72ാമത് നെഹ്‌റു ട്രോഫി വള്ളംകളിക്ക് മുന്നോടിയായി പബ്ലിസിറ്റി കമ്മിറ്റിയുടെ ആഭിമുഖ്യത്തിൽ വള്ളംകളി കമന്ററി മത്സരം സംഘടിപ്പിക്കുന്നു. ആഗസ്റ്റ് നാലിന് രാവിലെ 9 .30 ന്ആലപ്പുഴ ഗവ. മുഹമ്മദൻ ഗേൾസ് എച്ച് എസ് എസ് ഓഡിറ്റോറിയത്തിൽ (കളക്ട്രേറ്റിന് സമീപം)
ഡെപ്യൂട്ടി സ്പീക്കർ ഷാനിമോൾ ഉസ്മാൻ
  മത്സരം ഉദ്ഘാടനം ചെയ്യും. ജില്ലാ കളക്ടറും എൻ ടി ബി ആർ സൊസൈറ്റി ചെയർമാനുമായ ഷാജി വി നായർ അധ്യക്ഷനാകും. മുൻഎംഎൽഎ സി കെ സദാശിവൻ മുഖ്യ പ്രഭാഷണം നടത്തും. മുൻ എം.എൽ.എ എ.എ.ഷുക്കൂർ പങ്കെടുക്കും.

സംസ്ഥാനസര്‍ക്കാരിന്റെ ഔദ്യോഗികപരിപാടികളുടെ വീഡിയോ കവറേജ് നടത്തുന്നതിന് ആലപ്പുഴ ജില്ലാ ഇന്‍ഫര്‍മേഷന്‍ ഓഫീസില്‍ രൂപീകരിക്കുന്ന വീഡിയോ സ്ട്രിങ്ങര്‍മാരുടെ പാനലിലേക്ക് ആഗസ്റ്റ് എഴിന് വൈകിട്ട് അഞ്ച് വരെ അപേക്ഷിക്കാം. പ്രീഡിഗ്രി/പ്ലസ്ടുവാണ് അഭിലഷണീയ യോഗ്യത. ദൃശ്യമാധ്യമ രംഗത്ത് കുറഞ്ഞത് ഒരു വര്‍ഷത്തെ പ്രവൃത്തിപരിചയം അഭികാമ്യം. ന്യൂസ് ക്ലിപ്പ് ഷൂട്ട് ചെയ്ത് എഡിറ്റ് ചെയ്ത് വോയിസ് ഓവര്‍ നല്‍കി ന്യൂസ് സ്റ്റോറിയായി അവതരിപ്പിക്കുന്നതില്‍ കുറഞ്ഞത് ഒരു വര്‍ഷത്തെ പരിചയവും ആവശ്യമാണ്.

ആഗസ്റ്റ് 22 ന് പുന്നമടക്കായലിൽ നടക്കുന്ന 72ാമത് നെഹ്റുട്രോഫി വള്ളംകളിയുടെ പബ്ലിസിറ്റി കമ്മറ്റി ഓഫീസ്  കളക്ട്രേറ്റിൽ ജില്ലാ കളക്ടർ ഷാജി വി നായർ ഉദ്ഘാടനം ചെയ്തു.  ആലപ്പുഴയുടെയും കേരളത്തിന്റെയും വികാരമായ നെഹ്റുട്രോഫി വള്ളംകളിയെ കൂടുതൽ ജനകീയമാക്കാനും ലോകമെമ്പാടുമുള്ള വിനോദസഞ്ചാരികളിലെത്തിക്കാനും വിപുലമായ പ്രചാരണപ്രവർത്തനങ്ങൾ സംഘടിപ്പിക്കുമെന്നും ജില്ലാ കളക്ടർ പറഞ്ഞു. 

