സംസ്ഥാന ജൈവവൈവിധ്യ ബോര്‍ഡ്, നാഷണല്‍ ബയോഡൈവേഴ്‌സിറ്റി അതോറിറ്റിയുടെ സാമ്പത്തിക

തോട്ടപ്പുഴശ്ശേരി ഗ്രാമപഞ്ചായത്തില്‍ നിന്നും സാമൂഹ്യസുരക്ഷ പെന്‍ഷന്‍ കൈപ്പറ്റുന്ന എല്ലാ ഗുണഭോക്താക്കളും സെപ്റ്റംബര്‍ 30 നുള്ളില്‍ അക്ഷയ കേന്ദ്രങ്ങള്‍ വഴി മസ്റ്ററിങ് പൂര്‍ത്തിയാക്കണമെന്ന്  സെക്രട്ടറി അറിയിച്ചു. ഫോണ്‍: 0468 2214387.

പന്തളം സര്‍ക്കാര്‍ ഐ.ടി.ഐയില്‍ ഇലക്ട്രീഷ്യന്‍, പ്ലംബര്‍ ട്രേഡുകളില്‍ പട്ടികജാതി/പട്ടികവര്‍ഗം, ജനറല്‍ വിഭാഗത്തില്‍ സീറ്റുകള്‍ ഒഴിവുണ്ട്. പ്രവേശനത്തിന് എസ്.എസ്.എല്‍.സി സര്‍ട്ടിഫിക്കറ്റ്, ടി സി, ജാതി സര്‍ട്ടിഫിക്കറ്റ്, മറ്റ് അനുബന്ധ രേഖകള്‍ സഹിതം നേരിട്ട് ഹാജരാകണം. ഫോണ്‍: 04734 292829, 9446444042.

രാജ്യ സൈനിക ബോര്‍ഡ് പുന:സംഘടിപ്പിക്കുന്നതിന് പുതിയ നോണ്‍-ഒഫീഷ്യല്‍ അംഗങ്ങളുടെ പാനല്‍ തയ്യാറാക്കുന്നതിന് കര, നാവിക, വായു സേനകളില്‍ നിന്ന് വിരമിച്ച ഓഫീസര്‍, ജൂനിയര്‍ കമ്മീഷന്‍ഡ് ഓഫീസര്‍, നോണ്‍ കമ്മീഷന്‍ഡ് ഓഫീസര്‍ (മൂന്നു വീതം) എന്നിവരില്‍ നിന്ന് അപേക്ഷ ക്ഷണിച്ചു. വിമുക്തഭടന്‍മാര്‍ ബയോഡേറ്റ സഹിതം ഓഗസ്റ്റ് മൂന്നിന് മുമ്പ് ജില്ല സൈനികക്ഷേമ കാര്യാലയവുമായി ബന്ധപ്പെടണം. ഫോണ്‍: 0468 2961104.

പ്ലസ് ടുവിന് ലഭിച്ച മാര്‍ക്കിന്റെ അടിസ്ഥാനത്തില്‍ പട്ടികവര്‍ഗ വിദ്യാര്‍ഥികള്‍ക്ക് 2027 നീറ്റ് /ജെ ഇ ഇ പ്രവേശന പരീക്ഷ പരിശീലനം നല്‍കുന്നതിന് പട്ടികവര്‍ഗ വികസന വകുപ്പ് അപേക്ഷ ക്ഷണിച്ചു. പേര്, മേല്‍വിലാസം, ഫോണ്‍ നമ്പര്‍, പരിശീലന സ്ഥലത്ത് താമസിച്ച്  പരിപാടിയില്‍ പങ്കെടുക്കുന്നതിനുള്ള സമ്മതപത്രം ഇവ വെള്ളക്കടലാസില്‍ രേഖപ്പെടുത്തി രക്ഷിതാവിന്റെ സമ്മതപത്രം, പ്ലസ് ടു സര്‍ട്ടിഫിക്കറ്റ്, ജാതി, വരുമാന സര്‍ട്ടിഫിക്കറ്റ് എന്നിവയുടെ പകര്‍പ്പ് സഹിതം അപേക്ഷിക്കണം. നീറ്റ് പരിശീലനത്തില്‍ പങ്കെടുക്കാന്‍ ഫിസിക്‌സ്, കെമിസ്ട്രി, ബയോളജി വിഷയങ്ങള്‍ക്ക് കുറഞ്ഞത് 70 ശതമാനം മാര്‍ക്ക് ഉണ്ടായിരിക്കണം.

