തൃശ്ശൂർ താലൂക്ക് വികസന സമിതി യോഗം ഓ​ഗസ്റ്റ് ഒന്നിന് രാവിലെ 11-ന് താലൂക്ക് ഓഫീസ് കോൺഫറൻസ് ഹാളിൽ നടത്തും.

തൃശ്ശൂർ ​ഗവ. എൻജിനീയറിങ് കോളേജിലെ സ്‌കൂൾ ഓഫ് ആർക്കിടെക്ചർ ആൻഡ് പ്ലാനിംഗ് വിഭാഗത്തിൽ ഫൈൻ ആർട്‌സ് എക്‌സ്‌പേർട്ട് തസ്തികയിൽ നിലവിലുള്ള ഒഴിവിലേക്ക് താത്കാലിക ദിവസവേതനാടിസ്ഥാനത്തിൽ നിയമനം നടത്തുന്നു. ബാച്ചിലർ ഓഫ് ഫൈൻ ആർട്‌സ് യോ​ഗ്യതയുള്ളവർക്ക് അപേക്ഷിക്കാം. താത്പര്യമുള്ളവർ ഓഗസ്റ്റ് അഞ്ചിന് രാവിലെ പത്തിന് അസൽ സർട്ടിഫിക്കറ്റുകൾ സഹിതം കോളേജിലെ വകുപ്പിൽ അഭിമുഖത്തിനായി നേരിട്ട് ഹാജരാകണം. വെബ്സൈറ്റ്- www.gectcr.ac.in . ഫോൺ- 04872334144.

തൃശ്ശൂർ ഗവ. മെഡിക്കൽ കോളേജ് ആശുപത്രിയിൽ എ.ബി.പി.എം.ജെ.എ.വൈ / കാസ്പ് (ആർ.എസ്.ബി.വൈ) പദ്ധതിക്ക് കീഴിൽ ദിവസവേതനാടിസ്ഥാനത്തിൽ മെഡിക്കൽ ഓഫീസർ തസ്തികയിലേക്ക് താത്കാലിക നിയമനം നടത്തുന്നു. എം.എസ് സർജറി ഒപ്പം ടി.സി.എം.സി രജിസ്‌ട്രേഷനുമാണ് യോഗ്യത (പ്രായപരിധി: 50 വയസ്സ്). ഇവരുടെ അഭാവത്തിൽ എം.ബി.ബി.എസും ടി.സി.എം.സി രജിസ്‌ട്രേഷനുമുള്ളവരെയും പരിഗണിക്കും; ഇവർക്ക് ജനറൽ സർജറിയിൽ 1-2 വർഷത്തെ പ്രവൃത്തിപരിചയം അഭിലഷണീയമാണ് (പ്രായപരിധി: 40 വയസ്സ്). നിയമാനുസൃതമായ വയസിളവ് ഉണ്ടായിരിക്കും.

*

തൃശ്ശൂർ ഗവ. മെഡിക്കൽ കോളേജ് ആശുപത്രിയിൽ എ.ബി.പി.എം.ജെ.എ.വൈ/കാസ്പ് (ആർ.എസ്.ബി.വൈ) പദ്ധതിക്ക് കീഴിൽ ദിവസവേതനാടിസ്ഥാനത്തിൽ ബേൺസ് സർജൻ തസ്തികയിലേക്ക് താത്കാലിക നിയമനം നടത്തുന്നു. എം.സി.എച്ച്/ഡി.എൻ.ബി (പ്ലാസ്റ്റിക് സർജറി) ഒപ്പം ടി.സിഎം.സി രജിസ്‌ട്രേഷനുമാണ് യോഗ്യത. ഇവരുടെ അഭാവത്തിൽ എം.എസ്/ ഡിഎൻബിയും (ജനറൽ സർജറി) ടി.സിഎം.സി രജിസ്‌ട്രേഷനുള്ളവരെ പരിഗണിക്കും. 50 വയസാണ് പ്രായപരിധി.

കേന്ദ്ര യുവജനകാര്യ, കായിക മന്ത്രാലയത്തിന് കീഴിലുള്ള മൈ ഭാരത് കേന്ദ്രയുടെ ജില്ലാ ഉപദേശക സമിതി യോഗം കലക്ടറേറ്റിൽ ചേർന്നു. 

ഡെപ്യൂട്ടി കളക്ടർ കെ ബാലഗോപാൽ അധ്യക്ഷത വഹിച്ചു. മൈ ഭാരതിന് കീഴിൽ 
കണ്ണൂരിൽ 47,000 യുവജനങ്ങൾ രജിസ്റ്റർ ചെയ്തതായി മൈ ഭാരത് കണ്ണൂർ ഡെപ്യൂട്ടി ഡയറക്ടർ സച്ചിൻ ഹരീന്ദ്രൻ പറഞ്ഞു.
ജില്ലയിൽ 206 യൂത്ത് ക്ലബ്ബുകളും രജിസ്റ്റർ ചെയ്തിട്ടുണ്ട്.

