വനിതാ-ശിശുവികസന വകുപ്പിന് കീഴില്‍ രാമവര്‍മ്മപുരത്ത് പ്രവര്‍ത്തിക്കുന്ന ഗവ. മഹിളാമന്ദിരത്തിലേക്ക് ലീഗല്‍ കൗണ്‍സിലറെ നിയമിക്കുന്നു. നിയമ ബിരുദം നേടിയ സ്ത്രീ സുരക്ഷാ നിയമങ്ങളുമായി ബന്ധപ്പെട്ട കേസുകള്‍ നടത്തി മൂന്ന് വര്‍ഷത്തിലേറെ പ്രവൃത്തിപരിചയമുള്ള വനിതാ അഭിഭാഷകര്‍ക്ക് അപേക്ഷ നല്‍കാം. അവസാന തിയ്യതി ഓഗസ്റ്റ് 14. വിലാസം: സൂപ്രണ്ട്, ഗവ. മഹിളാമന്ദിരം, രാമവര്‍മ്മപുരം പി.ഒ, തൃശ്ശൂര്‍ - 680631. ഫോണ്‍: 0487 2328258.

വെള്ളാങ്ങല്ലൂര്‍ ഐസിഡിഎസ് പ്രോജക്ടിന്റെ ഔദ്യോഗിക ആവശ്യങ്ങള്‍ക്കായി ഒരു വര്‍ഷത്തേക്ക് (പ്രതിമാസം പരമാവധി 1500 കി.മീ ഓടുവാന്‍) ഡ്രൈവര്‍ ഉള്‍പ്പെടെയുള്ള കരാര്‍ വാഹനം വാടകയ്ക്ക് നല്‍കാന്‍ താല്‍പര്യമുള്ള വ്യക്തികള്‍/ സ്ഥാപനങ്ങളില്‍ നിന്നും മുദ്രവെച്ച ടെണ്ടര്‍ ക്ഷണിച്ചു. ഓഗസ്റ്റ് 20 ഉച്ചയ്ക്ക് രണ്ട് വരെ ടെണ്ടര്‍ സ്വീകരിക്കും. വിശദവിവരങ്ങള്‍ക്കും ടെണ്ടര്‍ ഫോമിനുമായി വെള്ളാങ്ങല്ലൂര്‍ ബ്ലോക്ക് ഓഫീസ് കോമ്പൗണ്ടില്‍ പ്രവര്‍ത്തിക്കുന്ന ഐസിഡിഎസ് പ്രോജക്ട് ഓഫീസുമായി ബന്ധപ്പെടുക. ഇ-മെയില്‍: icdsvgr@gmail.com ഫോണ്‍: 0480 2865916,

വടക്കഞ്ചേരി ഐ.എച്ച്.ആര്‍.ഡി അപ്ലൈഡ് സയന്‍സ് കോളേജില്‍ വിവിധ ബിരുദ, ബിരുദാനന്തര ബിരുദ കോഴ്സുകളില്‍ ഒഴിവുള്ള സീറ്റുകളിലേക്ക് പ്രവേശനത്തിന് അപേക്ഷ ക്ഷണിച്ചു. ബി.കോം ഫിനാന്‍സ്, ബി.കോം കമ്പ്യൂട്ടര്‍ അപ്ലിക്കേഷന്‍, ബി.എസ്.സി ഇലക്ട്രോണിക്‌സ്, എം.കോം ഫിനാന്‍സ്, എം.എസ്.സി കമ്പ്യൂട്ടര്‍ സയന്‍സ് എന്നീ കോഴ്സുകളിലാണ് പൊതുവിഭാഗത്തില്‍ ഏതാനും സീറ്റുകള്‍ ഒഴിവുള്ളത്. എസ്.സി, എസ്.ടി വിഭാഗത്തില്‍പ്പെട്ടവര്‍ക്കും മറ്റ് പിന്നോക്ക വിഭാഗക്കാര്‍ക്കും നിയമാനുസൃത ഫീസ് സൗജന്യം ലഭിക്കുന്നതാണ്. താല്‍പര്യമുള്ള വിദ്യാര്‍ത്ഥികള്‍ ആവശ്യമായ അസ്സല്‍ സര്‍ട്ടിഫിക്കറ്റുകള്‍ സഹിതം കോളേജില്‍ നേരിട്ട് എത്തിച്ചേരേണ്ടതാണ്.

എറിയാട് ഗവ. ഐ.ടി.ഐയില്‍ 2026-27 അധ്യയന വര്‍ഷത്തേക്ക് ഒഴിവുള്ള സീറ്റുകളിലേക്ക് പ്രവേശനത്തിന് അപേക്ഷ ക്ഷണിച്ചു. പട്ടികവര്‍ഗ്ഗ വിഭാഗത്തിന് സംവരണം ചെയ്ത ഒരു സീറ്റിലേക്കും മൂന്ന് ജനറല്‍ സീറ്റുകളിലേക്കുമാണ് നിലവില്‍ അപേക്ഷിക്കാവുന്നത്. ഫോണ്‍: 0480 2804320, 9495062265.

കല, കായികം, സാഹിത്യം, ശാസ്ത്രം, സാമൂഹികം, പരിസ്ഥിതി സംരക്ഷണം, ഐ.ടി, കൃഷി, മാലിന്യ സംസ്‌കരണം, ജീവകാരുണ്യ പ്രവര്‍ത്തനം, ക്രാഫ്റ്റ്, ശില്‍പ നിര്‍മ്മാണം, അസാമാന്യ ധൈര്യം പ്രകടിപ്പിച്ച പ്രവര്‍ത്തനങ്ങള്‍ എന്നീ മേഖലകളില്‍ അസാധാരണ കഴിവ് പ്രകടിപ്പിച്ച കുട്ടികളില്‍ നിന്നും വനിതാ ശിശുവികസന വകുപ്പ് നല്‍കുന്ന 'ഉജ്ജ്വല ബാല്യം' പുരസ്‌കാരത്തിന് അപേക്ഷ ക്ഷണിച്ചു.

