ലോക സൈക്കിൾ ദിനാചരണത്തിന്റെയും ഒരു വർഷത്തെ സുവർണ ജൂബിലി ആഘോഷങ്ങളുടെയും ഭാഗമായി  നാഷണൽ ട്രാൻസ്‌പോർട്ടേഷൻ പ്ലാനിങ് ആൻഡ് റിസർച്ച് സെന്റർ (നാറ്റ്പാക്) സൈക്ലത്തോൺ 2026 സംഘടിപ്പിച്ചു. സെക്രട്ടറിയേറ്റിനു മുന്നിൽ ചാണ്ടി ഉമ്മൻ എം എൽ എ ഫ്‌ലാഗ് ഓഫ് ചെയ്തു.

2026-27 അധ്യയന വർഷത്തെ ഹയർസെക്കണ്ടറി (വൊക്കേഷണൽ) പ്രവേശനത്തിന്റെ ട്രയൽ അലോട്ട്‌മെന്റ് https://admission.vhseportal.kerala.gov.in 

2026-28 അധ്യയന വർഷത്തെ ഡി എൽ എഡ് കോഴ്‌സിലേക്കുള്ള അഡ്മിഷൻ https://kbpe.kerala.gov.in/deled2026 മുഖേന ജൂൺ 15 ന് വൈകിട്ട് 5 വരെ അപേക്ഷിക്കാം.

സംസ്ഥാനത്ത് ഷിഗെല്ല രോഗം റിപ്പോർട്ട് ചെയ്ത സാഹചര്യത്തിൽ പരിശോധന കർശനമാക്കാൻ ഭക്ഷ്യ സുരക്ഷാ വകുപ്പിന് നിർദ്ദേശം നൽകിയതായി ആരോഗ്യമന്ത്രി കെ മുരളീധരൻ.

MWPSC സ്റ്റേറ്റ് കോ-ഓർഡിനേറ്റർ തസ്തികയിൽ ഒരു വർഷത്തേക്ക് കരാർ നിയമനം നടത്തുന്നതിന് അപേക്ഷ ക്ഷണിച്ചു. സാമൂഹ്യ പ്രവർത്തനം/ സോഷ്യോളജിയിൽ ബിരുദാനന്തര ബിരുദം, വേർഡ് പ്രോസസിംഗിൽ സർക്കാർ അംഗീകൃത കമ്പ്യൂട്ടർ കോഴ്സ് പാസ്, മലയാളം, ഇംഗ്ലീഷ് ഭാഷകളിൽ ടൈപ്പ് റൈറ്റിംഗ് എന്നിവയാണ് യോഗ്യത.

പാലക്കാട് മെഡിക്കൽ കോളേജിന്റെ പ്രവർത്തനം ഊർജ്ജിതമാക്കുവാൻ 100 ദിന കർമ്മപരിപാടികൾ ആവിഷ്‌കരിക്കും:  മന്ത്രി കെ. എ. തുളസി

2026-27 അധ്യയന വർഷത്തിൽ തലശ്ശേരി ഗവ. ബ്രണ്ണൻ കോളേജിൽ അറബിക്, മാത്തമാറ്റിക്സ് വിഭാഗങ്ങളിലേക്ക് അതിഥി അധ്യാപകരെ നിയമിക്കുന്നതിനുള്ള ഷോർട്ട് ലിസ്റ്റ് തയ്യാറാക്കുന്നതിനുള്ള അപേക്ഷകൾ ക്ഷണിച്ചു. ഉദ്യോഗാർത്ഥികൾക്ക് നിലവിലെ യു.ജി.സി റെഗുലേഷൻ ആക്ട് പ്രകാരം അസിസ്റ്റന്റ് പ്രൊഫസർ നിയമനം നേടുന്നതിനുള്ള യോഗ്യത ഉണ്ടായിരിക്കേണ്ടതാണ്. കോളേജ് വിദ്യാഭ്യാസ വകുപ്പ് കോഴിക്കോട് ഡെപ്യൂട്ടി ഡയറക്ടറേറ്റിൽ പേര് രജിസ്റ്റർ ചെയ്തവരുമായിരിക്കണം.

പത്തനംതിട്ട ജില്ലയിലെ ഒരു സർക്കാർ സ്ഥാപനത്തിൽ എം.എസ്.യു-യു.ജി (വെറ്ററിനറി) തസ്തികയിൽ ഒരു താത്ക്കാലിക ഒഴിവുണ്ട്. ബാച്ചിലർ ഓഫ് വെറ്ററിനറി സയൻസ് ആൻഡ് ആനിമൽ ഹസ്ബന്ററിയിൽ ബിരുദവും വേൾഡ് വെറ്ററിനറി സർവീസിൽ നിന്നുള്ള പരിശീലന സർട്ടിഫിക്കറ്റും കെ.എസ്.വി.സി രജിസ്ട്രേഷനുമാണ് യോഗ്യത. മലയാള ഭാഷ അറിയണം. എൽ.എം.വി ലൈസൻസും വേണം.

ഉപഭോക്താക്കൾക്ക് ആശ്വാസമായി കേരഫെഡ് കേര വെളിച്ചെണ്ണയുടെ വില കുറച്ചു. ഒരു ലിറ്റർ പാക്കറ്റിന് 375 രൂപയിൽ നിന്ന് 332 രൂപ ആയിട്ടാണ് കുറച്ചത്. 900 എം.എല്ലിന്റെ പാക്കറ്റിന് 338 രൂപയിൽ നിന്ന് 299 രൂപയും 500 എം.എല്ലിന്റെ പാക്കറ്റിന് 189 രൂപയിൽ നിന്ന് 167 രൂപയായും കുറച്ചിട്ടുണ്ട്.

കേരള സർക്കാർ സ്ഥാപനമായ ഐഎച്ച്ആർഡി യുടെ കീഴിൽ കേരളാ യൂണിവേഴ്സിറ്റി, അഫിലിയേഷൻ ഉള്ള ധനുവച്ചപുരം കോളേജിൽ ബി എസ് സി കമ്പ്യൂട്ടർ സയൻസ് വിത്ത് ഡാറ്റാ സയൻസ്, ബികോം ലോജിസ്റ്റിക്‌സ് ആൻഡ് സപ്ലൈ ചെയിൻ മാനേജ്‌മെന്റ്‌, ബി എസ് സി ഇലക്ട്രോണിക്സ് വിത്ത് റോബോട്ടിക്‌സ്, ബിസിഎ, എംഎസ് സി കമ്പ്യൂട്ടർ സയൻസ് കോഴ്‌സുകളിലെ ഏതാനും ഐഎച്ച്ആർഡി ക്വാട്ടാ സീറ്റുകളിലേക്ക് അപേക്ഷ ക്ഷണിച്ചു.