തൃത്താല നിയോജകമണ്ഡലത്തിലെ തൃത്താല- പട്ടാമ്പി റോഡിന് സമീപമുള്ള കൂമന്‍തോട് പാലത്തിനും റോഡിനും കരുത്തേകാന്‍ പാര്‍ശ്വഭിത്തിയൊരുങ്ങി. തദ്ദേശ സ്വയംഭരണ എക്‌സൈസ് പാര്‍ലമെന്ററി മന്ത്രി എം.ബി രാജേഷിന്റെ നിര്‍ദ്ദേശ പ്രകാരം ആധുനിക ഗാബിയോണ്‍ രീതി അവലംബിച്ചാണ് കുമന്‍തോട് പാലത്തെയും റോഡിനേയും സംരക്ഷിക്കാന്‍ പദ്ധതിയൊരുക്കിയത്. കിഫ്ബി ഫണ്ടില്‍ നിന്നും 50 ലക്ഷം രൂപയോളം വിനിയോഗിച്ചാണ് പദ്ധതി നടപ്പിലാക്കുന്നത്.

പരുതൂര്‍ ഗ്രാമപഞ്ചായത്തിലെ വെള്ളിയാങ്കല്ല് ടൂറിസ്റ്റ് കേന്ദ്രത്തിലെ വാട്ടര്‍ എടിഎമ്മിന്റെയും ടേക്ക് എ ബ്രേക്കിന്റെയും ഉദ്ഘാടനം മെയ് 25ന്. വൈകീട്ട് നാലിന് പരുതൂര്‍ ഗ്രാമപഞ്ചായത്ത് പ്രസിഡന്റ് എ.പി.എം സക്കറിയ ഉദ്ഘാടനം ചെയ്യും. ഗ്രാമപഞ്ചായത്ത് വൈസ് പ്രസിഡന്റ് നിക്ഷിത ദാസ് അധ്യക്ഷയാകും.  ഗ്രാമപഞ്ചായത്തിന് ജലസേചനവകുപ്പ് അപേക്ഷ നല്‍കുകയും തുടര്‍ന്ന് ശൗചാലയത്തിനായി സ്ഥലം ഏറ്റെടുക്കുകയും 17 ലക്ഷം രൂപ  ചെലവഴിച്ച് ടേക്ക് എ ബ്രേക്ക് കെട്ടിടവും അഞ്ച് ലക്ഷം രൂപ ചെലവഴിച്ച് വാട്ടര്‍ എടി എമ്മും നിര്‍മിച്ചത്.

ജില്ലയില്‍ കാര്‍ഷിക സ്ഥിതിവിവരക്കണക്കുകള്‍ ശേഖരിക്കുന്ന കാര്‍ഷിക സ്ഥിതിവിവരക്കണക്ക് സര്‍വേയുടെ 2025- 26 വര്‍ഷത്തെ ഫീല്‍ഡുതല ജോലികള്‍ ആരംഭിച്ചു .

 കേന്ദ്ര സര്‍ക്കാര്‍ നൈപുണ്യ- വികസന സംരംഭകത്വ മന്ത്രാലയവും കേരള സര്‍ക്കാര്‍ തൊഴില്‍- നൈപുണ്യ വകുപ്പും ചേര്‍ന്ന്  ആര്‍.ഐ. സെന്ററിന്റെ ആഭിമുഖ്യത്തില്‍ ഏറ്റുമാനൂര്‍ ഗവണ്‍മെന്റ് ഐ.ടി.ഐ. യില്‍ വച്ച് ജൂലൈ ഏഴിന്(തിങ്കളാഴ്ച) പ്രധാനമന്ത്രി നാഷണല്‍ അപ്രന്റീസ്ഷിപ്പ് മേള നടത്തുന്നു.

കേന്ദ്ര  സര്‍ക്കാര്‍ സംരംഭമായ ബിസില്‍  ട്രെയിനിങ് ഡിവിഷന്‍  നടത്തുന്ന തൊഴില്‍ അധിഷ്ഠിത സ്‌കില്‍ ഡിപ്ലോമ ഇന്‍ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്സിലേക്ക് അപേക്ഷ ക്ഷണിച്ചു. പ്ലസ്ടു കഴിഞ്ഞവര്‍ക്ക് അപേക്ഷിക്കാം. ഒരു വര്‍ഷം ആറു മാസം ദൈര്‍ഘ്യമുള്ള കോഴ്സുകളിലൂടെ ഇന്റേണ്‍ഷിപ്പും പ്ലേസ്‌മെന്റ് അസിസ്റ്റന്‍സും ലഭിക്കും. ഫോണ്‍: 7994449314.

