മലപ്പുറം ജില്ലയിലെ പ്രൈമറി സ്‌കൂളുകളില്‍ ഇംഗ്ലീഷ് എന്റിച്ച്‌മെന്റ് പ്രോഗ്രാമിനായി റിസോഴ്‌സ് അധ്യാപകരെ തിരഞ്ഞെടുക്കാന്‍ ജൂലൈ 28-ന് നിശ്ചയിച്ചിരുന്ന അഭിമുഖം ആഗസ്റ്റ് ഒന്നിന് രാവിലെ 10:30-ന് മലപ്പുറം വിദ്യാഭ്യാസ ഉപഡയറക്ടറുടെ കാര്യാലയത്തില്‍ നടക്കും. ഇംഗ്ലീഷ് ഭാഷയില്‍ ബിരുദവും, ടി.ടി.സി / ഡി.എഡ് / ഡി.എല്‍.എഡ് / ബി.എഡ് യോഗ്യതയുമുള്ളവര്‍ക്ക് പങ്കെടുക്കാം. കമ്മ്യൂണിക്കേറ്റീവ് ഇംഗ്ലീഷ് ട്രെയിനിങ് പൂര്‍ത്തിയാക്കിയവര്‍ക്കും അസാപ് പരിശീലനം നേടിയവര്‍ക്കും മുന്‍ഗണന ലഭിക്കും. താത്പര്യമുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിന് ഹാജരാകണം. ഫോണ്‍-0483-2734888.

*

എസ് എസ് എൽ സി, പ്ലസ് ടു, ഡിഗ്രി പരീക്ഷകളിലും കലാ കായീക സംസ്കാരീക രംഗങ്ങളിലെ പ്രതിഭകളെ ആദരിക്കാൻ കാട്ടകാമ്പാൽ ഗ്രാമപഞ്ചായത്ത് 

 നടത്തിയ മികവ് 2026 കായിക, യുവജനക്ഷേമ വകുപ്പ് മന്ത്രി ഒ.. ജെ ജനീഷ് ഉദ്ഘാടനം ചെയ്തു 

കായിക രംഗത്ത് യുവജനങ്ങൾക്ക് പുതിയ അവസരങ്ങളും പ്രതീക്ഷകളും ഉറപ്പാക്കാൻ സർക്കാരിന്റെ കൃത്യമായ ഇടപെടലുകൾ ഉണ്ടാകുമെന്ന് മന്ത്രി പറഞ്ഞു.

ചിറക്കൽ അറഫാ പാൽസിൽ നടന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് കെ ജയശങ്കർ അധ്യക്ഷനായി .

ടെക്‌നോസ്റ്റിക് കോർപ്പറേഷൻ ചെയർമാൻ വി എ പ്രമോഷ് മുഖ്യാഥിതിയായി.

2026-ലെ എസ്. എസ്. എൽ. സി., പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർത്ഥികളെ ആദരിക്കാൻ മുള്ളൂർക്കര ഗ്രാമപഞ്ചായത്ത് സംഘടിപ്പിച്ച 'ആദരം 2026' കായിക യുവജനക്ഷേമ വകുപ്പ് മന്ത്രി ഒ ജെ ജനിഷ് ഉദ്ഘാടനം ചെയ്തു. 

 100 ശതമാനം വിജയം കൈവരിച്ച എൻ. എസ്. എസ്. ഹൈസ്കൂളിനെയും മുള്ളൂർക്കര ഹോളിക്രോസ് സ്കൂളിനെയും പരിപാടിയിൽ ആദരിച്ചു. 

 കലയും കായികരംഗവുമാകണം പുതിയ തലമുറയുടെ ലഹരി. സമൂഹത്തിനും സഹജീവികൾക്കും ഉപകാരപ്രദമായ പ്രവർത്തനങ്ങളിലാണ് യുവത്വം ആനന്ദം കണ്ടെത്തേണ്ടതെന്ന് മന്ത്രി പറഞ്ഞു.

അഴീക്കോട് മേഖല ചെമ്മീൻ വിത്തുൽപ്പാദന കേന്ദ്രത്തിലെ കാരചെമ്മീൻ യൂണിറ്റിലേക്ക് ആവശ്യമായ ലാർവൽ തീറ്റ വിതരണം ചെയ്യുന്നതിനായി  ടെണ്ടറുകൾ ക്ഷണിച്ചു. താത്പര്യമുള്ളവർക്ക് ഓഗസ്റ്റ് നാലിന് രാവിലെ 11.00 വരെ ടെണ്ടറുകൾ സമർപ്പിക്കാം. ഫോൺ- 0480-2819698.

കേരള ജലസേചന വകുപ്പിന് കീഴിലുള്ള പീച്ചി ഇറിഗേഷൻ പ്രൊജക്‌ടിന്റെ വലതുകര മെയിൻ കനാലിന്റെ അതിർത്തിയിൽ (രാജീവ് ഗാന്ധി ഉന്നതിക്ക് സമീപം) നിൽക്കുന്ന രണ്ട് മരങ്ങൾ (ഒരു പ്ലാവ്, ഒരു മാവ്) പരസ്യമായി പുനർലേലം ചെയ്യുന്നു. പീച്ചി ഹെഡ് വർക്സ് സബ് ഡിവിഷൻ അസിസ്റ്റന്റ് എക്സ്ക്യൂട്ടീവ് എഞ്ചിനീയറുടെ ഓഫീസിൽ  ജൂലൈ 29-ന് രാവിലെ 11:00നാണ് ലേലം. ഫോൺ : 9447768719.

