മീനങ്ങാടി ഗവ പോളിടെക്‌നിക് കോളേജിലെ തുടര്‍ വിദ്യാഭ്യാസ കേന്ദ്രത്തില്‍ ജൂണില്‍ ആരംഭിക്കുന്ന റഫ്രിജറേഷന്‍ ആന്റ് എയര്‍ കണ്ടീഷനിംഗ്, ഇലക്ട്രിക്കല്‍ വയറിങ് ആന്റ് സര്‍വ്വീസിങ് എന്നീ ഹ്രസ്വകാല തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. പത്താം ക്ലാസ് യോഗ്യതയുളളവര്‍ക്ക് അപേക്ഷിക്കാം. കോഴ്‌സ് പൂര്‍ത്തിയാക്കുന്നവര്‍ക്ക് പ്ലേസ്‌മെന്റ് ലഭിക്കും.ഫോണ്‍- 9744134901, 9847699720

വിധവകള്‍ക്ക് സംരക്ഷണം നല്‍കുന്ന ബന്ധുവിനു പ്രതിമാസം ആയിരം രൂപ ധനസഹായം നല്‍കുന്ന അഭയകിരണം പദ്ധതിക്ക് വനിതാ ശിശുവികസന വകുപ്പ് അപേക്ഷ ക്ഷണിച്ചു. 50 വയസ്സ് പിന്നിട്ട മുന്‍ഗണനാ വിഭാഗത്തില്‍ ഉള്‍പ്പെടുന്ന, വാര്‍ഷിക വരുമാനം ഒരു ലക്ഷം രൂപ കവിയാത്ത, പ്രായപൂര്‍ത്തിയായ മക്കളില്ലാത്ത വിധവകള്‍ക്ക് അഭയം നല്‍കുന്ന ബന്ധുവിനാണ് ധനസഹായം നല്‍കുന്നത്. www.schemes.wed.kerala.gov.in എന്ന വെബ്‌സൈറ്റിലൂടെ ഡിസംബര്‍ 15നകം അപേക്ഷ സമര്‍പ്പിക്കണം. മുന്‍വര്‍ഷം ധനസഹായം ലഭിച്ചവരും അപേക്ഷിക്കണമെന്നു ജില്ലാ വനിതാ ശിശുവികസന ഓഫീസര്‍ അറിയിച്ചു. ഫോണ്‍:04936-296362

കാലവര്‍ഷക്കെടുതിയില്‍ മരങ്ങള്‍ വീണുള്ള അപകടങ്ങള്‍ ഒഴിവാക്കാന്‍ സ്വകാര്യ വ്യക്തികളുടെ സ്ഥലങ്ങളിലെ അപകടകരമായ മരങ്ങള്‍ സ്വന്തം ചെലവില്‍ മുറിച്ചു മാറ്റണമെന്ന് പനമരം ഗ്രാമപഞ്ചായത്ത് സെക്രട്ടറി അറിയിച്ചു. വീഴ്ച വരുത്തിയാല്‍ ഉണ്ടാകുന്ന സാമ്പത്തിക കഷ്ട നഷ്ടങ്ങള്‍ക്ക് ഉടമസ്ഥര്‍ക്കായിരിക്കും ഉത്തരവാദിത്തം. 2005-ലെ ദുരന്ത നിവാരണ നിയമപ്രകാരം നടപടി സ്വീകരിക്കും. ഫോണ്‍ 04935220772

കളിചിരികളുടെ ആരവത്തോടെ ജില്ലയിലെ സ്‌കൂളുകള്‍ ഒന്നാം തരത്തിലേക്കുള്ള പ്രവേശനം ആഘോഷമാക്കി. പെരിക്കല്ലൂര്‍ ഗവ ഹയര്‍ സെക്കന്ററി സ്‌കൂളില്‍ കൃഷി വകുപ്പ് മന്ത്രി ടി. സിദ്ദിഖ് ജില്ലാതല പ്രവേശനോല്‍സവം ഉദ്ഘാടനം ചെയ്തു. കുട്ടികള്‍ക്ക് സ്‌നേഹത്തോടെയുള്ള പരിപാലനവും ചേര്‍ത്തുപിടിക്കലും നല്‍കി, ആധുനിക ലോകത്തിന്റെ വൈജ്ഞാനിക ഭൂപടത്തിലേക്ക് അവരെ ഉയര്‍ത്തിക്കൊണ്ടുവരാനുള്ള ഇടമായി വിദ്യാഭ്യാസ കാലഘട്ടത്തെ മാറ്റണമെന്ന് മന്ത്രി പറഞ്ഞു. വിദ്യാലയങ്ങള്‍ സന്തോഷം പരത്തുന്ന ഇടങ്ങളായി മാറണം. നാളെയുടെ പ്രകാശമായ കുട്ടികള്‍ ചിരിച്ചു കൊണ്ട് പഠിക്കണം. കുട്ടികള്‍ വളര്‍ന്നു വരുമ്പോള്‍ ചില സന്ദര്‍ഭങ്ങളില്‍ 'നോ' പറയേണ്ടി വരും.

