ഹിന്ദി ഡിപ്ലോമ ഇൻ എലിമെന്ററി എഡ്യൂക്കേഷൻ കോഴ്‌സിൽ ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ സംഘടിപ്പിക്കുന്നു. ഓഗസ്റ്റ് പത്ത്, 11 തീയതികളിൽ രാവിലെ പത്ത് മുതൽ ഉച്ചയ്ക്ക് 12:30 വരെ അടൂർ ഭാരത് ഹിന്ദി പ്രചാര കേന്ദ്രത്തിലാണ് പ്രവേശന നടപടികൾ നടത്തുക. പ്ലസ് ടു തലത്തിൽ ഹിന്ദി പഠിച്ച് വിജയിച്ചവർക്കും ഉയർന്ന യോഗ്യതയുള്ളവർക്കും ഇതുവരെ അപേക്ഷ സമർപ്പിക്കാത്തവർക്കും സ്പോട്ട് അഡ്മിഷനിൽ നേരിട്ട് പങ്കെടുക്കാം.

എക്സൈസ് വകുപ്പിന്റെ കീഴിൽ ചാലക്കുടി താലൂക്ക് സർക്കാർ ആശുപത്രിയിൽ പ്രവർത്തിക്കുന്ന വിമുക്തി മിഷൻ ഡി-അഡിക്ഷൻ സെന്ററിലേക്ക് നേഴ്‌സിംഗ് ഓഫീസർ തസ്തികയിൽ കരാറടിസ്ഥാനത്തിൽ താത്കാലിക നിയമനം നടത്തുന്നു. ഓഗസ്റ്റ് 14-ന് രാവിലെ 11-ന് താലൂക്ക് ഹെഡ് ക്വാർട്ടേഴ്‌സ് ആശുപത്രി സൂപ്രണ്ടിന്റെ ഓഫീസിലാണ് വാക് ഇൻ ഇന്റർവ്യൂ.

ജി.എൻ.എം അല്ലെങ്കിൽ ബി.എസ്.സി നഴ്സിംഗ് യോഗ്യതയും കേരള നേഴ്‌സിംഗ് കൗൺസിൽ രജിസ്‌ട്രേഷനും ഉള്ളവർക്ക് പങ്കെടുക്കാം. പ്രവൃത്തിപരിചയമുള്ളവർക്ക് മുൻഗണന. ഉയർന്ന പ്രായപരിധി 40 വയസാണ്. പ്രതിമാസം 32,550/- രൂപയാണ് വേതനം. നിയമന കാലാവധി ഓരോ വർഷവും പുതുക്കി പരമാവധി 3 വർഷം ആയിരിക്കും.

പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന തൃശൂർ മായന്നൂർ ഗവ. ഐ.ടി.ഐയിൽ ട്രെയിനിംഗ് ഇൻസ്ട്രക്ടർ (സ്വീയിംഗ് ടെക്നോളജി) തസ്തികയിലെ ഒരു ഒഴിവിലേക്ക് ഗസ്റ്റ് ഇൻസ്ട്രക്ടറെ താത്കാലികമായി നിയമിക്കുന്നു. ദിവസവേതന/കരാർ അടിസ്ഥാനത്തിലാണ് നിയമനം.

പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന തൃശൂർ വരവൂർ ഗവ. ഐ.ടി.ഐയിൽ ട്രെയിനിംഗ് ഇൻസ്ട്രക്ടർ (മെക്കാനിക് മോട്ടോർ വെഹിക്കിൾ) തസ്തികയിലെ രണ്ട് ഒഴിവുകളിലേക്ക് ഗസ്റ്റ് ഇൻസ്ട്രക്ടർമാരെ താത്കാലികമായി നിയമിക്കുന്നു. ദിവസവേതന/കരാർ അടിസ്ഥാനത്തിലാണ് നിയമനം.

കേരള സർക്കാർ അംഗീകൃത ഓട്ടോമൊബൈൽ എഞ്ചിനീയറിംഗിലോ മെക്കാനിക്കൽ എഞ്ചിനീയറിംഗിലോ ഉള്ള മൂന്ന് വർഷത്തെ ഡിപ്ലോമയാണ് കുറഞ്ഞ യോഗ്യത. വേതനം നിയമാനുസൃതം മണിക്കൂർ അടിസ്ഥാനത്തിൽ ലഭിക്കും. പി.എസ്.സി / എംപ്ലോയ്മെന്റ് എക്സ്ചേഞ്ച് മുഖേന ആളുകളെ നിയമിക്കുന്നത് വരെയായിരിക്കും താത്കാലിക നിയമന കാലാവധി.

പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന തൃശ്ശൂർ ജില്ലയിലെ വി.ആർ.പുരം ഗവ. ഐ.ടി.ഐയിൽ ട്രെയിനിംഗ് ഇൻസ്ട്രക്ടർ (ഇലക്ട്രീഷ്യൻ) തസ്തികയിലെ രണ്ട് ഒഴിവുകളിലേക്ക് ദിവസവേതന/കരാർ അടിസ്ഥാനത്തിൽ ഗസ്റ്റ് ഇൻസ്ട്രക്ടർമാരെ താത്കാലികമായി നിയമിക്കുന്നു. ഓഗസ്റ്റ് 11-ന് ഉച്ചയ്ക്ക് രണ്ടിന് കോഴിക്കോട് ജില്ലയിലെ എലത്തൂർ ഗവ. ഐ.ടി.ഐയിലാണ് (എലത്തൂർ റെയിൽവേ സ്റ്റേഷന് സമീപം) അഭിമുഖം നടത്തുക.

പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന ഗവ. ഐ.ടി.ഐ ചെറുവത്തൂർ (കാസർഗോഡ്), ഗവ. ഐ.ടി.ഐ കുറുവട്ടൂർ (കോഴിക്കോട്), ഗവ. ഐ.ടി.ഐ കേരളാധീശ്വരപുരം (മലപ്പുറം), ഗവ. ഐ.ടി.ഐ മംഗലം (പാലക്കാട്), ഗവ. ഐ.ടി.ഐ എരുമപ്പെട്ടി (തൃശ്ശൂർ) എന്നീ സ്ഥാപനങ്ങളിലെ ട്രെയിനിംഗ് ഇൻസ്ട്രക്ടർ (പ്ലംബർ) തസ്തികയിലെ ഓരോ ഒഴിവുകളിലേക്ക് ദിവസവേതന/കരാർ അടിസ്ഥാനത്തിൽ ഗസ്റ്റ് ഇൻസ്ട്രക്ടർമാരെ താത്കാലികമായി നിയമിക്കുന്നു.

ഫിഷറീസ് വകുപ്പിന് കീഴിലുള്ള സൊസൈറ്റി ഫോർ അസിസ്റ്റൻസ് ടു ഫിഷർവിമെൻ (സാഫ്) തൃശ്ശൂർ നോഡൽ ഓഫീസിലേക്ക് കരാർ അടിസ്ഥാനത്തിൽ താത്കാലിക നിയമനത്തിനായി വാക്ക് ഇൻ ഇന്റർവ്യൂ നട
ത്തുന്നു. ഓഫീസ് അസിസ്റ്റന്റ്, ഫെസിലിറ്റേറ്റർ എന്നീ തസ്തികകളിൽ ഓരോ ഒഴിവുകളാണുള്ളത്.

 ഓണക്കാലത്തോടനുബന്ധിച്ച് തൃശൂർ ജില്ലയിൽ പ്രവർത്തിക്കുന്ന ഓണച്ചന്തകളിലും റോഡരികിലെ താത്കാലിക വിൽപന കേന്ദ്രങ്ങളിലും ഭക്ഷ്യസുരക്ഷാ വകുപ്പ് പരിശോധന ശക്തമാക്കുന്നു. വിവിധ ക്ലബ്ബുകൾ, റസിഡന്റ്സ് അസോസിയേഷനുകൾ, സന്നദ്ധ സംഘടനകൾ എന്നിവയുടെ നേതൃത്വത്തിൽ വിൽപന നടത്തുന്ന പായസം, ഉപ്പേരി, മറ്റ് ഭക്ഷണവിഭവങ്ങൾ എന്നിവ പ്രത്യേക പരിശോധനയ്ക്ക് വിധേയമാക്കും.

മാലിന്യ സംസ്കരണ രംഗത്ത് പ്രവർത്തിക്കുന്ന ഹരിതകർമ്മസേന അംഗങ്ങളുടെ ആരോഗ്യ-സാമൂഹിക സുരക്ഷ ഉറപ്പാക്കുന്നതിനായി കുടുംബശ്രീയും യുണൈറ്റഡ് ഇൻഷുറൻസ് കമ്പനിയും ചേർന്ന് നടപ്പിലാക്കുന്ന 'ഇൻസ്പെയർ' ഇൻഷുറൻസ് കാർഡുകളുടെ ജില്ലാതല വിതരണ ഉദ്ഘാടനവും മന്ത്രി അഡ്വ. ഒ.ജെ. ജനീഷ് നിർവ്വഹിക്കും . ഹരിതകർമ്മസേന അംഗങ്ങൾക്ക് മികച്ച ചികിത്സാ സഹായവും സുരക്ഷിതമായ തൊഴിൽ സാഹചര്യവും ഉറപ്പാക്കാൻ ഈ ഇൻഷുറൻസ് പരിരക്ഷ പ്രയോജനപ്പെടും.
 

ജില്ലയിലെ മുഴുവൻ കുടുംബശ്രീ സി.ഡി.എസുകളും ഐ.എസ്.ഒ (9001:2015) ഗുണമേന്മ നിലവാരത്തിലേക്ക് ഉയർന്നതിന്റെ സമ്പൂർണ പ്രഖ്യാപനവും പരിപാടിയിൽ നടത്തും. കിലയുടെ കൺസൾട്ടൻസിയിൽ നടത്തിയ പരിശോധനയിലാണ് 86 ഗ്രാമീണ സി.ഡി.എസുകളും 14 നഗര സി.ഡി.എസുകളും ഉൾപ്പെടെ 100 ഓഫീസുകൾ ഈ നേട്ടം കൈവരിച്ചത്. ഫയൽ ക്രമീകരണം, സാമ്പത്തിക ഇടപാടുകളിലെ കൃത്യത, ഹെൽപ്പ് ഡെസ്ക്, പൊതുജനങ്ങൾക്കുള്ള സേവന മികവ് എന്നിവ പരിഗണിച്ചാണ് മൂന്ന് വർഷ കാലാവധിയുള്ള  അന്താരാഷ്ട്ര അംഗീകാരം ലഭിച്ചത്.