ഏഴംകുളം ഗ്രാമപഞ്ചായത്തിലെ മാലിന്യ സംസ്‌കരണത്തിനും ഹരിതകര്‍മ സേനയ്ക്കുമായി വാങ്ങിയിട്ടുളള ഇലക്ടിക് വാഹനത്തിന്റെ ഡ്രൈവര്‍ കം വര്‍ക്കര്‍ ആയി ദിവസവേതനാടിസ്ഥാനത്തില്‍ സേവനമനുഷ്ടിക്കുന്നതിന് അപേക്ഷ ക്ഷണിച്ചു. 700 രൂപയാണ് വേതനം. ഏഴംകുളം ഗ്രാമപഞ്ചായത്ത് പരിധിയില്‍ താമസിക്കുന്ന ഫോര്‍ വീലര്‍ ലൈസന്‍സുള്ളവര്‍ക്ക് അപേക്ഷിക്കാം. ബയോഡേറ്റയും അപേക്ഷയും ഓഗസ്റ്റ് നാല് വൈകിട്ട് അഞ്ചിന് മുമ്പ് ഏഴംകുളം ഗ്രാമപഞ്ചായത്ത് കാര്യാലയത്തില്‍ സമര്‍പ്പിക്കണം. ഫോണ്‍: 04734 240637.

പട്ടികവര്‍ഗ വികസന ഓഫീസിന്റെ നിയന്ത്രണത്തില്‍ റാന്നി മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന തയ്യല്‍ പരിശീലന കേന്ദ്രത്തില്‍ ദ്വിവത്സര സൗജന്യ തയ്യല്‍ കോഴ്സിന്റെ 2026-28 ബാച്ചില്‍ പ്രവേശനത്തിന് അപേക്ഷ ക്ഷണിച്ചു. ഏഴാം ക്ലാസ് യോഗ്യതയുള്ള പട്ടികവര്‍ഗ യുവതികള്‍ക്ക് അപേക്ഷിക്കാം. പ്രായപരിധി 16 - 40.

കേരള മീഡിയ അക്കാദമിയുടെ ഡിപ്ലോമ ഇന്‍ ഓഡിയോ പ്രൊഡക്ഷന്‍ കോഴ്സിലേക്ക് സ്‌പോട്ട് അഡ്മിഷന്‍ നടത്തുന്നു. സൗണ്ട് എഞ്ചിനീയറിംഗ്, ആര്‍ ജെ ട്രെയിനിംഗ്, ഡബ്ബിംഗ്, പോഡ്കാസ്റ്റ്, വോയ്സ് മോഡുലേഷന്‍, സൗണ്ട് ഡിസൈന്‍, റെക്കോഡിംഗ്, പ്രൊഡക്ഷന്‍ വിഷയങ്ങള്‍ ഉള്‍പ്പെടുന്നതാണ് കോഴ്സ്. തിരുവനന്തപുരം, കൊച്ചി സെന്ററുകളിലെ റേഡിയോ കേരള സ്റ്റുഡിയോയിലാണ് ക്ലാസും പരിശീലനവും. രണ്ടര മാസമാണ് കാലാവധി. https://forms.gle/KbtCZrrW3o3ijeJGA ലൂടെ അപേക്ഷിക്കാം. വെബ്‌സൈറ്റ്: www.kma.ac.in .

പൊതുവിദ്യാലയങ്ങളിലെ എല്‍.പി, യു.പി പ്രൈമറി വിഭാഗത്തിലെ ഐ.ടി പഠനം കാര്യക്ഷമമാക്കുന്നതിനും വിപുലീകരിക്കുന്നതിനും സര്‍ക്കാരിന്റെ നൂറുദിന കര്‍മപരിപാടിയില്‍ ഉള്‍പ്പെടുത്തി പൊതുവിദ്യാഭ്യാസ വകുപ്പ് കേരളാ ഇന്‍ഫ്രാസ്ട്രക്ചര്‍ ആന്‍ഡ് ടെക്നോളജി ഫോര്‍ എജ്യൂക്കേഷന്‍ (കൈറ്റ്) നടപ്പാക്കുന്ന 'ഡിജിറ്റല്‍ സ്‌ക്വയര്‍' പദ്ധതിയുടെ സംസ്ഥാനതല ഉദ്ഘാടനം പൊതുവിദ്യാഭ്യാസ വകുപ്പ് മന്ത്രി എന്‍. ഷംസുദ്ദീന്‍ മലപ്പുറത്ത് നിര്‍വഹിച്ചു.