രാജ്യമൊട്ടാകെ 2.2 കോടി യുവജനങ്ങളാണ് മൈ ഭാരതിന് കീഴിലുള്ളത്. രാജ്യത്തെ യുവജനങ്ങളെ ശാക്തീകരിച്ച്
വികസിത ഇന്ത്യയുടെ ചാലക ശക്തികളാക്കി പരിവർത്തിപ്പിക്കുക എന്നതാണ് മൈ ഭാരതിന്റെ ലക്ഷ്യം. 

ഇടുക്കി ജില്ലാ മെഡിക്കല്‍ ഓഫീസ് (ആരോഗ്യം), ദേശീയ ആരോഗ്യ ദൗത്യം, ജില്ലാ എയ്ഡ്സ് കണ്‍ട്രോള്‍ ഓഫീസ്, നാഷണല്‍ സര്‍വീസ് സ്‌കീം, ജില്ലാ സ്പോര്‍ട്സ് കൗണ്‍സില്‍ എന്നിവയുടെ സംയുക്താഭിമുഖ്യത്തില്‍ കോളേജ് വിദ്യാര്‍ത്ഥികള്‍ക്കായി എച്ച് ഐ വി എയ്ഡ്‌സ് ബോധവത്കരണം സൃഷ്ടിക്കുന്നതിന്റെ ഭാഗമായി റെഡ് റണ്‍ മാരത്തണ്‍ മത്സരം സംഘടിപ്പിച്ചു. ഇടുക്കി ജില്ലാ കളക്ട്രേറ്റ് ബസ് സ്റ്റോപ്പില്‍ നിന്നും ആരംഭിച്ച് മെഡിക്കല്‍ കോളേജ് സ്റ്റോപ്പില്‍ അവസാനിക്കുന്ന വിധത്തില്‍ 5 കിലോമീറ്റര്‍ ദൂരത്തില്‍ ക്രമീകരിച്ച മാരത്തണ്‍ മത്സരം ഇടുക്കി എ എസ് പി മുഹമ്മദ് റിയാസ് ഫ്ലാഗ് ഓഫ് ചെയ്തു.

*

 മണലൂർ ഗവ. ഐ.ടി.ഐയിൽ ഡ്രാഫ്റ്റ്‌സ്മാൻ സിവിൽ ട്രേഡിൽ പെൺകുട്ടികൾക്കായി സംവരണം ചെയ്തിട്ടുള്ള ഒരു ഒഴിവിലേക്ക് സ്‌പോട്ട് അഡ്മിഷൻ നടത്തുന്നു. താത്പര്യമുള്ള വിദ്യാർത്ഥിനികൾ ഓഗസ്റ്റ് ഒന്നിന് രാവിലെ 11-ന് അസൽ സർട്ടിഫിക്കറ്റുകൾ, ട്രാൻസ്ഫർ സർട്ടിഫിക്കറ്റ് , ആവശ്യമായ ഫീസ് എന്നിവ സഹിതം രക്ഷിതാവിനോടൊപ്പം ഐ.ടി.ഐ ഓഫീസിൽ നേരിട്ട് ഹാജരാകണം. ഫോൺ- 0487-2620066.

ജില്ലയില്‍ അതിഥി തൊഴിലാളികള്‍ക്കിടയില്‍ മലേറിയ കേസുകള്‍ റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ അടിയന്തര ജാഗ്രത പുലര്‍ത്തണമെന്ന് ആരോഗ്യ വകുപ്പ് അറിയിച്ചു. ഈ വര്‍ഷം ഇതുവരെ 303 പേര്‍ക്ക് മലേറിയ സ്ഥിരീകരിച്ചു. ഇതര സംസ്ഥാനങ്ങളില്‍ നിന്ന് ജോലിക്കായി എത്തുന്ന തൊഴിലാളികളില്‍ രോഗം കൂടുതലായി റിപ്പോര്‍ട്ട് ചെയ്യുന്നതിനാല്‍ ജില്ലയില്‍ പുതുതായി എത്തുന്ന എല്ലാ അതിഥി തൊഴിലാളികളെയും ജില്ലയില്‍ എത്തി 3 ദിവസത്തിനുള്ളില്‍ സ്‌ക്രീനിംഗ് ചെയ്തു എന്ന് ഏജന്റുമാരും തൊഴിലുടമകളും ഉറപ്പുവരുത്തണം.