എല്‍ ബി എസ് കൊല്ലം മേഖലാ കേന്ദ്രത്തില്‍ ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ കോഴ്സിലേക്ക് ഏപ്രില്‍ 30 വരെ www.lbscentre.kerala.gov.in/services/courses മുഖേന അപേക്ഷിക്കാം. എസ് എസ് എല്‍ സി പരീക്ഷ ഫലം കാത്തിരിക്കുന്നവര്‍ക്കും അവസരമുണ്ട്. ഫോണ്‍: 0474 2970780.

നെടുങ്ങോലം താലൂക്ക് ആശുപത്രിയോട് ചേര്‍ന്നുള്ള വിമുക്തി ഡി അഡിക്ഷന്‍ സെന്ററിലേക്ക് ക്ലിനിക്കല്‍ സൈക്കോളജിസ്റ്റിന്റെ ഒരു ഒഴിവിലേക്ക് കരാര്‍ നിയമനത്തിന് അപേക്ഷ ക്ഷണിച്ചു. അംഗീകൃത യൂണിവേഴ്സിറ്റിയില്‍ നിന്നുള്ള എം എ /എം എസ് സി സൈക്കോളജി അല്ലെങ്കില്‍ എം എസ് സി ക്ലിനിക്കല്‍ സൈക്കോളജി, സര്‍ക്കാര്‍ അംഗീകൃത സ്ഥാപനങ്ങളില്‍ നിന്നും ക്ലിനിക്കല്‍ സൈക്കോളജിയില്‍ രണ്ട് വര്‍ഷത്തെ എംഫില്‍/പി എച്ച് ഡി, റീഹാബിലിറ്റേഷന്‍ കൗണ്‍സില്‍ ഓഫ് ഇന്ത്യ (ആര്‍ സി) രജിസ്ട്രേഷന്‍ എന്നിവയാണ് യോഗ്യത.

പന്മന ഗ്രാമപഞ്ചായത്തില്‍ മത്സ്യതൊഴിലാളികളുടെ മക്കള്‍ക്ക് മേശയും കസേരയും വിതരണം ചെയ്തു. 2021-22 വാര്‍ഷിക പദ്ധതി വിഹിതമായ മൂന്ന് ലക്ഷം രൂപ വിനിയോഗിച്ചാണ് പദ്ധതി നടപ്പിലാക്കിയത്. പ്രസിഡന്റ് എം ഷമി ഉദ്ഘാടനം നിര്‍വഹിച്ചു. വൈസ് പ്രസിഡന്റ് മാമൂലയില്‍ സേതുക്കുട്ടന്‍ അധ്യക്ഷനായി. പഞ്ചായത്തംഗങ്ങളായ സുകന്യ, ലിന്‍സി ലിയോണ്‍, രാജീവ്, കുഞ്ഞു മണി, പന്മന ബാലകൃഷ്ണന്‍ കറുകത്തല ഇസ്മായില്‍, ചാക്കോ, സി ഡി എസ് ചെയര്‍പേഴ്സണ്‍ രമ്യ, അസിസ്റ്റന്റ് സെക്രട്ടറി ജയലക്ഷ്മി തുടങ്ങിയവര്‍ പങ്കെടുത്തു.

കൊട്ടാരക്കര താലൂക്ക് ആശുപത്രി വികസനവുമായി ബന്ധപ്പെട്ട സ്ഥലം ഏറ്റെടുക്കുന്നതിന് ജില്ലാ കലക്ടര്‍ സമര്‍പ്പിച്ച പുനരധിവാസ പാക്കേജ് അംഗീകരിച്ച് ഉത്തരവായതായി ലാന്‍ഡ് റവന്യൂ കമ്മീഷണര്‍ അറിയിച്ചു.

ദേശീയ സരസ് മേളയുടെ പ്രചരണ പരിപാടികളുടെ ഭാഗമായി കൊല്ലം ബീച്ചില്‍ കുടുംബശ്രീയുടെ നേതൃത്വത്തില്‍ ഡി ഡി യു ജി കെ വൈ കുട്ടികളുടെ ഫ്‌ലാഷ് മോബ് സംഘടിപ്പിച്ചു. ചാത്തന്നൂര്‍, പാരിപ്പള്ളി, കുണ്ടറ, കൊട്ടാരക്കര, പുനലൂര്‍ എന്നിവിടങ്ങളിലും തുടര്‍ന്നുള്ള ദിവസങ്ങളില്‍ ഫ്ളാഷ് മോബ് നടത്തും. ഏപ്രില്‍ 26ന് പ്രചരണ പരിപാടികള്‍ സമാപിക്കും. ആശ്രാമം മൈതാനത്ത് ഏപ്രില്‍ 27 മുതല്‍ മേയ് ഏഴ് വരെയാണ് ദേശീയ സരസ് മേള നടത്തുന്നത്. മേളയില്‍ വിവിധ സംസ്ഥാനങ്ങളില്‍ നിന്നുള്ള സംരംഭകര്‍ പങ്കെടുക്കും.

