മരുതറോഡ് ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളിലെ സ്‌കില്‍ഡെവലപ്‌മെന്റ് സെന്ററില്‍ വിവിധ കോഴ്‌സുകളിലേക്ക് അപേക്ഷ ക്ഷണിച്ചു.  സി.സി.ടി.വി ഇന്‍സ്റ്റലേഷന്‍ ടെക്‌നീഷ്യന്‍, ജി.എസ്.ടി അസിസ്റ്റന്റ് എന്നീ കോഴ്‌സുകളിലേക്കാണ് സൗജന്യ പ്രവേശനം. അപേക്ഷ മെയ് 24 വരെ സ്‌കൂള്‍ ഓഫീസില്‍ നല്‍കാം. 15നും 23നും ഇടയില്‍ പ്രായമുള്ള എസ്.എസ്.എല്‍.സി വിജയിച്ചവര്‍ക്ക് അപേക്ഷിക്കാം.

വടക്കഞ്ചേരി ഗവ. ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ കുക്കിങ്, ബേക്കിങ്, മോക്ക്ടെയില്‍ മേക്കിങ് എന്നീ ഹ്രസ്വകാല കോഴ്സുകളിലേക്ക് അഡ്മിഷന്‍ ആരംഭിച്ചു. ആദ്യം വരുന്ന 20 പേര്‍ക്കായിരിക്കും അവസരം. കൂടുതല്‍ വിവരങ്ങള്‍ക്ക് ഫോണ്‍: 04922 256677, 9142190406, 8078036839.

അട്ടപ്പാടി രാജീവ് ഗാന്ധി സ്മാരക ആര്‍ട്‌സ് ആന്‍ഡ് സയന്‍സ് കോളേജില്‍ വിവിധ വിഭാഗങ്ങളില്‍ ഗസ്റ്റ് അധ്യാപക ഒഴിവ്. കൊമേഴ്‌സ് (രണ്ട്), ഇംഗ്ലീഷ്(മൂന്ന്), ഹിന്ദി(ഒന്ന്), എക്കണോമിക്‌സ് (ഒന്ന്), പബ്ലിക് അഡ്മിനിസ്‌ട്രേഷന്‍ (ഒന്ന്), ഫിസിക്കല്‍ എജുക്കേഷന്‍ (ഒന്ന് ) കമ്പ്യൂട്ടര്‍ അപ്ലിക്കേഷന്‍(ഒന്ന്) എന്നീ വിഭാഗങ്ങളിലാണ് ഒഴിവുള്ളത്. ബിരുദാനന്തര ബിരുദവും നെറ്റ്/ പി.എച്ച്.ഡിയും ആണ് അടിസ്ഥാന യോഗ്യത.

പാലക്കാട് ഡിവിഷന്‍ പരിധിയില്‍ ഒലവക്കോട് റെയിഞ്ചിലെ റിസര്‍വ് ഓഫീസ് കോമ്പൗണ്ടിലെ 24 നില്‍പ്പുമരങ്ങള്‍ മെയ് 27 പകല്‍ 11.30 മുതല്‍ 1.30 വരെ ഇ-ലേലം ചെയ്യും. എം.എസ്.റ്റി.സി കമ്പനിയില്‍ ലേലത്തിനായി രജിസ്റ്റര്‍ ചെയ്ത വ്യക്തികള്‍ക്ക് ലേലത്തില്‍ പങ്കെടുക്കാം.

പാലക്കാട് ജില്ലാ സഹകരണ സംഘം ജോയിന്റ് രജിസ്ട്രാര്‍(ജനറല്‍) ഓഫീസിലെ 2010 മോഡല്‍ മഹിന്ദ്ര ബൊലേറോ വാങ്ങുന്നതിനും തിരിച്ച് വാടകയ്ക്ക് നല്‍കുന്നതിനും താല്‍പര്യമുള്ളവരില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷന്‍ മെയ് 31 ന് വൈകീട്ട് അഞ്ച് വരെ സ്വീകരിക്കും. ജൂണ്‍ രണ്ട് രാവിലെ 11 ന് ക്വട്ടേഷന്‍ തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഓഫീസില്‍ ബന്ധപ്പെടുക.
 

കോട്ടായിയില്‍ നിര്‍മ്മിച്ച സബ് രജിസ്ട്രാര്‍  ഓഫീസ് കെട്ടിട ഉദ്ഘാടനത്തിന്റെ ഭാഗമായി സംഘാടകസമിതി രൂപീകരണയോഗം ചേര്‍ന്നു. പി.പി. സുമോദ് എം.എല്‍.എ പരിപാടി ഉദ്ഘാടനം ചെയ്തു. കോട്ടായി ഗ്രാമ പഞ്ചായത്ത് പ്രസിഡന്റ്  എ.സതീഷ് അധ്യക്ഷനായി.

