ജില്ലാ പഞ്ചായത്തിന്റെ 2025-26 വാര്‍ഷിക പദ്ധതിയില്‍ ഉള്‍പ്പെടുത്തി ജില്ലയിലെ സര്‍ക്കാര്‍ ഫാഷന്‍ ഡിസൈനിംഗ് സ്ഥാപനങ്ങളുടെ വികസനത്തിനായി ഒന്‍പത്് ലക്ഷം രൂപയുടെ കമ്പ്യൂട്ടര്‍ അനുബന്ധ ഉപകരണങ്ങള്‍ വാങ്ങി വിതരണം ചെയ്തു. സുല്‍ത്താന്‍ ബത്തേരി, മാനന്തവാടി, ചുണ്ടേല്‍ സെന്ററുകളിലേക്കാണ് ഇവ നല്‍കിയത്. ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍ ഉദ്ഘാടനം നിര്‍വ്വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് ടി. ഹംസ അധ്യക്ഷത വഹിച്ചു.

ഐ.സി ബാലകൃഷ്ണന്‍ എം.എല്‍.എയുടെ ആസ്തി വികസന നിധിയിലുള്‍പ്പെടുത്തി സുല്‍ത്താന്‍ ബത്തേരി നിയോജക മണ്ഡലത്തിലെ പൂതാടി  ഗ്രാമപഞ്ചായത്ത് ചെറുകുന്ന് കാവടംവയല്‍ കൊവള റോഡ് മെച്ചപ്പെടുത്തുന്ന പ്രവൃത്തിക്ക് 30 ലക്ഷം രൂപയുടെ ഭരണാനുമതി ലഭിച്ചു.

കേരള സ്റ്റേറ്റ് റൂട്രോണിക്‌സ് സര്‍ട്ടിഫിക്കറ്റോടുകൂടി ഒരു വര്‍ഷം, ആറ് മാസം, മൂന്ന് മാസം ദൈര്‍ഘ്യമുള്ള ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്സുകളില്‍ തിരുവനന്തപുരം, ആറ്റിങ്ങല്‍ അംഗീകൃത പഠന കേന്ദ്രങ്ങളിലേക്ക് ഇന്റേണ്‍ഷിപ്പോടുകൂടി റെഗുലര്‍, പാര്‍ടൈം ബാച്ചുകളിലേക്ക് എസ്എസ്എല്‍സി, പ്ലസ് ടു, ഡിഗ്രി പാസ്സായവരില്‍ നിന്നും അപേക്ഷ ക്ഷണിച്ചു.  ഫോണ്‍-7994926081

അഭ്യസ്തവിദ്യരായ യുവതീയുവാക്കള്‍ക്ക്  സ്വയംതൊഴില്‍ സംരംഭങ്ങള്‍ ആരംഭിക്കുന്നതിനായി എംപ്ലോയ്‌മെന്റ് എക്‌സ്‌ചേഞ്ച് മുഖേന 50,000/ മുതല്‍ 10 ലക്ഷം രൂപ വരെ വായ്പ ലഭ്യമാകുന്ന കെസ്‌റു, നവജീവന്‍, മള്‍ട്ടീപര്‍പ്പസ് ജോബ് ക്ലബ്ബ് പദ്ധതികള്‍ക്ക് അപേക്ഷ ക്ഷണിച്ചു. വായ്പ തുകയുടെ 25 ശതമാനം വരെ സബ്‌സിഡി ലഭിക്കും. ഫോണ്‍: 04936 202534  

കേരള വെറ്ററിനറി ആന്‍ഡ് ആനിമല്‍ സയന്‍സസ് സര്‍വ്വകലാശാല 2026-27 അധ്യയന വര്‍ഷത്തേക്ക് എം.എസ് സി, എം എസ്, ബ്.എസ് സി, പോള്‍ട്രി പ്രൊഡക്ഷന്‍ ആന്‍ഡ് ബിസിനസ് മാനേജ്‌മെന്റ്, ഡിപ്ലോമ, പിജി ഡിപ്ലോമ കോഴ്സുകളിലേക്ക് പ്രവേശനത്തിന് അപേക്ഷ ക്ഷണിച്ചു. വിശദവിവരങ്ങള്‍ക്കും ഓണ്‍ലൈന്‍ അപേക്ഷ സമര്‍പ്പിക്കുന്നതിനുമായി www.kvasu.ac.in സന്ദര്‍ശിക്കുക. ഫോണ്‍- 04936 209272, 04936 209269, 9562367900, 8547053709