മലപ്പുറം ജില്ലയിലെ 27 സബ് രജിസ്ട്രാര്‍ ഓഫീസുകള്‍, രണ്ടു ജില്ലാ രജിസ്ട്രാര്‍ ഓഫീസുകള്‍ എന്നിവിടങ്ങളില്‍ 2026-27 സാമ്പത്തിക വര്‍ഷത്തേക്ക് ആവശ്യമായ വിവിധ മോഡലിലുള്ള ലൈസര്‍ പ്രിന്ററുകളുടെ ടോണര്‍ കാട്രിഡ്ജുകള്‍ റീഫില്‍ ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജൂണ്‍ 23നകം ജില്ലാ രജിസ്ട്രാര്‍ (ജനറല്‍), ജില്ലാ രജിസ്ട്രാര്‍ (ജനറല്‍) ഓഫീസ്, ബി 2 ബ്ലോക്ക്, സിവില്‍ സ്‌റ്റേഷന്‍, മലപ്പുറം എന്ന വിലാസത്തില്‍ ജൂണ്‍ 23 വൈകുന്നേരം അഞ്ചിനകം ലഭിക്കണം. ഫോണ്‍- 0483- 2734883.

ജില്ലാതല പൊലീസ് കംപ്ലൈന്റ് അതോറിറ്റിയുടെ നിലവിലെ ചെയര്‍പേഴ്‌സന്റെ നിയമന കാലാവധി അവസാനിച്ചിച്ചതിനാല്‍ ജൂണ്‍ 11, 12 തിയതികളില്‍ രാവിലെ 10.30 മുതല്‍ മലപ്പുറം കളക്ടറേറ്റില്‍ നടത്തുവാന്‍ നിശ്ചയിച്ചിരുന്ന സിറ്റിങ് മാറ്റി. പുതുക്കിയ തിയതി പിന്നീട് അറിയിക്കും.

ന്യൂനപക്ഷ ക്ഷേമ വകുപ്പിന് കീഴില്‍ കാവുംപുറം മമ്പ ഉല്‍ ഹുദാ സെക്കന്റഡറി മദ്രസയില്‍  പ്രവര്‍ത്തിക്കുന്ന ന്യൂനപക്ഷ യുവജനതക്കുള്ള  പരിശീലന കേന്ദ്രത്തില്‍ ജൂലൈ ഒന്നിന് ആരംഭിക്കുന്ന ആറു മാസം ദൈര്‍ഘ്യമുള്ള സൗജന്യ പി.എസ്.സി പരിശീലന ബാച്ചുകളിലേക്ക് ജൂണ്‍ മൂന്നു മുതല്‍ അപേക്ഷിക്കാം. പി.എസ്.സി, യു.പി.എസ്.സി, എസ്.എസ്.സി, ബാങ്കിങ് തുടങ്ങി മത്സര പരീക്ഷകള്‍ക്ക് തയ്യാറെടുക്കുന്ന 18 മുതല്‍ 43 വയസ്സ് വരെയുള്ളവര്‍ക്ക് അപേക്ഷിക്കാം. ഉദ്യോഗാര്‍ഥികളുടെ സൗകര്യമനുസരിച്ച് റെഗുലര്‍, ഹോളിഡേ ബാച്ചുകള്‍ ലഭ്യമാണ്.

