സെന്‍സസ് പ്രവര്‍ത്തനങ്ങളുടെ ഭാഗമായി ജൂണ്‍ 16 മുതല്‍ 30 വരെ പൊതുജനങ്ങള്‍ക്ക് സ്വന്തമായി വിവരങ്ങള്‍ നല്‍കാനാവുന്ന സെല്‍ഫ് എന്യുമറേഷന്‍ സൗകര്യമുണ്ടാകും. ഈ കാലയളവില്‍ പൊതുജനങ്ങള്‍ക്ക് ഒരു കേന്ദ്രീകൃത വെബ് പോര്‍ട്ടലില്‍ ലോഗിന്‍ ചെയ്ത് അവരുടെ ഭവന, ആസ്തി വിവരങ്ങള്‍ നേരിട്ട് അപ്ലോഡ് ചെയ്യാം. തുടര്‍ന്ന് ജൂലൈ ഒന്ന് മുതല്‍ 30 വരെ ഉദ്യോഗസ്ഥര്‍ വീടുകളിലെത്തി ആദ്യഘട്ട വിവരശേഖരണം നടത്തും. വീടുകളുടെ വിവരങ്ങളും താമസക്കാരുടെ പൊതുവിവരശേഖരണവുമാണ് ഒന്നാം ഘട്ടത്തില്‍ നടക്കുക.

ദേശീയ സെന്‍സസിനായുള്ള ജില്ലയിലെ വിവിധ ചാര്‍ജുകളിലെ എന്യൂമറേറ്റര്‍മാര്‍ക്കായുള്ള പരിശീലന പരിപാടിക്ക് ഇന്ന്( ജൂണ്‍ ഒമ്പത്) തുടക്കമാകും. ജില്ലയിലെ വിവിധ കേന്ദ്രങ്ങളില്‍ വ്യത്യസ്ത ബാച്ചുകളിലായി രാവിലെ 9.30 മുതലാണ് പരിശീലനം നടക്കുന്നത്.

സുല്‍ത്താന്‍ ബത്തേരി പട്ടികവര്‍ഗ ഓഫീസിന്റെ അധീനതയിലുള്ള കെ.എല്‍ 12 ജി 3556 നമ്പര്‍ ആംബുലന്‍സിന്റെ ടയറുകള്‍ മാറുന്നതിന് ക്വട്ടേഷന്‍ ക്ഷണിച്ചു. 215/75 ആര്‍ 15 എല്‍ ടി 115/1135 വിഭാഗത്തിലുള്ള നാല് ടയറുകളാണ് ആവശ്യം. ക്വട്ടേഷനുകള്‍ ജൂണ്‍ 12ന് വൈകുന്നേരം മൂന്നിനകം സുല്‍ത്താന്‍ ബത്തേരി ട്രൈബല്‍ ഡെവലപ്‌മെന്റ് ഓഫീസില്‍ ലഭിക്കണം. ഫോണ്‍: 04936 221074

കേരള സര്‍ക്കാരിന്റെ ഹിന്ദി അധ്യാപക ട്രെയിനിംഗ് യോഗ്യതയായ രണ്ട് വര്‍ഷത്തെ റഗുലര്‍ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സ് 2026-2028 ബാച്ചിലെ മെറിറ്റ്/മാനേജ്മെന്റ് സീറ്റീലേക്ക് അപേക്ഷ ക്ഷണിച്ചു. 50 ശതമാനം മാര്‍ക്കോടെ രണ്ടാം ഭാഷ ഹിന്ദിയിലുള്ള പ്ലസ് ടു യോഗ്യതയും, പ്രചാരസഭകളുടെ അംഗീകൃത ഹിന്ദി കോഴ്‌സുകള്‍, ഡിഗ്രി, എം എ വിജയിച്ചവര്‍ക്ക് അപേക്ഷിക്കാം. 17 നും 35 നും ഇടയിലായിരിക്കണം പ്രായം. പട്ടികജാതി പിന്നോക്ക വിഭാഗത്തിന് പ്രായപരിധിയില്‍ നിയമാനുസൃത ഇളവ് ലഭിക്കും.

എസ്.ആര്‍.സി കമ്മ്യൂണിറ്റി കോളേജ് യോഗ അസോസിയേഷന്‍ ഓഫ് കേരളയുടെ സഹകരണത്തോടെ നടത്തുന്ന ഡിപ്ലോമ ഇന്‍ യോഗ ടീച്ചര്‍ ട്രെയിനിംഗ് പ്രോഗ്രാമിലേക്ക് അപേക്ഷ ക്ഷണിച്ചു. പ്ലസ്ടു/ തത്തുല്യയോഗ്യത ഉണ്ടായിരിക്കണം. വൈത്തിരിയിലാണ് ജില്ലയിലെ പഠന കേന്ദ്രം. https://app.srccc.in/register എന്ന ലിങ്കിലൂടെ ജൂണ്‍ 30 വരെ അപേക്ഷിക്കാം. ഫോണ്‍- 9495249588, 9847450454