വാകേരി ജി.വി.എച്ച്.എസ്.എസില്‍ വി.എച്ച്.എസ്.ഇ വിഭാഗത്തില്‍ മെഡിക്കല്‍ ലാബ് ടെക്നിഷ്യന്‍ അധ്യാപകന്റെ ഒഴിവിലേക്ക് ജൂണ്‍ എട്ടിന് ഉച്ചക്ക് രണ്ടിന് സ്‌കൂള്‍ ഓഫീസില്‍ അഭിമുഖം നടത്തുന്നു. ഫോണ്‍- 9847108601, 04936 229296

വയനാട് തലപ്പുഴ ഗവ. എഞ്ചിനിയറിംഗ് കോളേജില്‍ ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനിയറിംഗ്, കമ്പ്യൂട്ടര്‍ സയന്‍സ് എഞ്ചിനിയറിംഗ്, സിവില്‍ എഞ്ചിനിയറിംഗ് വകുപ്പുകളില്‍ ദിവസ വേതനാടിസ്ഥാനത്തില്‍ അസിസ്റ്റന്റ് പ്രൊഫസറെ നിയമിക്കുന്നു. പ്രസ്തുത എഞ്ചിനീയറിങ്ങില്‍ എം.ടെക് ബിരുദം ഉണ്ടായിരിക്കണം. പി.എച്ച് ഡിയും അധ്യാപക തൊഴില്‍ പരിചയവും അഭിലഷനീയം. ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം ജൂണ്‍ 16ന് രാവിലെ 10ന് കോളേജില്‍ എത്തണം. ഫോണ്‍-04935 271261

സുല്‍ത്താന്‍ ബത്തേരി സര്‍വജന ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാരുടെ നേതൃത്വത്തില്‍ 'ഫ്‌ളവര്‍ ക്യാമ്പസ്' പദ്ധതിക്ക് തുടക്കം കുറിച്ചു. വിദ്യാലയ മുറ്റത്ത് ഇരുനൂറോളം സൂര്യകാന്തി ചെടികള്‍ നട്ടുകൊണ്ടാണ് ക്യാമ്പസില്‍ വസന്തമൊരുക്കാന്‍ വിദ്യാര്‍ത്ഥികള്‍ പരിസ്ഥിതി സൗഹൃദ പ്രവര്‍ത്തനം നടത്തിയത്. കഴിഞ്ഞ നാല് വര്‍ഷമായി സ്‌കൂളില്‍ വിജയകരമായി നടപ്പിലാക്കി വരുന്ന ഗ്രീന്‍ ക്യാമ്പസ്, ഫ്രൂട്ട് ക്യാമ്പസ്, ഫ്‌ളവര്‍ ക്യാമ്പസ് പദ്ധതികളുടെ ഭാഗമായാണ് സൂര്യകാന്തി തോട്ടത്തിന്റെ നിര്‍മ്മാണം.

സംസ്ഥാനത്ത് സ്‌കൂൾ തലങ്ങളിൽ പഠിക്കുന്ന പിന്നാക്ക വിഭാഗം (ഒ.ഇ.സി/ഒ.ബി.സി-എച്ച്) വിദ്യാർഥികൾക്ക് പിന്നാക്ക വിഭാഗ വികസന വകുപ്പ് മുഖേന വിദ്യാഭ്യാസാനുകൂല്യം അനുവദിക്കുന്ന ഒ.ഇ.സി പ്രീമെട്രിക് വിദ്യാഭ്യാസാനുകൂല്യ പദ്ധതിയ്ക്കായി അപേക്ഷ ക്ഷണിച്ചു.

കോന്നി സി.എഫ്.ആർ.ഡിയുടെ ഉടമസ്ഥതയിലുള്ള കോളേജ് ഓഫ് ഇൻഡിജിനസ് ഫുഡ് ടെക്‌നോളജി (സി.എഫ്.റ്റി.കെ) നടത്തുന്ന ബി.എസ്.സി ആൻഡ് എം.എസ്.സി ഫുഡ് ടെക്‌നോളജി ആൻഡ് ക്വാളിറ്റി അഷ്വറൻസ് കോഴ്സിന്റെ മാനേജ്‌മെന്റ്‌ ക്വോട്ടയിലേക്ക് അഡ്മിഷൻ ആരംഭിച്ചു.