എന്‍.എം.എം.എസ് പരീക്ഷയുടെ കട്ട് ഓഫ് മാര്‍ക്ക് മലപ്പുറം ജില്ലയില്‍ മാത്രം 140 ആക്കിയത്് പൊതുവിദ്യാഭ്യാസ വകുപ്പ് പുന:പരിശോധിക്കണമെന്ന് ഇല്ലാ പഞ്ചായത്ത് പ്രസിഡണ്ട് പി.എ ജബ്ബാര്‍ ഹാജി പറഞ്ഞു. മലപ്പുറം ജില്ലാ പഞ്ചായത്ത് ഹാളില്‍ ഡിജിറ്റല്‍ സ്‌ക്വയര്‍' പദ്ധതിയുടെ സംസ്ഥാനതല ഉദ്ഘാടന പരിപാടിയില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം. മറ്റു പല ജില്ലകളിലും ഇതിനേക്കാള്‍ കുറഞ്ഞ മാര്‍ക്കുള്ളവരെയാണ് സ്‌കോളര്‍ഷിപ്പിന് പരിഗണിക്കുന്നത്. വിദ്യാഭ്യാസ മേഖലയില്‍ സമൂലമായ പരിഷ്‌കാരങ്ങള്‍ നടപ്പാക്കുന്ന വിദ്യാഭ്യാസ മന്ത്രിയെ ജില്ലാ പഞ്ചായത്ത് പ്രസിഡണ്ട് അഭിനന്ദിച്ചു.

സംസ്ഥാനത്തെ ആദ്യ ഭിന്നശേഷി പുനരധിവാസ മാതൃകാ ഗ്രാമമായി പ്രഖ്യാപിക്കപ്പെട്ട മലപ്പുറം ജില്ലയിലെ ആതവനാട് 100 ദിന കര്‍മപരിപാടിയില്‍ ഉള്‍പ്പെടുത്തി പദ്ധതി പൂര്‍ത്തീകരിക്കുമെന്ന് ഫിഷറീസ്-സാമൂഹ്യ നീതി വകുപ്പ് മന്ത്രി വി.ഇ.അബ്ദുല്‍ ഗഫൂറിന്റെ പ്രതിനിധി എ.കെ.മുസ്തഫ മലപ്പുറം ജില്ലാ വികസന സമിതി യോഗത്തില്‍ അറിയിച്ചു.

പെരിന്തല്‍മണ്ണ സബ് റീജിയണല്‍ ട്രാന്‍സ്പോര്‍ട്ട് ഓഫീസിന്റെ പ്രവര്‍ത്തനം പൊതുജനങ്ങള്‍ക്ക് കൂടുതല്‍ സൗകര്യപ്രദമായ രീതിയില്‍ വലിയ കെട്ടിടത്തിലേക്ക് മാറ്റാന്‍ ഉത്തരവായി. പെരിന്തല്‍മണ്ണ ടൗണില്‍ നിന്നും അഞ്ചു കിലോമീറ്റര്‍ പരിധിക്കുള്ളില്‍ 3500 മുതല്‍ 4000 ചതുരശ്ര അടി വരെ വിസ്തീര്‍ണ്ണമുള്ള കെട്ടിടങ്ങള്‍ ആര്‍.ടി.ഓഫീസ് ആവശ്യങ്ങള്‍ക്ക് വാടകയ്ക്ക് നല്‍കാന്‍ താത്്പര്യമുള്ള ഉടമകളില്‍ നിന്ന് അപേക്ഷകള്‍ ക്ഷണിച്ചു. കെട്ടിടം വിട്ടുനല്‍കാന്‍ താത്പര്യമുള്ളവര്‍ പെരിന്തല്‍മണ്ണ ജോയിന്റ് ആര്‍.ടി.ഒ.യുമായി ബന്ധപ്പെടണം. ഫോണ്‍: 04933 220856, 8547639053, 9847227904.

