അധ്യാപക പരിശീലനം  ജില്ലാതല ഉദ്ഘാടനം മാനന്തവാടി ഗവൺമെന്റ് വൊക്കേഷനൽ ഹയർ സെക്കൻഡറി സ്കൂളിൽ പട്ടികജാതി- പട്ടിക വർഗ്ഗ - പിന്നാക്ക ക്ഷേമ വകുപ്പ് മന്ത്രി  ഒ ആർ കേളു  നിർവഹിച്ചു.സമഗ്ര  ഗുണമേന്മ വിദ്യാഭ്യാസ പരിപാടി, വിവിധ വിഷയസംബന്ധിയായ  മൊഡ്യൂളുകൾ, ലഹരി, പോക്സോ തുടങ്ങിയവ സംബന്ധിച്ച് കുട്ടികളും അധ്യാപകരും അറിഞ്ഞിരിക്കേണ്ട നിയമങ്ങൾ എന്നിവയാണ് പരിശീലനത്തിന്റെ പ്രധാന വിഷയങ്ങൾ. അറുപത് കേന്ദ്രങ്ങളിൽ  എഴുപത് ബാച്ചുകളായി അഞ്ച് ദിവസങ്ങളിലായി നടക്കുന്ന പരിശീലനത്തിൽ ഒന്നാം ക്ലാസ് മുതൽ പത്താം ക്ലാസ് വരെയുള്ള  അധ്യാപകരാണ് പങ്കെടുക്കുന്നത്.

മാനന്തവാടി ബ്ലോക്ക് പഞ്ചായത്ത് ജനകീയ ആസൂത്രണ പദ്ധതിയിലുൾപ്പെടുത്തി നിർമ്മിച്ച വഴിയോര വിശ്രമകേന്ദ്രത്തിൻ്റെയും  വനിതാ സംരംഭക സമുച്ചയത്തിൻ്റെയും ശിലാസ്ഥാപന ഉദ്ഘാടനം പട്ടികജാതി - പട്ടികവർഗ്ഗ - പിന്നാക്ക ക്ഷേമ വകുപ്പ് മന്ത്രി ഒ.ആർ കേളു നിർവഹിച്ചു.  മാനന്തവാടി ബ്ലോക്ക് പഞ്ചായത്തിന്റെയും  വിനോദസഞ്ചാര വകുപ്പിന്റെയും സംയുക്താഭിമുഖ്യത്തിൽ 69 ലക്ഷം രൂപ ചെലവഴിച്ചാണ് വഴിയോര വിശ്രമ കേന്ദ്രം ടേക് എ ബ്രേക്ക്  ഒരുക്കിയത്. മാനന്തവാടി നഗരത്തിന്റെ ഹൃദയഭാഗത്ത് 11.095 കോടി  ചെലവിൽ വനിതാ സംരംഭകർക്കായി  പ്രത്യേക വിപണന സമുച്ചയവും  തയ്യാറാക്കി.  മാനന്തവാടി നഗരസഭാ ചെയർപേഴ്സൺ സി.

തൃക്കടീരി ഗ്രാമപഞ്ചായത്തിന്റെ അതിദാരിദ്യ പട്ടികയില്‍ ഉള്‍പ്പെട്ട അഞ്ച് ഗുണഭോക്താക്കള്‍ക്ക്  വീട് വെക്കുന്ന ആവശ്യത്തിലേക്ക് മൂന്ന് സെന്റ് വീതം 15 സെന്റ് സ്ഥലം  നല്‍കാനുള്ളവരില്‍ നിന്ന് താല്‍പര്യപത്രം ക്ഷണിച്ചു. സൗജന്യമായോ സര്‍ക്കാര്‍ നിരക്കിലോ ഗ്രാമ പഞ്ചായത്ത് പരിധിയിലോ പഞ്ചായത്തിന് പുറത്തോ സ്ഥലം നല്‍കാം. താല്‍പര്യമുള്ളവര്‍ മെയ് 23 പകല്‍ മൂന്നിന് മുമ്പായി രേഖകള്‍ സഹിതം പഞ്ചായത്തില്‍ എത്തണമെന്ന് സെക്രട്ടറി അറിയിച്ചു. ഫോണ്‍: 0466 2380042

ജീവനി പദ്ധതിയുടെ ഭാഗമായി അടുത്ത അധ്യായന വര്‍ഷത്തേക്ക് താത്കാലിക സൈക്കോളജിസ്റ്റ് ഓണ്‍ കോണ്‍ട്രാക്ട് തസ്തികയിലേക്ക് നിയമനം നടത്തുന്നു. മെയ് 22 ന് രാവിലെ 10ന് പത്തിരിപ്പാല ഗവ.കോളേജിലാണ് അഭിമുഖം. ഗവ. ആര്‍ട്‌സ് ആന്‍ഡ് സയന്‍സ് കോളേജ്, പത്തിരിപ്പാല, ഗവ. ആര്‍ട്‌സ് ആന്‍ഡ് സയന്‍സ് കോളേജ് തോലനൂര്‍, എം.ഇ.എസ് കോളേജ്, മണ്ണാര്‍ക്കാട്, വി.ടിബി കോളേജ് ശ്രീകൃഷ്ണപുരം എന്നീ കോളേജുകളിലേക്കാണ് നിയമനം. റെഗുലര്‍ സൈക്കോളജി ബിരുദാനന്തര ബിരുദമാണ് യോഗ്യത. താല്‍പര്യമുള്ള ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിന് എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0491 2873999
 