മലപ്പുറം എം.എസ്.പി. ഹയര്‍സെക്കന്‍ഡറി സ്‌കൂളില്‍ ഒഴിവുള്ള എച്ച.എസ്.എസ്.ടി. സുവോളജി, എച്ച്.എസ്.എസ്.ടി. ഹിസ്റ്ററി, എച്ച്.എസ്.എസ്.ടി. കൊമേഴ്‌സ്, എച്ച്.എസ്.എസ്.ടി. (ജൂനിയര്‍) ഇംഗ്ലീഷ്, എച്ച്.എസ്.എസ്.ടി. (ജൂനിയര്‍) ഇക്കണോമിക്‌സ്,  എച്ച്.എസ്.എസ്.ടി. (ജൂനിയര്‍) കംപ്യൂട്ടര്‍ അപ്ലിക്കേഷന്‍ എന്നീ തസ്തികകളില്‍ ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നതിനുള്ള അഭിമുഖം ജൂണ്‍ 23ന് രാവിലെ 10ന് എം.എസ്.പി. ഹയര്‍സെക്കന്‍ഡറി സ്‌കൂളില്‍ നടക്കും. പി.എസ്.സി. നിഷ്‌കര്‍ഷിക്കുന്ന യോഗ്യതയുള്ള അധ്യാപകര്‍ക്ക് പങ്കെടുക്കാം. ഫോണ്‍- 0493-2736234.

ടൂറിസം വകുപ്പിന് കീഴില്‍ പ്രവര്‍ത്തിക്കുന്ന പെരിന്തല്‍മണ്ണ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ 2026-27 അധ്യയന വര്‍ഷത്തെ പി.എ.സി അംഗീകൃത തൊഴിലധിഷ്ഠിത ഹോട്ടല്‍ മാനേജ്‌മെന്റ് കോഴ്‌സുകള്‍ക്ക് അപേക്ഷ ക്ഷണിച്ചു. ഫുഡ് ആന്‍ഡ് ബിവറേജ് സര്‍വീസ്, ഫുഡ് പ്രൊഡക്ഷന്‍, ഹോട്ടല്‍ അക്കോമഡേഷന്‍ ഓപ്പറേഷന്‍സ്, ഫ്രണ്ട് ഓഫീസ് ഓപ്പറേഷന്‍ എന്നീ കോഴ്സുകളിലേക്കാണ് അപേക്ഷ ക്ഷണിച്ചത്. പ്ലസ്ടു അല്ലെങ്കില്‍ അതിന് മുകളിലുള്ള യോഗ്യതയുള്ളവര്‍ക്ക് മുന്‍ഗണന ലഭിക്കും. അപേക്ഷാ ഫോമും പ്രോസ്‌പെക്ടസും സ്ഥാപനം വഴിയും അല്ലെങ്കില്‍ www.fcikerala.org എന്ന വെബ്‌സൈറ്റ് വഴിയും ലഭിക്കും.

മണ്‍സൂണ്‍ കാലത്ത് മത്സ്യത്തൊഴിലാളികള്‍ക്ക് അടിയന്തര സേവനം നല്‍കുന്നതിനായി 24 മണിക്കൂര്‍ പ്രവര്‍ത്തികുന്ന കണ്‍ട്രോള്‍ റൂമുകള്‍ പ്രവര്‍ത്തനം ആരംഭിച്ചു. കടല്‍ രക്ഷാപ്രവര്‍ത്തനങ്ങള്‍ക്കായി പൊന്നാനി, താനൂര്‍ കേന്ദ്രങ്ങളിലായി രണ്ട് റെസ്‌ക്യൂ ബോട്ടുകള്‍ സജ്ജമാക്കിയിട്ടുണ്ട്. ഓരോ ബോട്ടിലും മൂന്ന് ജീവനക്കാര്‍ ഉള്‍പ്പെടെയുള്ള കാപ്റ്റന്‍മാരും, ഉദ്യോഗസ്ഥരെ സഹായിക്കുന്നതിനായി എട്ട് സീ റസ്‌ക്യൂ ഗാര്‍ഡുമാരും ഉണ്ടാകും.  ഹാര്‍ബറുകള്‍ കേന്ദ്രീകരിച്ച് 10 ഹാര്‍ബര്‍ ബേസ്ഡ് റസ്‌ക്യൂ ഗാര്‍ഡുമാരെയും നിയമിച്ചിട്ടുണ്ട്. കണ്‍ട്രോള്‍ റൂമുമായി ബന്ധപ്പെടേണ്ട നമ്പറുകള്‍: 0494-2667428,  0494-2666428, 9745321680.