എന്‍വയോണ്‍മെന്റല്‍ സയന്‍സ്, ജിയോളജി / എര്‍ത്ത് സയന്‍സ്, സോഷ്യോളജി, സോഷ്യല്‍ വര്‍ക്ക്, ബോട്ടണി എന്നീ വിഷയങ്ങളില്‍ ബിരുദാനന്തര ബിരുദധാരികള്‍ക്കും സിവില്‍ എഞ്ചിനീയറിംഗ്, കൃഷി എന്നീ വിഷയങ്ങളില്‍ ബിരുദധാരികള്‍ക്കും ജേര്‍ണലിസത്തില്‍ ബിരുദാനന്തര ബിരുദം അല്ലെങ്കില്‍ പി.ജി ഡിപ്ലോമ വിജയിച്ചവര്‍ക്കും സിവില്‍ എഞ്ചിനീയറിംഗില്‍ മൂന്ന് വര്‍ഷത്തെ ഡിപ്ലോമ പാസായവര്‍ക്കും നവകേരളം കര്‍മപദ്ധതിയില്‍ ഇന്റേണ്‍ഷിപ്പ് പ്രോഗ്രാമിന് അപേക്ഷിക്കാം. ആറു മാസമാണ് കാലാവധി. തിരഞ്ഞെടുക്കപ്പെടുന്നവര്‍ 14 ജില്ലാ മിഷന്‍ ഓഫീസുമായും നവകേരളം കര്‍മപദ്ധതി സംസ്ഥാന ഓഫീസുമായും പ്രവര്‍ത്തിക്കണം.

തീരദേശ മേഖലയിലെ ജനങ്ങളുമായി സംവദിക്കുന്നതിനും അവരുടെ പ്രശ്‌നങ്ങള്‍ നേരില്‍ മനസ്സിലാക്കി പരിഹാരം നടപടികള്‍ സ്വീകരിക്കുന്നതിനും സര്‍ക്കാരിന്റെ വികസനക്ഷേമ പ്രവര്‍ത്തനങ്ങള്‍ ജനങ്ങളിലേക്ക് എത്തിക്കുന്നതിനും ജില്ലയിലെ തീരദേശ നിയോജക മണ്ഡലങ്ങളില്‍ തീരസദസ്- മത്സ്യത്തൊഴിലാളി സംഗമം സംഘടിപ്പിക്കുന്നു. ചാത്തന്നൂര്‍, ഇരവിപുരം, കൊല്ലം, ചവറ, കരുനാഗപ്പള്ളി എന്നിവിടങ്ങളില്‍ ഏപ്രില്‍ 27 മുതല്‍ 30 വരെ നടത്തുന്ന തീരസദസ്സ് മത്സ്യബന്ധന- സാംസ്‌കാരിക- യുവജനകാര്യ മന്ത്രി സജി ചെറിയാന്‍ ഉദ്ഘാടനം നിര്‍വഹിക്കും.

കേരള ഹെൽത്ത്‌കെയർ സർവ്വീസ് പേഴ്‌സൺസ് ആൻഡ് ഹെൽത്ത്‌കെയർ സർവ്വീസ് ഇൻസ്റ്റിറ്റ്യൂഷൻസ് (പ്രിവൻഷൻ ഓഫ് വയലൻസ് ആൻഡ് ഡാമേജ് ടു പ്രോപ്പർട്ടി) ആക്ട് 2012 ൽ ഇനിയൊരു സർക്കാർ ഉത്തരവ് ഉണ്ടാകുന്നത് വരെ ഡോക്ടർമാർക്കും മറ്റ് ആരോഗ്യ പ്രവർത്തകർക്കും നേരെയുള്ള അക്രമം നിയമലംഘനമായി കണക്കാക്കി ശിക്ഷാനടപടികൾ സ്വീകരിക്കുമെന്ന് ഹൈക്കോടതി വ്യക്തമാക്കി.

        കെട്ടിട പെർമിറ്റ്, കെട്ടിട നമ്പർ, ലൈസൻസ്

പ്രധാനമന്ത്രി നരേന്ദ്ര മോദി ഇന്ന് (25) തിരുവനന്തപുരത്തെത്തും. തിരുവനന്തപുരം സെൻട്രൽ റെയിൽവേ സ്റ്റേഷനിൽ വന്ദേഭാരത് എക്സ്പ്രസ് ട്രെയിൻ പ്രധാനമന്ത്രി ഫ്ളാഗ് ഓഫ് ചെയ്യും.