വടക്കാഞ്ചേരി നഗരസഭയിലെ കുമ്പളങ്ങാട് ബയോ മൈനിങ്ങ് അന്തിമ ഘട്ടത്തില്‍. പതിറ്റാണ്ടുകള്‍ നീണ്ട മാലിന്യ പ്രശ്‌നത്തിന് ശാശ്വത പരിഹാരം കാണുകയാണ് ബയോ മൈനിങ്ങിലൂടെ. കേരള ഖരമാലിന്യ പരിപാലന പദ്ധതി പ്രോജക്ട് ഡയറക്ടര്‍ ഡോ. ദിവ്യ എസ്. അയ്യര്‍ മെയ് 19 ന് ബയോമൈനിങ്ങ് സ്ഥലം സന്ദര്‍ശിക്കും. കുമ്പളങ്ങാട് അഞ്ചാം വാര്‍ഡില്‍ ഒന്നര ഏക്കര്‍ സ്ഥലത്ത് നടത്തുന്ന മൈനിങ്ങ് 15,000 ടണ്‍ മാലിന്യം സംസ്‌കരണം പൂര്‍ത്തീകരിച്ചു. 130 ടണ്‍ ആര്‍ ഡി എഫ് മാലിന്യങ്ങള്‍ പുനരുപയോഗിക്കുന്നതിനായി സിമന്റ് ഫാക്ടറിയിലേക്ക് കൈമാറി.

കൊഴിഞ്ഞാമ്പാറ പെണ്‍കുട്ടികളുടെ ഗവ. പ്രീ മെട്രിക് ഹോസ്റ്റലിലേക്ക് അഞ്ച് മുതല്‍ 10 വരെ പഠിക്കുന്ന പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികളുടെ രക്ഷിതാക്കളില്‍ നിന്നും അപേക്ഷ ക്ഷണിച്ചു. പ്രവേശനം ലഭിക്കുന്നവര്‍ക്ക് താമസം ഭക്ഷണം, ട്യൂഷന്‍, നോട്ട്ബുക്ക്, യൂണിഫോം എന്നിവ സൗജന്യമായി ലഭിക്കും. താല്‍പര്യമുള്ളവര്‍ മെയ് 20 മുന്‍പ് അപേക്ഷിക്കണം. ഫോണ്‍: 9495761671

മണ്ണാര്‍ക്കാട് ബ്ലോക്ക് പട്ടികജാതി വികസന ഓഫീസിന്റെ പരിധിയില്‍ തച്ചമ്പാറ, പൊറ്റശ്ശേരി, അഗളി ആണ്‍കുട്ടികളുടെ പ്രീമെട്രിക് ഹോസ്റ്റലുകളിലേക്ക് അഞ്ച് മുതല്‍ 10 വരെ പഠിക്കുന്ന പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികളുടെ രക്ഷിതാക്കളില്‍ നിന്നും അപേക്ഷ ക്ഷണിച്ചു. പ്രവേശനം ലഭിക്കുന്നവര്‍ക്ക് താമസം ഭക്ഷണം, ട്യൂഷന്‍, നോട്ട്ബുക്ക്, യൂണിഫോം എന്നിവ സൗജന്യമായി ലഭിക്കും. താല്‍പര്യമുള്ളവര്‍ മെയ് 20 മുന്‍പ് അപേക്ഷിക്കണം. ഫോണ്‍: 8547630125, തച്ചമ്പാറ 9447837103, പൊറ്റശ്ശേരി : 9447944858, അഗളി : 9846815786.

എല്ലാ തരം ജനവിഭാഗങ്ങളുമായി സംവദിക്കുന്നതിന്റെ ഭാഗമായാണ് മുഖ്യമന്ത്രി പങ്കെടുക്കുന്ന ജില്ലാതല യോഗവും എന്റെ കേരളം പ്രദര്‍ശന മേളയും  സംഘടിപ്പിക്കുന്നതെന്ന് റവന്യു ഭവന വകുപ്പ് മന്ത്രി കെ. രാജന്‍. വ്യത്യസ്ത പദ്ധതികളുടെ ഗുണഭോക്താക്കളെക്കൂടി ഉള്‍കൊള്ളിച്ച് കൊണ്ടാണ് മുഖ്യമന്ത്രിയുടെ നേതൃത്വത്തിലുള്ള ജില്ലാതല യോഗം നടത്തുന്നതെന്ന് ഉന്നതവിദ്യാഭ്യാസ സാമൂഹികനീതി വകുപ്പ് മന്ത്രി ആര്‍. ബിന്ദു പറഞ്ഞു. എന്റെ കേരളം പ്രദര്‍ശന, വിപണ മേളയുടെ ഭാഗമായി വിളിച്ച് ചേര്‍ത്ത പത്രസമ്മേളനത്തില്‍ സംസാരിക്കുകയായിരുന്നു മന്ത്രിമാര്‍.

കേരള പിറവിയോടനുബന്ധിച്ച് സംസ്ഥാന സര്‍ക്കാര്‍ വിവിധ മേഖലകളിലെ സമഗ്ര സംഭാവനകള്‍ക്കായി ഏര്‍പ്പെടുത്തുന്ന കേരള പുരസ്‌കാരത്തിന് വ്യക്തികളില്‍ നിന്നും അപേക്ഷ ക്ഷണിച്ചു. അപേക്ഷ മെയ് 30 നകം അതത് താലൂക്ക് ഓഫീസിൽ നല്‍കണം. കൂടുതല്‍ വിവരങ്ങള്‍  https://keratapuraskaram.\grata.gov.in ല്‍ ലഭിക്കും. ഫോണ്‍- 04936202251

തൃത്താല, സര്‍ക്കാര്‍ ആര്‍ട്സ് ആന്‍ഡ് സയന്‍സ് കോളേജില്‍ 2023-24 അധ്യയന വര്‍ഷത്തില്‍ പഠനം പൂര്‍ത്തിയാക്കിയ ബിരുദ, ബിരുദാനന്തര വിദ്യാര്‍ഥികളില്‍ കോഷന്‍ ഡെപ്പോസിറ്റ് തുക കൈപ്പറ്റാത്തവര്‍ മെയ് 10 നുള്ളില്‍ ഓഫീസുമായി ബന്ധപ്പെടണമെന്ന് പ്രിന്‍സിപ്പല്‍ അറിയിച്ചു. 

ഇമെയില്‍:  thrithalagovtcollege@gmail.com. ഫോണ്‍: 0466 2270335

ക്ഷീര വികസന വകുപ്പില്‍ വുമണ്‍ ക്യാറ്റില്‍ കെയര്‍ വര്‍ക്കര്‍മാരെ നിയമിക്കുന്നതിനുള്ള അഭിമുഖം മെയ് 21 ലേക്ക് മാറ്റി. മെയ് 20 ന് ദേശീയ പണിമുടക്ക് അറിയിച്ചതിനാലാണ് മാറ്റം. അഭിമുഖം രാവിലെ 10 മുതല്‍ നടത്തുമെന്ന് പാലക്കാട് ക്ഷീര വികസന ഡെപ്യൂട്ടി ഡയറക്ടര്‍ അറിയിച്ചു. ഫോണ്‍: 0491 2505137