പരുതൂര്‍ ഗ്രാമപഞ്ചായത്തിലെ വെള്ളിയാങ്കല്ല് വിനോദ സഞ്ചാര കേന്ദ്രത്തിലെ വാട്ടര്‍ എടിഎമ്മും ടേക്ക് എ ബ്രേക്കും ഉദ്ഘാടനം ചെയ്തു. ഉദ്ഘാടനം പരുതൂര്‍ ഗ്രാമപഞ്ചായത്ത് പ്രസിഡന്റ് എ.പി.എം സക്കറിയ നിര്‍വഹിച്ചു. ഗ്രാമപഞ്ചായത്തിന്റെ 2023- 2024 വാര്‍ഷിക പദ്ധതിയില്‍ ഉള്‍പ്പെടുത്തി 17 ലക്ഷം രൂപ ചിലവഴിച്ചാണ്  ടേക്ക് എ ബ്രേക്ക് കെട്ടിടം നിര്‍മിച്ചത്. കുടിവെള്ള സൗകരത്തിനായി 2024 - 25 വാര്‍ഷിക പദ്ധതിയില്‍ ഉള്‍പ്പെടുത്തി അഞ്ച് ലക്ഷം രൂപ ചിലവഴിച്ച് 'വാട്ടര്‍ എ.ടി.എം' സ്ഥാപിച്ചു.  

ചിറ്റൂര്‍ താലൂക്കില്‍ ഇ-കെ.വൈ.സി മസ്റ്ററിങ് നടത്താത്ത എ.എ.വൈ/പി.എച്ച്.എച്ച് റേഷന്‍കാര്‍ഡുകളില്‍ ഉള്‍പ്പെട്ട അംഗങ്ങള്‍ റേഷന്‍ കടകളിലോ, ചിറ്റൂര്‍ താലൂക്ക് സപ്ലൈ ഓഫീസിലോ നേരിട്ടെത്തി മസ്റ്ററിങ് നടത്തണം. മുന്‍ഗണനാ കാര്‍ഡുകളില്‍ ഉള്‍പ്പെട്ടവര്‍ ജൂണ്‍ 10 ന് മുമ്പായും മസ്റ്ററിങ് ചെയ്യണമെന്ന് താലൂക്ക് സപ്ലൈ ഓഫീസര്‍ അറിയിച്ചു.

ഷൊര്‍ണൂര്‍ ഗവ. വൊക്കേഷ്ണല്‍ ഹയര്‍സെക്കന്‍ഡറി സ്‌കൂളില്‍ നോണ്‍ വൊക്കേഷ്ണല്‍ ടീച്ചര്‍ ഇന്‍ ജി എഫ് സി, നോണ്‍ വൊക്കേഷ്ണല്‍ ടീച്ചര്‍ ഇന്‍ ഇംഗ്ലീഷ്(ജൂനിയര്‍), വൊക്കേഷ്ണല്‍ ടീച്ചര്‍ ഇന്‍ സിവില്‍ കണ്‍സ്ട്രക്ഷന്‍ ആന്‍ഡ് മെയിന്റനന്‍സ് എന്നീ തസ്തികകളിലേക്ക് ദിവസ വേതനാടിസ്ഥാനത്തില്‍ അധ്യാപകരെ നിയമിക്കുന്നതിന് മെയ് 28 ന് രാവിലെ 11 മണിക്ക് സ്‌കൂള്‍ ഓഫീസില്‍ കൂടിക്കാഴ്ച്ച നടക്കും. ഉദ്യോഗാര്‍്ത്ഥികള്‍ ആവശ്യമായ രേഖകള്‍ സഹിതം എത്തണമെന്ന് പ്രിന്‍സിപ്പല്‍ അറിയിച്ചു. വിശദവിവരങ്ങള്‍ക്ക് ഫോണ്‍: 7907798833, 9495921968