നെഹ്റുട്രോഫി വള്ളംകളി ഇത്തവണ ഒരാഴ്ച നീളുന്ന ആലപ്പുഴയുടെ ഉത്സവമാക്കാനാണ് സംഘാടക സമിതി ശ്രമിക്കുന്നതെന്ന് ജില്ല കളക്ടർ ഷാജി വി.നായർ പറഞ്ഞു. ഇതിനായി ഇത്തവണ ക്ലബ്ബുകളുമായി ആലോചന നടന്നുവരുകയാണ്. ട്രാക്ക് നേരത്തെ തയ്യാറാക്കി ജനങ്ങളെ അറിയിച്ച് ട്രയലുകൾ കൂടൂതൽ ജനപ്രീയമാക്കാൻ ഉദ്ദേശിക്കുന്നതായും അദ്ദേഹം പറഞ്ഞു. 
72-ാമത് നെഹ്റു ട്രോഫി വള്ളംകളിയുടെ നടത്തിപ്പിൽ മാധ്യമങ്ങൾക്ക് വേണ്ട ക്രമീകരണങ്ങൾ ആലോചിക്കാൻ ജില്ലയിലെ മാധ്യമ സ്ഥാപനങ്ങളിലെ ബ്യൂറോ ചീഫുമാരുടെ കളക്ടറേറ്റ് കോൺഫറൻസ് ഹാളിൽ ചേർന്ന യോഗത്തിൽ സംസാരിക്കുകയായിരുന്നു അദ്ദേഹം. 

ഓറഞ്ച് അലര്‍ട്ട് പ്രഖ്യാപിച്ച സാഹചര്യത്തില്‍ കോട്ടയം ജില്ലയിലെ പ്രഫഷണല്‍ കോളജുകളും അങ്കണവാടികളും  ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും നാളെ(ജൂലൈ 31 വെള്ളി) ജില്ലാ കളക്ടര്‍ ചേതന്‍കുമാര്‍ മ‍ീണ  അവധി പ്രഖ്യാപിച്ചു.  മുന്‍കൂട്ടി നിശ്ചയിച്ച പരീക്ഷകള്‍ക്ക് മാറ്റമുണ്ടാകില്ല.
 

ഭക്ഷണ സാധനങ്ങൾക്ക് അമിതവില ഈടാക്കുന്ന സ്ഥാപനങ്ങൾക്കെതിരെ കർശന നടപടി സ്വീകരിക്കുമെന്ന് ജില്ലാ കളക്ടർ ചേതൻകുമാർ മീണ അറിയിച്ചു.പാചക വാതക സിലിണ്ടറിന്റെ നിയന്ത്രണം  പിൻവലിച്ചിട്ടും ജില്ലയിലെ ഹോട്ടലുകൾ, കേറ്ററിംഗ് സ്ഥാപനങ്ങൾ, ബേക്കറികൾ, തട്ടുകടകൾ എന്നിവിടങ്ങളിൽ ചായ ഉൾപ്പെടെയുള്ള ഭക്ഷണ സാധനങ്ങൾക്ക് അമിത വില ഈടാക്കുന്നതായി ശ്രദ്ധയിൽപെട്ടിട്ടുണ്ട്. ഹോട്ടലുകളിലും, ബേക്കറികളിലും കൃത്യമായി വിലവിവരപട്ടിക പ്രദർശിപ്പിക്കണം. നിശ്ചിത വിലയിലും അധികമായി മറ്റു ചാർജുകൾ ഈടാക്കുന്നത് നിയമവിധേയമല്ല.

അന്താരാഷ്ട്ര യുവജനദിനത്തോടനുബന്ധിച്ച് വിദ്യാർത്ഥികൾക്കിടയിൽ എച്ച്.ഐ.വി/എയ്ഡ്സിനെക്കുറിച്ച് അവബോധം സൃഷ്ടിക്കുന്നതിനായി യൂത്ത് ഫെസ്റ്റ് 2026 ന്റെ ഭാഗമായി കോളേജ് വിദ്യാർത്ഥികൾക്കായി മാരത്തൺ മത്സരവും സ്കൂൾ വിദ്യാർത്ഥികൾക്കായി ക്വിസ് മത്സരവും നടത്തി. 

ജില്ലാ മെഡിക്കൽ ഓഫീസ് കോമ്പൗണ്ടിൽ നിന്നും ആരംഭിച്ച മാരത്തൺ ടി.ഒ മോഹനൻ എംഎൽഎ ഫ്ലാഗ് ഓഫ്‌ ചെയ്തു.

