ഇന്ത്യൻ വ്യോമസേനയിൽ അഗ്നിവീർ വായു (മ്യൂസീഷ്യൻ) തസ്തികയിലേക്ക് അവിവാഹിതരായ പുരുഷന്മാർക്കും സ്ത്രീകൾക്കുമായി റിക്രൂട്ട്‌മെന്റ് റാലി സംഘടിപ്പിക്കുന്നു. താത്പര്യമുള്ളവർക്ക് https://iafrecruitment.edcil.co.in വഴി ഓ​ഗസ്റ്റ് രണ്ടിന് രാത്രി 11 വരെ രജിസ്റ്റർ ചെയ്യാം.

അനര്‍ഹമായി ഭൂമി കയ്യേറിയവരെ ഒഴിപ്പിക്കാനുള്ള ശക്തമായ നടപടികള്‍ സര്‍ക്കാരിന്റെ ഭാഗത്തുനിന്നുണ്ടാകുമെന്ന് റവന്യൂ മന്ത്രി എ.പി അനില്‍ കുമാര്‍. അക്കാര്യത്തില്‍ ജനങ്ങളുടെ പിന്തുണയുണ്ടാകണമെന്നും മന്ത്രി അഭ്യര്‍ഥിച്ചു. അതേസമയം അര്‍ഹരായവര്‍ക്ക് പട്ടയം നല്‍കാനുള്ള നടപടികള്‍ സ്വീകരിക്കുമെന്നും മന്ത്രി പറഞ്ഞു. കുടയത്തൂരില്‍ സ്മാര്‍ട്ട് വില്ലേജ് ഓഫീസിന്റെ ഉദ്ഘാടനം നിര്‍വഹിക്കുകയായിരുന്നു മന്ത്രി.

 തൃശൂർ ഗവ. മോഡൽ ഹൈസ്‌കൂൾ ഫോർ ഗേൾസിൽ ഹൈസ്‌കൂൾ വിഭാഗത്തിൽ ദിവസവേതനാടിസ്ഥാനത്തിൽ പ്രതീക്ഷിത ഒഴിവുകളിലേക്ക് എച്ച്.എസ്.എ. ഹിന്ദി അധ്യാപിക, ഫുൾ ടൈം മെനീയൽ (ക്ലീനിങ്) സ്റ്റാഫ് എന്നിവരെ നിയമിക്കുന്നു. യോഗ്യരായ ഉദ്യോഗാർത്ഥികൾ ജൂലൈ 30-ന് ഉച്ചയ്ക്ക് രണ്ടിന് യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം ഹൈസ്‌കൂൾ ഓഫീസിൽ നടക്കുന്ന അഭിമുഖത്തിനായി ഹാജരാകണമെന്ന് ഹെഡ്മിസ്ട്രസ് അറിയിച്ചു. ഫോൺ- 0487-2331163. ഇമെയിൽ- thrissur.gmghs46@gmail.com.

വെള്ളാങ്കല്ലൂർ പീപ്പിൾസ് വെൽഫെയർ കോ ഓപ്പറേറ്റീവ് സൊസൈറ്റിയുടെ (പീപ്പിൾസ് നീതി ലാബ്) നേതൃത്വത്തിൽ രോഗികൾക്കായി സംഘടിപ്പിച്ച ഡയാലിസിസ് കിറ്റ് വിതരണം യുവജന, കായിക, രജിസ്ട്രേഷൻ വകുപ്പ് മന്ത്രി അഡ്വ: ഒ.ജെ. ജനീഷ് ഉദ്ഘാടനം ചെയ്തു. 

നിയമപരമായ നടപടിക്രമങ്ങൾ പാലിച്ചുമാത്രമാണ് സഹകരണ ബാങ്കുകൾ മുന്നോട്ട് പോകുന്നതെന്നും വായ്പ തിരിച്ചടവിനായി കൃത്യമായ ഇടപെടലുകൾ ഉണ്ടെന്നും മന്ത്രി പറഞ്ഞു.

