ഉദ്യോഗസ്ഥ സംഘം വോട്ടറുടെ വീട്ടിലെത്തി വോട്ട് രേഖപ്പെടുത്തി വാങ്ങുന്ന ഹോം വോട്ടിംഗ് തിങ്കളാഴ്ച തുടങ്ങി. ജില്ലയിൽ ആകെ 19,276 ഹോം വോട്ടുകളാണ് അംഗീകരിച്ചിട്ടുള്ളത്. 

സിറ്റിംഗ് ചൊവ്വാഴ്ച 

ഏപ്രിൽ ഒന്നിന് നിശ്ചയിച്ച തലശ്ശേരി സബ് ഡിവിഷണൽ മജിസ്‌ട്രേറ്റ് കോടതി സിറ്റിംഗ് മാർച്ച് 31ന്  രാവിലെ 11 ലേക്ക്  മാറ്റിയതായി തലശ്ശേരി സബ്കലക്ടർ അറിയിച്ചു.

ഹരിത വിസ്മയം മാജിക് ഷോ പ്രചാരണ യാത്രക്ക്  ചൊവ്വാഴ്ച തുടക്കം 

ഹരിത നിയമസഭ തെരഞ്ഞെടുപ്പ് പ്രചരണാർത്ഥം കണ്ണൂർ ജില്ലാ ശുചിത്വ മിഷൻ സംഘടിപ്പിക്കുന്ന ഹരിത വിസ്മയം മാജിക് ഷോ പ്രചാരണയാത്രക്ക് മാർച്ച് 31ന് തുടക്കം. 'വോട്ട് ചെയ്യുന്നതിനോടൊപ്പം ഭൗമ സംരക്ഷണവും' എന്ന ആശയം മുൻനിർത്തിയാണ് മാജിക് ഷോ സംവിധാനം ചെയ്തിരിക്കുന്നത്.  ജില്ലാ ഭരണകൂടവും സ്വീപും ചേർന്ന് സംഘടിപ്പിക്കുന്ന ‘ഇങ്ക്ഇറ്റ് കണ്ണൂർ’,  ശുചിത്വമിഷന്റെ 'ഗ്രീൻ ബട്ടൺ' എന്നീ ക്യാമ്പയിനുകളുടെ ഭാഗമായാണ് മാജിക് പ്രദർശനം. 

സ്ഥാനാർത്ഥികളുടെ വരവ് -ചെലവ് കണക്ക് പരിശോധന ഇന്ന് (മാർച്ച്‌ 31) 

നിയമസഭ തിരഞ്ഞെടുപ്പിലെ സ്ഥാനാർത്ഥികളുടെ തിരഞ്ഞെടുപ്പ് വരവ് -ചെലവ് കണക്കുകളുടെ ആദ്യ പരിശോധന മാർച്ച് 31 ന് നടക്കും. പിന്നീട് ഏപ്രിൽ നാല്, ഏഴ് തീയതികളിലും ചെലവ് നിരീക്ഷകർ കണക്ക് പരിശോധിക്കുമെന്ന് ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ അറിയിച്ചു. 

സ്ഥാനാർത്ഥികളുടെ വരവ് -ചെലവ് കണക്ക് പരിശോധന ഇന്ന് (മാർച്ച്‌ 31) 

നിയമസഭ തിരഞ്ഞെടുപ്പിലെ സ്ഥാനാർത്ഥികളുടെ തിരഞ്ഞെടുപ്പ് വരവ് -ചെലവ് കണക്കുകളുടെ ആദ്യ പരിശോധന മാർച്ച് 31 ന് നടക്കും. പിന്നീട് ഏപ്രിൽ നാല്, ഏഴ് തീയതികളിലും ചെലവ് നിരീക്ഷകർ കണക്ക് പരിശോധിക്കുമെന്ന് ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ അറിയിച്ചു. 

