കേരള ആരോഗ്യശാസ്ത്ര സര്‍വകലാശാല  2026 ലെ പത്മവിഭൂഷണ്‍ ഡോ. എം. എസ്. വല്യത്താന്‍ സ്മാരക പ്രഭാഷണത്തിനായി നാമനിര്‍ദേശങ്ങള്‍ ക്ഷണിച്ചു. വൈദ്യശാസ്ത്ര-ബയോമെഡിക്കല്‍ ശാസ്ത്ര മേഖലകളില്‍ ശ്രദ്ധേയമായ സംഭാവനകള്‍ നല്‍കിയ വ്യക്തികളെ ആദരിക്കുന്നതിനായി സര്‍വകലാശാല നല്‍കുന്ന ഏറ്റവും ഉയര്‍ന്ന ബഹുമതികളിലൊന്നാണ് പുരസ്‌കാരം.

കണ്ണൂര്‍ സര്‍വകലാശാല ജാനകിയമ്മാള്‍ ക്യാമ്പസിലെ നരവംശശാസ്ത്ര വകുപ്പില്‍ ആന്ത്രപ്പോളജിക്കല്‍ സയന്‍സസില്‍ പഞ്ചവത്സര ഇന്റഗ്രേറ്റഡ് ബിരുദാനന്തര ബിരുദ കോഴ്സിന് അപേക്ഷിക്കാം. ഏതെങ്കിലും വിഷയത്തില്‍ പ്ലസ് ടു പാസായവര്‍ക്ക് അപേക്ഷിക്കാം. പ്രവേശനം ലഭിച്ചവര്‍ക്ക് മൂന്നുവര്‍ഷം പഠിച്ചാല്‍ ബിഎ ആന്ത്രോപ്പോളജിക്കല്‍ സയന്‍സസ് ബിരുദവും നാലുവര്‍ഷം പൂര്‍ത്തീകരിച്ചാല്‍ ബി എ ഹോണേര്‍സ് ബിരുദവും അല്ലെങ്കില്‍ ബി എ ഓണേഴ്സ് വിത്ത് റിസര്‍ച്ച് ബിരുദവും അഞ്ചുവര്‍ഷം പൂര്‍ത്തീകരിക്കുന്നവര്‍ക്ക് ആന്ത്രോപ്പോളജിക്കല്‍ സയന്‍സ് പഞ്ചവത്സര ഇന്റഗ്രേറ്റഡ് ബിരുദാനന്തര ബിരുദവും ലഭിക്കും.

കേരള സര്‍വകലാശാലയുടെയും എ.ഐ.സി.റ്റി.ഇയുടെയും അംഗീകാരത്തോടെ പുന്നപ്ര അക്ഷരനഗരി കേപ്പ് ക്യാമ്പസില്‍ പ്രവര്‍ത്തിക്കുന്ന ഗവണ്‍മെന്റ് അംഗീകൃത സ്ഥാപനമായ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് ആന്റ് ടെക്നോളജി (ഐ.എം.ടി) യില്‍ 2026-2028 വര്‍ഷത്തേക്കുള്ള ദിവത്സര ഫുള്‍ടൈം എം.ബി.എ  പ്രോഗ്രാമിലേക്ക് അഡ്മിഷന്‍ നടത്തുന്നതിന്റെ ഭാഗമായി ജൂണ്‍ 9 ചൊവ്വാഴ്ച്ച രാവിലെ 10 മണിക്ക്  ഇന്‍സ്റ്റിറ്റ്യൂട്ടില്‍ ഗ്രൂപ്പ് ഡിസ്‌കഷനും ഇന്റര്‍വ്യൂവും നടത്തും.

സംസ്ഥാന  സര്‍ക്കാര്‍  സ്ഥാപനമായ ഐ എച്ച് ആര്‍ ഡി യുടെ പൈനാവ് മോഡല്‍ പോളിടെക്നിക് കോളേജില്‍ 2026-27 വര്‍ഷം ലാറ്ററല്‍ എന്‍ട്രി വഴി രണ്ടാം വര്‍ഷത്തിലേക്കും നേരിട്ട് ഒന്നാം വര്‍ഷത്തിലേക്കും അഡ്മിഷന്‍ ആരംഭിച്ചു. അഡ്മിഷന് താല്‍പര്യമുള്ള പ്ലസ് ടു സയന്‍സ്/വി എച്ച് എസ് ഇ/ഐ ടി ഐ/കെ ജി സി ഇ പാസ്സായ വിദ്യാര്‍ത്ഥികള്‍ ലാറ്ററല്‍ എന്‍ട്രി വഴി രണ്ടാം വര്‍ഷത്തിലേക്കും എസ് എസ് എല്‍ സി/പ്ലസ് ടു/വി എച് എസ് ഇ പാസ്സായ വിദ്യാര്‍ത്ഥികള്‍ നേരിട്ട് ഒന്നാം വര്‍ഷത്തിലേക്കും
കോളേജില്‍ നേരിട്ടോ ഓണ്‍ലൈനായോ അപേക്ഷ സമര്‍പ്പിക്കണം.

