നിയമസഭ തെരഞ്ഞെടുപ്പിൽ  ജില്ലയിലെ എല്ലാ പോളിംഗ് ബൂത്തുകളുടെ അകത്തും പുറത്തും 
ക്യാമറ കണ്ണുകളുടെ നിരീക്ഷണ ജാഗ്രത. നൂറ് ശതമാനം വെബ് കാസ്റ്റിങ്ങും ബൂത്തിന് പുറത്ത് ക്യാമറ സ്ഥാപിക്കുകയും വഴി കുറ്റമറ്റതും സുതാര്യമായ  തിരഞ്ഞെടുപ്പ് പ്രക്രിയയാണ് ഉറപ്പാക്കുന്നത്. ജില്ലയിലെ ബൂത്തുകളിൽ ക്യാമറകൾ സ്ഥാപിക്കുന്ന പ്രവൃത്തി ദ്രുതഗതിയിൽ പുരോഗമിക്കുകയാണ്. ആകെ 2177 പോളിംഗ് സ്റ്റേഷനുകളാണ് കണ്ണൂർ ജില്ലയിലുള്ളത്. 
 
ബൂത്തിന് പുറത്ത് സ്ഥാപിക്കുന്ന ക്യാമറ വഴി വോട്ടർമാരുടെ നീണ്ട വരി കൃത്യമായി നിരീക്ഷിക്കാൻ സാധിക്കും. 

ഗതാഗത നിയന്ത്രണം 

റോഡ് ടാറിങ് പ്രവൃത്തി നടക്കുന്നതിനാൽ ചാലോട് ടൗൺ ജംഗ്ഷനിൽ ഏപ്രിൽ നാലു മുതൽ ഒരാഴ്ച്ച ഭാഗിക ഗതാഗതം നിയന്ത്രണം ഉണ്ടായിരിക്കും.

വൈദ്യുതി മുടങ്ങും 

കെ.എസ്.ഇ.ബി കണ്ണൂർ വൈദ്യുതി സെക്ഷൻ പരിധിയിൽ  താണ, ടി.കെ  ജംഗ്ഷൻ, ട്രെയിനിങ് സ്കൂൾ, കാൽടെക്സ്, കളക്ടറേറ്റ്  പരിസരം, കെ.എസ്.ആർ.ടി.സി   സ്റ്റാൻഡ്,  താവക്കര എന്നിവിടങ്ങളിൽ ഏപ്രിൽ അഞ്ചിന് രാവിലെ എട്ട്  മുതൽ വൈകുന്നേരം അഞ്ച് വരെ വൈദ്യുതി  മുടങ്ങും.
 
വോട്ടെടുപ്പ് ദിവസം ജീവനക്കാർക്ക് വേതനത്തോട് കൂടിയ അവധി നൽകണം 

നിയമസഭ തിരഞ്ഞെടുപ്പിൽ  കാഴ്ചാപരിമിതി മൂലമോ ശാരീരിക അവശതകൾ മൂലമോ ബാലറ്റ് യുനിറ്റിലെ ചിഹ്നം തിരിച്ചറിയാൻ സാധിക്കാതിരിക്കുകയോ ബാലറ്റ് യൂനിറ്റിൽ സ്വയം വിരലമർത്തി വോട്ട് രേഖപ്പെടുത്താൻ കഴിയാത്തതോ ആയ വോട്ടർമാർക്ക് വോട്ടു രേഖപ്പെടുത്താൻ സഹായിയുടെ സേവനം തേടാമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടർ അറിയിച്ചു. 

ഈ സംവിധാനം കർശനമായ നിയമങ്ങളും നിയന്ത്രണങ്ങളും പാലിച്ചാണ് നടപ്പിലാക്കുന്നത്.

      പശ്ചിമേഷ്യയിലെ നിലവിലെ സംഘർഷ സാഹചര്യം  കണക്കിലെടുത്ത്  യുഎഇ (ഷാർജ) പരീക്ഷാ കേന്ദ്രമായി തിരഞ്ഞെടുത്ത നിരവധി കീം (KEAM) അപേക്ഷകർ  വലിയ ബുദ്ധിമുട്ടുകൾ നേരിടുന്നുണ്ട്.

കൊല്ലം ഇൻഡസ്ട്രിയൽ ട്രൈബ്യൂണൽ സുനിത വിമൽ ഏപ്രിൽ 13, 20, 27  തീയതികളിൽ കോട്ടയം സിവിൽസ്റ്റേഷൻ ബാർ അസോസിയേഷൻ ഹാളിലും 8, 22, 29 തീയതികളിൽ പുനലൂർ മിനിസിവിൽസ്റ്റേഷൻ ബാർ അസോസിയേഷൻ ഹാളിലും 18, 25 തീയതികളിൽ പീരുമേട് ഇൻഡസ്ട്രിയൽ ട്രൈബ്യൂണൽ ഓഫീസിലും 28ന് തൊടുപുഴ കോർട്ട് കോപ്ലക്സിലും മറ്റ് പ്രവൃത്തി ദിനങ്ങളിൽ ആസ്ഥാനത്തും തൊഴിൽ തർക്ക കേസുകളും എംപ്ലോയീസ് ഇൻഷുറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ നടത്തും.

