അട്ടപ്പാടി മേഖലയുടെ സമഗ്ര വികസനത്തിനും ജനതയുടെ ഉന്നമനത്തിനുമായി ജില്ലാ ഭരണകൂടം ആവിഷ്‌കരിച്ച'തുണൈ' പദ്ധതിയുടെ ഭാഗമായി നാളെ (മെയ് 28) പുതൂര്‍ ഗ്രാമപഞ്ചായത്ത് മീറ്റിങ് ഹാളില്‍ ചേരാന്‍ നിശ്ചയിച്ചിരുന്ന യോഗം മാറ്റിവെച്ചതായി ജില്ലാ കളക്ടര്‍ അറിയിച്ചു.

ചിറ്റൂര്‍ സര്‍ക്കാര്‍ കോളേജില്‍ 2019 അധ്യയന വര്‍ഷം മുതല്‍ 2022 വരെ പ്രവേശനം നേടിയ വിദ്യാര്‍ഥികള്‍ക്ക് അനുവദിച്ച് കിട്ടിയ ഇ-ഗ്രാന്റ് കൈപറ്റാത്തവര്‍ കോളേജ് ഐ.ഡി, ബാങ്ക് പാസ്സ് ബുക്കിന്റെ പകര്‍പ്പ് സഹിതം ജൂണ്‍ 30 നകം ഓഫീസില്‍ എത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 8078042347

എരുത്തേമ്പതി ശ്രീവിദ്യ വൊക്കേഷണല്‍  ഹയര്‍സെക്കന്‍ഡറി സ്‌കൂളില്‍ വി.എച്ച്.എസ്.ഇ വിഭാഗത്തിലേക്ക് അഗ്രികള്‍ച്ചര്‍, ഇംഗ്ലീഷ് എന്നീ വിഷയങ്ങളില്‍ അധ്യാപകരെ താത്കാലികമായി നിയമിക്കുന്നു.  താല്പര്യമുള്ള ഉദ്യോഗാര്‍ഥികള്‍ കൂടിക്കാഴ്ചയ്ക്കായി മെയ് 30 ന് രാവിലെ 11 ന് അസല്‍ സര്‍ട്ടിഫിക്കറ്റുകളുമായി സ്‌കൂളില്‍ എത്തണമെന്ന് പ്രിന്‍സിപ്പല്‍ അറിയിച്ചു.ഫോണ്‍: 8075485583

കഞ്ചിക്കോട് ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍സെക്കന്ററി വിഭാഗത്തില്‍ ഹിസ്റ്ററി,കെമിസ്ട്രി (സീനിയര്‍), ഇംഗ്ലീഷ്, മലയാളം(ജൂനിയര്‍) എന്നീ വിഷയങ്ങളില്‍ അധ്യാപക നിയമനം നടത്തുന്നു. താത്പര്യമുള്ള ഉദ്യോഗാര്ഥികള്‍ മെയ് 30ന് ഉച്ചക്ക് രണ്ടിന് ടിക്കാഴ്ചയ്ക്കായി എത്തണം.  ഫോണ്‍: 0491 2567676

പാലക്കാട് താലൂക്കിലെ കണ്ണാടി രണ്ട് വില്ലേജില്‍  ബ്ലോക്ക് നമ്പര്‍ 50 ല്‍ സര്‍വെ നമ്പര്‍ 727ലുള്ള ഒരേക്കര്‍ നാല് സെന്റ് സ്ഥലത്തും (കനാല്‍ പുറമ്പോക്ക്), 18 സെന്റ് സ്ഥലത്തും (കനാല്‍ പുറമ്പോക്ക്) സര്‍വെ നമ്പര്‍ 678ലുള്ള രണ്ടേക്കര്‍ 32 സെന്റ് സ്ഥലത്തും (കനാല്‍ പുറമ്പോക്ക്) ഒരു വര്‍ഷത്തേക്ക് കൃഷി ചെയ്ത് വിളവെടുക്കുന്നതിനായുള്ള ലേലം മെയ് 28 ന് രാവിലെ 11 ന് വില്ലേജ് ഓഫീസില്‍ വെച്ച് നടക്കുമെന്ന് പാലക്കാട് തഹസില്‍ദാര്‍ (ഭൂ രേഖ) അറിയിച്ചു. 100 രൂപയാണ് നിരതദ്രവ്യം. കൂടുതല്‍ വിവരങ്ങള്‍ക്ക് ഫോണ്‍: 0491 2505770