കായംകുളത്തെ തെരുവുനായ ആക്രമണവുമായി ബന്ധപ്പെട്ട് ജില്ലാ കളക്ടർ ഷാജി വി നായർ  തദ്ദേശസ്വയംഭരണ വകുപ്പ് ജോയിന്റ് ഡയറക്ടറോട് അടിയന്തര റിപ്പോർട്ട് തേടി. തെരുവുനായ ആക്രമണം ഉണ്ടായ തദ്ദേശസ്വയംഭരണ സ്ഥാപനങ്ങളിൽ തെരുവുനായകളുടെ എണ്ണം വർധിക്കാനുള്ള കാരണവും, ഇവയുടെ നിയന്ത്രണത്തിനായി നിലവിൽ എന്തൊക്കെ നടപടികളാണ് സ്വീകരിച്ചിട്ടുള്ളതെന്നും വിശദമാക്കണം. ഒപ്പം, ഭാവിയിൽ ഇത്തരം ആക്രമണങ്ങൾ ഉണ്ടാകാതിരിക്കാൻ എന്തൊക്കെ മുൻകരുതലുകളാണ് സ്വീകരിക്കാൻ പോകുന്നതെന്നും വ്യക്തമാക്കുന്ന വിശദമായ റിപ്പോർട്ട് അടിയന്തരമായി സമർപ്പിക്കാനാണ് കളക്ടർ ആവശ്യപ്പെട്ടിരിക്കുന്നത്.

കായംകുളം ഐക്യ ജംഗ്ഷനിലും പുല്ലുകുളങ്ങര ഭാഗത്തും തെരുവുനായ ആക്രമണം ഉണ്ടായ സംഭവത്തിൽ തുടർ നടപടികളിലൂടെ പൊതുജനങ്ങൾക്കുള്ള ആശങ്ക അകറ്റുമെന്നും  അടിയന്തര പ്രതിരോധ നടപടികൾ സ്വീകരിക്കാൻ നിർദ്ദേശം നൽകിയിട്ടുണ്ടെന്നും സഹകരണ-എക്സൈസ് വകുപ്പ് മന്ത്രി എം. ലിജു അറിയിച്ചു. സംഭവവുമായി ബന്ധപ്പെട്ട് മൃഗസംരക്ഷണ വകുപ്പ് ഡയറക്ടറുമായി മന്ത്രി ഫോണിൽ സംസാരിച്ചു.
​തദ്ദേശസ്വയംഭരണ സ്ഥാപനങ്ങളുമായി ചേർന്ന് മൃഗസംരക്ഷണ വകുപ്പ് അടിയന്തരമായി നായകൾക്കുള്ള വാക്സിനേഷൻ നടപടികളും വന്ധീകരണ പ്രവർത്തനങ്ങളും ആരംഭിക്കുവാൻ മന്ത്രി നിർദ്ദേശം നൽകി. ഇതിനായി തദ്ദേശ സ്ഥാപനങ്ങളുടെ സഹകരണത്തോടെ പ്രത്യേക ആക്ഷൻ ടീം രൂപീകരിക്കും. 

ചെങ്ങന്നൂർ ജില്ലാ ആശുപത്രിയിൽ 2026-27 സാമ്പത്തിക വർഷത്തേക്ക് ആവശ്യമായ ലാബ് പരിശോധനാ (ടെസ്റ്റുകൾ) സേവനങ്ങൾ ലഭ്യമാക്കുന്നതിന് ടെൻഡർ ക്ഷണിച്ചു. ടെൻഡർ സമർപ്പിക്കേണ്ട അവസാന തീയതി: ജൂൺ 19, ഉച്ചയ്ക്ക് മൂന്ന് മണി. ഫോൺ: 0479-2999167.
(പി ആർ/ എ എൽ പി/ 1062)

ചെങ്ങന്നൂർ ജില്ലാ ആശുപത്രിയിൽ 2026-27 സാമ്പത്തിക വർഷത്തേക്ക് ആവശ്യമായ ഓക്സിജൻ സിലിണ്ടറുകൾ റീഫിൽ ചെയ്യുന്നതിന് ടെൻഡർ ക്ഷണിച്ചു. ടെൻഡർ സമർപ്പിക്കേണ്ട അവസാന തീയതി: ജൂൺ 20, ഉച്ചയ്ക്ക് 12 മണി.