കൊട്ടാരക്കര   കനറാ ബാങ്ക് ഗ്രാമീണ സ്വയം തൊഴില്‍ പരിശീലന ഇന്‍സ്റ്റിറ്റ്യൂട്ടില്‍   ആരംഭിക്കുന്ന ഇന്‍സ്റ്റാളേഷന്‍ ആന്‍ഡ് സര്‍വീസിംഗ് ഓഫ് സി.സി.ടി.വി, സ്മോക്ക് ഡീറ്റെക്ടര്‍ (14 ദിവസം) ഫാസ്റ്റ് ഫുഡ് നിര്‍മ്മാണം (10ദിവസം), കൂണ്‍കൃഷി (10ദിവസം) എന്നീ പരിശീലന പരിപാടികളിലേക്ക് അപേക്ഷ ക്ഷണിച്ചു. പ്രായപരിധി: 18-50 വയസ്. അപേക്ഷകര്‍ സ്വന്തമായി സംരംഭം നടത്താന്‍ താല്‍പര്യമുള്ളവരാകണം. ബി.പി.എല്‍ വിഭാഗത്തിലുള്ളവര്‍ക്ക് മുന്‍ഗണന. ട്രെയിനിംഗ്, ഭക്ഷണം തുടങ്ങിയവ   സൗജന്യമാണ്.

വിജ്ഞാനം, കലാകായിക സാംസ്‌കാരിക രംഗം, സാമൂഹ്യ സേവനം, ധീരത, കണ്ടുപിടുത്തം എന്നീ മേഖലകളില്‍ അസാധാരണമായി കഴിവ് പ്രകടിപ്പിക്കുന്ന കുട്ടികള്‍ക്ക് നല്‍കുന്ന ബാല്‍ ശക്തി പുരസ്‌കാരത്തിനായി അപേക്ഷ ക്ഷണിച്ചു.  കുട്ടികളുടെ ക്ഷേമം, സംരക്ഷണം, ഉന്നമനം എന്നിവയ്ക്കായി പ്രവര്‍ത്തിക്കുന്ന വ്യക്തികള്‍/ സ്ഥാപനങ്ങള്‍ക്ക് അപേക്ഷിക്കാം.  അപേക്ഷകള്‍ https://nca-wcd.nic.in/ മുഖേന സെപ്തംബര്‍ 15നകം ലഭ്യമാക്കണം. ഫോണ്‍: 0474 2791597, 8281899461.
 

മങ്ങാട് സര്‍ക്കാര്‍ ഹൈസ്‌കൂളില്‍ ഹൈസ്‌കൂള്‍ വിഭാഗം ഫിസിക്കല്‍ സയന്‍സ്, ഇംഗ്ലീഷ്  വിഷയങ്ങളില്‍ അതിഥി അധ്യാപകരെ  തിരഞ്ഞെടുക്കുന്നതിനുള്ള അഭിമുഖം ജൂണ്‍ 11 രാവിലെ 10 മുതല്‍  സ്‌കൂള്‍ ഓഫീസില്‍ നടത്തും. യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.
 

എഴുകോണ്‍ സര്‍ക്കാര്‍ പോളിടെക്നിക് കോളേജില്‍ കമ്പ്യൂട്ടര്‍ ഹാര്‍ഡ്‌വെയര്‍ എഞ്ചിനീയറിംഗ് വിഭാഗത്തില്‍ ലക്ചറര്‍ തസ്തികയില്‍ താല്‍ക്കാലിക നിയമനത്തിന് ജൂണ്‍ എട്ട്  രാവിലെ 10 ന് അഭിമുഖം നടത്തും.  യോഗ്യത: ബന്ധപ്പെട്ട വിഷയത്തില്‍ ഒന്നാം ക്ലാസ് ബി.ടെക് ബിരുദം/തതുല്യം.  യോഗ്യതാ സര്‍ട്ടിഫിക്കറ്റുകളുടെ അസല്‍ സഹിതം പ്രിന്‍സിപ്പല്‍ മുമ്പാകെ ഹാജരാകണം. വിവരങ്ങള്‍ക്ക് : gptcezhukone@gmail.com  ഫോണ്‍: 0474 2484068.
 

കൊടിക്കുന്നില്‍ സുരേഷ് എംപിയുടെ  പ്രാദേശിക വികസന പദ്ധതി (എം.പി ലാഡ്‌സ്) പ്രകാരം നടത്തുന്ന പ്രവൃത്തികളുടെ  പുരോഗതി അവലോകന യോഗം ജില്ലാ കലക്ടറുടെ അധ്യക്ഷതയില്‍ ജൂണ്‍ എട്ട് രാവിലെ 10ന്  ജില്ലാ ആസൂത്രണസമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ ചേരും.
 
 

കണ്ണൂര്‍, സേലം (തമിഴ്നാട്), ഗഡക് (കര്‍ണ്ണാടക), വെങ്കിടഗിരി (ആന്ധ്രപ്രദേശ്) എന്നിവിടങ്ങളിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്ലൂം ടെക്നോളജികളില്‍ നടത്തുന്ന ത്രിവത്സര ഹാന്‍ഡ്ലൂം ടെക്നോളജി ഡിപ്ലോമ കോഴ്സിന് അപേക്ഷ ക്ഷണിച്ചു. എസ്.എസ്.എല്‍.സി അഥവാ തത്തുല്യ പരീക്ഷയില്‍ ഇംഗ്ലീഷ് ഒരു വിഷയമായി പഠിച്ച് പാസ്സായവര്‍ക്ക് അപേക്ഷിക്കാം. പ്രായം 2026 ജൂലൈ 1-ന് 15 നും 23 നും  മധ്യേ.  പട്ടികജാതി/പട്ടികവര്‍ഗക്കാര്‍ക്ക് പരമാവധി പ്രായം 25 വയസ്.