വിജ്ഞാനകേരളം ജില്ലാതല കൗണ്‍സില്‍ രൂപീകരണ യോഗം കലക്ട്രേറ്റ് കോണ്‍ഫറന്‍സ് ഹാളില്‍ തദ്ദേശസ്വയംഭരണ എക്‌സൈസ് പാര്‍ലമെന്റ് കാര്യവകുപ്പ് മന്ത്രി എം ബി രാജേഷ് ഉദ്ഘാടനം ചെയ്തു.

നോളജ് എക്കോണമി മിഷന്റെ ഭാഗമായി തൊഴിലന്വേഷകരെ കണ്ടെത്തി അവരുടെ വിദ്യാഭ്യാസയോഗ്യതയ്ക്കും അഭിരുചിക്കുമനുസരിച്ചുള്ള തൊഴിലുകള്‍ ലഭ്യമാക്കുകയാണ് വിജ്ഞാനകേരളത്തിന്റെ ലക്ഷ്യം.

പാലക്കാട് പട്ടികവര്‍ഗ ഓഫീസിന്റെ പ്രവര്‍ത്തന പരിധിയിലെ ( അട്ടപ്പാടി ബ്ലോക്ക് ഒഴികെ) എല്‍ പി ക്ലാസുകള്‍ ഉള്ള സര്‍ക്കാര്‍/ എയ്ഡഡ് സ്‌കൂളുകളില്‍ ഗോത്ര ബന്ധു പദ്ധതിയില്‍  മെന്റര്‍ടീച്ചര്‍ ഒഴിവിലേക്ക്  ജൂണ്‍ നാലിന് രാവിലെ പതിനൊന്ന് മണിക്ക് കൂടിക്കാഴ്ച നടക്കും.

ഷൊര്‍ണ്ണൂര്‍ സര്‍ക്കാര്‍ ടെക്‌നിക്കല്‍ ഹൈസ്‌കൂളിലെ എച്ച് എസ് ടി പാര്‍ട്ട് ടൈം മലയാളം തസ്തികിലേക്ക് മെയ് 26 ന് രാവിലെ പത്തിന് നടത്താനിരുന്ന കൂടിക്കാഴ്ച്ച റദ്ദാക്കിയതായി സൂപ്രണ്ട് അറിയിച്ചു. ഫോണ്‍: 0466 2932197.

കൊല്ലങ്കോട് ബ്ലോക്ക് പഞ്ചായത്തിന് കീഴിലുള്ള കൊല്ലങ്കോട് പുതുനഗരം ഗവ പ്രീമെട്രിക് ഹോസ്റ്റലുകളില്‍ ട്യൂട്ടര്‍മാരുടെയും, രണ്ട് മാട്രന്‍ കം റസിഡന്‍ഷ്യല്‍ ട്യൂട്ടര്‍ (ആണ്‍) ഒഴിവുകളിലേക്കും അപേക്ഷിക്കാം.

ഫ്രീഡം 2025 എഡ്യൂക്കേഷന്‍ എക്‌സ്‌പോ ഉദ്ഘാടനം മെയ് 27ന് രാവിലെ 10 ന് കുഴല്‍മന്ദം കളരിക്കല്‍ കണ്‍വെന്‍ഷന്‍ സെന്ററില്‍ കെ.രാധാകൃഷ്ണന്‍ എം.പി നിര്‍വഹിക്കും. കുഴല്‍മന്ദം ബ്ലോക്ക് പഞ്ചായത്ത് പ്രസിഡന്റ് ടി.കെ ദേവദാസ് അധ്യക്ഷനാകും. എം.എല്‍.എമാരായ കെ.ഡി പ്രസേനന്‍, പി.പി സുമോദ്, ജില്ലാ പഞ്ചായത്ത് പ്രസിഡന്റ് കെ.ബിനു മോള്‍ എന്നിവര്‍ മുഖ്യാതിഥികളാകും.  

സംസ്ഥാനത്തെ ആദ്യ അതിദാരിദ്ര്യ മുക്ത നഗരസഭയായി ഷൊര്‍ണൂരിനെ തിരഞ്ഞെടുത്തു. അതിദരിദ്ര പട്ടികയില്‍ ഉണ്ടായിരുന്ന 99 കുടുംബങ്ങളെയും അതിദാരിദ്ര്യത്തില്‍ നിന്ന് മോചിപിച്ചാണ് നഗരസഭ ഈ നേട്ടം കൈവരിച്ചത്. അതിദാരിദ്ര്യ മുക്ത നഗരസഭാ പ്രഖ്യാപനം തദ്ദേശസ്വയംഭരണ എക്സൈസ് പാര്‍ലമെന്ററി കാര്യവകുപ്പ് മന്ത്രി എം ബി രാജേഷ് നിര്‍വഹിച്ചു.

പൊതു വിദ്യാഭ്യാസ വകുപ്പിന് കീഴില്‍ സ്‌കോള്‍ കേരളയുടെ ഉല്ലാസം സമ്മര്‍ ക്യാമ്പ് ഇന്ന്(മെയ് 24) അവസാനിക്കും. കൗമാരക്കാരായ കുട്ടികളില്‍ ഉണ്ടാകുന്ന ലഹരി വര്‍ധനവ്, ഡിജിറ്റല്‍ ദുരുപയോഗം, അക്രമവാസന എന്നിവ ഇല്ലായ്മ ചെയ്ത് സര്‍ഗാത്മകത വളര്‍ത്തുന്ന തരത്തിലുള്ള ക്ലാസുകളും കളികളുമാണ് ക്യാമ്പില്‍ ഉള്‍പ്പെടുത്തിയിരിക്കുന്നത്. കൂടാതെ സൈക്കോളജിസ്റ്റ് ഡോ.രേഖ മാനസികാരോഗ്യ ക്ലാസും എക്സൈസ് ഇന്‍സ്പെക്ടര്‍ ശ്രീലത ലഹരി വിരുദ്ധ ക്ലാസും നടത്തി. വിവിധതരത്തിലുള്ള നാടന്‍ കളികളും ക്യാമ്പില്‍ ഉള്‍പ്പെടുത്തി.