തിരൂര്‍ ബ്ലോക്ക് പഞ്ചായത്ത് സെക്രട്ടറിയുടെ കാര്യാലയത്തില്‍ ഓഫീസ് ഉപയോഗത്തിന് ഡ്രൈവര്‍ ഉള്‍പ്പെടെ അനുയോജ്യമായ വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. വിശദ വിവരങ്ങള്‍ www.tender.lsg.kerala.gov.in എന്ന വെബ്‌സൈറ്റില്‍ ലഭ്യമാണ്. ഫോണ്‍- 0494-2422696.

എസ്.ആര്‍.സി. കമ്മ്യൂണിറ്റി കോളേജ് നടത്തുന്ന ആറുമാസം ദൈര്‍ഘ്യമുള്ള 'സര്‍ട്ടിഫിക്കറ്റ് ഇന്‍ ലൈഫ് സ്‌കില്‍സ് എഡ്യുക്കേഷന്‍' കോഴ്സിലേക്ക് അപേക്ഷിക്കാനുള്ള തീയതി ജൂലൈ 31 വരെ ദീര്‍ഘിപ്പിച്ചു. 18 വയസ്സ് പൂര്‍ത്തിയായവര്‍ക്ക് ഉയര്‍ന്ന പ്രായപരിധിയില്ലാതെ അപേക്ഷിക്കാവുന്ന ഈ കോഴ്സിന്റെ സമ്പര്‍ക്ക ക്ലാസുകള്‍ ശനി, ഞായര്‍, പൊതുഅവധി ദിവസങ്ങളിലാണ് ക്രമീകരിച്ചിരിക്കുന്നത്. അങ്ങാടിപ്പുറം സോഷ്യല്‍ എംപവര്‍മെന്റ് മിഷനാണ് മലപ്പുറം ജില്ലയിലെ പഠനകേന്ദ്രം. ഫോണ്‍- 9961134801. വെബ്‌സൈറ്റ്- www.srccc.in.

എസ്.ആര്‍.സി കമ്മ്യൂണിറ്റി കോളേജ് 2026 ജൂലൈ സെഷനില്‍ നടത്തുന്ന ആറുമാസം ദൈര്‍ഘ്യമുള്ള 'സര്‍ട്ടിഫിക്കറ്റ് ഇന്‍ റിഥമിക് ഫിറ്റ്‌നസ് ട്രെയിനിംഗ്' കോഴ്സിലേക്ക് അപേക്ഷിക്കാനുള്ള അവസാന തീയതി ജൂലൈ 31 വരെ ദീര്‍ഘിപ്പിച്ചു. പത്താം ക്ലാസ് അല്ലെങ്കില്‍ തത്തുല്യ യോഗ്യതയുള്ളവര്‍ക്ക് അപേക്ഷിക്കാം.ഉയര്‍ന്ന പ്രായപരിധിയില്ല. മലപ്പുറം പുലാമന്തോളിലെ ഗ്രാമോദയം യോഗ സെന്ററാണ് ജില്ലയിലെ പ്രധാന പഠനകേന്ദ്രം. ഫോണ്‍- 9846509735.

സംസ്ഥാന പൊതുവിദ്യാഭ്യാസ വകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ (എസ്.ആര്‍.സി) കമ്മ്യൂണിറ്റി കോളേജ് നടത്തുന്ന ഡിപ്ലോമ ഇന്‍ കൗണ്‍സലിംഗ് സൈക്കോളജി പ്രോഗ്രാമിലെ രണ്ടാം സെമസ്റ്ററിലേക്ക് ലാറ്ററല്‍ എന്‍ട്രി വഴി പ്രവേശനം നേടുന്നതിനുള്ള അപേക്ഷാ തീയതി ജൂലൈ 31 വരെ നീട്ടി. സി.സി.പി കോഴ്സ് പൂര്‍ത്തിയാക്കിയ ബിരുദധാരികള്‍ക്ക് ഈ അവസരം പ്രയോജനപ്പെടുത്താം. ശനി, ഞായര്‍, പൊതുഅവധി ദിവസങ്ങളിലായിരിക്കും സമ്പര്‍ക്ക ക്ലാസുകള്‍ സംഘടിപ്പിക്കുന്നത്. മലപ്പുറം അപ്ഹില്ലിലെ ക്യാമ്പ് ഗൈഡന്‍സ് ആന്‍ഡ് കൗണ്‍സലിംഗ് സെന്ററാണ് ജില്ലയിലെ പ്രധാന പഠനകേന്ദ്രം.

