ജില്ലാ ശിശു സംരക്ഷണ യൂണിറ്റിന്  കീഴിലെ  ഒ.ആര്‍.സി  ജില്ലാ റിസോഴ്‌സ്  സെന്ററിലേക്ക് കണ്‍സള്‍ട്ടേഷന്‍ വിദഗ്ധരില്‍ നിന്നും  അപേക്ഷ ക്ഷണിച്ചു.  സൈക്യാട്രിസ്റ്റ്, ക്ലിനിക്കല്‍ സൈക്കോളജിസ്റ്റ്, സൈക്കോളജിസ്റ്റ്, സ്പീച്ച് തെറാപ്പിസ്റ്റ്, സ്‌പെഷല്‍ എഡ്യൂക്കേറ്റര്‍, ഒക്യുപേഷണല്‍ തെറാപ്പിസ്റ്റ്, വൊക്കേഷണല്‍ തെറാപ്പിസ്റ്റുകള്‍ എന്നിവർക്ക് അപേക്ഷിക്കാം.  യോഗ്യത, പ്രവൃത്തി പരിചയ സര്‍ട്ടിഫിക്കറ്റ്, ബയോഡാറ്റ എന്നിവ സഹിതം മെയ് 30 നകം orcwayanad@gmail.com ല്‍ അപേക്ഷ നല്‍കണം. ഫോണ്‍- 9526475101

ചാത്തന്നൂര്‍ അസാപ് കമ്മ്യൂണിറ്റി സ്‌കില്‍ പാര്‍ക്കിന്റെ നേതൃത്വത്തില്‍ ഐലൈക്ക് ഓണ്‍ലൈന്‍ കോഴ്‌സുകള്‍ക്ക് അഡ്മിഷന്‍ ആരംഭിച്ചു. ഐടി, ബാങ്കിങ്, ഡിസൈനിങ്, അക്കൗണ്ടിങ്, ആര്‍ട്ടിഫിഷ്യല്‍ ഇന്റലിജന്‍സ് തുടങ്ങിയ മേഖലകളില്‍ ഉള്‍പ്പെടെ 60 ല്‍പരം കോഴ്‌സുകളാണ് വിവിധ വിഭാഗങ്ങളിലായി നടക്കുക.

വിദ്യാര്‍ത്ഥികള്‍ക്കും, ജോലി ചെയ്യുന്നവര്‍ക്കും, പുതിയ സാങ്കേതിക വിദ്യകളില്‍ കരിയര്‍ നിര്‍മ്മിക്കാന്‍ ആഗ്രഹിക്കുന്നവര്‍ക്കുമായി രൂപകല്‍പ്പന ചെയ്തിരിക്കുന്ന ഈ കോഴ്‌സുകള്‍ വിദ്യാര്‍ത്ഥികളുടെ സമയക്രമം അനുസരിച്ച് പൂര്‍ത്തിയാക്കാവുന്ന രീതിയിലാണ് കോഴ്‌സുകള്‍. ഫോണ്‍: 9495999721

പൊതു വിദ്യാഭ്യാസ വകുപ്പ് സ്റ്റാര്‍സ് പദ്ധതിയില്‍ ഉള്‍പ്പെടുത്തി എസ് എസ് കെ യുടെ ആഭിമുഖ്യത്തില്‍ ഷൊര്‍ണൂര്‍ ഗവ. വൊക്കേഷ്ണല്‍ ഹയര്‍സെക്കന്‍ഡറി സ്‌കൂള്‍ (ടി എച്ച് എസ് എസ്) സ്‌കില്‍ ഡെവലപ്‌മെന്റ് സെന്ററില്‍ സൗജന്യകോഴ്‌സുകളായ ഇലക്ട്രിക് വെഹിക്കിള്‍, സര്‍വീസ് ടെക്‌നീഷ്യന്‍, മൊബൈല്‍ ഫോണ്‍,ഹാര്‍ഡ് വെയര്‍ റിപ്പയര്‍ ടെക്‌നീഷ്യന്‍ കോഴ്‌സുകളിലേക്ക് അപേക്ഷ ക്ഷണിച്ചു. എസ് എസ് എല്‍ സി പാസായ 15 വയസു മുതല്‍ 23 വരെ യുള്ളവര്‍ക്ക് അപേക്ഷിക്കാമെന്ന് പ്രിന്‍സിപ്പല്‍ അറിയിച്ചു. അവസാന തിയതി മെയ് 15. ഫോണ്‍: 0466 2224234.