എട്ടാം ക്ലാസ്സ് മുതൽ കുട്ടികൾക്ക് എൻജിനീയറിങ് വിദ്യാഭ്യാസം നൽകുന്ന നെടുമങ്ങാട് സർക്കാർ ടെക്‌നിക്കൽ ഹൈസ്‌കൂളിൽ പ്രവേശനത്തിന് www.polyadmission.org/ths ലിങ്ക് വഴി ഏപ്രിൽ 18 വരെ ഓൺലൈനായി അപേക്ഷിക്കാം. 90 സീറ്റ്.

നിയമസഭാ തെരഞ്ഞെടുപ്പിന്റെ ഭാഗമായി ജില്ലയിലെ മുതിർന്ന പ‍ൗരന്മാർക്കും ഭിന്നശേഷിക്കാർക്കും ഒരുക്കിയ ഹോം വോട്ടിങ് പൂർത്തിയായി. അർഹരായവരിൽ 96 ശതമാനം പേരും ജില്ലയിൽ വോട്ട് രേഖപ്പെടുത്തി. 4438 വോട്ടർമാരിൽ 4317 പേരാണ് താമസ സ്ഥലങ്ങളിൽ വെച്ച് വോട്ട് രേഖപ്പെടുത്തിയത്.

വോട്ടർ അവബോധം ശക്തിപ്പെടുത്തുന്നതിന്റെ ഭാഗമായി മാനന്തവാടി പ്രിയദർശിനി  ഉന്നതിയിൽ വിവിധ പരിപാടികൾ സംഘടിപ്പിച്ചു. മാനന്തവാടി തഹസിൽദാർ പ്രിയ ഉദ്ഘാടനം ചെയ്തു. മാനന്തവാടി ട്രൈബൽ ഡെവലപ്പ്മെന്റ് ഓഫീസർ എം. മജീദ് അധ്യക്ഷനായി.  മാനന്തവാടി ടി.ഇ.ഒ ഷീജ, സോഷ്യൽ വർക്കർ മൃദുല, സ്വീപ് അംഗങ്ങൾ എന്നിവർ പങ്കെടുത്തു.

സ്വീപിന്റെ ഭാഗമായി യുവജനങ്ങളെ ലക്ഷ്യമിട്ട് മാനന്തവാടിയിൽ തെരഞ്ഞെടുപ്പ് ബോധവത്കരണ പരിപാടി സംഘടിപ്പിച്ചു. മാനന്തവാടി മൈജിയിൽ നടന്ന പരിപാടിയിൽ ആദ്യമായി വോട്ട് രേഖപ്പെടുത്താനൊരുങ്ങുന്ന യുവ വോട്ടർമാർക്ക് വോട്ടിന്റെ പ്രാധാന്യവും ആവശ്യകതയും സംബന്ധിച്ച അവബോധം പകർന്നു നൽകി. യുവ വോട്ടർമാരുടെ സംശയങ്ങൾ സ്വീപ് അംഗങ്ങൾ ദൂരീകരിച്ചു. തഹസിൽദാർ എൻ പ്രിയ വോട്ടർമാരുമായി ആശയവിനിമയം നടത്തി. ഓരോ വോട്ടും പ്രധാനമാണെന്നും ഉത്തരവാദിത്വത്തോടെ വോട്ട് ചെയ്യണമെന്നും പൊതുജനങ്ങളോട് അഭ്യർത്ഥിച്ചു.
 

ജനാധിപത്യ പ്രക്രിയയിൽ വോട്ട് രേഖപ്പെടുത്തേണ്ടതിന്റെ പ്രാധാന്യത്തെക്കുറിച്ച് പൊതുജനങ്ങളെ ബോധവാന്മാരാക്കുകയെന്ന ലക്ഷ്യത്തോടെ മാനന്തവാടിയിലെ വിവിധ മേഖലകളിൽ വോട്ടിങ് പ്രചരണ പരിപാടികൾ സംഘടിപ്പിച്ചു. ഉന്നതികൾ, വായനശാലകൾ, കുടുംബശ്രീ യൂണിറ്റുകൾ എന്നിവിടങ്ങൾ കേന്ദ്രീകരിച്ച് പ്രത്യേക ക്ലാസ്സുകൾ സംഘടിപ്പിച്ചു. എന്റെ വോട്ട് എന്റെ അവകാശം എന്ന സന്ദേശം ഉയർത്തിക്കൊണ്ട് താലൂക്കിലെ പ്രധാന കവലകളിലും പൊതുസ്ഥലങ്ങളിലും പോസ്റ്ററുകൾ  പ്രദർശിപ്പിച്ചു. ബോധവത്കരണ പരിപാടിയുടെ ഭാഗമായി വോട്ടർമാർ പ്രതിജ്ഞയെടുത്തു. മാനന്തവാടി തഹസിൽദാർ എൻ പ്രിയയുടെ നേതൃത്ത്വത്തിൽ സ്വീപ് അംഗങ്ങൾ നേതൃത്വം നൽകി.