കേരള നെൽവയൽ തണ്ണീർത്തട സംരക്ഷണ നിയമപ്രകാരമുള്ള ഭൂമി തരംമാറ്റ അപേക്ഷകളിൽ അതിവേഗ ഫീൽഡ് പരിശോധന പൂർത്തിയാക്കുന്നതിനായി തൃശൂർ താലൂക്ക് ഓഫീസിലേക്കും കീഴിലുള്ള വില്ലേജ് ഓഫീസുകളിലേക്കും വാഹനം വാടകയ്ക്ക് എടുക്കുവാൻ ടെണ്ടർ ക്ഷണിച്ചു.  ഡ്രൈവർ സഹിതം വാഹനം (കാർ/ജീപ്പ്/ബൊലേറോ) വാടകയ്ക്ക് നൽകാൻ താത്പര്യമുള്ള വാഹന ഉടമകൾ ഓഗസ്റ്റ് ഏഴിന് ഉച്ചയ്ക്ക് മൂന്നിനകം അപേക്ഷ സമർപ്പിക്കണം. 2027 ജനുവരി 31 വരെ ആറ് വാഹനങ്ങൾ കരാറടിസ്ഥാനത്തിൽ ഉപയോഗിക്കാനാണ് ജില്ലാ കളക്ടറുടെ അനുമതി ലഭിച്ചിട്ടുള്ളത്.

പുന്നപ്ര അക്ഷരനഗരി കേപ്പ് ക്യാമ്പസിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് മാനേജ്മെന്റ് ആൻഡ് ടെക്നോളജിയിൽ 2026-28 വർഷത്തെ ദ്വിവത്സര ഫുൾടൈം എം.ബി.എ പ്രോഗ്രാമിലേക്ക് സ്പോട്ട് അഡ്മിഷൻ നടത്തുന്നു. ജനറൽ, എസ്.സി / എസ്.ടി, ഒ.ഇ.സി വിഭാഗങ്ങളിലെ ഒഴിവുള്ള സീറ്റുകളിലേക്കാണ് പ്രവേശനം. ജൂലൈ 28, 29, 30 തീയതികളിൽ രാവിലെ പത്തിന് കോളേജ് ക്യാമ്പസിലാണ് സ്പോട്ട് അഡ്മിഷൻ നടത്തുന്നത്.

നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷനിൽ (നിപ്മർ) റീഹാബിലിറ്റേഷൻ കൗൺസിൽ ഓഫ് ഇന്ത്യ അംഗീകാരമുള്ള കോഴ്‌സുകളിലേക്ക് 2026-2027 അക്കാദമിക വർഷത്തെ പ്രവേശനം ആരംഭിച്ചു.  സ്പെഷ്യൽ സ്‌കൂൾ അധ്യാപകരാകാനുള്ള രണ്ടു വർഷത്തെ 'ഡിപ്ലോമ ഇൻ സ്പെഷ്യൽ എഡ്യൂക്കേഷൻ (ഇന്റെലെക്‌ച്വൽ ആൻഡ് ഡെവലപ്പ്‌മെന്റൽ ഡിസെബിലിറ്റീസ്)'കോഴ്‌സിലേക്ക് 50 ശതമാനം മാർക്കോടെ പ്ലസ് ടു അല്ലെങ്കിൽ വി.എച്ച്.എസ്.ഇ പൂർത്തിയാക്കിയവർക്ക് അപേക്ഷിക്കാം. പട്ടികജാതി, പട്ടികവർഗ്ഗ, ഒ.ഇ.സി, ഭിന്നശേഷി വിഭാഗങ്ങളിൽപ്പെട്ട ഉദ്യോഗാർത്ഥികൾക്ക് നിയമാനുസൃതമായ ഫീസിളവ് ലഭിക്കും.

 ചേർപ്പ് ഗവ. ഐ.ടി.ഐയിൽ 2026-ലെ പ്രവേശനത്തിനായി അപേക്ഷ ക്ഷണിച്ചു.  രണ്ടു വർഷത്തെ എൻ.സി.വി.ടി മെട്രിക് ട്രേഡായ 'സർവ്വേയർ' കോഴ്‌സിലെ ഒഴിവുള്ള സീറ്റുകളിലേക്ക് ജനറൽ, വനിതാ വിഭാഗങ്ങളിൽ പെട്ട അപേക്ഷകർക്ക് ഓഫ്‌ലൈനായി അപേക്ഷ സമർപ്പിക്കാം.  ജൂലൈ 25 വരെ അപേക്ഷകൾ സമർപ്പിക്കാം.  ഫോൺ- 0487-2966601, 9633447243, 7012733265.