കേരള സംസ്ഥാന വയോജന കമ്മീഷന്റെ പരാതി പരിഹാര സിറ്റിംഗ് ഓഗസ്റ്റ് 11-ന് തൃശ്ശൂരില്‍ നടക്കും. രാവിലെ 10.30 മുതല്‍ ഉച്ചയ്ക്ക് ഒന്ന് വരെ ചെമ്പുക്കാവ് മിനി സിവില്‍ സ്റ്റേഷന്‍ ഹാളിലാണ് സിറ്റിംഗ് നടക്കുക. വയോജനങ്ങളുടെ ക്ഷേമം, സംരക്ഷണം, പുനരധിവാസം എന്നിവ ഉറപ്പാക്കുന്നതിന്റെ ഭാഗമായി നടത്തുന്ന സിറ്റിംഗില്‍ വയോജനങ്ങളില്‍ നിന്നുള്ള പുതിയ പരാതികളും നിര്‍ദ്ദേശങ്ങളും നേരിട്ട് സ്വീകരിക്കുമെന്ന് കമ്മീഷന്‍ സെക്രട്ടറി അറിയിച്ചു.

ജില്ലയിൽ കഴിഞ്ഞ ദിവസങ്ങളിലായി തുടരുന്ന അതിശക്തമായ മഴയെ തുടർന്ന് വിവിധ ഭാഗങ്ങളിൽ വെള്ളക്കെട്ട് രൂപപ്പെട്ടിട്ടുള്ളതിനാലും,  മഴ മുന്നറിയിപ്പ് നിലനിൽക്കുന്നതിനാലും, വിവിധ സ്ക്കൂളുകളിൽ ദുരിതാശ്വാസ ക്യാമ്പ് പ്രവർത്തിക്കുന്നതിനാലും വിദ്യാർത്ഥികളുടെ സുരക്ഷയെ മുൻനിർത്തി 06.08.2026 വ്യാഴം ജില്ലയിലെ കുട്ടനാട്, ചെങ്ങന്നൂർ, കാർത്തികപ്പളളി എന്നീ താലൂക്കുകളിലെ പ്രൊഫഷണൽ കോളേജുകൾ ഉൾപ്പെടെയുളള എല്ലാ വിദ്യാഭ്യാസ സ്ഥാപനങ്ങൾക്കും, അംഗനവാടികൾക്കും, ട്യൂഷൻ സെന്ററുകൾക്കും, കൂടാതെ ജില്ലയിലെ ദുരിതാശ്വാസ ക്യാമ്പുകൾ പ്രവർത്തിക്കുന്ന എല്ലാ വിദ്യാഭ്യാസ സ്ഥാപനങ്ങൾക്കും അവധി നൽകി 
ജില്ലാ കളക്ടർ ഷാജി വി നായർ

തൃശൂർ ജില്ലയിലെ സ്വാതന്ത്ര്യ ദിനാഘോഷത്തിൽ യുവജനക്ഷേമ, കായിക, രജിസ്ട്രേഷൻ വകുപ്പ് മന്ത്രി ഒ. ജെ. ജനീഷ് ദേശീയപതാക ഉയർത്തും. ഓഗസ്റ്റ് 15-ന് രാവിലെ ഒമ്പതിന് തേക്കിൻകാട് മൈതാനത്തെ വിദ്യാർത്ഥി കോർണറിലാണ് പതാക ഉയർത്തൽ.

പൊലീസ്, എക്സൈസ്, ഫോറസ്റ്റ്, സ്റ്റുഡന്റ് പോലീസ് കേഡറ്റ് (എസ്.പി.സി), എൻ.സി.സി തുടങ്ങിയവയുടെ വിവിധ പ്ലാറ്റൂണുകൾ പരേഡിൽ അണിനിരക്കും. പൂർണമായും ഹരിതചട്ടം പാലിച്ചായിരിക്കും ഇത്തവണത്തെ സ്വാതന്ത്ര്യ ദിനാഘോഷ പരിപാടികൾ സംഘടിപ്പിക്കുക.

-കുട്ടനാട്ടിലെ വെള്ളപ്പൊക്ക ഭീഷണി ഒഴിവാക്കാൻ അടിയന്തര നടപടികൾ
-ഒഴുക്കിന് തടസ്സമായി നിന്ന താല്ലകാലിക  നടപ്പാലം ഭാഗിമായി പൊളിച്ചു

തൃശൂര്‍ ജില്ലയില്‍ നിലവില്‍ 5 ദുരിതാശ്വാസ ക്യാമ്പുകളിലായി 19 കുടുംബങ്ങളിലെ 59 പേർ കഴിയുന്നു. 30 പുരുഷന്മാരും 20 സ്ത്രീകളും 9 കുട്ടികളും ക്യാമ്പുകളിൽ കഴിയുന്നുണ്ട്.  ഇതിൽ 18  മുതിർന്ന പൗരന്മാരും ഉൾപ്പെടുന്നു. നെല്ലായി ജെ.യു.പി.എസ് ക്യാമ്പ് പ്രവർത്തനം അവസാനിപ്പിച്ചു.

താലൂക്ക് അടിസ്ഥാനത്തിലുള്ള വിവരങ്ങള്‍:
1. മുകുന്ദപുരം താലൂക്ക് (3 ക്യാമ്പുകള്‍ - 5 കുടുംബങ്ങള്‍, 15 പേര്‍)