച്ചു. ഒരു പോളിംഗ് സ്റ്റേഷനില്‍ 1350 ല്‍ കൂടുതല്‍ വോട്ടര്‍മാരുള്ള സാഹചര്യത്തിലാണ് തെരഞ്ഞെടുപ്പ് കമ്മീഷന്റെ പ്രത്യേക അനുമതിയോടെ അധിക ബൂത്തുകള്‍ ക്രമീകരിച്ചിരിക്കുന്നത്. മലപ്പുറം മണ്ഡലത്തില്‍ നാലും തിരൂരങ്ങാടിയില്‍ രണ്ടും കോട്ടക്കല്‍ മണ്ഡലത്തില്‍ ഒന്നും ഓക്സിലറി പോളിംഗ് ബൂത്തുകളാണ് ക്രമീകരിച്ചിരിക്കുന്നത്.

നിയമസഭാ  തെരഞ്ഞെടുപ്പിനോടനുബന്ധിച്ച് വോട്ടെടുപ്പ് ദിവസവും അതിന് തൊട്ടു തലേദിവസവും പ്രസിദ്ധീകരിക്കുന്ന അച്ചടിമാധ്യമങ്ങളില്‍ നല്‍കുന്ന പരസ്യങ്ങള്‍ക്ക് മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിംഗ് കമ്മിറ്റിയുടെ (എം.സി.എം.സി.) മുന്‍കൂര്‍ അനുമതി വാങ്ങണം. മാധ്യമങ്ങളിലൂടെയുള്ള തെറ്റായ പ്രചാരണങ്ങള്‍ തടയുന്നതിനും സുതാര്യമായ  തെരഞ്ഞെടുപ്പ് ഉറപ്പാക്കുന്നതിനുമാണിത്. സ്ഥാനാര്‍ഥികളോ അവരുടെ ഇലക്ഷന്‍ ഏജന്റോ സിവില്‍ സ്‌റ്റേഷനിലെ ബി3 ബ്ലോക്കിലെ ജില്ലാ ഇന്‍ഫര്‍മേഷന്‍ ഓഫീസിലാണ് പ്രീ-സര്‍ട്ടിഫിക്കേഷന് നിശ്ചിത ഫോർമാറ്റിൽ അപേക്ഷിക്കേണ്ടത്. പരസ്യ ഡിസൈനിൻ്റെ രണ്ട് പകർപ്പുകൾ സാക്ഷ്യപ്പെടുത്തി നൽകണം.

നിയമസഭാ തെരഞ്ഞെടുപ്പിന്റെ വോട്ടെടുപ്പുമായി ബന്ധപ്പെട്ട് പരസ്യപ്രചാരണം നാളെ (ചൊവ്വ) വൈകീട്ട് ആറിന് അവസാനിക്കും. ഏപ്രില്‍ ഒന്‍പതിന് രാവിലെ ഏഴ് മുതല്‍ മുതല്‍ വൈകീട്ട് ആറ് വരെയാണ് ജില്ലയില്‍ വോട്ടെടുപ്പ് നടക്കുന്നത്. 1951ലെ ജനപ്രാതിനിധ്യ നിയമം സെക്ഷന്‍ 126 (1) പ്രകാരം വോട്ടെടുപ്പ് അവസാനിക്കുന്നതിന് 48 മണിക്കൂര്‍ മുമ്പ് പരസ്യ പ്രചാരണം അവസാനിപ്പിക്കണമെന്ന വ്യവസ്ഥ നിയമസഭാ പൊതുതെരഞ്ഞെടുപ്പിനും ബാധകമാണ്.

2026 നിയമസഭാ തെരഞ്ഞെടുപ്പിന്റെ ഭാഗമായി ജില്ലയിൽ ഹോം വോട്ടിംഗ് തിരഞ്ഞെടുത്ത വോട്ടർമാരിൽ 96 ശതമാനത്തിൽ അധികം  പേരും വോട്ട് രേഖപ്പെടുത്തിയതായി ജില്ലാ കളക്ടർ കെ. ഇമ്പശേഖർ അറിയിച്ചു.

ജില്ലയിലെ 85 വയസ്സിന് മുകളിൽ പ്രായമുള്ള (AVSC) വോട്ടർമാരുടെ ആകെ എണ്ണം 11,505 ആണ്. ഇതിൽ 11,102 പേർ ഇതിനോടകം വോട്ട് രേഖപ്പെടുത്തി.  അതുപോലെതന്നെ, ജില്ലയിലെ ഭിന്നശേഷിക്കാരായി വോട്ടർ പട്ടികയിൽ രേഖപ്പെടുത്തിയിട്ടുള്ള  (AVPD) വോട്ടർമാരുടെ ആകെ എണ്ണം 6,232 ആണ്. ഇതിൽ 6,002 പേർ വോട്ട് ചെയ്തു.  

