ശാരീരിക അസുഖം കാരണം രജിസ്ട്രേഷൻ മ്യൂസിയം, പുരാവസ്തു, പുരാരേഖാ വകുപ്പ് മന്ത്രി രാമചന്ദ്രൻ കടന്നപ്പള്ളിയുടെ ഒരാഴ്ചത്തെ പരിപാടികൾ മാറ്റിവച്ചു.

 പൊതു വിദ്യാഭ്യാസ വകുപ്പിന് കീഴില്‍ പ്രവര്‍ത്തിക്കുന്ന സ്വയംഭരണ വിദ്യാഭ്യാസ സ്ഥാപനമായ സ്‌കോള്‍ കേരളയുടെ നേതൃത്വത്തില്‍ സംഘടിപ്പിക്കുന്ന ഉല്ലാസം വേനല്‍ അവധി ക്യാമ്പിന് മുണ്ടൂര്‍ ഹയര്‍ സെക്കന്‍ഡറി സ്‌കൂളില്‍ തുടക്കമായി. എ പ്രഭാകരന്‍ എം എല്‍. എ. ക്യാമ്പ് ഉദ്ഘാടനം ചെയ്തു.

ശ്രീകൃഷ്ണപുരം ഐ സി ഡി എസ് ഓഫീസിന്റെ ആവശ്യങ്ങള്‍ക്ക് 2015- 26 വര്‍ഷത്തില്‍ വെറ്റ് ലീസ്( wet lease) വ്യവസ്ഥയില്‍ കരാര്‍ അടിസ്ഥാനത്തില്‍ വാഹനം ലഭിക്കുന്നതിനായി പുന: ടെണ്ടര്‍ ക്ഷണിച്ചു.  ടെണ്ടര്‍ ഫോമുകള്‍ മെയ് 28 വരെ ലഭിക്കും. ടെണ്ടര്‍ ഫോമുകള്‍ അന്നേ ദിവസം ഉച്ചയ്ക്ക് രണ്ട് മണിക്ക് സ്വീകരിക്കും. ടെണ്ടറുകള്‍ വൈകിട്ട് മൂന്നിന് തുറക്കുമെന്ന് ശിശു വികസന പദ്ധതി ഓഫീസര്‍ അറിയിച്ചു. ഫോണ്‍:  7994472338.

അട്ടപ്പാടി ഐ.ടി.ഡി.പി യുടെ പ്രവര്‍ത്തന പരിധിയിലുള്ള വിവിധ സ്‌കൂളുകളില്‍ ഗോത്രബന്ധു പദ്ധതിപ്രകാരം ദിവസ വേതനാടിസ്ഥാനത്തില്‍ മെന്റര്‍ ടീച്ചര്‍ തസ്തികയിലേക്ക്്  അപേക്ഷിക്കാം. പട്ടികവര്‍ഗ വിഭാഗക്കാര്‍ക്ക് അപേക്ഷിക്കാം. നിലവില്‍ ഒഴിവുള്ള മൂന്ന് തസ്തികകളിലും പ്രതീക്ഷിത ഒഴിവുകളിലും 2025- 26 അധ്യയന വര്‍ഷത്തേക്കാണ് നിയമനം.

സംസ്ഥാന സര്‍ക്കാറിന്റെ നാലാം വാര്‍ഷികാഘോഷത്തോടനുബന്ധിച്ച് മെയ് നാല് മുതല്‍ 10 വരെ സ്‌റ്റേഡിയം ബസ് സ്റ്റാന്റിന് സമീപത്തെ മൈതാനത്ത് നടന്ന എന്റെ കേരളം പ്രദര്‍ശന വിപണനമേളയില്‍ മികച്ച സ്റ്റാളുകള്‍ക്കുള്ള അവാര്‍ഡും മികച്ച കവറേജ് നല്‍കിയ മാധ്യമ പ്രവര്‍ത്തകര്‍ക്കുള്ള അവാര്‍ഡ് വിതരണം മെയ് 24ന് നടക്കും. കളക്ടറേറ്റ് കോണ്‍ഫറന്‍സ് ഹാളില്‍ രാവിലെ 10.30ക്ക് നോളജ് എക്കോണമി മിഷന്റെ ജില്ലാ വിജ്ഞാന കേരളം കൗണ്‍സില്‍ രൂപീകരണ യോഗത്തില്‍ വൈദ്യുത വകുപ്പ് മന്ത്രി കെ. കൃഷ്ണന്‍കുട്ടി, തദ്ദേശ സ്വയംഭരണ, എക്‌സൈസ്, പാര്‍ലമെന്ററി കാര്യ മന്ത്രി എം.ബി. രാജേഷ് എന്നിവര്‍ പുരസ്‌കാരങ്ങള്‍ വിതരണം ചെയ്യും.

പാലക്കാട് താലൂക്കില്‍ പി.എച്ച്.എച്ച്, എ.എ.വൈ കാര്‍ഡുകളില്‍ ഉള്‍പ്പെട്ട നിലവില്‍ മസ്റ്ററിങ് ചെയ്യാത്ത ഗുണഭോക്താക്കള്‍ മെയ് 31 നുള്ളില്‍ മസ്റ്ററിങ് ചെയ്യണമെന്ന് താലൂക്ക് സപ്ലൈ ഓഫീസര്‍ അറിയിച്ചു. ഫോണ്‍: 0491-2536872, 9188527391, 9188527791, 9188527792, 9188527793, 9188527794

വടക്കഞ്ചേരി ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ട് സെന്ററില്‍ തൊഴിലധിഷ്ടിത ഹോട്ടല്‍ മാനേജ്മെന്റ് കോഴ്സിലേക്ക് അപേക്ഷിക്കാം. ഫുഡ് പൊഡക്ഷന്‍, ഫുഡ് ആന്‍ഡ് ബിവറേജ് സര്‍വീസ് എന്നീ ഒരു വര്‍ഷ കോഴ്സുകളിലേക്കാണ് അപേക്ഷിക്കേണ്ടത്. പ്ലസ്ടുവാണ് യോഗ്യത. എസ്.സി/എസ്.ടി/ഒ.ഇ.സി വിദ്യാര്‍ഥികള്‍ക്ക് സൗജന്യമായി പഠിക്കാം. www.fcikerala.org വഴി ജൂണ്‍ അഞ്ച് വൈകീട്ട് അഞ്ച് വരെ അപേക്ഷിക്കാം. ഫോണ്‍: 04922 256677, 9142190406, 9605724950