സംസ്ഥാന സര്‍ക്കാറിന്റെ നാലാം വാര്‍ഷികാഘോഷത്തോടനുബന്ധിച്ച് മെയ് നാല് മുതല്‍ 10 വരെ സ്‌റ്റേഡിയം ബസ് സ്റ്റാന്റിന് സമീപത്തെ മൈതാനത്ത് നടന്ന എന്റെ കേരളം പ്രദര്‍ശന വിപണനമേളയില്‍ മികച്ച സ്റ്റാളുകള്‍ക്കുള്ള അവാര്‍ഡും മികച്ച കവറേജ് നല്‍കിയ മാധ്യമ പ്രവര്‍ത്തകര്‍ക്കുള്ള അവാര്‍ഡ് വിതരണം മെയ് 24ന് നടക്കും. കളക്ടറേറ്റ് കോണ്‍ഫറന്‍സ് ഹാളില്‍ രാവിലെ 10.30ക്ക് നോളജ് എക്കോണമി മിഷന്റെ ജില്ലാ വിജ്ഞാന കേരളം കൗണ്‍സില്‍ രൂപീകരണ യോഗത്തില്‍ വൈദ്യുത വകുപ്പ് മന്ത്രി കെ. കൃഷ്ണന്‍കുട്ടി, തദ്ദേശ സ്വയംഭരണ, എക്‌സൈസ്, പാര്‍ലമെന്ററി കാര്യ മന്ത്രി എം.ബി. രാജേഷ് എന്നിവര്‍ പുരസ്‌കാരങ്ങള്‍ വിതരണം ചെയ്യും.

പാലക്കാട് താലൂക്കില്‍ പി.എച്ച്.എച്ച്, എ.എ.വൈ കാര്‍ഡുകളില്‍ ഉള്‍പ്പെട്ട നിലവില്‍ മസ്റ്ററിങ് ചെയ്യാത്ത ഗുണഭോക്താക്കള്‍ മെയ് 31 നുള്ളില്‍ മസ്റ്ററിങ് ചെയ്യണമെന്ന് താലൂക്ക് സപ്ലൈ ഓഫീസര്‍ അറിയിച്ചു. ഫോണ്‍: 0491-2536872, 9188527391, 9188527791, 9188527792, 9188527793, 9188527794

വടക്കഞ്ചേരി ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ട് സെന്ററില്‍ തൊഴിലധിഷ്ടിത ഹോട്ടല്‍ മാനേജ്മെന്റ് കോഴ്സിലേക്ക് അപേക്ഷിക്കാം. ഫുഡ് പൊഡക്ഷന്‍, ഫുഡ് ആന്‍ഡ് ബിവറേജ് സര്‍വീസ് എന്നീ ഒരു വര്‍ഷ കോഴ്സുകളിലേക്കാണ് അപേക്ഷിക്കേണ്ടത്. പ്ലസ്ടുവാണ് യോഗ്യത. എസ്.സി/എസ്.ടി/ഒ.ഇ.സി വിദ്യാര്‍ഥികള്‍ക്ക് സൗജന്യമായി പഠിക്കാം. www.fcikerala.org വഴി ജൂണ്‍ അഞ്ച് വൈകീട്ട് അഞ്ച് വരെ അപേക്ഷിക്കാം. ഫോണ്‍: 04922 256677, 9142190406, 9605724950

വനം വന്യജീവി വകുപ്പ് സൈലന്റ് വാലി നാഷണല്‍ പാര്‍ക്ക്, സോഷ്യല്‍ ഫോറെസ്റ്ററി ഡിവിഷന്‍ എന്നിവയുടെ സംയുക്താഭിമുഖ്യത്തില്‍ പ്രസ്സ് ക്ലബ്ബിന്റെ സഹകരണത്തോടെ മുക്കാലിയില്‍ നടന്ന വനജാലകം ദ്വിദിന മാധ്യമ ശില്പശാല സമാപിച്ചു. മാധ്യമ ശില്‍പശാലയുടെ ഭാഗമായി വനത്തെ കൂടുതല്‍ പരിചയപ്പെടുക്കുന്നതിനായി  വനം വകുപ്പിന്റെ  നേതൃത്വത്തില്‍ സൈലന്റ് വാലിയിലേക്ക്  സൈരന്ധ്രി യാത്രയും നടത്തി. തുടര്‍ന്ന് രണ്ട് ദിവസം നീണ്ട ശില്‍പശാലയിലൂടെ ലഭിച്ച അനുഭവങ്ങള്‍ മാധ്യമപ്രവര്‍ത്തകരും ബന്ധപ്പെട്ട  വകുപ്പ് അധികൃതരും പങ്കുവച്ചു.