സ്വാതന്ത്ര്യ ദിനാഘോഷവുമായി ബന്ധപ്പെട്ട് ജില്ല കലക്ടര്‍ എ നിസാമുദ്ദീന്റെ അധ്യക്ഷതയില്‍ കലക്ടറേറ്റ് കോണ്‍ഫറന്‍സ് ഹാളില്‍ ആലോചന യോഗം ചേര്‍ന്നു. പൊലിസ് (മൂന്ന്), ഫോറസ്റ്റ് (ഒന്ന്), ഫയര്‍ ഫോഴ്സ് (രണ്ട്), എക്സൈസ് (ഒന്ന്), സ്റ്റുഡന്റ്സ് പൊലിസ് കേഡറ്റ്സ് (ആറ്), സ്‌കൗട്ട്സ് ആന്റ് ഗൈഡ്സ് (ഏഴ്), ജൂനിയര്‍ റെഡ് ക്രോസ് (നാല്), എന്‍സിസി (ഒന്ന്) എന്നിങ്ങനെ 25 പ്ലറ്റൂണുകള്‍ സ്വാതന്ത്ര്യദിന പരേഡില്‍ അണിനിരക്കും. സ്‌കൂള്‍ ടീമുകളുടെ ബാന്‍ഡ് സെറ്റുണ്ടാകും. സാംസ്‌കാരിക പരിപാടിയും അരങ്ങേറും. പരേഡിന്റെ പൂര്‍ണ ചുമതല പത്തനംതിട്ട എ ആര്‍ ക്യാമ്പ് അസിസ്റ്റന്റ് കമാന്‍ഡിനാണ്.

കോന്നി കോളജ് ഓഫ് അപ്ലൈഡ് സയന്‍സില്‍ അധ്യയന വര്‍ഷത്തെ ബിരുദം, ബിരുദാനന്തര ബിരുദം കോഴ്സുകളില്‍ ഒഴിവുള്ള സീറ്റുകളിലേക്ക് സപോട്ട് അഡ്മിഷന്‍ ആരംഭിച്ചു. ബി.സി.എ (ഓണേഴ്സ്) ആര്‍ട്ടിഫിഷ്യല്‍ ഇന്റലിജന്‍സ് ആന്റ് ഡാറ്റാ സയന്‍സ്, ബി.കോം  (ഓണേഴ്സ്) ലോജിസ്റ്റിക്‌സ് മാനേജ്‌മെന്റ് ആന്റ് ഫിനാന്‍സ് ആന്റ് ടാക്‌സേഷന്‍, ബി.എസ്.സി (ഓണേഴ്സ്) കമ്പ്യൂട്ടര്‍ സയന്‍സ് ഡാറ്റാ സയന്‍സ് ആന്റ് അനലിറ്റിക്‌സ്, എം.കോം ഫിനാന്‍സ് ആന്റ് ടാക്‌സേഷന്‍, എം.എസ്.സി കമ്പ്യൂട്ടര്‍ സയന്‍സ് (ഡാറ്റാ അനലിറ്റിക്‌സ് ) കോഴ്സുകളിലേക്കാണ് പ്രവേശനം. വിദ്യാര്‍ഥികള്‍ അസല്‍ രേഖകള്‍ സഹിതം കോളജില്‍ ഹാജരാകണം.

ജില്ല പോലീസ് ആസ്ഥാന ക്യാമ്പില്‍ സൂക്ഷിച്ചിട്ടുളള വാഹനങ്ങളുടെ വേസ്റ്റ് ഓയില്‍ ലേലം ഓഗസ്റ്റ് 12 രാവിലെ 11 മുതല്‍ വൈകിട്ട് 04.30 വരെ www.tsmcecommerce.com ല്‍ MSTC/TVC/DPC PTA/5/PATHANAMTHITTA/2627/21768 ലേല നമ്പറില്‍ നടക്കും. ഫോണ്‍: 0468 2222630.