സ്റ്റേറ്റ് റിസോഴ്സ് സെന്ററിന്റെ കീഴില്‍ പ്രവര്‍ത്തിക്കുന്ന കമ്മ്യൂണിറ്റി കോളേജ് നടത്തുന്ന 'ഡിപ്ലോമ ഇന്‍ കളരിപ്പയറ്റ്' രണ്ടാം സെമസ്റ്ററിലേക്ക് ലാറ്ററല്‍ എന്‍ട്രി വഴി പ്രവേശനത്തിന് അപേക്ഷിക്കാനുള്ള തീയതി 2ജൂലൈ 31 വരെ ദീര്‍ഘിപ്പിച്ചു. ജനറല്‍ മാനേജ്മെന്റ് ആന്‍ഡ് അഡ്മിനിസ്ട്രേഷന്‍ കോഴ്സ് പൂര്‍പഠിതാക്കളുടെ സൗകര്യാര്‍ത്ഥം ശനി, ഞായര്‍, പൊതുഅവധി ദിവസങ്ങളിലാണ് കോണ്ടാക്ട് ക്ലാസുകള്‍ സംഘടിപ്പിക്കുന്നത്. മലപ്പുറം ജില്ലയിലെ ചമ്രവട്ടം പാലത്തിന് സമീപമുള്ള 'സ്‌പ്ലെന്‍ഡിഡ് സ്പോര്‍ട്സ് യോഗ ആന്‍ഡ് മാര്‍ഷ്യല്‍ ആര്‍ട്സ് അക്കാദമി'യാണ് ജില്ലയിലെ അംഗീകൃത പഠനകേന്ദ്രം.

വനിത ശിശുവികസന വകുപ്പിന് കീഴിലുള്ള ഐ.സി.ഡി.എസ് മലപ്പുറം അര്‍ബന്‍ പ്രൊജക്ട് പരിധിയിലെ മലപ്പുറം, മഞ്ചേരി മുനിസിപ്പാലിറ്റികളിലെ അങ്കണവാടികളിലേക്ക്  'പോഷകബാല്യം' പദ്ധതിയുടെ ഭാഗമായി പാല്‍, മുട്ട എന്നിവ വിതരണം ചെയ്യുന്നതിന് ടെന്‍ഡറുകള്‍ ക്ഷണിച്ചു. താല്പര്യമുള്ള വ്യക്തികള്‍ക്കും സ്ഥാപനങ്ങള്‍ക്കും അതാത് സെക്ടറിന്റെ നിര്‍വഹണ ചുമതലയുള്ള സൂപ്പര്‍വൈസറുടെ പേരില്‍ പ്രത്യേകം മുദ്രവെച്ച ടെണ്ടറുകള്‍ സമര്‍പ്പിക്കാം. ടെന്‍ഡര്‍ ഫോമുകള്‍ ഓഗസ്റ്റ് 11 ന് ഉച്ചയ്ക്ക രണ്ടിനകം സമര്‍പ്പിക്കണം.  കൂടുതല്‍ വിവരങ്ങളും ടെണ്ടര്‍ ഫോമും മുണ്ടുപറമ്പിലെ  ഐ.സി.ഡി.എസ് മലപ്പുറം അര്‍ബന്‍ ഓഫീസില്‍ ലഭ്യമാണ്.

മലപ്പുറം ഡൗണ്‍ഹില്ലില്‍ പ്രവര്‍ത്തിക്കുന്ന ഗവ. ടീച്ചര്‍ ട്രെയിനിംഗ് ഇന്‍സ്റ്റിറ്റ്യൂട്ടില്‍  2026-28 ബാച്ചിലെ ഡി.എല്‍.എഡ് (ഉര്‍ദ്ദു) ഒഴിവുള്ള സീറ്റുകളിലേക്കുള്ള സ്‌പോട്ട് അഡ്മിഷന്‍ ജൂലൈ 31 വെള്ളിയാഴ്ച രാവിലെ ഒന്‍പതിന് നടക്കും.  അപേക്ഷ സമര്‍പ്പിക്കാത്തവര്‍ക്കും യോഗ്യത അനുസരിച്ച് സ്‌പോട്ട് അഡ്മിഷനില്‍ പങ്കെടുക്കാം. താല്പര്യമുള്ള ഉദ്യോഗാര്‍ത്ഥികള്‍ ആവശ്യമായ അസ്സല്‍ സര്‍ട്ടിഫിക്കറ്റുകള്‍ സഹിതം നിശ്ചിത സമയത്ത് ഓഫീസില്‍ ഹാജരാകണം.