റാന്നി നിയോജക മണ്ഡലത്തിലെ അനധികൃത മണ്ണെടുപ്പിനെതിരെ കര്‍ശന നടപടി സ്വീകരിക്കുമെന്ന് പഴകുളം മധു എംഎല്‍എ. മൈനിങ് ആന്റ് ജിയോളജി വകുപ്പ് ഈ കാര്യത്തില്‍ ജാഗ്രത പുലര്‍ത്തണം. ജില്ല ആസൂത്രണ സമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ ചേര്‍ന്ന ജില്ല വികസന സമിതിയിലാണ് എംഎല്‍എയുടെ നിര്‍ദേശം.

കേന്ദ്രകാലാവസ്ഥ വകുപ്പ് ഇന്നും (ജൂലൈ 31) നാളെയും (ആഗസ്റ്റ് 01) ജില്ലയിൽ ഓറഞ്ച്, യെല്ലോ അലർട്ടുകൾ പ്രഖ്യാപിച്ച സാഹചര്യത്തിൽ, പേപ്പാറ ഡാമിന്റെ വൃഷ്ടിപ്രദേശത്ത് ശക്തമായ മഴ പെയ്യാൻ സാധ്യതയുണ്ട്. ഇതിന്റെ ഭാഗമായി ജലനിരപ്പ് ക്രമീകരിക്കുന്നതിനായി ഇന്ന് ( ജൂലൈ 31) ഉച്ചക്ക് 2 മണി മുതൽ പേപ്പാറ പവർഹൗസിൽ നിന്ന് തുടർച്ചയായ വൈദ്യുതി ഉൽപ്പാദനം ആരംഭിക്കുകയാണ്.

തിരുവനന്തപുരം ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ആഗസ്റ്റ് 17 മുതൽ 21 വരെ നടത്തുന്ന ബേക്കറി ആൻഡ് കൺഫെക്ഷനറി കോഴ്സിലേക്ക് എട്ടാം ക്ലാസ് ജയിച്ചവർക്ക് അപേക്ഷിക്കാം.

2026 അഡ്മിഷനുമായി ബന്ധപ്പെട്ട് ചാക്ക ഗവഃ ഐടിഐയിലെ വിവിധ ട്രേഡുകളിലേക്കുള്ള (മെട്രിക്/ നോൺ മെട്രിക്) പ്രവേശനത്തിന് ഒഴിവുള്ള വനിത സംവരണ സീറ്റുകളിലേക്കും ഭിന്നശേഷി സംവരണ സീറ്റുകളിലേക്കും നേരിട്ട് അപേക്ഷ ക്ഷണിച്ചു. ആഗസ്റ്റ് 1 മുതൽ മൂന്നാം തീയതി വൈകിട്ട് 3 വരെ ചാക്ക ഐടിഐയിൽ നേരിട്ടെത്തി അപേക്ഷ സമർപ്പിക്കാം. അപേക്ഷാ ഫീസ് 100 രൂപ.

        ഹാർബർ എൻജിനിയറിങ് വകുപ്പിലെ വിവിധ ഓഫീസുകളിൽ ഗ്രാജ്വേറ്റ് ഇന്റേൺസിനെ (സിവിൽ, മെക്കാനിക്കൽ, ഐടി/ കമ്പ്യൂട്ടർ സയൻസ് ആൻഡ് ഇലക്ട്രിക്കൽ)  നിയമിക്കുന്നതിനായി അപേക്ഷ ക്ഷണിച്ചു.

        തിരുവനന്തപുരം, വെള്ളനാട് ജി. കാർത്തികേയൻ സ്മാരക വൊക്കേഷണൽ ആൻഡ് ഹയർ സെക്കൻഡറി സ്‌കൂളിൽ എച്ച്.എസ്.എസ്.ടി (ജൂനിയർ) റഷ്യൻ തസ്തികയിലേക്കുള്ള താത്കാലിക അധ്യാപക നിയമനത്തിനുള്ള അഭിമുഖം ആഗസ്റ്റ് 14 രാവിലെ 11.30 ന് നടക്കും. താത്പര്യമുള്ളവർ അസൽ സർട്ടിഫിക്കറ്റുകളുമായി സ്‌കൂൾ ഓഫീസിൽ എത്തണം.