നിര്‍മാണം പൂര്‍ത്തിയാക്കിയ കോട്ടായി സബ് രജിസ്ട്രാര്‍ ഓഫീസ് കെട്ടിടത്തിന്റെ പ്രവര്‍ത്തനോദ്ഘാടനം ജൂണ്‍ രണ്ടിന് വൈകീട്ട് നാലു മണിക്ക് രജിസ്ട്രേഷന്‍, മ്യൂസിയം, പുരാവസ്തു, പുരാരേഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിക്കും. സബ് രജിസ്ട്രാര്‍ ഓഫീസ് ഹാളില്‍ നടക്കുന്ന ചടങ്ങില്‍ പി.പി സുമോദ് എം.എല്‍.എ അധ്യക്ഷത വഹിക്കും. കെ. രാധാകൃഷ്ണന്‍ എം.പി മുഖ്യാതിഥിയാവും. ജില്ലാ പഞ്ചായത്ത് പ്രസിഡന്റ് കെ.

കനത്ത കാലവര്‍ഷത്തിന്റെ പശ്ചാത്തലത്തില്‍ പാലക്കാട് ജില്ലയിൽ ഖനന പ്രവർത്തനങ്ങൾക്ക് ഏര്‍പ്പെടുത്തിയ നിരോധനം മെയ് 30 വരെ നീട്ടിയതായി അഡീഷണല്‍ ജില്ലാ മജിസ്ട്രേറ്റ് അറിയിച്ചു. വരും ദിവസങ്ങളിൽ ശക്തമായ മഴ പ്രതീക്ഷിക്കുന്ന സാഹചര്യത്തിൽ ഖനന പ്രവർത്തനങ്ങൾ നടത്തുന്നത് അപകടകരമാണെന്നതിനാലാണ് നിരോധനം നീട്ടിയത്.

അട്ടപ്പാടി ചുരം മേഖലയിൽ ഭാരവാഹനങ്ങൾ പ്രവേശിക്കുന്നതിന് ഏര്‍പ്പെടുത്തിയ നിരോധനം മെയ് 30 വരെ നീട്ടിയതായി അഡീഷണല്‍ ജില്ലാ മജിസ്ട്രേറ്റ് അറിയിച്ചു. മേഖലയിൽ വരും ദിവസങ്ങളിൽ ശക്തമായ മഴ പ്രതീക്ഷിക്കുന്ന സാഹചര്യത്തിലാണ് ഭാരവാഹനങ്ങൾക്കുള്ള നിരോധനം നീട്ടിയത്.
 

ശക്തമായ കാറ്റിൽ മരങ്ങൾ കടപുഴകിയും ചില്ലകൾ ഒടിഞ്ഞു വീണും അപകടങ്ങൾ ഉണ്ടാകാനുള്ള സാധ്യതയുണ്ട്. കാറ്റും മഴയും ഉണ്ടാകുമ്പോൾ ഒരു കാരണവശാലും മരങ്ങളുടെ ചുവട്ടിൽ നിൽക്കാൻ പാടുള്ളതല്ല. മരച്ചുവട്ടിൽ വാഹനങ്ങളും പാർക്ക് ചെയ്യരുത്.

പാലക്കാട് ജില്ലയില്‍ ഇന്നു മുതല്‍ നാലു ദിവസത്തേക്ക് (മെയ് 27 മുതല്‍ 30 വരെ) കേന്ദ്ര കാലാവസ്ഥ വകുപ്പ് ഓറഞ്ച് അലര്‍ട്ട് പ്രഖ്യാപിച്ചു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കാലാവസ്ഥ വകുപ്പ് അർത്ഥമാക്കുന്നത്.