വനിത ശിശു വികസന വകുപ്പിന് കീഴിലുളള ഐ സി ഡി എസ് ഓഫീസിന്റെ ആവശ്യങ്ങള്‍ക്ക് 2025-26 വര്‍ഷത്തില്‍ കാര്‍( എ.സി) വാടകയ്ക്ക് നല്‍കുന്നതിന് ടെണ്ടര്‍ ക്ഷണിച്ചു. ടെണ്ടര്‍ ഫോമുകള്‍ ജൂണ്‍ രണ്ട് വരെ ലഭിക്കും. പൂരിപ്പിച്ച ഫോമുകള്‍ അന്നേ ദിവസം ഉച്ചയ്ക്ക് രണ്ട് മണി വരെ സ്വീകരിക്കും, വൈകിട്ട് മൂന്നിന് ടെണ്ടറുകള്‍ തുറക്കുമെന്നും ചിറ്റൂര്‍ ശിശു വികസന പദ്ധതി ഓഫീസര്‍ അറിയിച്ചു.

 ഗവണ്‍മെന്റ് മോഡല്‍ ഹയര്‍ സെക്കണ്ടറി സ്‌കൂളിന്റെ പുതിയ ഓഡിറ്റോറിയത്തിന്റെ ഉദ്ഘാടനം സ്‌കൂള്‍ അങ്കണത്തില്‍ വെച്ച് തിരുവഞ്ചൂര്‍ രാധാകൃഷ്ണന്‍ എം.എല്‍.എ. നിര്‍വഹിച്ചു. തിരുവഞ്ചൂര്‍ രാധാകൃഷ്ണന്‍ എം.എല്‍.എ.യുടെ ആസ്തി വികസന ഫണ്ടില്‍ നിന്ന് 69 ലക്ഷം രൂപ വിനിയോഗിച്ചാണ് നിര്‍മാണം പൂര്‍ത്തീകരിച്ചത്. ഒരേ സമയം 300ഓളം ഇരിപ്പിടങ്ങള്‍ ഓഡിറ്റോറിയത്തില്‍ സജ്ജീകരിക്കാം. ഇതോടൊപ്പം നിര്‍മാണം പൂര്‍ത്തീകരിച്ച ക്ലാസ്മുറിയുടെ ഉദ്ഘാടനവും നടന്നു. 

ഗവ.വിക്ടോറിയ കോളേജിലെ ഹിസ്റ്ററി ഗവേഷണ വിഭാഗം നല്‍കുന്ന പി എച്ച് ഡി പ്രോഗ്രാമിലേക്ക് അപേക്ഷിച്ചവര്‍ മെയ് 29 ന് രാവിലെ 10.30 ന് അസല്‍ സര്‍ട്ടിഫിക്കറ്റുകളുമായി റിപ്പോര്‍ട്ട് ചെയ്യേണ്ടതാണെന്ന് പ്രിന്‍സിപ്പല്‍ ഇന്‍ ചാര്‍ജ് അറിയിച്ചു. ഫോണ്‍: 8281716773.

ആനക്കൽ ഗവൺമെന്റ് ട്രൈബൽ വെൽഫയർ സ്കൂളില്‍ ദിവസവേതനടിസ്ഥാനത്തിൽ എഫ് ടി എം തസ്തികയിൽ നിയമനം നടത്തുന്നു. താത്പര്യമുള്ളവർ മെയ്‌ 23 ന് രാവിലെ 11 ന് യോഗ്യത തെളിയിക്കുന്ന അസ്സൽ രേഖകളുമായി ഓഫീസിൽ നേരിട്ടെത്തണമെന്ന് ഹെഡ്മിസ്ട്രസ് അറിയിച്ചു. ഫോൺ : 9895233140

 നവകേരളത്തിന് ജനകീയാസൂത്രണം 2024-25 വാര്‍ഷിക പദ്ധതിയില്‍ ഉള്‍പ്പെടുത്തി എലവഞ്ചേരി ഗ്രാമപഞ്ചായത്തില്‍ ഭിന്നശേഷിക്കാര്‍ക്ക് ഉപകരണങ്ങള്‍ വിതരണം ചെയ്യുന്നു. മെയ് 21ന് രാവിലെ 11 ന് എലവഞ്ചേരി ഗ്രാമപഞ്ചായത്തില്‍ വെച്ച് നടക്കുന്ന പരിപാടി ഗ്രാമപഞ്ചായത്ത് പ്രസിഡന്റ് കെ. മണികണ്ഠന്‍ ഉദ്ഘാടനം ചെയ്യും.

അകലക്കുന്നം ഗ്രാമപഞ്ചായത്തിലെ മൂഴൂര്‍ ഗവണ്‍മെന്റ് ആയുര്‍വേദ ആശുപത്രിയുടെ ഐ.പി. ബ്ലോക്കിന്റെ പണി പൂര്‍ത്തിയായി. ജൂലൈ മൂന്നിന് ഉച്ചയ്ക്ക് മൂന്നുമണിക്ക് ആരോഗ്യം വനിത- ശിശു വികസന വകുപ്പ് മന്ത്രി വീണാ ജോര്‍ജ് ഉദ്ഘാടനം നിര്‍വഹിക്കും. അഡ്വ. ചാണ്ടി ഉമ്മന്‍ എം.എല്‍.എ. അധ്യക്ഷത വഹിക്കും. മുന്‍ മുഖ്യമന്ത്രി ഉമ്മന്‍ചാണ്ടിയുടെ പ്രാദേശിക വികസന ഫണ്ടില്‍ നിന്ന് ഒരു കോടി രൂപയും ജോസ് കെ. മാണി എം.പി.യുടെ പ്രാദേശിക വികസന ഫണ്ടില്‍ നിന്ന് 25 ലക്ഷം രൂപയും ഉള്‍പ്പെടുത്തിയാണ് പണി പൂര്‍ത്തീകരിച്ചിരിക്കുന്നത്. 

ജില്ലയിലെ വിദ്യാര്‍ഥികളുടെ യാത്രാ പ്രശ്‌നങ്ങള്‍ ചര്‍ച്ച ചെയ്യുന്നതിനായി പാലക്കാട് സ്റ്റുഡന്റ്‌സ് ട്രാവല്‍ ഫെസിലിറ്റി കമ്മിറ്റിയുടെ യോഗം മെയ് 23 ന് വൈകീട്ട് നാല് മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ ചേരുമെന്ന് കണ്‍വീനറായ റീജയണല്‍ ട്രാന്‍സ്‌പോര്‍ട്ട് ഓഫീസര്‍ അറിയിച്ചു. ഫോണ്‍: 0491 2505741.

 മംഗലം ഡാം ഫോറസ്റ്റ് സ്‌റ്റേഷന്‍ പരിധിയില്‍ വരുന്ന 1962-65 യു.ടി.ടി ബിറ്റ് - ഒന്ന് തേക്ക് തോട്ടത്തിലെ മാര്‍ക്ക് ചെയ്ത 48 വെള്ളീട്ടി നില്‍പ്പ് മരങ്ങള്‍ മെയ് 22 ന് വൈകീട്ട് 3.30 ന് നെന്‍മാറ ഡിവിഷന്‍ ഓഫീസില്‍ ലേലം ചെയ്യും.  ടെണ്ടറുകള്‍ അന്നേ ദിവസം വൈകിട്ട് മൂന്ന് വരെ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍: 04923 243179 (നെന്മാറ ഡിവിഷണല്‍ ഓഫീസ് ), 8547602133 (ആലത്തൂര്‍ റെയിഞ്ച് ഫോറസ്റ്റ് ഓഫീസ്).