നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട് ആന്റി ഡീഫേസ്മെന്റ് സ്‌ക്വാഡിന്റെ നേതൃത്വത്തില്‍ ജില്ലയില്‍ നടത്തിയ പരിശോധനയില്‍ ശനിയാഴ്ച 279 പ്രചരണ സാമഗ്രികള്‍ നീക്കം ചെയ്തു.ഇതില്‍ പൊതു ഇടങ്ങളിലായി വിവിധ രാഷ്ട്രീയ പാര്‍ട്ടികള്‍സ്ഥാപിച്ച 177 പോസ്റ്ററുകള്‍, 14 ബാനറുകള്‍, 63 മറ്റ് പ്രചരണ സാമഗ്രികള്‍, സ്വകാര്യ ഇടങ്ങളില്‍ സ്ഥാപിച്ച 12 പോസ്റ്ററുകള്‍ 13 മറ്റ് പ്രചരണ സാമഗ്രികള്‍ എന്നിവ ഉള്‍പ്പെടുന്നു.

സി-വിജില്‍ ആപ്പ് മുഖേന ജില്ലയില്‍ വെള്ളിയാഴ്ച 246 പരാതികള്‍ ലഭിച്ചു. മുഴുവന്‍ പരാതികളും പരിഹരിച്ചു. ജില്ലയില്‍ ഇതുവരെ 1811 പരാതികളാണ് സി-വിജില്‍ ആപ്പ് വഴി ലഭിച്ചത്. നിയമസഭാ തെരഞ്ഞെടുപ്പിന്റെ മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് സി- വിജില്‍ ആപ്ല് മുഖേന പൊതുജനങ്ങള്‍ക്ക് നേരിട്ട് പരാതി നല്‍കാം.

തെരഞ്ഞെടുപ്പ് അവബോധ പ്രവര്‍ത്തനങ്ങളുടെ ഭാഗമായി ഇന്ന് (മാര്‍ച്ച് 29) വൈകുന്നേരം നാലിന് ബാണസുര സാഗര്‍ ഡാമില്‍ കയാക്കിങ്ങും തുടര്‍ന്ന് ഫ്‌ലാഷ്‌മോബും സംഘടിപ്പിക്കും. തെരഞ്ഞെടുപ്പ് ഓഫീസറായ ജില്ലാ കളക്ടര്‍ ഡി ആര്‍ മേഘശ്രീ ഉദ്ഘാടനം ചെയ്യും.

സ്വീപ് വയനാട് പദ്ധതിയുടെ ഭാഗമായി ജില്ലയിലെ വിവിധ സ്ഥലങ്ങളില്‍ തെരഞ്ഞെടുപ്പ് ബോധവത്ക്കരണ പരിപാടികള്‍ സംഘടിപ്പിച്ചു. കല്‍പറ്റ സ്വീപ് ടീമിന്റെയും ഐ.ടി.ഡി.പി വകുപ്പിന്റെയും സംയുക്താഭിമുഖ്യത്തില്‍ മേപ്പാടി പരൂര്‍ക്കുന്ന് ഉന്നതിയില്‍ നടന്ന പരിപാടി ശ്രദ്ദേയമായി. ഐ.ടി.ഡി.പി ജില്ലാ ഓഫീസര്‍ ജി പ്രമോദ് വോട്ടിന്റെ പ്രാധാന്യം വിശദീകരിച്ചു. ഡെപ്യൂട്ടി കളക്ടര്‍ എം.കെ ഇന്ദു, പി.എസ് രതീഷ്, ട്രൈബല്‍ എക്സ്റ്റന്‍ഷന്‍ ഓഫീസര്‍ രാജനികാന്ത്, വിവിധ ഉദ്യോഗസ്ഥര്‍ എന്നിവര്‍ പങ്കെടുത്തു. 

കാട്ടിക്കുളം ഇലക്ട്രിക്കൽ സെക്ഷൻ പരിധിയിലെ വൈദ്യുതി ലൈനിൽ അറ്റകുറ്റ പ്രവൃത്തി നടക്കുന്നതിനാൽ ഇന്ന് (മാർച്ച് 28) രാവിലെ ഒൻപത്   മുതൽ വൈകിട്ട് അഞ്ച് വരെ അപ്പപ്പാറ, കരമാട്, ചകിണി, അരണപാറ, അക്കൊല്ലി, കുന്നിയൂർ, കാൽകുനി, വെള്ളറ നരിക്കൽ, തോൽപ്പെട്ടി, തിരുനെല്ലി പ്രദേശങ്ങളിൽ വൈദ്യുതി വിതരണം പൂർണ്ണമായോ ഭാഗികമായോ മുടങ്ങും.

വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ മാമ്മട്ടംകുന്ന്, പാലമുക്ക്, പാസ്റ്ററൽ സെന്റർ പ്രദേശങ്ങളിൽ വൈദ്യുതി വിതരണം ഭാഗികമായി 
മുടങ്ങും.