(പി ആർ/ എ എൽ പി/ 1061

ചെങ്ങന്നൂർ ജില്ലാ ആശുപത്രിയിൽ 2026-27 സാമ്പത്തിക വർഷത്തിലേക്ക് ആവശ്യമായ എം.ആർ.ഐ, സി.ടി, യു.എസ്.ജി സ്കാനിങ് സേവനങ്ങൾ ലഭ്യമാക്കുന്നതിന് ടെൻഡർ ക്ഷണിച്ചു. ടെൻഡർ സമർപ്പിക്കേണ്ട അവസാന തീയതി: ജൂൺ 19, ഉച്ചയ്ക്ക് രണ്ട് മണി.

(പി ആർ/ എ എൽ പി/ 1060)

ചെങ്ങന്നൂർ ജില്ലാ ആശുപത്രിയിൽ 2026-27 സാമ്പത്തിക വർഷത്തിലേക്ക് ആവശ്യമായ ഓർത്തോ ഇംപ്ലാന്റുകൾ, പ്രിന്റഡ് ഐറ്റംസ് എന്നിവ വിതരണം ചെയ്യുന്നതിന് ടെൻഡർ ക്ഷണിച്ചു. ടെൻഡർ സമർപ്പിക്കേണ്ട അവസാന തീയതി: ജൂൺ 19, ഉച്ചയ്ക്ക് 12 മണി.

(പി ആർ/ എ എൽ പി/ 1059)

ചെങ്ങന്നൂർ ജില്ലാ ആശുപത്രിയിൽ 2026-27 സാമ്പത്തിക വർഷത്തിലേക്ക് ആവശ്യമായ ലാബ് റീഏജന്റ്സ്, കെമിക്കൽസ്, സിസ്റ്റം പാക്ക് ലാബ് റീഏജന്റ്സ് എന്നിവ വിതരണം ചെയ്യുന്നതിന് ടെൻഡർ ക്ഷണിച്ചു. ടെൻഡർ സമർപ്പിക്കേണ്ട അവസാന തീയതി: ജൂൺ 18, ഉച്ചയ്ക്ക് രണ്ട് മണി.

(പി ആർ/ എ എൽ പി/ 1058)

2026-27 അധ്യയന വർഷത്തെ ജില്ലയിലെ വിദ്യാർഥികളുടെ യാത്രാപ്രശ്നങ്ങൾ, സ്റ്റുഡന്റ്സ് കൺസഷൻ എന്നിവ ചർച്ച ചെയ്യുന്നതിനായി ജില്ലാതല സ്റ്റുഡന്റ്സ് ട്രാവൽ ഫെസിലിറ്റി കമ്മിറ്റി യോഗം ജൂൺ ഒമ്പതിന് വൈകിട്ട് നാലിന് കളക്ടറേറ്റ് കോൺഫറൻസ് ഹാളിൽ ചേരും.

(പി ആർ/ എ എൽ പി/ 1056)

സെന്‍സസ് -2027ന്റെ ഭാഗമായി എന്യുമറേറ്റര്‍മാര്‍ക്കും സൂപ്പര്‍വൈസര്‍മാര്‍ക്കുമുള്ള പരിശീലന പരിപാടിക്ക് ജില്ലയില്‍ തുടക്കമായി. കാഞ്ഞിരപ്പള്ളി താലൂക്കിലാണ് ആദ്യ ദിവസമായ ഇന്നലെ(വ്യാഴം) പരിശീലനം നടന്നത്.  കാഞ്ഞിരപ്പള്ളി സെന്റ് ഡോമിനിക് ഹയര്‍ സെക്കന്‍ഡറി സ്‌കൂളില്‍ നടന്ന പരിപാടി സെന്‍സസ് ഡെപ്യൂട്ടി ഡയറക്ടര്‍ വി.സി. നിഷ ഉദ്ഘാടനം ചെയ്തു. ചാര്‍ജ് സെന്‍സസ് ഓഫീസറായ തഹസില്‍ദാര്‍ അനീഷ് ഈപ്പന്‍ അധ്യക്ഷത വഹിച്ചു.  ഡെപ്യൂട്ടി തഹസീല്‍ദാര്‍മാര്‍, ട്രെയിനര്‍മാര്‍ തുടങ്ങിയവര്‍ നേതൃത്വം നല്‍കി. നാലു ബാച്ചുകളിലായി 45 ഉദ്യോഗസ്ഥര്‍ വീതമാണ് മൂന്നു ദിവസത്തെ പരിശീലന പരിപാടിയില്‍ പങ്കെടുക്കുന്നത്.