നിയമസഭ തിരഞ്ഞെടുപ്പായി ബന്ധപ്പെട്ട് ജില്ലയിലെ സെക്ടറൽ ഓഫീസർമാർക്ക് പരിശീലനം സംഘടിപ്പിച്ചു. ആസൂത്രണ സമിതി ഹാളിൽ നടന്ന ചടങ്ങിൽ ജില്ലാ കളക്ടർ കെ ഇമ്പശേഖർ, പൊതുനിരീക്ഷകൻ പി മോഹൻ ഗാന്ധി എന്നിവർ ക്ലാസിന് നേതൃത്വം നൽകി. ജില്ലയിലെ 192 സെക്ടറൽ ഓഫീസർമാർക്കാണ് ട്രെയിനിങ് നൽകിയത്. തിരഞ്ഞെടുപ്പുമായി ബന്ധപ്പെട്ട് വിവിധ തലങ്ങളിൽ സെക്ടറൽ ഓഫീസർമാർക്ക് നൽകിയിട്ടുള്ള ചുമതലകൾ സംബന്ധിച്ച് നിർദ്ദേശങ്ങളും നൽകി. ഇതിനു ശേഷം മൈക്രോ ഒബ്‌സേർവർമാർക്കും പരിശീലനം നൽകി. സംസ്ഥാനതല മാസ്റ്റർ പരിശീലകൻ പി പി ഉദയ സിംഹൻ പരിശീലനത്തിന് നേതൃത്വം നൽകി.

വട്ടിയൂർക്കാവ് സെൻട്രൽ പോളിടെക്‌നിക്‌ കോളേജിലെ കണ്ടിന്യൂയിംഗ് എഡ്യൂക്കേഷൻ സെല്ലിൽ ആരംഭിക്കുന്ന സ്‌കൂൾ വിദ്യാർത്ഥികൾക്കായുള്ള ഏപ്രിൽ-മേയ് മാസത്തെ വെക്കേഷൻ കോഴ്‌സുകളായ ബേസിക് ഇലക്‌ട്രോണിക്‌സ് & ഹോബിസർക്യൂട്ട്‌സ്

സംസ്ഥാനത്ത് ഗാർഹിക എൽ.പി.ജി., പെട്രോൾ/ ഡീസൽ എന്നിവയുടെ വിതരണത്തിൽ യാതൊരു പ്രതിസന്ധിയും നിലവിലില്ലെന്ന് സിവിൽ സപ്ലൈസ് കമ്മീഷണർ അറിയിച്ചു. കൊമേഴ്സ്യൽ എൽ.പി.ജി. വിതരണവുമായി ബന്ധപ്പെട്ട ചില നിയന്ത്രണങ്ങൾ ഏർപ്പെടുത്തിയിട്ടുണ്ട് എന്നതല്ലാതെ എൽ.പി.ജി.

മദ്ധ്യ പൂർവ്വേഷ്യയിൽ യുദ്ധം നടക്കുന്നതുമായി ബന്ധപ്പെട്ട് സംസ്ഥാനത്ത് LPG/ PNG (സിറ്റി ഗ്യാസ്)/ പെട്രോൾ/ ഡീ

നിയമസഭാ തിരഞ്ഞെടുപ്പിന് മുന്നോടിയായി ജില്ലയിലെത്തിയ തിരഞ്ഞെടുപ്പ് നിരീക്ഷകർ സ്ഥാനാർത്ഥികളുമായും വിവിധ രാഷ്ട്രീയ പാർട്ടി പ്രതിനിധികളുമായും കൂടിക്കാഴ്ച നടത്തി. തിരഞ്ഞെടുപ്പ് ചെലവ് നിരീക്ഷണം, ക്രമസമാധാന പാലനം തുടങ്ങിയ വിഷയങ്ങൾ ചർച്ച ചെയ്യുന്നതിനായാണ് യോഗം ചേർന്നത്. ജില്ലയിലെ തിരഞ്ഞെടുപ്പ് ഒരുക്കങ്ങൾ തൃപ്തികരമാണെന്നും മാതൃകാ പെരുമാറ്റച്ചട്ടം പാലിക്കുന്നതിൽ രാഷ്ട്രീയ പാർട്ടികൾ മികച്ച സഹകരണമാണ് നൽകുന്നതെന്നും നിരീക്ഷകർ പറഞ്ഞു.

ആലപ്പുഴ ജില്ലയിലെ ഒമ്പത് നിയമസഭാമണ്ഡലങ്ങളിലായി എ വി എസ് സി (85+) വോട്ടർമാർക്കും  എ വി പി ഡി  വോട്ടർമാർക്കും
( 40 ശതമാനത്തിലധികം ഭിന്നശേഷിയുള്ളവർ) ഉള്ള ഹോം വോട്ടിംഗ് മാർച്ച് 30 ന് തുടങ്ങുമെന്നും അതിനുള്ള ക്രമീകരണങ്ങൾ ഒരുക്കിയതായും  ജില്ലാ തിരഞ്ഞെടുപ്പ് ഓഫീസർ കെ ഇമ്പശേഖർ അറിയിച്ചു.