നിയമസഭാ തെരഞ്ഞെടുപ്പുമായി ബന്ധപ്പെട്ട് തടസമില്ലാത്ത വാര്‍ത്താവിനിമയ സൗകര്യം ഉറപ്പാക്കുന്നതിനായി റോഡ് വെട്ടുന്നതിനും കുഴിക്കുന്നതിനും നിയന്ത്രണമേര്‍പ്പെടുത്തി ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഉത്തരവായി. തെരഞ്ഞെടുപ്പുമായി ബന്ധപ്പെട്ട് തടസ്സമില്ലാത്ത വാര്‍ത്താവിനിമയ സംവിധാനങ്ങള്‍ ഉറപ്പാക്കുന്നതിനായി തെരഞ്ഞെടുപ്പ് സംബന്ധമായ പ്രവര്‍ത്തനങ്ങള്‍ ഏകോപിപ്പിക്കുന്ന കേന്ദ്രങ്ങളില്‍ ബി.എസ്.എന്‍.എല്‍. കണക്റ്റിവിറ്റി ലഭ്യമാക്കിയിട്ടുണ്ട്.

ജില്ലയിലെ   ഒമ്പത് എൽ.എ.സി.കളുടെ കൗണ്ടിംഗ് സെൻ്ററിനോട് ചേർന്നുള്ള സ്ട്രോങ്ങ് റൂമുകളുടെ സുരക്ഷാക്രമീകരണങ്ങൾ  തിങ്കളാഴ്ച ജില്ലാ തിരഞ്ഞെടുപ്പ് ഓഫീസർ കൂടിയായ  ജില്ലാ കളക്ടർ നേരിട്ട് പരിശോധിച്ച് ഉറപ്പുവരുത്തി. അതിൽ വേണ്ട നിർദ്ദേശങ്ങൾ നൽകുകയും ചെയ്തു. 

അരൂർ, ചേർത്തല, ആലപ്പുഴ എൽ.എ.സി.കളുടേത് സെൻ്റ് ജോസഫ് ഹൈസ്കൂൾ ഫോർ ഗേൾസിലും, അമ്പലപ്പുഴ, കുട്ടനാട് മണ്ഡലങ്ങളുടേത് എസ്.ഡി. കോളേജിലും, ഹരിപ്പാട്, കായംകുളം, മാവേലിക്കര, ചെങ്ങന്നൂർ മണ്ഡലങ്ങളുടേത് ബിഷപ്പ് മൂർ കോളേജിലുമാണ് കൗണ്ടിംഗ് സെൻ്ററുകൾ പ്രവർത്തിക്കുന്നത്. 

ഏപ്രിൽ 7 ചൊവ്വാഴ്ച വൈകിട്ട് 6 മണിക്ക് സംസ്ഥാനത്ത് പരസ്യ പ്രചരണം അവസാനിക്കുമെന്ന് മുഖ്യ  തിരഞ്ഞെടുപ്പ് ഓഫീസർ ഡോ രത്തൻ യു കേൽക്കർ അറിയിച്ചു. സ്വതന്ത്രവും നീതിപൂർവവുമായ തിരഞ്ഞെടുപ്പ് ഉറപ്പാക്കുന്നതിനായി, വോട്ടെടുപ്പ് അവസാനിക്കുന്നതിന് നിശ്ചയിച്ചിട്ടുള്ള സമയത്തിന് 48 മണിക്കൂർ മുമ്പ് (Silence Period) പാലിക്കേണ്ട കർശനമായ നിയന്ത്രണങ്ങൾ പുറപ്പെടുവിച്ചിട്ടുണ്ട്. വോട്ടർമാർ ഭയരഹിതമായി വോട്ട് രേഖപ്പെടുത്തുന്ന സാഹചര്യം ഉറപ്പാക്കുകയാണ് ഇതിന്റെ ലക്ഷ്യം.

നിയമസഭ തിരഞ്ഞെടുപ്പുമായി ബന്ധപ്പെട്ട്  ചെങ്ങന്നൂർ മണ്ഡലത്തിലേക്ക് നിയമനം ലഭിച്ചിട്ടുള്ള പോളിംഗ് ഉദ്യോഗസ്ഥരുടെ സ്വകാര്യ വാഹനങ്ങൾ ഏപ്രിൽ എട്ട് , ഒമ്പത്  തീയതികളിൽ പാർക്ക് ചെയ്യുന്നതിനായി എം സി റോഡിൽ ചെങ്ങന്നൂർ ക്രിസ്ത്യൻ കോളേജ് ജംഗ്ഷനും ആഞ്ഞിലിമൂട് ജംഗ്ഷനും മധ്യഭാഗത്തായുള്ള ഗിരിദീപം ഓഡിറ്റോറിയത്തിന് എതിർ വശത്ത് സൗകര്യം ഏർപ്പെടുത്തിയിട്ടുള്ളതാണ് എന്ന് റിട്ടേണിംഗ് ഓഫീസർ അറിയിച്ചു.