സംസ്ഥാന ബാലാവകാശ കമ്മീഷന്‍ തൃശ്ശൂര്‍ ജില്ലയില്‍ സിറ്റിംഗ് നടത്തി. സംസ്ഥാന ബാലാവകാശ കമ്മീഷന്‍ അംഗങ്ങളായ ടി.സി ജലജ മോള്‍, കെ.കെ ഷാജു എന്നിവരുടെ നേതൃത്വത്തിലായിരുന്നു സിറ്റിംഗ് നടത്തിയത്. കളക്ട്രേറ്റ് അനക്‌സ് ഹാളില്‍ നടത്തിയ സിറ്റിംഗില്‍ 32 പരാതികള്‍ പരിഗണിച്ചു. 26 പരാതികള്‍ തീര്‍പ്പാക്കി. 6 പരാതികള്‍ തുടര്‍ നടപടികള്‍ക്കായി മാറ്റിവെച്ചു. 

 *നിർമ്മാണ പുരോഗതി വിലയിരുത്താൻ സംയുക്ത പരിശോധന ഓഗസ്റ്റിൽ* 

സംസ്ഥാന സര്‍ക്കാറിന്റെ നൂറുദിന കര്‍മ പരിപാടിയുടെ ഭാഗമായി ബാലുശ്ശേരി ഗ്രാമപഞ്ചായത്തില്‍ സംഘടിപ്പിച്ച ഓട്ടോറിക്ഷ ഫെയര്‍മീറ്ററുകളുടെ പുനഃപരിശോധന ക്യാമ്പിന്റെ ഉദ്ഘാടനവും ഫ്‌ളാഗ് ഓഫും വി ടി സൂരജ് എം.എല്‍.എ നിര്‍വഹിച്ചു. 
ബാലുശ്ശേരി ബ്ലോക്ക് പഞ്ചായത്ത് ഓഫീസില്‍ നടന്ന ചടങ്ങില്‍ ഗ്രാമപഞ്ചായത്ത് വൈസ് പ്രസിഡന്റ് സമീറ അധ്യക്ഷയായി. ഫ്‌ളയിങ് സ്‌ക്വാഡ് ഡെപ്യൂട്ടി കണ്‍ട്രോളര്‍ കെ കെ നാസര്‍, ഓട്ടോറിക്ഷ കോഓഡിനേഷന്‍ കമ്മിറ്റി ചെയര്‍മാന്‍ സി ടി രമേശന്‍, ലീഗല്‍ മെട്രോളജി അസി. കണ്‍ട്രോളര്‍ കെ ഷാജിര്‍, ഡെപ്യൂട്ടി കണ്‍ട്രോളര്‍ ബിനു ബാലക് എന്നിവര്‍ സംസാരിച്ചു.

താമരശ്ശേരി ചുരം മാലിന്യമുക്തമാക്കുന്നതിനായി സംഘടിപ്പിക്കുന്ന 'അഴകോടെ ചുരം 2026' ശുചീകരണ യജ്ഞം നാളെ (ജൂലൈ 28 ചൊവ്വ) നടക്കുമെന്ന് ജില്ലാ പഞ്ചായത്ത് പ്രസിഡന്റ് മില്ലി മോഹന്‍ കൊട്ടാരത്തില്‍ വാര്‍ത്താ സമ്മേളനത്തില്‍ അറിയിച്ചു. ലോക പ്രകൃതി സംരക്ഷണ ദിനാചരണത്തിന്റെ ഭാഗമായി ജില്ലാ പഞ്ചായത്ത് ജൈവവൈവിധ്യ പരിപാലന സമിതിയുടെയും (ബി.എം.സി) പുതുപ്പാടി, താമരശ്ശേരി, കോടഞ്ചേരി ഗ്രാമപഞ്ചായത്ത് ബി.എം.സികളുടെയും ആഭിമുഖ്യത്തിലാണ് ശുചീകരണം. രാവിലെ ഒമ്പതിന് ചുരം രണ്ടാം വളവില്‍ നടക്കുന്ന ചടങ്ങില്‍ സി.കെ കാസിം എം.എല്‍.എ ഉദ്ഘാടനം നിര്‍വഹിക്കും. ജില്ലാ പഞ്ചായത്ത് പ്രസിഡന്റ് അധ്യക്ഷയാകും.