കേരള സര്‍ക്കാര്‍ സ്ഥാപനമായ കേരള സ്റ്റേറ്റ് റൂട്രോണിക്സ് പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷിക്കാം.തിരുവനന്തപുരം ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരു വര്‍ഷത്തെ കോഴ്‌സിനാണ് അപേക്ഷിക്കേണ്ടത്. ഇന്റ്റേണ്‍ഷിപ്പോടുകൂടി റഗുലര്‍, പാര്‍ട്ട് ടൈം ബാച്ചുകളിലേക്ക് +2 കഴിഞ്ഞവര്‍ക്കാണ് അവസരം. ഫോണ്‍: 7994926081

മീസില്‍സ്, റൂബെല്ല രോഗ നിവാരണ കാംപയിനിന്റെ ഭാഗമായി കളക്ടറേറ്റ് കോണ്‍ഫറന്‍സ് ഹാളില്‍

ചിറ്റൂര്‍ എംപ്ലോയ്‌മെന്റ് എക്‌സ്‌ചെഞ്ചിനോടനുബന്ധിച്ച് പ്രവര്‍ത്തിക്കുന്ന കരിയര്‍ ഡെവലപ്‌മെന്റ് സെന്ററില്‍ വേര്‍ഡ് പ്രൊസസിങ് ആന്‍ഡ് പൈത്തണ്‍ ക്ലാസിലേക്ക് അപേക്ഷ ക്ഷണിച്ചു. താല്‍പര്യമുള്ളവര്‍ മെയ് 31 ന് വൈകീട്ട് അഞ്ചിന് മുന്‍പായി ചിറ്റൂര്‍ സി.ഡി.സിയില്‍ നേരിട്ടോ ഫോണ്‍ വഴിയോ രജിസ്റ്റര്‍ ചെയ്യണമെന്ന് എംപ്ലോയ്‌മെന്റ് ഓഫീസര്‍ അറിയിച്ചു. ഫോണ്‍: 04923 223297

കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് (കിക്മ)ല്‍ സൗജന്യ കെ-മാറ്റ് പരിശീലനം നടത്തുന്നു. എം.ബി.എ പ്രവേശന പരീക്ഷയായ കെ-മാറ്റിന് തയ്യാറെടുക്കുന്ന വിദ്യാര്‍ഥികള്‍ക്കായാണ് സൗജന്യ ഓണ്‍ലൈന്‍ പരിശീലന പരിപാടി നടത്തുന്നത്.

ഗവ. പ്രീ-എക്‌സാമിനേഷന്‍ ട്രെയിനിങ് സെന്ററില്‍ വിവിധ കോഴ്‌സുകളിലേക്ക് അപേക്ഷ ക്ഷണിച്ചു. ഡാറ്റാ എന്‍ട്രി ആന്റ് ഓഫീസ് ഓട്ടോമേഷന്‍, ഡി.റ്റി.പി എന്നീ ത്രൈമാസ സൗജന്യ കമ്പ്യൂട്ടര്‍ കോഴ്‌സുകളിലേക്കാണ് അപേക്ഷിക്കേണ്ടത്. പ്ലസ്ടു /തത്തുല്യ പരീക്ഷ പാസ്സായ പട്ടികജാതി പട്ടിക വര്‍ഗ വിദ്യാര്‍ഥികള്‍ക്കാണ് അവസരം. തിരഞ്ഞെടുക്കുന്ന പരിശീലനാര്‍ഥികള്‍ക്ക് സ്റ്റൈപന്റ് നല്‍കുന്നതാണ്. അപേക്ഷകള്‍ മെയ് 30 വൈകീട്ട് അഞ്ചിനുള്ളില്‍ കുഴല്‍മന്ദം ഗവ.പ്രീ-എക്‌സാമിനേഷന്‍ ട്രെയിനിങ് സെന്ററില്‍ നല്‍കണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 8606081516

വാണിയംകുളത്തുകാരുടെ സ്വപ്ന പദ്ധതിയായ കമ്മ്യൂണിറ്റി ഹാള്‍ നാളെ രാവിലെ (മെയ് 23 ന് ) 10ന്് തദ്ദേശസ്വയംഭരണ എക്‌സൈസ് പാര്‍ലമെന്ററി കാര്യവകുപ്പ് മന്ത്രി എം.ബി രാജേഷ് നാടിന് സമര്‍പ്പിക്കും. പി മമ്മിക്കുട്ടി എം.എല്‍.എ അധ്യക്ഷനാകും. ഒറ്റപ്പാലം ബ്ലോക്ക് പഞ്ചായത്ത് പ്രസിഡന്റ് ശോഭന രാജേന്ദ്രന്‍ മുഖ്യാതിഥിയാകും.

കുറുപ്പത്തുകാട് തോട്ടുപാലത്തിന്റെയും ഫാം റോഡിന്റെയും നിര്‍മ്മാണ ഉദ്ഘാടനം ഇന്ന് (മെയ് 22). വൈകിട്ട് 4.30 ന് പി.പി സുമോദ് എം.എല്‍.എ ഉദ്ഘാടനം ചെയ്യും. തരൂര്‍ ഗ്രാമപഞ്ചായത്ത് പ്രസിഡന്റ് ഇ. രമണി അധ്യക്ഷയാവും.

പി.പി സുമോദ് എം.എല്‍.എയുടെ 2023-24 വര്‍ഷത്തെ ആസ്തി വികസന ഫണ്ടില്‍ നിന്ന് 20 ലക്ഷം രൂപ വിനിയോഗിച്ചാണ് കുറുപ്പത്തുകാട് തോട്ടുപാലത്തിന്റെയും ഫാം റോഡിന്റെയും പണി പൂര്‍ത്തിയാക്കിയത്.

തൃത്താല നിയോജകമണ്ഡലത്തിലെ തൃത്താല- പട്ടാമ്പി റോഡിന് സമീപമുള്ള കൂമന്‍തോട് പാലത്തിനും റോഡിനും കരുത്തേകാന്‍ പാര്‍ശ്വഭിത്തിയൊരുങ്ങി. തദ്ദേശ സ്വയംഭരണ എക്‌സൈസ് പാര്‍ലമെന്ററി മന്ത്രി എം.ബി രാജേഷിന്റെ നിര്‍ദ്ദേശ പ്രകാരം ആധുനിക ഗാബിയോണ്‍ രീതി അവലംബിച്ചാണ് കുമന്‍തോട് പാലത്തെയും റോഡിനേയും സംരക്ഷിക്കാന്‍ പദ്ധതിയൊരുക്കിയത്. കിഫ്ബി ഫണ്ടില്‍ നിന്നും 50 ലക്ഷം രൂപയോളം വിനിയോഗിച്ചാണ് പദ്ധതി നടപ്പിലാക്കുന്നത്.