മാനന്തവാടി ഗവ പോളിടെക്‌നിക് കോളേജില്‍ മെക്കാനിക്കല്‍ എഞ്ചിനീയറിംഗ്, സിവില്‍ എഞ്ചിനീയറിംഗ്, കംമ്പ്യൂട്ടര്‍ എഞ്ചിനീയറിംഗ് വിഭാഗങ്ങളില്‍ ഡെമോണ്‍സ്‌ട്രേറ്റര്‍, ട്രേഡ് ഇന്‍സ്ട്രക്ടര്‍, ട്രേഡ് ടെക്‌നിഷ്യന്‍ ലാബ് തസ്തികകളിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നു. ഡെമോണ്‍സ്‌ട്രേറ്റര്‍ തസ്തികയില്‍ ബന്ധപ്പെട്ട വിഷയത്തില്‍ ഡിപ്ലോമയും, ട്രേഡ് ഇന്‍സ്ട്രക്ടര്‍, ട്രേഡ് ടെക്‌നീഷ്യന്‍ തസ്തികകളില്‍ ബന്ധപ്പെട്ട ട്രേഡില്‍ ടി.എച്ച്.എസ്.എല്‍.സി/ഐ.ടി.ഐ, കെ.ജി.സി.ഇ, എന്‍.ടി.സി, വി.എച്ച്.എസ്.ഇ എന്നിവയുമാണ് യോഗ്യതകള്‍.

മാനന്തവാടി പി.കെ കാളന്‍ മെമ്മോറിയല്‍ കോളേജ് ഓഫ് അപ്ലൈഡ് സയന്‍സസില്‍ ബിഎസ്.സി കമ്പ്യൂട്ടര്‍ സയന്‍സ്, ബി.കോം കമ്പ്യൂട്ടര്‍ ആപ്ലിക്കേഷന്‍, ബി.കോം കോ ഓപ്പറേഷന്‍ കോഴ്‌സുകളില്‍ പ്രവേശനം ആരംഭിച്ചു. കണ്ണൂര്‍ യൂണിവേഴ്‌സിറ്റി റെജിസ്‌ട്രേഷന്‍ വെബ്‌സൈറ്റായ https://admissions.kannuruniversity.ac.in/ വഴി അപേക്ഷ സമര്‍പിക്കാം. രജിസ്‌ട്രേഷന് കോളേജില്‍ ഹെല്‍പ് ഡെസ്‌കും ഒരുക്കിയിട്ടുണ്ട്. ഫോണ്‍: 9387288283, 8547005060.

ധീരത, സ്‌പോട്‌സ്, സാമൂഹ്യ സേവനം, സയന്‍സ് ആന്‍ഡ് ടെക്‌നോളജി, പരിസ്ഥിതി, ആര്‍ട്‌സ് ആന്‍ഡ് കള്‍ച്ചര്‍, ഇന്നൊനേഷന്‍ മേഖലകളില്‍ അസാധാരണ പ്രാഗല്‍ഭ്യമുള്ള കുട്ടികള്‍ക്ക് നല്‍കുന്ന പ്രധാനമന്ത്രി രാഷ്ട്രീയ ബാല പുരസ്‌കാരം 2026ന് അപേക്ഷ ക്ഷണിച്ചു. അപേക്ഷകള്‍ ജൂലൈ 31നകം http://awards.gov.in എന്ന വെബ്‌പോര്‍ട്ടല്‍ മുഖേന അയയ്ക്കണം. ഫോണ്‍- 04936 246098

 കല്‍പറ്റ പുത്തൂര്‍വയല്‍ എസ് ബി ഐ  ആര്‍സെറ്റിയില്‍ ജൂണ്‍ പത്തിന് ആരംഭിക്കുന്ന 12 ദിവസത്തെ സൗജന്യ ബേക്കറി നിര്‍മ്മാണം പരിശീലന പരിപാടിയിലേക്ക് അപേക്ഷ ക്ഷണിച്ചു. 18നും 50 നുമിടയില്‍ പ്രായമുള്ളവര്‍ക്ക് പങ്കെടുക്കാം. ഫോണ്‍- 8590762300, 8078711040

മീനങ്ങാടി ഐഎച്ച്ആര്‍ഡി മോഡല്‍ കോളേജില്‍ ഹിന്ദി വിഷയത്തില്‍ അസിസ്റ്റന്റ് പ്രൊഫസര്‍ തസ്തികയില്‍ താത്കാലിക നിയമനം നടത്തുന്നു. ഉദ്യോഗാര്‍ത്ഥികള്‍ ജൂണ്‍ പത്തിന് ഉച്ചക്ക് ഒരു മണിക്ക് ഓഫീസില്‍ അഭിമുഖത്തിന് എത്തണം. ഫോണ്‍- 04936 246446, 8547005077