വനിത ശിശു വികസന വകുപ്പിന് കീഴിലുളള ഐ സി ഡി എസ് ഓഫീസിന്റെ ആവശ്യങ്ങള്‍ക്കായി വാടകയ്ക്ക് എ.സി കാര്‍ ലഭ്യമാക്കുന്നതിന്് ടെണ്ടര്‍ ക്ഷണിച്ചു. ടെണ്ടര്‍ ഫോമുകള്‍ ജൂണ്‍ രണ്ട് വരെ ലഭിക്കും. പൂരിപ്പിച്ച ഫോമുകള്‍ അന്നേ ദിവസം ഉച്ചയ്ക്ക് രണ്ട് മണി വരെ സ്വീകരിക്കും, വൈകിട്ട് മൂന്നിന് ടെണ്ടറുകള്‍ തുറക്കുമെന്നും ചിറ്റൂര്‍ ശിശു വികസന പദ്ധതി ഓഫീസര്‍ അറിയിച്ചു. ഫോണ്‍: 04923 273675

ജില്ലയിലെ ക്രമസമാധാനം നിലനിര്‍ത്തുന്നതിനും മതസാമുദായിക സൗഹാര്‍ദം ഉറപ്പാക്കുന്നതിനുമായി നടത്തുന്ന കമ്മ്യൂണല്‍ ഹാര്‍മണി യോഗം മെയ് 27ന് കളക്ടറേറ്റ് കോണ്‍ഫറന്‍സ് ഹാളില്‍ രാവിലെ 11 മണിക്ക് നടക്കുമെന്ന് ജില്ലാ കളക്ടര്‍ അറിയിച്ചു.

വിവിധ രാഷ്ട്രീയ പാര്‍ട്ടികളുടെയും മതസാമുദായിക സംഘടനാ നേതാക്കളും ഉദ്യോഗസ്ഥരും പങ്കെടുക്കും.

കേരളശ്ശേരി ഗ്രാമപഞ്ചായത്തില്‍ വിവിധ ഭവനപദ്ധതികളില്‍ ഉള്‍പ്പെടുത്തി പൂര്‍ത്തിയാക്കിയ വീടുകളുടെ താക്കോല്‍ദാനവും ഗുണഭോക്താക്കളുടെ ുടുംബ സംഗമവും ഇന്ന്(മെയ് 23). രാവിലെ 11 മണിക്ക് വടശ്ശേരി സൗപര്‍ണിക ഓഡിറ്റോറിയത്തില്‍ തദ്ദേശസ്വയംഭരണ എക്‌സൈസ് വകുപ്പ് മന്ത്രി എം.ബി രാജേഷ് ഉദ്ഘാടനം ചെയ്യും. കെ.ശാന്തകുമാരി എം.എല്‍.എ അധ്യക്ഷയാവും. ജില്ലാ പഞ്ചായത്ത് പ്രസിഡന്റ് കെ ബിനുമോള്‍, ബ്ലോക്ക് പഞ്ചായത്ത് പ്രസിഡന്റ് വി സേതുമാധവന്‍ എന്നിവര്‍ മുഖ്യാതിഥിയാവും.

വാണിയംകുളത്തുകാരുടെ സ്വപ്ന പദ്ധതിയായ കമ്മ്യൂണിറ്റി ഹാള്‍ ഇന്ന് (മെയ് 23 ന് )രാവിലെ 10 മണിക്ക് തദ്ദേശസ്വയംഭരണ എക്‌സൈസ് പാര്‍ലമെന്ററി കാര്യവകുപ്പ് മന്ത്രി എം ബി രാജേഷ് നാടിന് സമര്‍പ്പിക്കും. പി മമ്മിക്കുട്ടി എം.എല്‍.എ അധ്യക്ഷനാകും.ഒറ്റപ്പാലം ബ്ലോക്ക് പഞ്ചായത്ത് പ്രസിഡന്റ് ശോഭന രാജേന്ദ്രന്‍ മുഖ്യാതിഥിയാകും. ഗ്രാമപഞ്ചായത്ത് വൈസ് പ്രസിഡന്റ് പി ശ്രീലത, സ്ഥിരം സമിതി അധ്യക്ഷരായ എന്‍.പി കോമള ടീച്ചര്‍, സി സൂരജ്, വി പി സിന്ധു, പി ഹരിദാസന്‍ , ത്രിതല പഞ്ചായത്ത് അംഗങ്ങള്‍,രാഷ്ട്രീയ പാര്‍ട്ടി പ്രതിനിധികള്‍ തുടങ്ങിയവര്‍ പങ്കെടുക്കും.