പട്ടികജാതി വികസനവകുപ്പിന്റെ അധീനതയിലുള്ള ഹരിപ്പാട് ഗവ. ഐടിഐ യിൽ എൻസിവിടി അംഗീകാരമുള്ള ദ്വിവത്സര കോഴ്സായ സർവേയർ ട്രേഡിൽ ഒഴിവുള്ള സീറ്റിലേക്ക് സ്പോട്ട് അഡ്മിഷൻ നടക്കുന്നു.  എസ്എസ്എൽസിയാണ് അടിസ്ഥാന യോഗ്യത. പ്രായപരിധി ബാധകമല്ല. ഫോൺ : 0479 2417703, 9496465304, 9495542210 

(പിആർ/എഎൽപി/1561)

കായംകുളം ഗവ. ഐടിഐ യിലെ എസ്.ടി. വിഭാഗത്തിലെ ഒരു ഒഴിവിലേക്ക് ഓഫ് ലൈൻ അപേക്ഷ ക്ഷണിച്ചു.  അടിസ്ഥാന യോഗ്യത എസ്എസ്എൽസി പാസ്സ്.  താൽപര്യമുള്ളവ‍ര്‍ ഐടിഐയിൽ നേരിട്ടെത്തി അപേക്ഷ സമര്‍പ്പിക്കാവുന്നതാണ്. അപേക്ഷ സ്വീകരിക്കുന്ന അവസാന തീയതി ആഗസ്റ്റ് ഒന്ന് വൈകുന്നേരം അഞ്ച് മണി. ഫോൺ : 0479 2442900.

(പിആർ/എഎൽപി/1560)

കുളക്കട സര്‍ക്കാര്‍ ഐ.റ്റി.ഐയില്‍  ഡ്രാഫ്റ്റ്സ്മാന്‍ സിവില്‍ ട്രേഡില്‍ ഒഴിവുളള സംവരണ സീറ്റിലേക്ക് പട്ടികജാതി വിഭാഗകാര്‍ക്ക് അപേക്ഷിക്കാം. ഫോണ്‍: 9496815907.
 

ചെങ്ങന്നൂര്‍ ഗവ. ഐ.ടി.ഐ,  ഐഎംസിയുടെ ആഭിമുഖ്യത്തിൽ സ്കിൽ
അപ്പെക്സ് ഗ്രൂപ്പ് ഓഫ് ഇൻസ്റ്റിറ്റ്യൂഷനുമായി ചേർന്ന് 2026 അധ്യയന
വർഷത്തിൽ ആരംഭിക്കുന്ന  വിവിധ ഡിപ്ലോമ  കോഴ്‌സുകളിലേക്ക് അപേക്ഷ ക്ഷണിച്ചു. 

 ഏവിയേഷൻ ആൻഡ്  എയർലൈൻ കാബിൻ ക്രൂ ഡിപ്ലോമ (1 വർഷം),
ലോജിസ്റ്റിക്സ് ആൻഡ് വെയർഹൗസ് മാനേജ്മെന്റ് ഡിപ്ലോമ (1 വർഷം), ഓഫീസ്
അഡ്മിനിസ്ട്രേഷൻ ആൻഡ് എച്ച്.ആർ. മാനേജ്മെന്റ് ഡിപ്ലോമ (6 മാസം), മറൈൻ
മെക്കാനിക്കൽ ഫിറ്റർ ഡിപ്ലോമ (6 മാസം), ഓയിൽ ആൻഡ് ഗ്യാസ് ടെക്നോളജി ഡിപ്ലോമ
എന്നീ കോഴ്‌സുകളിലേക്കാണ്  അപേക്ഷിക്കാവുന്നത്.  ഫോൺ : 9037444093 .

(പിആർ/എഎൽപി/1557)

പാരിപ്പള്ളി മടത്തറ റോഡില്‍ ജവഹര്‍ ജംഗ്ഷന് സമീപം കോണ്‍ക്രിറ്റ് പ്രവൃത്തികള്‍  ആരംഭിക്കുന്നതിനാല്‍ ടി ജംഗ്ഷനില്‍ കൂടി    ഓഗസ്റ്റ് ഒന്ന് മുതല്‍   എട്ടു വരെയുള്ള ഗതാഗതം  നിരോധിക്കുമെന്നു അസിസ്റ്റന്റ് എഞ്ചിനീയര്‍ റോഡ് സെക്ഷന്‍ അറിയിച്ചു.    മുക്കട ഭാഗത്തേയ്ക്ക് പോകുന്ന വാഹനങ്ങള്‍ പാരിപ്പള്ളി ജംഗ്ഷന്‍ വഴി നാഷണല്‍ ഹൈവേ വഴിയും തിരിച്ചും പോകേണ്ടതാണ്.
 
 

ആലപ്പുഴ ജില്ലാ ഇന്‍ഫര്‍മേഷന്‍ ഓഫീസില്‍ കരാര്‍ അടിസ്ഥാനത്തില്‍ പ്രവര്‍ത്തിക്കുന്നതിന് ഫോട്ടോഗ്രാഫര്‍മാരുടെ പാനല്‍ തയാറാക്കുന്നതിന് അപേക്ഷ ക്ഷണിച്ചു. ജില്ലയില്‍ സ്ഥിരതാമസക്കാരും വൈഫൈ സൗകര്യമുള്ള ഡിജിറ്റല്‍ എസ്.എല്‍.ആര്‍., മിറര്‍ലെസ് കാമറകള്‍ ഉപയോഗിച്ച് ഹൈ റസലൂഷന്‍ ചിത്രങ്ങള്‍ എടുക്കാന്‍ കഴിവുള്ളവരുമായിരിക്കണം.