  ഇതിനായി എൽ എ സി അടിസ്ഥാനത്തിൽ ഒരു മൈക്രോ പ്ലാൻ തയ്യാറാക്കി മത്സരിക്കുന്ന സ്ഥാനാർത്ഥികളുമായും പോളിങ് ടീമുകളുമായും പങ്കുവെച്ചിട്ടുണ്ട്. വിതരണ കേന്ദ്രങ്ങളിൽ ഏജൻ്റുമാരെയും വീടുകളിൽ വോട്ട് ചെയ്യുമ്പോൾ ബൂത്ത് ലെവൽ ഏജൻ്റുമാരെയും അറിയിപ്പ് നൽകി എത്തിക്കേണ്ടത് സ്ഥാനാർത്ഥികളുടെ ഉത്തരവാദിത്വമാണ്.

നിയമസഭാ തിരഞ്ഞെടുപ്പുമായി ബന്ധപ്പെട്ട് വിവിധ തിരഞ്ഞെടുപ്പ് നിരീക്ഷകരെ അവർ താമസിക്കുന്ന ആലപ്പുഴ സർക്കാർ ഗസ്റ്റ് ഹൗസിലും എൻ ടി പി സി ഗസ്റ്റ് ഹൗസിലും എല്ലാ ദിവസവും  നേരിട്ട് കാണാനും പരാതികൾ ധരിപ്പിക്കാനും അവസരം. 

അരൂർ, ചേർത്തല, ആലപ്പുഴ, അമ്പലപ്പുഴ, കുട്ടനാട് മണ്ഡലങ്ങളുടെ പൊതുനിരീക്ഷകനായ പി മോഹൻ ഗാന്ധിയെ  എല്ലാ ദിവസവും രാവിലെ ഒമ്പത് മണി മുതൽ 10 മണിവരെ ആലപ്പുഴ ഗവ. ഗസ്റ്റ് ഹൗസിൽ നേരിട്ട് കാണുന്നതിന് അവസരമുണ്ട്. ഫോൺ: 7511176818.

2025-26 സാമ്പത്തിക വര്‍ഷാവസാനമായ മാര്‍ച്ച് 31ന് ട്രഷറിയിലെ നീക്കിയിരിപ്പ് തുക പൂര്‍ണമായും ബാങ്കില്‍ തിരിച്ചടയ്ക്കുന്നതിനാല്‍ ഏപ്രില്‍ ഒന്ന് ബുധനാഴ്ച, ആലപ്പുഴ റവന്യൂ ജില്ലാ പരിധിയിലെ ആലപ്പുഴ, ചെങ്ങന്നൂര്‍ ജില്ലാ ട്രഷറികളിലും സബ് ട്രഷറികളിലും ട്രഷറി ഇടപാടുകള്‍ ഉണ്ടായിരിക്കുന്നതല്ലെന്ന് ആലപ്പുഴ ജില്ലാ ട്രഷറി ഓഫീസര്‍ അറിയിച്ചു.

നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട് സ്ഥാനാർത്ഥികളുടെ വരവ്-ചെലവുകണക്ക് രജിസ്റ്ററുകളുടെ സൂക്ഷ്മ പരിശോധന മാർച്ച് 30, ഏപ്രിൽ മൂന്ന്, ആറ് തിയ്യതികളിൽ കളക്ടറേറ്റ് റൗണ്ട് കോൺഫറൻസ് ഹാളിൽ എക്‌സ്‌പെൻഡിച്ചർ ഒബ്സർവർ നിർവഹിക്കും. മാർച്ച്  30ന് നടക്കുന്ന  ആദ്യഘട്ട പരിശോധനക്ക്‌ കൽപ്പറ്റ മണ്ഡലത്തിലെ സ്ഥാനാർത്ഥികൾ രാവിലെ 10.30 നും മാനന്തവാടി മണ്ഡലത്തിലെ സ്ഥാനാർത്ഥികൾ ഉച്ചയ്ക്ക് 1.30 നും സുൽത്താൻ ബത്തേരി മണ്ഡലത്തിലെ സ്ഥാനാർത്ഥികൾ വൈകിട്ട് മൂന്നിനും എത്തിച്ചേരണം.

കേരള സർക്കാർ സാംസ്‌ക്കാരിക വകുപ്പ് സ്ഥാപനമായ ഗുരു ഗോപിനാഥ് നടന ഗ്രാമത്തിൽ ഏപ്രിൽ 25, 26 തീയതികളിൽ 2022 - ലെ കേന്ദ്രസംഗീത നാടക അക്കാദമി ജേതാവ് പല്ലവി കൃഷ്ണന്റെ നേതൃത്വത്തിൽ സംഘടിപ്പിക്കുന്ന മോഹിനിയാട്ടം ശില്പശാലയിൽ അംഗമാകാൻ താൽപര്യമുള്ളവരിൽ നിന്നും അപേക്ഷ ക്ഷണിച്ചു. 12 വയസ് പൂർത്തിയായവർക്ക് അപേക്ഷിക്കാം. സഹവാസ ക്യാമ്പിന്റെ സൗകര്യങ്ങൾ നടനഗ്രാമം ക്യാമ്പസിൽ സജ്ജമാക്കിയിട്ടുണ്ട്.