തോട്ടയ്ക്കാട് സാമൂഹിക ആരോഗ്യ കേന്ദ്രത്തിൽ ലാബ് ടെക്നിഷ്യൻ തസ്തികയിൽ ദിവസവേതനാടിസ്ഥാനത്തിൽ നിയമനം നടത്തുന്നതിന് ജൂൺ 19 രാവിലെ 10 മണിക്ക് അഭിമുഖം നടത്തും. യോഗ്യത: പ്ലസ് ടു, ഡി.എം.എൽ.ടി/ബി.എസ്.സി. എം.എൽ.ടി, കേരള പാരാമെഡിക്കൽ കൗൺസിൽ രജിസ്‌ട്രേഷൻ. പ്രായപരിധി:  40 വയസ്. സമീപപ്രദേശങ്ങളിലുള്ളവർക്കു മുൻഗണന.

കോന്നി സി.എഫ്.ആർ.ഡിയുടെ ഉടമസ്ഥതയിലുള്ള കോളജ് ഓഫ് ഇൻഡിജിനസ് ഫുഡ് ടെക്‌നോളജി (സി.എഫ്.റ്റി.കെ) നടത്തുന്ന ബി.എസ്.സി ആൻഡ് എം.എസ്.സി ഫുഡ് ടെക്‌നോളജി ആൻഡ് ക്വാളിറ്റി അഷുറൻസ് കോഴ്സിന്റെ മാനേജെന്റ് ക്വാട്ടായിലേക്കുള്ള അഡ്മിഷൻ ആരംഭിച്ചു. ഫോൺ: 0468-2240047, 9562147793, 9846585609, 9074566097 , വെബ്‌സൈറ്റ്: www.supplycokerala.com

ഈരാറ്റുപേട്ട കുടുംബാരോഗ്യകേന്ദ്രത്തിൽ ആശാ വർക്കറെ (എൻഎച്ച്എം) നിയമിക്കുന്നു.  25- 45 വയസ്  പ്രായവും പ്രവൃത്തി പരിചയവുമുള്ള നഗരസഭ പതിനൊന്നാം വാർഡിലെ സ്ഥിരതാമസക്കാരായ വിവാഹിതരായ സ്ത്രീകൾക്ക് അപേക്ഷിക്കാം.
യോഗ്യത, ((10 ക്ലാസ്സ് പാസ്) പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളുമായി ജൂൺ 12 രാവിലെ 10.30ന് ഈരാറ്റുപേട്ട നഗരസഭയിൽ ഹാജരാകണം. 

മെഡിക്കൽ/ എൻജിനീയറിംഗ് എൻട്രൻസ് പരീക്ഷാ പരിശീലനത്തിന് ആറുമാസത്തിൽ കുറയാത്ത കാലയളവിൽ പങ്കെടുത്ത് എൻട്രൻസ് പരീക്ഷ എഴുതിയ വിമുക്ത ഭടന്മാരുടെ മക്കൾക്കുള്ള സാമ്പത്തിക സഹായത്തിന് serviceonline.gov.in/kerala എന്ന വെബ്‌സൈറ്റ് വഴി ജൂലൈ 25 വൈകിട്ട് 5 മണി വരെ അപേക്ഷിക്കാം. വിശദ വിവരങ്ങൾക്ക് ജില്ലാ സൈനിക ക്ഷേമ ഓഫീസുമായി ബന്ധപ്പെടാം. ഫോൺ: 0481-2371187.

 മീനച്ചിൽ താലൂക്കിലെ മഴക്കാല മുന്നൊരുക്കങ്ങൾ അവലോകനം ചെയ്യുന്നതിനായി  മാണി സി. കാപ്പൻ എം.എൽ.എയുടെ അധ്യക്ഷതയിൽ യോഗം ചേർന്നു. മഴ ശക്തമാകുന്ന സാഹചര്യത്തിൽ ജനങ്ങൾക്ക് ബുദ്ധിമുട്ടുണ്ടാകാതിരിക്കാൻ  എല്ലാ വകുപ്പുകളും തദ്ദേശ സ്ഥാപനങ്ങളും കൂടുതൽ കരുതലോടെ പ്രവർത്തിക്കണമെന്ന് എം.എൽ.എ പറഞ്ഞു.   താലൂക്കുതല ദുരന്ത നിവാരണ സമിതി യോഗത്തിന്റെ തീരുമാനങ്ങളുടെ പുരോഗതി യോഗം വിലയിരുത്തി. അടിയന്തര സാഹചര്യമുണ്ടായാൽ നേരിടുന്നതിന് സജ്ജരായിരിക്കണമെന്ന് എല്ലാ വകുപ്പ് ഉദ്യോഗസ്ഥർക്കും നിർദ്ദേശം നൽകി.  ദുരന്ത നിവാരണ പ്രവർത്തനങ്ങളുടെ ഏകോപനത്തിനായി താലൂക്ക് ഓഫീസിൽ  ക്രമീകരണമേർപ്പെടുത്തിയിട്ടുണ്ട്.