2025-26 വർഷത്തെ വിവിധ നികുതികൾ അടവാക്കുന്നതിന് പൊതുജനങ്ങൾക്കായി മാർച്ച് 29 (ഞായർ) ഓഫീസ് പ്രവൃത്തി ദിവസമായിരിക്കുമെന്ന് മേപ്പാടി ഗ്രാമപഞ്ചായത്ത് സെക്രട്ടറി അറിയിച്ചു.

സി-വിജില്‍ ആപ്പ് മുഖേന ജില്ലയില്‍ വെള്ളിയാഴ്ച 248 പരാതികള്‍ ലഭിച്ചു. മുഴുവന്‍ പരാതികളും പരിഹരിച്ചു. ജില്ലയില്‍ ഇതുവരെ 1504 പരാതികളാണ് സി-വിജില്‍ ആപ്പ് വഴി ലഭിച്ചത്. നിയമസഭാ തെരഞ്ഞെടുപ്പിന്റെ മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് സി- വിജില്‍ ആപ്ല് മുഖേന പൊതുജനങ്ങള്‍ക്ക് നേരിട്ട് പരാതി നല്‍കാം.

വിവിധ തിരഞ്ഞെടുപ്പ് ജോലികളിൽ ഏർപ്പെട്ടിരിക്കുന്നവർക്ക് വോട്ട് ചെയ്യുന്നതിനായി ജില്ലയിലെ വോട്ടർ ഫെസിലിറ്റേഷൻ സെന്ററുകൾ,  പോസ്റ്റൽ വോട്ടിംഗ് സെന്ററുകൾ, ഡെസിഗ്നേറ്റഡ് വോട്ടർ ഫെസിലിറ്റേഷൻ സെന്ററുകൾ  എന്നിവയുടെ  പ്രവർത്തനക്രമം നിശ്ചയിച്ചു. 

വോട്ടർ ഫെസിലിറ്റേഷൻ സെന്ററുകളിൽ ഏപ്രിൽ 1 മുതൽ ഏപ്രിൽ 8 വരെയുള്ള എല്ലാ പ്രവൃത്തി ദിവസങ്ങളിലും വോട്ട് രേഖപ്പെടുത്താം. പോസ്റ്റൽ വോട്ടിങ് സെന്ററുകളിൽ മാർച്ച് 31 മുതൽ ഏപ്രിൽ 6 വരെയുള്ള പ്രവൃത്തി ദിവസങ്ങളിലാണ് പോസ്റ്റൽ ബാലറ്റ് ചെയ്യുന്നതിനുള്ള ക്രമീകരണങ്ങൾ സജ്ജീകരിച്ചിട്ടുള്ളത്.

നിയമസഭാ  തിരഞ്ഞെടുപ്പിനുള്ള  ഉദ്യോഗസ്ഥരുടെ രണ്ടാം ഘട്ട റാൻഡമൈസേഷൻ നടപടികൾ പൂർത്തിയായി. 

​രണ്ടാംഘട്ട റാൻഡമൈസേഷൻ വഴി ആകെ 15148 ഉദ്യോഗസ്ഥരെയാണ വിവിധ പോളിങ്  ജോലികൾക്കായി നിയോഗിച്ചിട്ടുള്ളത്: 

* പ്രിസൈഡിംഗ് ഓഫീസർമാർ: 3787 പേർ

* ​ഫസ്റ്റ് പോളിങ് ഓഫീസർമാർ: 3787 പേർ

* പോളിങ് ഓഫീസർമാർ: 7,574  

* ​റിസർവ് ഉദ്യോഗസ്ഥർ: അപ്രതീക്ഷിത സാഹചര്യങ്ങൾ നേരിടുന്നതിനായി 20% ഉദ്യോഗസ്ഥരെ റിസർവ് വിഭാഗത്തിൽ നിലനിർത്തിയിട്ടുണ്ട്.

നിയമസഭാ തിരഞ്ഞെടുപ്പിനോടനുബന്ധിച്ച് പോസ്റ്റൽ ബാലറ്റ് (തപാൽ വോട്ട്) രേഖപ്പെടുത്തുന്നതിനുള്ള വിശദമായ സമയക്രമവും മാർഗ്ഗനിർദ്ദേശങ്ങളും പുറപ്പെടുവിച്ചു. 

​ഇന്ന് (മാർച്ച് 30) മുതൽ ഭിന്നശേഷിക്കാർ, 85 വയസ്സിനു മുകളിൽ പ്രായമുള്ള മുതിർന്ന പൗരന്മാർ  എന്നിവർക്കായി വീടുകളിൽ എത്തി വോട്ട് രേഖപ്പെടുത്തുന്നതിനായുള്ള ഹോം വോട്ടിങ്  നടപടികളും ചൊവ്വാഴ്ച (മാർച്ച് 31) മുതൽ അവശ്യ സർവീസുകളിൽ ഉൾപ്പെട്ട വോട്ടർമാർക്കായി പോസ്റ്റൽ വോട്ടർ സെന്ററുകളും ആരംഭിക്കുമെന്ന് ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ ജി. പ്രിയങ്ക അറിയിച്ചു.