ജില്ലാ എംപ്ലോയ്‌മെന്റ് എക്‌സ്‌ചേഞ്ച് /എംപ്ലോയബിലിറ്റി സെന്റര്‍ ആലത്തൂര്‍ എംപ്ലോയ്‌മെന്റ് എക്‌സ്‌ചേഞ്ചില്‍ മെയ് 26ന് ജോബ് ഡ്രൈവ് നടത്തുന്നു. രാവിലെ പത്ത് മണിക്കാണ് അഭിമുഖം. പ്രമുഖ സ്വകാര്യ സ്ഥാപനത്തിലേക്ക് ഡെവലെപ്‌മെന്റ് മാനേജര്‍, ബിസിനസ്സ് അസ്സോസിയേറ്റ്, സെയില്‍സ് സപ്പോര്‍ട്ട് അസ്സോസിയേറ്റ്, ലൈഫ് മിത്രാസ് എന്നീ ഒഴിവുകളിലേക്കാണ് അഭിമുഖം നടത്തുന്നത്. പത്താം ക്ലാസ്, പ്ലസ് ടു, ഡിഗ്രി യോഗ്യതയുള്ള എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ക്ക് ജോബ് ഡ്രൈവിന്റെ ഭാഗമാവാം.

എലപ്പുള്ളി ഗവണ്‍മെന്റ് എ.പി ഹയര്‍സെക്കന്‍ഡറി സ്‌കൂളിന്റെ പുതിയ കെട്ടിടം എ. പ്രഭാകരന്‍ എം.എല്‍.എ നാടിന് സമര്‍പ്പിച്ചു. പൊതുവിദ്യാഭ്യാസ വകുപ്പിന്റെ ഹയര്‍സെക്കന്‍ഡറി വിഭാഗം 2019 വാര്‍ഷിക പദ്ധതിയില്‍ ഉള്‍പ്പെടുത്തി ഒരു കോടി 30 ലക്ഷം രൂപ ഉപയോഗിച്ചാണ് കെട്ടിടം നിര്‍മിച്ചത്. ജില്ലാ പഞ്ചായത്തിന്റെ പദ്ധതിയില്‍ ഉള്‍പ്പെടുത്തി നവീകരിച്ച ഹയര്‍ സെക്കന്‍ഡറി ബയോളജി ലാബ്, പെണ്‍കുട്ടികളുടെ ശുചിമുറി എന്നിവയുടെ ഉദ്ഘാടനവും നടന്നു. ചടങ്ങ് ജില്ലാ പഞ്ചായത്ത് പ്രസിഡന്റ് കെ.

 പാലാ ഗവ. ജനറൽ ആശുപത്രിയിൽ ആരംഭിക്കുന്ന 360 ഡിഗ്രി മെറ്റബോളിക് ഡിസീസ് മാനേജ്മെന്റ് സെന്ററിന്റെ ഉദ്ഘാടനം ആരോ​ഗ്യം - വനിത- ശിശു വികസന വകുപ്പ് മന്ത്രി വീണാ ജോർജ് ഇന്ന് (വ്യാഴാഴ്ച) രണ്ടിന് നിർവഹിക്കും. പകർച്ചവ്യാധികളല്ലാത്ത വിവിധ രോഗങ്ങളുടെ ചികിത്സയ്ക്കാവശ്യമായ പരിശോധനകൾ ഒറ്റകേന്ദ്രത്തിൽ ലഭ്യമാക്കുന്നതിനുള്ള സൗകര്യമാണിവിടെ ലഭിക്കുന്നത്. ജീവിതശൈലീ രോഗലക്ഷണങ്ങൾ ഗുരുതരമാകും മുൻപ് സങ്കീർണ്ണതകൾ തിരിച്ചറിഞ്ഞ്  ചികിത്സ നൽകാനുള്ള സംവിധാനമാണിത്. പാലാ നഗരസഭയ്ക്ക് ലഭിച്ച  ഹെല്‍ത്ത് ഗ്രാന്‍ഡ് 43 ലക്ഷം രൂപ വിനിയോഗിച്ചാണ് ചികിത്സാവിഭാഗം പ്രവര്‍ത്തനം ആരംഭിക്കുന്നത്.