 തൃശ്ശൂരിലെ കേരള പോലീസ് അക്കാദമിയില്‍ പരിശീലനം പൂര്‍ത്തിയാക്കിയ 21-എ ബാച്ചിലെ 44 വനിതാ പോലീസ് ഉദ്യോഗസ്ഥരുടെ പാസിംഗ് ഔട്ട് പരേഡ് നാളെ (ജൂണ്‍ 8) രാവിലെ 8 ന് കേരള പോലീസ് അക്കാദമി പരേഡ് ഗ്രൗണ്ടില്‍ നടക്കും. ആംഡ് പോലീസ് ബറ്റാലിയന്‍ എ.ഡി.ജി.പി ദിനേന്ദ്ര കശ്യപ് പരേഡില്‍ അഭിവാദ്യം സ്വീകരിക്കും.

ഒരു ടി.വി വേണമെന്ന രാമവർമ്മപുരം സർക്കാർ വൃദ്ധസദനത്തിലെ അന്തേവാസികളുടെ ദീർഘനാളത്തെ ആഗ്രഹം യാഥാർത്ഥ്യമാക്കി ജില്ലാ കളക്ടർ ശിഖ സുരേന്ദ്രൻ. കഴിഞ്ഞ നിയമസഭാ തിരഞ്ഞെടുപ്പ് കാലത്ത് വോട്ടർ ബോധവത്കരണ പരിപാടിയുടെ ഭാഗമായി വൃദ്ധസദനം സന്ദർശിച്ച കളക്ടറോട് തങ്ങളുടെ ആഗ്രഹം അന്തേവാസികൾ അറിയിച്ചിരുന്നു. 

 ചാലക്കുടി താലൂക്ക് മറ്റത്തൂർ പഞ്ചായത്ത് പരിധിയിൽ മണ്ണിടിച്ചിൽ സാധ്യത നിലനിൽക്കുന്ന കോടശ്ശേരി മലയുടെ സമീപത്തുള്ള ആറേശ്വരം പ്രദേശത്തെ അഞ്ച് കുടുംബങ്ങളെ മറ്റത്തൂർ ഗവണ്മെന്റ് എൽ പി സ്‌കൂളിൽ ആരംഭിച്ചിട്ടുള്ള ദുരിതാശ്വാസ ക്യാമ്പിലേക്ക് മാറ്റി പാർപ്പിച്ചു. ഈ ക്യാമ്പ് പ്രവർത്തിക്കുന്ന അവിട്ടപ്പിള്ളി ഗവ. എൽ.പി. സ്‌കൂളിലെ എൽകെജി, യുകെജി വിഭാഗത്തിന് ഇന്ന് ( 08/06/2026 തിങ്കളാഴ്‌ച ) അവധി പ്രഖ്യാപിച്ച് ജില്ലാ കളക്ടർ ഉത്തരവായി.

ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്ലൂം ടെക്‌നോളജി, കണ്ണൂരില്‍ ജൂനിയര്‍ ഇന്‍സ്ട്രക്ടര്‍ (ടെയിലറിംഗ് ആന്‍ഡ് ഗാര്‍മെന്റ് മേക്കിംഗ്) തസ്തികയില്‍ കരാറടിസ്ഥാനത്തില്‍ നിയമനം നടത്തുന്നു. എസ്.എസ്.എല്‍.സി., കെ.ജി.ടി.ഇ. (ടെയിലറിംഗ്) അല്ലെങ്കില്‍ എഫ്.ഡി.ജി.ടി ഗാര്‍മെന്റ് ലാബില്‍ തിയറി, പ്രായോഗിക ക്ലാസുകള്‍ എന്നിവ കൈകാര്യം ചെയ്തിട്ടുള്ള കുറഞ്ഞത് രണ്ട് വര്‍ഷത്തെ പ്രവൃത്തിപരിചയം എന്നീ യോഗ്യതകളുള്ളവര്‍ക്ക് അപേക്ഷിക്കാം.

അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ്) ചാത്തന്നൂരില്‍ നടത്തുന്ന ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ് ട്രെയിനിംഗ് കോഴ്‌സിലേക്ക് അപേക്ഷ ക്ഷണിച്ചു. തിയറി, പ്രായോഗിക പരിശീലനം, ഹാന്‍ഡ്‌സ്-ഓണ്‍ അനുഭവം എന്നിവ ഉള്‍ക്കൊള്ളുന്നതാണ് കോഴ്‌സ്. പ്ലസ് ടു യോഗ്യതയുള്ളവര്‍ക്ക് ജൂണ്‍ 20 നകം അപേക്ഷിക്കാം. രജിസ്‌ട്രേഷന്‍ ലിങ്ക്- https://forms.gle/NqSdC8w6qRrGDbiu9
ഫോണ്‍: 9495999721.