പൊതുജനങ്ങൾ, രാഷ്ട്രീയ പാർട്ടി പ്രതിനിധികൾ, സ്ഥാനാർത്ഥികൾ തുടങ്ങിയവർക്ക്  കൂത്തുപറമ്പ്, മട്ടന്നൂർ നിയമസഭ മണ്ഡലങ്ങളുമായി ബന്ധപ്പെട്ട പരാതികൾ നേരിട്ടോ ഫോൺ വഴിയോ പൊതു നിരീക്ഷകനായ മുഹമ്മദ് സൊഹൈലിനെ അറിയിക്കാം.

തിങ്കൾ, ബുധൻ, വ്യാഴം ദിവസങ്ങളിൽ  കൂത്തുപറമ്പ് റസ്റ്റ് ഹൗസ് ഓഫീസിലെ കോൺഫറൻസ് ഹാളിലും
ചൊവ്വ, വെള്ളി ദിവസങ്ങളിൽ മട്ടന്നൂർ റസ്റ്റ് ഹൗസിലും നിരീക്ഷകനെ നേരിൽ കാണാം. സമയം രാവിലെ 10 മുതൽ ഉച്ച 12 വരെ. 

മുഹമ്മദ് സൊഹൈലിന്റെ മൊബൈൽ നമ്പർ: 8138845263.

വോട്ടർ ബോധവത്ക്കരണ പരിപാടിയായ ‘സ്വീപിന്റെ’  ഭാഗമായി നടത്തിയ ഫുട്ബോൾ ടൂർണമെന്റിൽ പോലീസ് ഇലവൻ ജേതാക്കളായി. ആവേശം നിറഞ്ഞ ഫൈനൽ പോരാട്ടത്തിൽ എതിരില്ലാത്ത ഒരു ഗോളിന് കലക്ടേഴ്സ് ഇലവനെ പരാജയപ്പെടുത്തിയാണ് പോലീസ് ടീം കിരീടം ചൂടിയത്.

ഫോ 12 ഡി സമർപ്പിച്ച അവശ്യ സർവീസ് വിഭാഗത്തിലുള്ളവർക്ക് പോസ്റ്റൽ വോട്ട് ചെയ്യുന്നതിനായി എല്ലാ നിയോജക മണ്ഡലങ്ങളിലും പോസ്റ്റൽ വോട്ടിംഗ് സെന്ററുകൾ (പി വി സി) സജീകരിക്കും. സ്വന്തം വോട്ടുള്ള മണ്ഡലത്തിലെ പി.വി.സികളിലെത്തിയാണ് വോട്ടു രേഖപ്പെടുത്തേണ്ടത്. ഏപ്രിൽ 1 മുതൽ പി വി സി കൾ പ്രവർത്തിക്കും.

നിയമസഭാ തെരഞ്ഞെടുപ്പിനോടനുബന്ധിച്ച് പോളിംഗ് ഡ്യൂട്ടിയുള്ളവർ വോട്ടർ ഫെസിലിറ്റേഷൻ സെന്ററു (വി.എഫ്.സി)കളിലെത്തി വോട്ട് രേഖപെടുത്തണം. ഇതിന്റെ ഭാഗമായി ഒരു മണ്ഡലത്തിൽ ഒന്ന് എന്ന കണക്കിൽ ജില്ലയിലെ ആകെ 16  വി.എഫ്.സികൾ സജീകരക്കും. പോളിംഗ് ഉദ്യോഗസ്ഥർക്കുള്ള രണ്ടാംഘട്ട പരിശീലന കേന്ദ്രങ്ങളിലാണ് വി.എഫ്.സികൾ സജീകരിക്കുക. ഫോം 12 നൽകിയവർക്കാണ് ഇവിടങ്ങളിൽ വോട്ടു ചെയ്യാനാവുക.

പോളിങ് ഉദ്യോഗസ്ഥർക്ക് പരിശീലന കേന്ദ്രങ്ങളിലെ വി.എഫ്.സി കളിൽ വോട്ടു ചെയ്യാം

അവശ്യ സർവീസ് വിഭാഗക്കാർക്ക് സ്വന്തം മണ്ഡലത്തിലെ പി.വി.സികളിൽ വോട്ട് ചെയ്യാം