സംസ്ഥാന സര്‍ക്കാരിന്റെ നാലാം  വാര്‍ഷികത്തോടനുബന്ധിച്ച് സ്റ്റേഡിയം ബസ് സ്റ്റാന്റിന് സമീപത്ത് നടക്കുന്ന എന്റെ കേരളം പ്രദര്‍ശന വിപണന  മേളയില്‍ സെമിനാറുകള്‍ നടത്തി. രാവിലെ 11.30 ന് ദേശീയ സമ്പാദ്യ പദ്ധതി വകുപ്പിന്റെ സെമിനാര്‍ ദേശീയ സമ്പാദ്യ പദ്ധതി വകുപ്പ് ഡയറക്ടര്‍ എസ്. മനു ഉദ്ഘാടനം ചെയ്തു. 'സാമ്പത്തിക സാക്ഷരത' അറിവിലൂടെ സാമ്പത്തിക സുരക്ഷ എന്ന വിഷയത്തില്‍ ധനകാര്യ വകുപ്പ് അണ്ടര്‍ സെക്രട്ടറി(എച്ച്. ജി) പി. അനില്‍കുമാറും, സ്റ്റുഡന്‍റ്സ് സേവിങ് സ്‌കീം എന്ന വിഷയത്തില്‍ ദേശീയ സമ്പാദ്യ പദ്ധതി വകുപ്പ് അഡീഷണല്‍ ഡയറക്ടര്‍ പി. അജിത് കുമാര്‍ എന്നിവര്‍ ക്ലാസെടുത്തു.

സംസ്ഥാന സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് നടന്ന എന്റെ കേരളം പ്രദര്‍ശന വിപണന മേളയുമായി ബന്ധപ്പെട്ട മാധ്യമപുരസ്‌കാരങ്ങള്‍ പ്രഖ്യാപിച്ചു. അച്ചടി മാധ്യമ വിഭാഗത്തില്‍ മികച്ച റിപ്പോര്‍ട്ടറായി ടി.എസ് അഖില്‍ (ദേശാഭിമാനി) നെ തിരഞ്ഞെടുത്തു. മികച്ച ഫോട്ടോഗ്രാഫറായി അനില്‍ കെ.പുത്തൂര്‍ (ദീപിക), ശരത് കല്‍പ്പാത്തി (ദേശാഭിമാനി) എന്നിവര്‍ പങ്കിട്ടു.

സംസ്ഥാന സര്‍ക്കാറിന്റെ നാലാം വാര്‍ഷികാഘോഷത്തിന്റെ ഭാഗമായി നടന്ന എന്റെ കേരളം പ്രദര്‍ശന വിപണന മേളയില്‍ സ്റ്റാളുകളില്‍ മികച്ച സ്റ്റാളായി പൊലീസ് വകുപ്പിനെ തെരഞ്ഞെടുത്തു.

രണ്ടാം സ്ഥാനം അഗ്‌നി ശമന രക്ഷാ സേനയും മൂന്നാം സ്ഥാനം പൊതുവിദ്യാഭ്യാസ വകുപ്പിനും ലഭിച്ചു. സ്റ്റാളില്‍ ക്രമീകരിച്ച ആര്‍ട്ട് വര്‍ക്ക്, സ്റ്റാള്‍ സജ്ജീകരിച്ച രീതി, സന്ദര്‍ഭോചിതമായ അവതരണം, പൊതുജന സമ്പര്‍ക്കം തുടങ്ങിയവ പരിഗണിച്ചാണ് പുരസ്‌കാരങ്ങള്‍ പ്രഖ്യാപിച്ചത്.