മലപ്പുറം താനൂര്‍ സീമെറ്റ് കോളേജ് ഓഫ് നഴ്സിംഗില്‍ ഡ്രൈവര്‍ തസ്തികയിലേക്ക് ദിവസവേതനാടിസ്ഥാനത്തില്‍ അപേക്ഷ ക്ഷണിച്ചു. പ്രതിദിനം 730 രൂപ നിരക്കിലാണ് നിയമനം. പത്താം ക്ലാസ് യോഗ്യതയും, ഹെവി വെഹിക്കിള്‍ ലൈസന്‍സും, മോട്ടോര്‍ വാഹനം ഓടിച്ച് 10 വര്‍ഷത്തില്‍ കുറയാത്ത പ്രവൃത്തിപരിചയവും (ഇതില്‍ 5 വര്‍ഷം ഹെവി വെഹിക്കിള്‍ ആയിരിക്കണം), പോലീസ് ക്ലിയറന്‍സ് സര്‍ട്ടിഫിക്കറ്റുമുള്ളവര്‍ക്ക് അപേക്ഷിക്കാം. സര്‍ക്കാര്‍ സര്‍വീസില്‍ നിന്ന് വിരമിച്ച യോഗ്യതയുള്ള ഡ്രൈവര്‍മാര്‍ക്കും അപേക്ഷിക്കാവുന്നതാണ്. പരമാവധി പ്രായപരിധി 58 വയസ്സ്.

കേരളാ സ്റ്റേറ്റ് എയ്ഡ്‌സ് കണ്‍ട്രോള്‍ സൊസൈറ്റി, ജില്ലാ ഭരണകൂടം, ജില്ലാ മെഡിക്കല്‍ ഓഫീസ്, നാഷണല്‍ സര്‍വ്വീസ് സ്‌കീം എന്നിവയുടെ സംയുക്താഭിമുഖ്യത്തില്‍ യുവജനങ്ങള്‍ക്കായി ജില്ലാതലത്തില്‍ റെഡ് റിബണ്‍ ക്വിസ് മത്സരവും റെഡ് മാരത്തോണും സംഘടിപ്പിക്കുന്നു. എച്ച്.ഐ.വി/എയ്ഡ്‌സ്, രക്തദാനം, ആരോഗ്യകരമായ ജീവിതശൈലി എന്നിവയെക്കുറിച്ചുള്ള ബോധവത്ക്കരണാര്‍ത്ഥം നടത്തുന്ന ക്വിസ് മത്സരം ഓഗസ്റ്റ് നാലിന് രാവിലെ 10 ന് കോട്ടയ്ക്കല്‍ കുടുംബാരോഗ്യ കേന്ദ്രത്തില്‍ നടക്കും. 8, 9, 11 ക്ലാസ്സുകളിലെ വിദ്യാര്‍ത്ഥികള്‍ക്ക് ഈ മത്സരത്തില്‍ പങ്കെടുക്കാം (ഒരു ബ്ലോക്കില്‍ നിന്ന് രണ്ട് ടീമുകള്‍ വീതം).

ജില്ലാ പോലീസ് മേധാവിയുടെ ക്യാമ്പ് ഓഫീസ് പരിസരത്തെ മുറിച്ചുമാറ്റിയ മരങ്ങളുടെ പൊതു ലേലം ജൂലൈ 27-ന് രാവിലെ 11 ന് ക്യാമ്പ് ഓഫീസ് പരിസരത്ത് നടക്കും. താത്പര്യമുള്ളവര്‍ക്ക് ലേലത്തിന് മുമ്പുള്ള പ്രവൃത്തി ദിവസങ്ങളില്‍ രാവിലെ 11 മുതല്‍ വൈകിട്ട് നാലു വരെ മരങ്ങള്‍ പരിശോധിക്കാം. സീല്‍ ചെയ്ത ദര്‍ഘാസുകള്‍ ജൂലൈ 26 വൈകിട്ട് അഞ്ചിനം ജില്ലാ പോലീസ് മേധാവിയുടെ കാര്യാലയത്തില്‍ ലഭ്യമാക്കണം. ഫോണ്‍- 0483 2734983.

അരീക്കോട് ഗവ. ഐ.ടി.ഐ അരീക്കോടില്‍ ഐ.എം.സി.യുടെ ആഭിമുഖ്യത്തില്‍ നടത്തുന്ന ഡിപ്ലോമ ഇന്‍ ഓയില്‍ ആന്‍ഡ് ഗ്യാസ് ടെക്‌നോളജി കോഴ്‌സിലേക്ക് അപേക്ഷ ക്ഷണിച്ചു. എസ്.എസ്.എല്‍.സി., പ്ലസ് ടു, ഡിഗ്രി, ഡിപ്ലോമ എന്നിവയാണ് യോഗ്യത. ഫോണ്‍- 9526415698, 8086415698.