പെരിന്തല്‍മണ്ണ ഗവണ്‍മെന്റ് പോളിടെക്നിക് കോളേജില്‍  റെഗുലര്‍ ഡിപ്ലോമ പ്രവേശനത്തിന് ഒഴിവുള്ള സീറ്റുകളിലേക്ക് ജൂലൈ 29-ന് പ്രവേശനം നടത്തുന്നു. സ്ഥാപന മാറ്റമോ ബ്രാഞ്ച് മാറ്റമോ ആഗ്രഹിക്കുന്നവര്‍ക്കും ഇതുവരെ അപേക്ഷിക്കാത്തവര്‍ക്കും പോളി അഡ്മിഷന്‍ വെബ്‌സൈറ്റിലെ ഒറ്റത്തവണ റജിസ്‌ട്രേഷന്‍ സൗകര്യം ഉപയോഗിച്ച് പങ്കെടുക്കാം. താത്പര്യമുള്ള ഉദ്യോഗാര്‍ത്ഥികള്‍ ജൂലൈ 29-ന് രാവിലെ ഒന്‍പതിനും പത്തിനുമിടയില്‍ ഒറിജിനല്‍ സര്‍ട്ടിഫിക്കറ്റുകളും പ്രോസ്‌പെക്റ്റസ് പ്രകാരമുള്ള ഫീസും സഹിതം കോളേജില്‍ നേരിട്ടെത്തി റജിസ്റ്റര്‍ ചെയ്യണം.

കുടിശിക തുകയായ 8,74000/- രൂപ ഈടാക്കുന്നതിനായി ജപ്തി ചെയ്ത ആലിപ്പറമ്പ് വില്ലേജിലെ സര്‍വേ നമ്പര്‍ 84/1-147 ല്‍ ഉള്‍പ്പെട്ട 01.62 ആര്‍സ് ഭൂമി ജൂലൈ 30 ന് രാവിലെ 11 ന് ആലിപ്പറമ്പ് വില്ലേജ് ഓഫീസ് കോംപൗണ്ടില്‍ ലേലം ചെയ്യും.

സംസ്ഥാന സര്‍ക്കാരിന്റെ 100 ദിന കര്‍മ്മപരിപാടിയുടെ ഭാഗമായി പൊതുവിദ്യാഭ്യാസ വകുപ്പിലെ കൈറ്റ് നടപ്പിലാക്കുന്ന നൂതന പദ്ധതികളുടെ ഭാഗമായി പ്രൈമറി വിഭാഗം പ്രഥമാധ്യാപകരുടെ ശില്‍പ്പശാലയും 'ഡിജിറ്റല്‍ സ്‌ക്വയര്‍' പദ്ധതിയുടെ സംസ്ഥാനതല ഉദ്ഘാടനവും നാളെ (ശനി) മലപ്പുറത്ത് നടക്കും. ജില്ലാ പഞ്ചായത്ത് ഹാളില്‍ ഉച്ചയ്ക്ക് 12:00 ന് നടക്കുന്ന ചടങ്ങില്‍ പൊതുവിദ്യാഭ്യാസ വകുപ്പ് മന്ത്രി എന്‍. ഷംസുദ്ദീന്‍ പ്രഥമാധ്യാപകരുമായി നേരിട്ടും സംസ്ഥാനത്തെ മറ്റ് 13 ജില്ലകളിലെ അധ്യാപകരുമായി ഓണ്‍ലൈനായും സംവദിക്കുകയും പദ്ധതികളുടെ ഉദ്ഘാടനം നിര്‍വഹിക്കുകയും ചെയ്യും. കൈറ്റ് സി.ഇ.ഒ കെ.

