പത്തനംതിട്ട എസ് ബി ഐ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍  ആറ് ദിവസത്തെ സംരഭകത്വ പരിശീലനത്തോടൊപ്പം ബ്രൈഡല്‍ എച്ച് ഡി മേക്കപ്പ്, സാരി ഫോല്‍ഡിംഗ് ആന്റ് ഡ്രേപ്പിംഗ്, ബേസിക് നെയില്‍ ആര്‍ട്ട് എന്നിവയുടെ സൗജന്യ പരിശീലനം ആരംഭിക്കുന്നു. പ്രായപരിധി 18-49. ഫോണ്‍: 8330010232, 0468 2270243, 2992293.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഡിപ്ലോമ ഇന്‍ ലോജിസ്റ്റിക്‌സ് ആന്റ് സപ്ലൈ ചെയിന്‍ മാനേജ്‌മെന്റ് കോഴ്‌സിലേക്ക് പ്രവേശനം ആരംഭിച്ചു. ഒരു വര്‍ഷം, ആറു മാസം ദൈര്‍ഘ്യമുള്ള കോഴ്‌സിലേക്ക് പ്ലസ് ടു കഴിഞ്ഞവര്‍ക്ക് അപേക്ഷിക്കാം. ഫോണ്‍: 7994449314.

തിരുവനന്തപുരത്തെ കേരള ഇന്‍സ്റ്റിറ്റ്യൂട്ട് ഓഫ് ടൂറിസം ആന്റ് ട്രാവല്‍ സ്റ്റഡീസില്‍ പബ്ലിക് റിലേഷന്‍സ് ഇന്‍ ടൂറിസം പി ജി ഡിപ്ലോമ കോഴ്സില്‍ ഒഴിവുള്ള സീറ്റുകളിലേക്ക് അപേക്ഷിക്കാം. അംഗീകൃത സര്‍വകലാശാല ബിരുദമാണ് യോഗ്യത. അവസാന തീയതി ഓഗസ്റ്റ് മൂന്ന്. വെബ്‌സൈറ്റ്: www.kittsedu.org  . ഫോണ്‍: 0471 2329468, 2329539, 9809189940.

 
കോഴഞ്ചേരി താലൂക്ക് വികസന സമിതി യോഗം ഓഗസ്റ്റ് ഒന്ന് രാവിലെ 10.30 ന് പത്തനംതിട്ട നഗരസഭ കോണ്‍ഫറന്‍സ് ഹാളില്‍ ചേരും.

പത്തനംതിട്ട മൈ ഭാരതിന്റെ നേതൃത്വത്തില്‍ സംഘടിപ്പിച്ച യൂത്ത് ക്ലബ്ബ് ശാക്തീകരണ പരിപാടിയുടെ സമാപനവും പ്രതിഭാ സംഗമവും സി.വി. ശാന്തകുമാര്‍ എംഎല്‍എ ഉദ്ഘാടനം ചെയ്തു. എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം കരസ്ഥമാക്കിയ കുട്ടികളെ അനുമോദിച്ചു. ഇളംപള്ളില്‍ - പയ്യനല്ലൂര്‍ പ്രതീക്ഷ ലൈബ്രറി പ്രസിഡന്റ് വിമല്‍ കൃഷ്ണന്‍ അധ്യക്ഷനായി. ലോകകപ്പ് ഫുട്‌ബോള്‍ ഫൈനല്‍ പ്രവചന മത്സര വിജയികള്‍ക്കുള്ള സമ്മാനദാനം പള്ളിക്കല്‍ ഗ്രാമപഞ്ചായത്ത് പ്രസിഡന്റ് സി. ആര്‍. ദിന്‍ രാജ് നിര്‍വഹിച്ചു. ഗ്രാമപഞ്ചായത്ത് അംഗങ്ങളായ മനോജ് സി ശേഖര്‍, അരുണ്‍ കൃഷ്ണന്‍, ലൈബ്രറി സെക്രട്ടറി എസ്. സജീവ്, വനിതാവേദി സെക്രട്ടറി എം.

ജില്ലാ മെഡിക്കല്‍ ഓഫീസ് (ആരോഗ്യം), ആരോഗ്യകേരളം പത്തനംതിട്ട എന്നിവയുടെ സംയുക്താഭിമുഖ്യത്തില്‍ അടൂര്‍ ജനറല്‍ ആശുപത്രിയില്‍ സംഘടിപ്പിച്ച ലോക വൈറല്‍ ഹെപ്പറ്റൈറ്റിസ്  ദിനത്തിന്റെ ജില്ലാതല ഉദ്ഘാടനം സി വി ശാന്തകുമാര്‍ എംഎല്‍എ നിര്‍വഹിച്ചു. അടൂര്‍ നഗരസഭ ചെയര്‍പേഴ്സണ്‍ റീന ശാമുവല്‍  അധ്യക്ഷയായി. 'ഹെപ്പറ്റൈറ്റിസ് :നമുക്ക് പരിഹരിക്കാം ' എന്നതാണ് ഈ വര്‍ഷത്തെ ദിനാചരണ സന്ദേശം. ദിനാചരണത്തോടനുബന്ധിച്ച് ഹൈ റിസ്‌ക് വിഭാഗങ്ങളുടെ ഇടയില്‍ ബോധവല്‍ക്കരണം, ഹെപ്പറ്റൈറ്റിസ് പരിശോധന വാക്സിനേഷന്‍ തുടങ്ങിയവ സംഘടിപ്പിക്കും. 2030 ഓടെ ഹെപ്പറ്റൈറ്റിസ് നിവാരണം ചെയ്യുകയാണ് ലക്ഷ്യം.

അപകടം ആവര്‍ത്തിക്കുന്ന കുമ്പഴ ജംഗ്ഷനില്‍ ട്രാഫിക് സിഗ്‌നല്‍ സ്ഥാപിക്കുമെന്ന് അബിന്‍ വര്‍ക്കി എംഎല്‍എ. ട്രാഫിക് സിഗ്‌നല്‍ സ്ഥാപിക്കണമെന്നത് നാട്ടുകാരുടെ ദീര്‍ഘമായ ആവശ്യമായിരുന്നു. കുമ്പഴ ജംഗ്ഷനില്‍ സുരക്ഷ ഉറപ്പാക്കുന്നതുമായി ബന്ധപ്പെട്ട് കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന ഉദ്യോഗസ്ഥരുടെ യോഗത്തില്‍ അധ്യക്ഷനായിരുന്നു എംഎല്‍എ.

കോഴഞ്ചേരി ഗ്രാമപഞ്ചായത്തിന്റെ 2026-27 വാര്‍ഷിക പദ്ധതി ഗുണഭോക്തൃ പട്ടിക അംഗീകാരവുമായി ബന്ധപ്പെട്ട ഗ്രാമസഭ ജൂലൈ 30 മുതല്‍ ഓഗസ്റ്റ് നാല് വരെ വിവിധ വാര്‍ഡുകളില്‍ നടക്കും. ഫോണ്‍: 0468 2212052.

വാര്‍ഡ് നമ്പര്‍, വാര്‍ഡിന്റെ പേര്, തീയതി, സമയം, സ്ഥലം ക്രമത്തില്‍