സപ്ലൈക്കോയുടെ കാഞ്ഞിരപ്പള്ളി മെഡിക്കൽ സ്റ്റോറിൽ ഫാർമസിസ്റ്റിന്റെ ഒഴിവുണ്ട്. രണ്ടു വർഷം പ്രവർത്തി പരിചയമുള്ള (സർക്കാർ / സ്വകാര്യ മേഖല) ബിഫാം /ഡിഫാം യോഗ്യതയുള്ളവർക്ക് അഭിമുഖത്തിൽ പങ്കെടുക്കാം. താല്പര്യമുള്ളവർ  തിരുനക്കര സപ്ലൈക്കോ മേഖലാ മെഡിസിൻ ഡിപ്പോയിൽ  ഒറിജിനൽ സർട്ടിഫിക്കറ്ററുകളും തിരിച്ചറിയൽ രേഖകളുമായി ജൂലൈ എട്ടിന് പതിനൊന്നു മണിക്കും മൂന്നുമണിക്കും ഇടയിൽ എത്തണം. വിശദ വിവരങ്ങൾക്ക്: 9446569997.

 ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിംഗ്  കോഴ്‌സിലേക്ക് അപേക്ഷ ക്ഷണിച്ചു. അപേക്ഷാ ഫോറവും  പ്രോസ്‌പെക്ടസും   www.polyadmission.org/gifd  എന്ന വെബ്‌സൈറ്റിൽ ലഭിക്കും. താൽപര്യമുള്ളവർ ജൂലൈ പത്തിന് മുൻപായി   സ്‌കൂൾ ഓഫീസ് മുഖേനയോ ഓൺലൈനായി വെബ്‌സൈറ്റ് മുഖേനയോ അപേക്ഷിക്കണം. വിശദ വിവരത്തിന് ഫോൺ: 0481 2507556, 9400006469, 9048283292, 7012258283.
 

 കേരളത്തിൽ വനവിസ്തൃതി വർധിപ്പിക്കുക എന്നത് സാധ്യമല്ലെങ്കിലും ട്രീ ബാങ്കിംഗ്  പോലുള്ള പദ്ധതികളിലൂടെ മരം നടാനുള്ള പ്രേരണ ഉണർത്തി മരങ്ങളെ മനുഷ്യന്റെ മിത്രങ്ങളാക്കണമെന്ന് വനം-വന്യജീവി വകുപ്പ് മന്ത്രി എ.കെ. ശശീന്ദ്രൻ പറഞ്ഞു. വനത്തിനകത്തെ സന്തുലിതാവസ്ഥ നിലനിർത്തേണ്ടത് അത്യന്താപേക്ഷിതമാണെന്നും മന്ത്രി പറഞ്ഞു. വനം-വന്യജീവി വകുപ്പ് സംഘടിപ്പിച്ച വനമഹോത്സവം 2025ന്റെ സംസ്ഥാനതല ഉദ്ഘാടനം നിർവഹിച്ച് പ്രസംഗിക്കുകയായിരുന്നു അദ്ദേഹം. കോട്ടയം സി.എം.എസ്. കോളജിൽ നടന്ന പരിപാടിയിൽ അഡീഷണൽ പ്രിൻസിപ്പൽ ചീഫ് ഫോറസ്റ്റ് കൺസർവേറ്റർ ആൻഡ് ഹെഡ് ഓഫ് ഫോറസ്റ്റ് ഫോഴ്‌സ് ഡോ. പി. പുകഴേന്തി അധ്യക്ഷത വഹിച്ചു.

 തദ്ദേശ സ്വയം ഭരണ സ്ഥാപനങ്ങളിലെ റോഡുകളുടെ നവീകരണം സെപ്റ്റംബറിനുള്ളിൽ പൂർത്തിയാക്കണമെന്ന് മുഖ്യമന്ത്രി പിണറായി വിജയൻ നിർദേശം നൽകി. ജലജീവൻ മിഷനുവേണ്ടി വെട്ടിപ്പൊളിച്ച റോഡുകൾക്ക് ഇതിൽ മുൻഗണന കൊടുത്തു പരിഹാരമുണ്ടാക്കണമെന്നും തെള്ളകം ഡിഎം കൺവെൻഷൻ സെന്ററിൽ ചേർന്ന എറണാകുളം, ഇടുക്കി, ആലപ്പുഴ, കോട്ടയം ജില്ലകളിലെ പദ്ധതികൾ സംബന്ധിച്ച മേഖലാതല അവലോകനയോഗത്തിൽ ഉപസംഹാരം നടത്തിക്കൊണ്ടു മുഖ്യമന്ത്രി നിർദേശിച്ചു.

