നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയില്‍ ഭിന്നശേഷിക്കാര്‍ക്കും മുതിര്‍ന്ന പൗരന്മാര്‍ക്കുമായി ഒരുക്കിയ ഹോം വോട്ടിങ് പുരോഗമിക്കുന്നു. ജില്ലയിലാകെ വോട്ട് രേഖപ്പെടുത്താന്‍ അര്‍ഹതയുള്ള 14,579 പേരില്‍ 13,874 പേര്‍ ഇതുവരെ സമ്മതിദാനാവകാശം വിനിയോഗിച്ചു. ഇനി 705 പേരാണ് വോട്ട് ചെയ്യാന്‍ ബാക്കിയുള്ളത്.

ജില്ലയിൽ ഹോം വോട്ടിംഗിൽ മികച്ച പങ്കാളിത്തം. ആകെ വോട്ടുകളിൽ 96 ശതമാനം വോട്ടുകളും പോൾ ചെയ്യാനായി. ജില്ലയിൽ 85ന് വയസ്സിന് മുകളിലുള്ള 14,672

നിയമസഭാ തിരഞ്ഞെടുപ്പിന്റെ ഭാഗമായി മലമ്പുഴ ഡാമിലെ ഉദ്യോഗസ്ഥര്‍ക്ക്  തിരഞ്ഞെടുപ്പ് ഡ്യൂട്ടി നിയോഗിച്ചതിനാല്‍ ഉദ്യോഗസ്ഥരുടെ സേവനം ഇന്ന് (ഏപ്രില്‍ അഞ്ച്), ഏട്ട്, ഒമ്പത്, 10 തീയതികളില്‍  ലഭ്യമാവാത്ത സാഹചര്യത്തില്‍ 

ടിക്കറ്റ് വിതരണം ഉള്‍പ്പടെയുള്ള സേവനങ്ങള്‍ തടസ്സപ്പെടുന്നതിനാല്‍ ഈ ദിവസങ്ങളില്‍ ഡാമിന് മുകളിലൂടെ സന്ദര്‍ശകര്‍ക്ക് പ്രവേശനം ഉണ്ടായിരിക്കില്ലെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

നിയമസഭാ തിരഞ്ഞെടുപ്പിനോടനുബന്ധിച്ച് സ്വീപ് ക്യാമ്പയിനിന്റെ ഭാഗമായി മലമ്പുഴ മണ്ഡലത്തിലെ വോട്ടര്‍മാരെ വോട്ടു രേഖപ്പെടുത്തുന്നതിന്റെ പ്രാധാന്യത്തെക്കുറിച്ച് അവബോധം സൃഷ്ടിക്കാനായി നാളെ (ഏപ്രില്‍ ആറ്) മുണ്ടൂര്‍ ബസ് സ്റ്റാന്റ് മുതല്‍ പൊരിയാനി വരെ റാലി നടത്തും. 300 ആളുകളും 30 ട്രാക്ടറുകളും റാലിയില്‍ അണിനിരക്കുമെന്ന് വരണാധികാരിയായ പ്രിന്‍സിപ്പല്‍ കൃഷി ഓഫീസര്‍ അറിയിച്ചു.

പുതുച്ചേരി നിയമസഭയിലേക്കുള്ള പൊതുതെരഞ്ഞെടുപ്പ് നടക്കുന്ന ഏപ്രില്‍ 9ന് കേരളത്തില്‍ താമസിക്കുന്ന പുതുച്ചേരി വോട്ടര്‍മാര്‍ക്ക് സംസ്ഥാന സര്‍ക്കാര്‍ ശമ്പളത്തോടുകൂടിയ അവധി പ്രഖ്യാപിച്ചു. ഇലക്ഷന്‍ കമ്മീഷന്റെ നിര്‍ദ്ദേശാനുസരണം 1951-ലെ ജനപ്രാതിനിധ്യ നിയമത്തിലെ 135 ബി വകുപ്പ് പ്രകാരമാണ് ഉത്തരവ്. വിവിധ വ്യാപാര, വാണിജ്യ, വ്യവസായ സ്ഥാപനങ്ങളിലും മറ്റ് തൊഴിലിടങ്ങളിലും ജോലി ചെയ്യുന്ന പുതുച്ചേരി വോട്ടര്‍മാര്‍ക്ക് അവധിക്ക് അര്‍ഹതയുണ്ട്.

നിയമസഭാ തിരഞ്ഞെടുപ്പിനോടനുബന്ധിച്ച് വോട്ടെടുപ്പ് ദിവസമായ ഏപ്രില്‍ ഒന്‍പതിന് സര്‍ക്കാര്‍/അര്‍ധ സര്‍ക്കാര്‍/ സ്വകാര്യ/ വാണിജ്യ സ്ഥാപനങ്ങള്‍/ ബാങ്കുകള്‍/വിദ്യാഭ്യാസ/ പൊതുമേഖല സ്ഥാപനങ്ങള്‍ക്ക് ഉള്‍പ്പെടെ അവധി പ്രഖ്യാപിച്ചു. ജീവനക്കാര്‍ക്ക് ശമ്പളത്തോടുകുടിയുള്ള അവധിയാണ് പ്രഖ്യാപിച്ചിരിക്കുന്നത്.

നിയമസഭാ തിരഞ്ഞെടുപ്പിന് 48 മണിക്കൂര്‍ മുമ്പും വോട്ടെടുപ്പ് ദിവസവും ദിനപത്രങ്ങള്‍ അടക്കമുള്ള അച്ചടിമാധ്യമങ്ങളില്‍ നല്‍കുന്ന തിരഞ്ഞെടുപ്പ് പരസ്യങ്ങള്‍ക്ക് ജില്ലാതല മീഡിയ മോണിറ്ററിങ് ആന്‍ഡ് മീഡിയ സര്‍ട്ടിഫിക്കേഷന്‍ കമ്മിറ്റിയുടെ (എം.സി.എം.സി) മുന്‍കൂര്‍ അനുമതി നിര്‍ബന്ധം. വോട്ടെടുപ്പ് ദിവസമായ ഏപ്രില്‍ ഒമ്പതിനും തലേദിവസമായ ഏപ്രില്‍ എട്ടിനും പത്രങ്ങളില്‍ പരസ്യം നല്‍കാന്‍ ഉദ്ദേശിക്കുന്ന സ്ഥാനാര്‍ഥികളും വ്യക്തികളും സമിതിയുടെ അംഗീകാരം വാങ്ങിയിരിക്കണം. പരസ്യം പ്രസിദ്ധീകരിക്കാന്‍ ഉദ്ദേശിക്കുന്ന തീയതിക്ക് രണ്ട് ദിവസം മുമ്പെങ്കിലും അപേക്ഷ സമര്‍പ്പിക്കണം.