ഇൻഫർമേഷൻ-പബ്ലിക് റിലേഷൻസ് വകുപ്പിന്റെ കോട്ടയം ജില്ലാ ഇൻഫർമേഷൻ ഓഫീസിൽ ഫോട്ടോഗ്രാഫർമാരുടെയും വീഡിയോഗ്രാഫർമാരുടെയും പാനൽ രൂപീകരിക്കുന്നതിന് അപേക്ഷ ക്ഷണിച്ചു. ഒരു വർഷത്തേക്ക് കരാർ വ്യവസ്ഥയിലാണ് സേവനം. കോട്ടയം ജില്ലയിലെ സ്ഥിരതാമസക്കാരെയാണ് പരിഗണിക്കുന്നത്. അപേക്ഷകർ പോലീസ് ക്ലിയറൻസ് സർട്ടിഫിക്കറ്റ് ഹാജരാക്കേണ്ടതാണ്.  വീഡിയോഗ്രാഫർ പാനലിലേക്ക് അപേക്ഷിക്കുന്നർക്ക് ദൃശ്യമാധ്യമ രംഗത്ത് കുറഞ്ഞത് ഒരു വർഷത്തെ പ്രവൃത്തിപരിചയം ഉണ്ടായിരിക്കണം. പി.ആർ.ഡിയിൽ പ്രവൃത്തിപരിചയമുള്ളവർക്കും ഇലക്ട്രോണിക് വാർത്താ മാധ്യമങ്ങളിൽ വീഡിയോഗ്രാഫി അല്ലെങ്കിൽ വീഡിയോ എഡിറ്റിംഗിൽ പ്രവർത്തിച്ചവർക്കും മുൻഗണന ലഭിക്കും.

കാഴ്ചപരിമിതർക്കുള്ള ഒളശ സർക്കാർ വിദ്യാലയത്തിൽ സംഗീത അധ്യാപകൻ, ഉപകരണസംഗീതം അധ്യാപകൻ തസ്തികകളിൽ ദിവസവേതന അടിസ്ഥാനത്തിൽ നിയമനത്തിന് ഓഗസ്റ്റ് മൂന്നിന്  രാവിലെ പത്തുമണിക്ക് സ്‌കൂൾ ഓഫീസിൽ  അഭിമുഖം നടത്തും. ഉപകരണസംഗീതം അധ്യാപക തസ്തിക കാഴ്ച്ചപരിമിതർക്കായി സംവരണചെയ്തിരിക്കുന്നു. ഈ വിഭാഗത്തിൽ പെട്ടവരുടെ അഭാവത്തിൽ മറ്റുള്ളവരെയും പരിഗണിക്കും.  കെടെറ്റും കേരള സർക്കാർ നിഷ്‌കർഷിച്ചിരിക്കുന്ന യോഗ്യതകളുമുള്ളവരെയാണ് പരിഗണിക്കുന്നത്. ബയോഡേറ്റയും സർട്ടിഫിക്കറ്റുകളുടെ അസലുമായി എത്തണം.  ഫോൺ- 9544118933

എം.എൽ.എയുടെ ആസ്തി വികസനഫണ്ടിൽ ഉൾപ്പെടുത്തി നടപ്പാക്കുന്ന നെടുംകുന്നം ഗ്രാമപഞ്ചായത്ത് കളിസ്ഥലം, കറുകച്ചാൽ ഗ്രാമപഞ്ചായത്തിലെ മഠത്തിനാഞ്ചിറ - പെരുമ്പേറ്റ്കുന്ന് റോഡ്, കങ്ങഴ ഗ്രാമപഞ്ചായത്തിലെ കോഴമലപ്പടി - രാമറ്റം റോഡ് എന്നിവയുടെ കോൺക്രീറ്റിംഗ് പ്രവൃത്തികൾക്ക് വാഴൂർ ബ്ളോക്ക് ഡവലപ്മെൻറ് ഓഫീസർ ഇ-ടെണ്ടർ ക്ഷണിച്ചു. കൂടുതൽ വിവരങ്ങൾക്ക് ഫോൺ: 8281040553