ചെട്ടികാട് താലൂക്കാശുപത്രിക്കായി പണികഴിപ്പിക്കുന്ന ബഹുനില കെട്ടിടത്തിൻ്റെ  മുൻവശത്ത്  റോഡിന്  വീതി കൂട്ടുന്നതിന് ആവശ്യമായ ഭൂമി ഏറ്റെടുക്കുന്നതുമായി ബന്ധപ്പെട്ട തർക്കവും യോഗത്തിൽ ചർച്ച ചെയ്തു. തർക്കം എത്രയും പെട്ടെന്ന് പരിഹരിക്കുവാൻ മുഖ്യമന്ത്രി നിർദ്ദേശിച്ചു. ഭൂഉടമകൾ അനാവശ്യമായി തുക കൂട്ടി ചോദിക്കുന്നതായി ഉദ്യോഗസ്ഥർ യോഗത്തിൽ അറിയിച്ചു. ഭൂമി ഏറ്റെടുക്കൽ നിയമ പ്രകാരം നടപടികൾ മുന്നോട്ട് കൊണ്ടു പോകുവാൻ മുഖ്യമന്ത്രി ഉദ്യോഗസ്ഥർക്ക് നിർദ്ദേശം നൽകി.

കുട്ടനാട്ടിലെ  നെല്ലിന്റെ ഗുണനിലവാരം സംബന്ധിച്ച് മില്ലുടമകളും കർഷകരും തമ്മിലുണ്ടാകുന്ന തർക്കം മേഖലാതല   അവലോകനയോഗത്തിൽ ചർച്ചയായി.
 മുഖ്യമന്ത്രി പിണറായി വിജയന്റെ നേതൃത്ത്വത്തിൽ മന്ത്രിമാരുടെ സാന്നിധ്യത്തിലാണ് ആലപ്പുഴ ജില്ലയിലെ ഈ പ്രധാനപ്പെട്ട വിഷയം യോഗത്തിൽ
ചർച്ച ചെയ്തത്.
 

ഭവനരഹിതര്‍ക്ക് സുരക്ഷിതവും മാന്യവുമായ പാര്‍പ്പിടം ലഭ്യമാക്കുക എന്ന ലക്ഷ്യത്തോടെ സംസ്ഥാന സര്‍ക്കാര്‍ നടപ്പിലാക്കുന്ന ലൈഫ് മിഷന്‍ പദ്ധതിയില്‍ ജില്ലയില്‍ 33, 263 വീടുകള്‍ പൂര്‍ത്തീകരിച്ചു. കോട്ടയം തെള്ളകം ഡിഎം കണ്‍വെന്‍ഷന്‍ സെന്ററില്‍ ചേര്‍ന്ന ആലപ്പുഴ, എറണാകുളം, ഇടുക്കി, കോട്ടയം ജില്ലകളിലെ പദ്ധതികള്‍ സംബന്ധിച്ച മേഖലാതല അവലോകനയോഗത്തില്‍ തദ്ദേശസ്വയംഭരണ വകുപ്പ് അഡീഷണല്‍ സെക്രട്ടറി ഡോ. എസ് ചിത്ര അവതരിപ്പിച്ച പദ്ധതി പുരോഗതി റിപ്പോര്‍ട്ടില്‍ ആകെ  കരാറില്‍ ഏര്‍പ്പെട്ട 42,009 എണ്ണത്തില്‍ 79.18 ശതമാനവും പൂര്‍ത്തീകരിച്ചതായി വ്യക്തമാക്കി. 36871 വീടുകളുടെ നിര്‍മ്മാണമാണ് ആരംഭിച്ചിരുന്നത്.

ജില്ലാ പഞ്ചായത്ത് വിത്ത് ഗ്രാമം പദ്ധതി ഉദ്ഘാടനം ചെയ്തു 

വിത്തുകൾ രാജ്യത്തിൻ്റെ ഖജനാവാണെന്നും ഏറ്റവും ഗുണമേന്മയുള്ള വിത്തുകൾ കർഷകർക്ക് ലഭ്യമാക്കണമെന്നതാണ് സർക്കാർ ലക്ഷ്യമെന്നും കൃഷിവകുപ്പ് മന്ത്രി പി പ്രസാദ് പറഞ്ഞു.  ജില്ലാ പഞ്ചായത്ത് വിത്ത് ഗ്രാമം പദ്ധതി വഴി ഉല്പാദിപ്പിച്ച നെൽവിത്തിന്റെ വിതരണോദ്ഘാടനം ജില്ലാ പഞ്ചായത്ത് കോൺഫറൻസ് ഹാളിൽ നിർവഹിച്ച് സംസാരിക്കുകയായിരുന്നു അദ്ദേഹം.

ആഗസ്റ്റോടെ ജില്ലയിലെ 100 ശതമാനം കുടുംബങ്ങളെയും അതിദാരിദ്ര്യ മുക്തമാക്കും 

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി(സി.എം.എല്‍.ആര്‍.ആര്‍.പി. 2.0)യില്‍ ഉള്‍പ്പെടുത്തിയ ജില്ലയിലെ ഗ്രാമീണറോഡുകളുടെ നവീകരണം സെപ്റ്റംബറോടെ പൂര്‍ത്തിയാക്കാനാകുമെന്ന് ജില്ലാ കളക്ടര്‍ അലക്‌സ് വര്‍ഗീസ് കോട്ടയം തെള്ളകം ഡി.എം. കണ്‍വെന്‍ഷനില്‍ നടന്ന ആലപ്പുഴ, എറണാകുളം, ഇടുക്കി,  കോട്ടയം ജില്ലകളുടെ മേഖലാതല യോഗത്തില്‍ അറിയിച്ചു.