മഴക്കെടുതിയില്‍ വീടും സ്ഥലവും വാസയോഗ്യമല്ലാതായ കുടുംബങ്ങളെ പുനരധിവസിപ്പിക്കാന്‍ ഭൂമി കണ്ടെത്താന്‍ തീരുമാനം. മഴക്കെടുതിയുമായി ബന്ധപ്പെട്ട സ്ഥിതിഗതികള്‍ വിലയിരുത്താന്‍ ജില്ലയുടെ ചുമതലയുള്ള മന്ത്രി അനൂപ് ജേക്കബിന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. കനത്ത മഴയിലും മണ്ണിടിച്ചിലിലും വീടും സ്ഥലവും വാസയോഗ്യമല്ലാതായ കുടുംബങ്ങളെ പുനരധിവസിപ്പിക്കുന്നതിന് സര്‍ക്കാര്‍ ഭൂമി കണ്ടെത്താന്‍ മന്ത്രി നിര്‍ദേശം നല്‍കി. ലഭ്യമായ റവന്യൂ ഭൂമി സംബന്ധിച്ച് വിശദമായ റിപ്പോര്‍ട്ട് സര്‍ക്കാരിന് സമര്‍പ്പിച്ച് തുടര്‍നടപടികള്‍ സ്വീകരിക്കും.

തൃശൂർ ജൂബിലി മിഷൻ ആശുപത്രിയിൽ യുണൈറ്റഡ് നഴ്സസ് അസോസിയേഷന്റെ നേതൃത്വത്തിൽ നടന്നു വരുന്ന സമരം അവസാനിപ്പിക്കാൻ ധാരണ. തൃശൂർ ജില്ലാ ലേബർ ഓഫീസർ സി. വിനോദ്കുമാറിന്റെ സാന്നിധ്യത്തിൽ നഴ്സസ് അസോസിയേഷൻ പ്രതിനിധികളും ആശുപത്രി മാനേജ്മെന്റും നടത്തിയ ചർച്ചയിലാണ് സമരം പിൻവലിക്കാൻ ധാരണയായത്. സമരത്തിലേർപ്പെട്ട ജീവനക്കാർക്കെതിരെ യാതൊരുവിധ പ്രതികാര നടപടികളും സ്വീകരിക്കുകയില്ലയെന്ന് സമ്മതിച്ച് മാനേജ്‌മെന്റും ധാരണാപത്രത്തിൽ ഒപ്പുവച്ചിട്ടുണ്ട്.

ജില്ലാ ആസൂത്രണ സമിതി  തിരഞ്ഞെടുപ്പുമായി ബന്ധപ്പെട്ട് ജില്ലാ പഞ്ചായത്ത് അംഗങ്ങളുടെ യോഗം ആഗസ്റ്റ് 17ന് ഉച്ചയ്ക്ക് ശേഷം രണ്ട് മണിക്ക് നടക്കുമെന്ന് സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു.

സംസ്ഥാനത്തെ 38 തദ്ദേശസ്വയംഭരണ വാർഡുകളിലെ ഉപതിരഞ്ഞെടുപ്പിനായി തയ്യാറാക്കുന്ന വോട്ടർ പട്ടികയിൽ പേര് ചേർക്കാൻ ഇന്ന് (ആഗസ്റ്റ്5) കൂടി അവസരമുണ്ടെന്ന്‌ സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു. 2026 ജനുവരി ഒന്നിനോ അതിന് മുൻപോ 18 വയസ്സ് തികഞ്ഞവർക്ക് പട്ടികയിൽ പേര് ചേർക്കാം. അതിന് ഓൺലൈനായി www.sec.kerala.gov.in വെബ്‌സൈറ്റിൽ അപേക്ഷിക്കാം.

ജില്ലയില്‍ ശക്തമായ മഴയുടെയും പ്രതികൂല കാലാവസ്ഥയുടെയും പശ്ചാത്തലത്തില്‍ ദുരിതാശ്വാസ ക്യാമ്പുകളായി പ്രവര്‍ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്‍ക്കും ക്യാമ്പ് അവസാനിക്കുന്നത് വരെ അവധിയായിരിക്കുമെന്ന് ജില്ലാ കലക്ടര്‍ അറിയിച്ചു.