കൊഴിഞ്ഞാമ്പാറ സര്‍ക്കാര്‍ ആര്‍ട്‌സ് അന്‍ഡ് സയന്‍സ് കോളേജില്‍ കമ്പ്യൂട്ടര്‍ ആപ്ലിക്കേഷന്‍ വിഷയത്തില്‍ ഗസ്റ്റ് അധ്യാപകരെ നിയമിക്കുന്നതിനായി മെയ് 26 രാവിലെ 11 ന് കൂടിക്കാഴ്ച്ച നടത്തുന്നു. ഉദ്യോഗാര്‍ത്ഥികള്‍ കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസില്‍ പേര് രജിസ്റ്റര്‍ ചെയ്തവരാകണം. യു.ജി.സി നെറ്റ്, പി എച്ച് ഡി യോഗ്യതയുള്ളവര്‍ക്ക് മുന്‍ഗണന ലഭിക്കുമെന്ന് പ്രിന്‍സിപ്പല്‍ അറിയിച്ചു.  അപേക്ഷാ ഫോമുകള്‍ www.gasck.edu.in ല്‍ ലഭിക്കും. ഫോമുകള്‍ സ്വയം സാക്ഷ്യപ്പെടുത്തിയ രേഖകള്‍ സഹിതം മെയ് 26 ന് മുമ്പായി ലഭിക്കണം.

ലോക ഹൈപ്പര്‍ ടെന്‍ഷന്‍ ദിനത്തോടനുബന്ധിച്ച് ജില്ലാ തല ഉദ്ഘാടനവും പരിശോധന ക്യാമ്പും നടത്തി. ജില്ലാ മെഡിക്കല്‍ ഓഫീസും ദേശീയാരോഗ്യദൗത്യവും സംയുക്തമായാണ് പരിപാടി നടത്തിയത്. പാലക്കാട് ഡയറാ സ്ട്രീറ്റ് നഗര കുടുംബാരോഗ്യ കേന്ദ്രത്തില്‍ നടന്ന ജില്ലാ തല ഉദ്ഘാടനവും പരിഷശോധന ക്യാമ്പും ജില്ലാ മെഡിക്കല്‍ ഒഫീസര്‍ ഡോ. കെ.ആര്‍ വിദ്യ ഉദ്ഘാടനം ചെയ്തു.

കുടുംബശ്രീ അട്ടപ്പാടി ആദിവാസി സമഗ്ര വികസന പദ്ധതിയുടെ നേതൃത്വത്തില്‍ 2024-25 അധ്യയന വര്‍ഷം  എസ്.എസ്.എല്‍.സി വിജയിച്ച കുട്ടികള്‍ക്കായി കരിയര്‍ ഗൈഡന്‍സ് ശില്‍പശാല നടത്തി. അഗളി കില കോണ്‍ഫറന്‍സ് ഹാളില്‍ നടന്ന ശില്‍പശാല കുടുംബശ്രീ അട്ടപ്പാടി ആദിവാസി സമഗ്ര വികസന പദ്ധതി അസിസ്റ്റന്റ് പ്രൊജക്ട് ഓഫീസര്‍ ബി.എസ് മനോജ് ഉദ്ഘാടനം ചെയ്തു.  

 കേരള സര്‍ക്കാര്‍ സ്ഥാപനമായ കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോടുകൂടി തിരുവനന്തപുരം, ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരുവര്‍ഷം, ആറുമാസം, മൂന്നുമാസം ദൈര്‍ഘ്യമുള്ള ലോജിസ്റ്റിക്സിന്റെ വിവിധ കോഴ്സുകളിലേക്ക് ഇന്റ്റേണ്‍ഷിപ്പോടുകൂടി റഗുലര്‍, പാര്‍ട്ട് ടൈം ബാച്ചുകളില്‍ പ്രവേശനം നേടുന്നതിന് അപേക്ഷ ക്ഷണിച്ചു. യോഗ്യത: എസ്.എസ്.എല്‍.സി, പ്ലസ് ടു, ബിരുദം. വിശദവിവരത്തിന് ഫോണ്‍ : 7994926081.