മലപ്പുറം ജില്ലയിലെ പ്രൈമറി സ്‌കൂളുകളില്‍ ഇംഗ്ലീഷ് എന്റിച്ച്‌മെന്റ് പ്രോഗ്രാമിനായി റിസോഴ്‌സ് അധ്യാപകരെ തിരഞ്ഞെടുക്കാന്‍ ജൂലൈ 28-ന് നിശ്ചയിച്ചിരുന്ന അഭിമുഖം ആഗസ്റ്റ് ഒന്നിന് രാവിലെ 10:30-ന് മലപ്പുറം വിദ്യാഭ്യാസ ഉപഡയറക്ടറുടെ കാര്യാലയത്തില്‍ നടക്കും. ഇംഗ്ലീഷ് ഭാഷയില്‍ ബിരുദവും, ടി.ടി.സി / ഡി.എഡ് / ഡി.എല്‍.എഡ് / ബി.എഡ് യോഗ്യതയുമുള്ളവര്‍ക്ക് പങ്കെടുക്കാം. കമ്മ്യൂണിക്കേറ്റീവ് ഇംഗ്ലീഷ് ട്രെയിനിങ് പൂര്‍ത്തിയാക്കിയവര്‍ക്കും അസാപ് പരിശീലനം നേടിയവര്‍ക്കും മുന്‍ഗണന ലഭിക്കും. താത്പര്യമുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിന് ഹാജരാകണം. ഫോണ്‍-0483-2734888.

*

എസ് എസ് എൽ സി, പ്ലസ് ടു, ഡിഗ്രി പരീക്ഷകളിലും കലാ കായീക സംസ്കാരീക രംഗങ്ങളിലെ പ്രതിഭകളെ ആദരിക്കാൻ കാട്ടകാമ്പാൽ ഗ്രാമപഞ്ചായത്ത് 

 നടത്തിയ മികവ് 2026 കായിക, യുവജനക്ഷേമ വകുപ്പ് മന്ത്രി ഒ.. ജെ ജനീഷ് ഉദ്ഘാടനം ചെയ്തു 

കായിക രംഗത്ത് യുവജനങ്ങൾക്ക് പുതിയ അവസരങ്ങളും പ്രതീക്ഷകളും ഉറപ്പാക്കാൻ സർക്കാരിന്റെ കൃത്യമായ ഇടപെടലുകൾ ഉണ്ടാകുമെന്ന് മന്ത്രി പറഞ്ഞു.

ചിറക്കൽ അറഫാ പാൽസിൽ നടന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് കെ ജയശങ്കർ അധ്യക്ഷനായി .

ടെക്‌നോസ്റ്റിക് കോർപ്പറേഷൻ ചെയർമാൻ വി എ പ്രമോഷ് മുഖ്യാഥിതിയായി.

2026-ലെ എസ്. എസ്. എൽ. സി., പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർത്ഥികളെ ആദരിക്കാൻ മുള്ളൂർക്കര ഗ്രാമപഞ്ചായത്ത് സംഘടിപ്പിച്ച 'ആദരം 2026' കായിക യുവജനക്ഷേമ വകുപ്പ് മന്ത്രി ഒ ജെ ജനിഷ് ഉദ്ഘാടനം ചെയ്തു. 

 100 ശതമാനം വിജയം കൈവരിച്ച എൻ. എസ്. എസ്. ഹൈസ്കൂളിനെയും മുള്ളൂർക്കര ഹോളിക്രോസ് സ്കൂളിനെയും പരിപാടിയിൽ ആദരിച്ചു. 

 കലയും കായികരംഗവുമാകണം പുതിയ തലമുറയുടെ ലഹരി. സമൂഹത്തിനും സഹജീവികൾക്കും ഉപകാരപ്രദമായ പ്രവർത്തനങ്ങളിലാണ് യുവത്വം ആനന്ദം കണ്ടെത്തേണ്ടതെന്ന് മന്ത്രി പറഞ്ഞു.