ജില്ലാ ഖാദി ഗ്രാമവ്യവസായ ഓഫീസിന് കീഴില്‍ പ്രവര്‍ത്തിക്കുന്ന ബാലുശ്ശേരി അറപ്പീടിക ഖാദി ഷോറൂമില്‍ ഓണം ഖാദി മേളക്ക് തുടക്കം. വി.ടി സൂരജ് എം.എല്‍.എ ഉദ്ഘാടനം നിര്‍വഹിച്ചു. ബ്ലോക്ക് പഞ്ചാത്ത് പ്രസിഡന്റ് ഇസ്മായില്‍ കുറുമ്പൊയില്‍ അധ്യക്ഷനായി. അറപ്പീടിക റസിഡന്റ്‌സ് അസോസിയേഷന്‍ സെക്രട്ടറി ജഫസീറ നൗഫലിന് ഉല്‍പന്നങ്ങള്‍ കൈമാറി ബ്ലോക്ക് ക്ഷേമകാര്യ സ്ഥിരം സമിതി അധ്യക്ഷന്‍ വൈശാഖ് കണ്ണോറ ആദ്യ വില്‍പന നിര്‍വഹിച്ചു. പ്രോജക്ട് ഓഫീസര്‍ വി. ഷിബു, മുന്‍ വാര്‍ഡ് മെംബര്‍ ഷൈബാഷ് കുമാര്‍, വില്ലേജ് ഇന്‍ഡസ്ട്രീസ് ഓഫീസര്‍ ടി.വി നീഷ്മ, ജൂനിയര്‍ സൂപ്രണ്ട് ഷൈന്‍ ഇ. ജോസഫ് തുടങ്ങിയവര്‍ സംസാരിച്ചു.

പി.ആര്‍.ഡി ഫോട്ടോഗ്രാഫർ/ വീഡിയോ സ്ട്രിംഗർ പാനലുകളിലേക്ക് ആഗസ്റ്റ് 10 വരെ അപേക്ഷിക്കാം

കോഴിക്കോട് ജില്ലാ ഇന്‍ഫര്‍മേഷന്‍ ഓഫീസില്‍ കരാര്‍ അടിസ്ഥാനത്തിൽ രൂപീകരിക്കുന്ന ഫോട്ടോഗ്രാഫര്‍മാരുടെയും വീഡിയോ സ്ട്രിംഗർമാരുടേയും പാനലുകളിലേക്ക് അപേക്ഷിക്കാം. ജില്ലയില്‍ സ്ഥിരതാമസക്കാരും സ്വന്തമായി ക്യാമറ, അനുബന്ധ ഉപകരണങ്ങള്‍ ഉള്ളവരുമാകണം. 
വിശദമായ ബയോഡാറ്റയും ക്യാമറയുടെ വിവരങ്ങളുമടങ്ങിയ അപേക്ഷ ആഗസ്റ്റ് 10നകം സിവില്‍ സ്റ്റേഷനിലെ ജില്ലാ ഇന്‍ഫര്‍മേഷന്‍ ഓഫീസില്‍ ലഭ്യമാക്കണം. ഫോണ്‍: 0495 2370225. ഇ-മെയില്‍: dio.prd@gmail.com

ജില്ലയില്‍ റെഡ് അലര്‍ട്ട് പ്രഖ്യാപിച്ച സാഹചര്യത്തില്‍ പിറവം മണ്ഡലത്തില്‍ ആവശ്യമായിടത്ത് കൂടുതല്‍ ദുരിതാശ്വാസ ക്യാമ്പുകള്‍ തുറക്കാനും ഭക്ഷ്യധാന്യവും എല്‍പിജിയും ജനറേറ്ററും ഉള്‍പ്പെടെയുള്ള അവശ്യസാധനങ്ങള്‍ ഉറപ്പാക്കാനും നിര്‍ദേശം നല്‍കിയതായി സ്ഥലം എംഎല്‍എയും മന്ത്രിയുമായ അനൂപ് ജേക്കബ് അറിയിച്ചു.

 തിരുവനന്തപുരം : റോഡുകളും പാലങ്ങളും കലുങ്കുകളും യുദ്ധകാലാടിസ്ഥാനത്തില്‍ അറ്റകുറ്റപ്പണി നടത്തി ഗതാഗതയോഗ്യമാക്കണമെന്ന് മന്ത്രി അനൂപ് ജേക്കബ് നിര്‍ദ്ദേശം നല്‍കി. പ്രകൃതിദുരന്തങ്ങള്‍ ഉണ്ടാകുംവരെ കാത്തിരിക്കാതെ, ആഘാതം കുറയ്ക്കാനുള്ള സുരക്ഷാ മുന്‍കരുതല്‍ അടിയന്തരമായി സ്വീകരിക്കണം.

ഓണം ആഘോഷമാക്കാൻ സപ്ലൈകോ: മെഗാ ട്രേഡ് ഫെയറിന് 8ന് തുടക്കം