ജില്ലയിൽ നിയമസഭാ പൊതുതെരഞ്ഞെടുപ്പിന് ഉപയോഗിക്കുന്ന ഇലക്ട്രോണിക് വോട്ടിംഗ് യന്ത്രങ്ങളുടെ (ഇവിഎം) കമ്മീഷനിങ് പൂര്‍ത്തിയായി. ഓരോ മണ്ഡലത്തിലും ഉപയോഗിക്കുന്നതിനുള്ള ബാലറ്റ് യൂണിറ്റുകളിൽ ബാലറ്റ് ലേബലുകൾ പതിപ്പിക്കുകയും ബാലറ്റ്, കൺട്രോൾ, വിവിപാറ്റ് യൂണിറ്റുകൾ പ്രവർത്തന സജ്ജമാക്കി സീൽ ചെയ്യുകയും ചെയ്തു. ജില്ലയിൽ ആകെയുള്ള 715 പോളിങ് സ്റ്റേഷനുകളിലേക്ക് ആവശ്യമുള്ള വോട്ടിങ് മെഷീനുകൾക്ക് പുറമെ അധികമായി 20 ശതമാനം റിസർവ് വോട്ടിങ് മെഷീനുകളും 30 ശതമാനം റിസർവ് വിവിപാറ്റ് മെഷീനുകളും പ്രവർത്തന സജ്ജമാക്കി  കമ്മീഷൻ ചെയ്തിട്ടുണ്ട്.

പുതുച്ചേരി നിയമസഭാ  തെരഞ്ഞെടുപ്പിനോടനുബന്ധിച്ച് കേരളത്തിൽ ജോലി ചെയ്യുന്ന പുതുച്ചേരി വോട്ടർമാർക്ക് വോട്ട് രേഖപ്പെടുത്തുന്നതിനായി ഏപ്രിൽ ഒൻപതിന് (വ്യാഴം) സർക്കാർ ശമ്പളത്തോടുകൂടിയ അവധി പ്രഖ്യാപിച്ചു.  കേരളത്തിലെ വിവിധ സ്ഥാപനങ്ങളിൽ ജോലി ചെയ്യുന്ന പുതുച്ചേരിയിലെ വോട്ടർമാർക്കാണ് ഈ ആനുകൂല്യം ലഭിക്കുക.  സ്വകാര്യ വ്യവസായ സ്ഥാപനങ്ങൾ, വ്യാപാര സ്ഥാപനങ്ങൾ, മറ്റ് ബിസിനസ് സംരംഭങ്ങൾ എന്നിവിടങ്ങളിലെ ജീവനക്കാർക്കും കാഷ്വൽ/ദിവസ വേതനക്കാർക്കും അവധിക്ക് അർഹതയുണ്ട്. 1951-ലെ ജനപ്രാതിനിധ്യ നിയമത്തിലെ സെക്ഷൻ 135B പ്രകാരമാണ് ഈ നടപടി.

സ്വീപിന്റെ ഭാഗമായി പട്ടിക വർഗ വകുപ്പിന്റെ ആഭിമുഖ്യത്തിൽ കോട്ടത്തറ തോണിക്കടവ് ഉന്നതിയിൽ ബോധവത്ക്കരണ പരിപാടി സംഘടിപ്പിച്ചു. പട്ടികവർഗ വകുപ്പ് പ്രൊജക്ട് കോ-ഓർഡിനേറ്റർ  ജി. പ്രമോദ്, എ.പി.ഒ എൻ.ജെ റെജി, ടി.ഇ.ഒ വിനോയ് സെബാസ്റ്റ്യൻ പ്രൊമോട്ടർമാർ, സ്വീപ് വൈത്തിരി താലൂക്ക് മോഡൽ ഓഫീസർ  ദിലീപ്, സ്വീപ് അംഗങ്ങൾ എന്നിവർ പങ്കെടുത്തു.

മലപ്പുറം ജില്ലയിലെ വിവിധ പോളിംഗ് സ്റ്റേഷനുകളില്‍ ഡ്യൂട്ടിക്ക് നിയോഗിച്ചിട്ടുള്ള എല്ലാ പോളിങ് ഉദ്യോഗസ്ഥരും ഏപ്രില്‍ അഞ്ചിന് മുന്‍പായി സോഫ്റ്റ് വെയറിൽ തങ്ങളുടെ ഫോട്ടോ അപ്പ്ലോഡ് ചെയ്ത് ബാങ്ക് അക്കൗണ്ട് അപ്‌ഡേറ്റ് ചെയ്യണം. പോളിങ് ഉദ്യോഗസ്ഥരുടെ ഐ.ഡി കാര്‍ഡുകള്‍ സമയബന്ധിതമായി പ്രിന്റ് ചെയ്യേണ്ടതിനാല്‍ എല്ലാ ഉദ്യോഗസ്ഥരും സമയക്രമം കൃത്യമായി പാലിക്കണമെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ അറിയിച്ചു.

മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമിയുടെ സ്‌കൂള്‍ ഓഫ് മാപ്പിള ആര്‍ട്സ് നടത്തുന്ന വിവിധ മാപ്പിള കലകളിലുള്ള ഡിപ്ലോമ കോഴ്സുകള്‍ക്കും സര്‍ട്ടിഫിക്കറ്റ് കോഴ്സുകള്‍ക്കും ഏപ്രില്‍ 30 വരെ അപേക്ഷിക്കാം. പത്താംതരം യോഗ്യതയുള്ളവര്‍ക്ക് ഡിപ്ലോമ കോഴ്സുകള്‍ക്കും അല്ലാത്തവര്‍ക്ക് സര്‍ട്ടിഫിക്കറ്റ് കോഴ്സുകള്‍ക്കും അപേക്ഷിക്കാം.

നിയമസഭാ തെരഞ്ഞെടുപ്പിനോടനുബന്ധിച്ചുള്ള വിവിധ സ്‌ക്വാഡുകളുടെ പരിശോധനയില്‍ ജില്ലയില്‍ 4,25,85,137 രൂപയുടെ പണവും മദ്യവും മയക്കുമരുന്നുകളും മൊബൈല്‍ ഫോണുകളും മറ്റു വസ്തുക്കളും പിടികൂടി. മാര്‍ച്ച് 15 മുതല്‍ ഏപ്രില്‍ മൂന്ന് വരെയുള്ള ദിവസങ്ങളില്‍ പൊലിസ്, എക്‌സൈസ്, ഇന്‍കം ടാക്‌സ്, സെന്‍ട്രല്‍ ഗുഡ്സ് ആന്‍ഡ് സര്‍വീസസ് ടാക്സ് (സി.ജി.എസ്.ടി), ഡി.ആര്‍.ഐ, ഫ്ളയിംഗ് സ്‌ക്വാഡ്, എസ്.എസ്.ടി എന്നിവ നടത്തിയ പരിശോധനയിലാണ് വസ്തുക്കള്‍ പിടികൂടിയത്.  

സി-വിജില്‍ ആപ്പ് മുഖേന ജില്ലയില്‍ ശനിയാഴ്ച 430 പരാതികള്‍ ലഭിച്ചു. എല്ലാ പരാതികളും പരിഹരിച്ചു. ജില്ലയില്‍ ഇതുവരെ 4057 പരാതികളാണ് സി-വിജില്‍ ആപ്പ് വഴി ലഭിച്ചത്. നിയമസഭാ തെരഞ്ഞെടുപ്പിന്റെ മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് സി - വിജില്‍ ആപ് മുഖേന പൊതുജനങ്ങള്‍ക്ക് നേരിട്ട് പരാതി നല്‍കാം.

നിയമസഭാ തെഞ്ഞെടുപ്പിന്റെ ഒരുക്കങ്ങള്‍ വിലയിരുത്തുന്നതിനായി വിവിധ ചുമതലകള്‍ വഹിക്കുന്ന ജില്ലാതല നോഡല്‍ ഓഫീസര്‍മാരുടെ യോഗം ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഡോ.വിനയ് ഗോയലിന്റെ നേതൃത്വത്തില്‍ ചേര്‍ന്നു. ജില്ലാ കളക്ടറുടെ ചേംബറില്‍ ചേര്‍ന്ന യോഗത്തില്‍ തെരഞ്ഞെടുപ്പുമായി ബന്ധപ്പെട്ട മനുഷ്യവിഭവശേഷി മാനേജ്മെന്റ്, ഗതാഗത സംവിധാനങ്ങള്‍,  ഇ.വി.എം.

ജില്ലയില്‍ നിയമസഭാ തെരഞ്ഞെടുപ്പ് വോട്ടെടുപ്പിന് ഉപയോഗിക്കുന്ന റിസര്‍വിലുള്ള വോട്ടിംഗ്  യന്ത്രങ്ങളുടെയും വി.വി പാറ്റുകളുടെയും ഫസ്റ്റ് സപ്ലിമെന്ററി റാന്‍ഡമൈസേഷന്‍ കളക്ടറുടെ ചേംബറില്‍ നടന്നു . ഇലക്ട്രോണിക് വോട്ടിംഗ് മെഷീനുകള്‍ കമ്മീഷന്‍ ചെയ്തതിനുശേഷം പോളിംഗിന് ആവശ്യമായ യന്ത്രങ്ങളുടെ കരുതല്‍ ഒരു നിശ്ചിത ശതമാനമായി (ഇ.വി.എമ്മിന് 20% ഉം വിവിപാറ്റിന് 30%) വര്‍ധിപ്പിച്ചിരുന്നു.

നിയമസഭാ തെരഞ്ഞെടുപ്പുമായി ബന്ധപ്പെട്ട് ആന്റി ഡീഫേസ്‌മെന്റ് സ്‌ക്വാഡിന്റെ നേതൃത്വത്തില്‍ ജില്ലയില്‍ നടത്തിയ പരിശോധനകളില്‍ ശനിയാഴ്ച 295 പ്രചരണ സാമഗ്രികള്‍ നീക്കം ചെയ്തു. ഇതില്‍ പൊതു ഇടങ്ങളില്‍ വിവിധ രാഷ്ട്രീയ പാര്‍ട്ടികള്‍ സ്ഥാപിച്ച 223 പോസ്റ്ററുകള്‍, 14 ബാനറുകള്‍, 16 മറ്റ് പ്രചരണ സാമഗ്രികള്‍, സ്വകാര്യ ഇടങ്ങളില്‍ സ്ഥാപിച്ചിരുന്ന 42 പോസ്റ്ററുകള്‍ എന്നിവ ഉള്‍പ്പെടുന്നു.