പാലക്കാട് സര്‍ക്കാര്‍ പോളിടെക്‌നിക് കോളേജ് കാന്റീന്‍ രണ്ട് വര്‍ഷ കാലയളവിലേക്ക് നടത്തിപ്പിന് താല്‍പര്യമുള്ളവരില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് 27 ഉച്ചയ്ക്ക് രണ്ട് മണിവരെ സ്വീകരിക്കും. അന്നേദിവസം ഉച്ചകഴിഞ്ഞ് മൂന്ന് മണിക്ക് ക്വട്ടേഷന്‍ തുറന്ന് പരിശോധിക്കുമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0491 2572640

പ്രകൃതിക്ഷോഭവും വിവിധ ദുരന്ത സാഹചര്യങ്ങളും നേരിടുന്നതിന് ജില്ലാതലത്തിൽ പ്രവര്‍ത്തിക്കുന്ന സിവിൽ ഡിഫൻസ് കോറിൽ അംഗമായി പ്രവർത്തിക്കാൻ സന്നദ്ധരായ വിമുക്ത ഭടന്മാരില്‍ നിന്നും അപേക്ഷ ക്ഷണിച്ചു. താല്‍പര്യമുള്ളവര്‍ പാലക്കാട് ജില്ലാ സൈനികക്ഷേമ ഓഫീസുമായി ബന്ധപ്പെടണം. ഫോണ്‍: 0491 2971633

കേരള സംസ്ഥാന ഭൂവിനിയോഗ ബോര്‍ഡിന്റെ ആഭിമുഖ്യത്തില്‍ ഫീസ് അടിസ്ഥാനത്തില്‍ സര്‍ക്കാര്‍ ഇതര ഉദ്യോഗസ്ഥര്‍ക്കായി ജി.ഐ.എസ് സംബന്ധിച്ച ഹ്രസ്വ കാല പരിശീലന പരിപാടി സംഘടിപ്പിക്കുന്നു. മൂന്ന് ദിവസത്തെ പരിശീലന പരിപാടിയില്‍ ജി.ഐ.എസ്, റിമോട്ട് സെന്‍സിങ് വിഷയങ്ങളില്‍ പ്രായോഗിക പരിശീലനം നല്‍കും. 3350 രൂപയാണ് ഫീസ്. താല്പര്യമുള്ള വ്യക്തികള്‍ www.kslub.kerala.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ക്ക് ഫോണ്‍: 0471-2302231,2307830.

പാലക്കാട് പൊതുമരാമത്ത് വകുപ്പ് (ദേശീയപാത ഉപവിഭാഗം) കാര്യാലയത്തിനു കീഴില്‍ വരുന്ന കോഴിക്കോട് - പാലക്കാട് ദേശീയ പാത 966 ല്‍  ചന്ദ്രനഗര്‍ - സുല്‍ത്താന്‍പേട്ട -  വിക്ടോറിയ കോളേജ് - ചുണ്ണാമ്പുത്തറ - ഒലവക്കോട്- മുണ്ടൂര്‍ കല്ലടിക്കോട്- കുമരംപുത്തൂര്‍ - ചുങ്കം നാട്ടുകല്‍ റോഡരികിലെ അനധികൃത കൈയ്യേറ്റങ്ങള്‍ ഒഴിപ്പിക്കും.  കൈയ്യേറ്റങ്ങള്‍ നടത്തിയിട്ടുള്ളവര്‍ക്ക് സ്വമേധയാ ഒഴിഞ്ഞു പോകാന്‍ നോട്ടീസ് നല്‍കിയെന്നും ഇതു വരെ നീക്കം ചെയ്യാത്ത കൈയ്യേറ്റങ്ങള്‍ ഇനിയൊരു മുന്നറിയിപ്പില്ലാതെ നീക്കം ചെയ്യുമെന്നും അസി. എക്‌സിക്യുട്ടീവ് എഞ്ചിനീയര്‍ അറിയിച്ചു.

സംസ്ഥാന സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് മെയ് നാല് മുതല്‍ മെയ് 10 വരെ നടന്ന എന്റെ കേരളം പ്രദര്‍ശന വിപണന മേളയില്‍ പത്ത് ലക്ഷത്തിലധികം വരുമാനവുമായി കുടുംബശ്രീയുടെ ഫുഡ് കോര്‍ട്ട്. ഏഴ് ദിവസത്തെ മേളയില്‍ 11,31,760 രൂപയാണ് കുടുംബശ്രീക്ക് വരുമാനമായി ലഭിച്ചത്.