ആലപ്പുഴ :3 സെന്റില്‍ ആറുമാസംകൊണ്ട് 560 സ്‌ക്വയര്‍ ഫീറ്റില്‍ ഒരു സ്വപ്ന വീട് .തൈക്കാട്ടുശ്ശേരി കുന്നുംപുറം അയ്യപ്പനും ഭാര്യ  സിന്ധുവിനുമാണ്  സ്വപ്നഭവനം യാഥാര്‍ത്ഥ്യമായിരിക്കുന്നത്. ജില്ലയിലെ പട്ടികവര്‍ഗ്ഗക്കാര്‍ക്കുള്ള ഭവന പദ്ധതിയില്‍പെടുത്തിയാണ് അയ്യപ്പനും കുടുംബത്തിനും വീട് നിര്‍മിച്ച് നല്‍കിയത്. 5. 33 ലക്ഷം രൂപയാണ് ഇതിനായി ചിലവായത്. 6 മാസം കൊണ്ടാണ് വീട് നിര്‍മാണം  പൂര്‍ത്തിയാക്കിയതെന്ന് അയ്യപ്പന്‍ പറഞ്ഞു.

ആലപ്പുഴ: ജില്ലാ മാനസികാരോഗ്യ പരിപാടിയുടെ മാനസികാരോഗ്യ ക്ലിനിക്കുകൾ,ക്യാമ്പുകൾ,ബോധവൽക്കരണ ക്ലാസ്സുകൾ,പരിശീലന പരിപാടികൾ എന്നിവ നടത്തുന്നതിലേക്ക്് കരാർ അടിസ്ഥാനത്തിൽ  വണ്ടി വാടകക്ക് എടുക്കുന്നതിനായി ദർഘാസ് ക്ഷണിച്ചു.ദർഘാസുകൾ വിൽക്കുന്ന അവസാന സമയം ഫെബ്രുവരി  23 ന് ഉച്ചയ്ക്ക് 12 മണി വരെയും  തുറക്കുന്ന സമയം ഫെബ്രുവരി 25ന് രാവിലെ 11 മണിവരെയുമായിരിക്കും. 

യോഗം ഇന്ന്

  പള്ളിപ്പുറം:പട്ടികജാതി പട്ടികവർഗ വിദ്യാർത്ഥികളുടെ പഠന നിലവാരം ഉയർത്തുന്നതിനായി ചേന്നംപള്ളിപ്പുറം പഞ്ചായത്തിൽ വിദ്യാർത്ഥികൾക്ക്  ലാപ്‌ടോപ് വിതരണം നടത്തി.പഞ്ചായത്ത് പ്രസിഡന്റ് പി.ആർ ഹരിക്കുട്ടൻ ഉദ്ഘാടനം നിർവഹിച്ചു. ബിരുദം, പ്രൊഫഷണൽ കോഴ്സ്സുകൾ തുടങ്ങിയവയ്ക്ക്  പഠിക്കുന്ന പഞ്ചായത്ത് പരിധിയിലുള്ള അർഹതയുള്ള   എല്ലാ വിദ്യാർത്ഥികൾക്കും ഈ അധ്യയന വർഷം ലാപ്‌ടോപ് നൽകുമെന്ന് ഉദ്ഘാടന പ്രസംഗത്തിൽ പ്രസിഡന്റ് പറഞ്ഞു.

ചമ്പക്കുളം:കുട്ടനാട്ടിലെ വിദ്യാർത്ഥികൾക്ക് ഇനി മുതൽ  ശുദ്ധമായ കുടിവെള്ളം തേടി അലയേണ്ടിവരില്ല .പ്രളയത്തിനു ശേഷം സബ് കളക്ടർ വി.ആർ കൃഷ്ണതേജ തുടങ്ങിയ ഐ.ആം ഫോർ ആലപ്പി വഴി താലൂക്കിലെ 111 സ്‌കൂളുകൾക്കാണ് ശുദ്ധജലം ലഭിക്കുന്നത്.  ഐ ആം ഫോർ ആലപ്പിയോടൊപ്പം-സ്യൂസ് ഫൗണ്ടേഷൻ ഓഫ് ഇന്ത്യയും ചേർന്നാണ് കുട്ടനാട് താലൂക്കിലെ 111 സ്‌കൂളുകളിലെ വിദ്യാർഥികൾക്ക് ശുദ്ധജലം വിതരണം നടക്കുന്നത്.   ആർ ഒ പ്ലാന്റുകൾ വഴിയാണ് ശുദ്ധജല വിതരണം ചെയ്യുക.

ആലപ്പുഴ: ഹരിപ്പാട് താലൂക്ക് ആശുപത്രിയുടെ ആവശ്യത്തിലേക്ക് വിവിധ ഉപകരണങ്ങൾ വാങ്ങി വിതരണം ചെയ്യുന്നതിന് സ്ഥാപനങ്ങൾ/വ്യക്തികൾ എന്നിവരിൽ നിന്നും ടെൻഡറുകൾ ക്ഷണിച്ചു. സൂപ്രണ്ട്, ഹരിപ്പാട് താലൂക്ക് ആശുപത്രി എന്ന വിലാസത്തിൽ ഫെബ്രുവരി 27 രാവിലെ 11 വരെ ടെൻഡർ നൽകാം.  അന്നേ ദിവസം രണ്ടിന് തുറക്കും വിശദവിവരത്തിന് ഫോൺ: 0479- 2412765.

കണിച്ചുകുളങ്ങര ക്ഷേത്രം: താത്കാലിക ഡിസ്‌പെൻസറി  പ്രവർത്തനമാരംഭിക്കും

ആലപ്പുഴ: ഗവ. മെഡിക്കൽ കോളജിലെ പീഡിയാട്രിക് സർജറി വിഭാഗത്തിലേക്ക് ലാപ്രോസ്‌കോപ്പിക് സർജറി ഉപകരണങ്ങളായ സിലിക്കോൺ ലീഫ്‌ലെറ്റ് വാഷർ-അഞ്ചെണ്ണം, സീറ്റ് ബോണറ്റ്-അഞ്ചെണ്ണം, സിഡക്‌സ് ട്രേ-ഒരെണ്ണം വാങ്ങുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ ഫെബ്രുവരി 27 പകൽ 12 വരെ സ്വീകരിക്കും. അന്നേ ദിവസം രണ്ടിന് തുറക്കും. ക്വട്ടേഷൻ പ്രിൻസിപ്പൽ, ഗവ. ടി.ഡി. മെഡിക്കൽ കോളജ്, ആലപ്പുഴ-688 005 എന്ന വിലാസത്തിൽ ലഭിക്കണം. വിശദവിവരത്തിന് ഫോൺ: 0477-2282015.

പാണാവള്ളിയിൽ തൊഴിലുറപ്പ് തൊഴിലാളികളുടെ കരനെൽകൃഷി കൊയ്ത്തുത്സവം

ലപ്പുഴ: സംസ്ഥാന സർക്കാരിന്റെ ആയിരം ദിനാഘോഷങ്ങളുടെ ഭാഗമായി ഇൻഫർമേഷൻ-പബ്ലിക് റിലേഷൻസ് വകുപ്പ് വിവിധ വകുപ്പുകളുമായി സഹകരിച്ച് ഡോക്യുമെന്ററി  ഫെസ്റ്റ് സംഘടിപ്പിക്കുന്നു. ഇതിന്റെ നടത്തിപ്പ് സംബന്ധിച്ച് ആലോചനയോഗം ഇന്ന് (ഫെബ്രുവരി 14ന്) രാവിലെ 11.30ന് കളക്ടറേറ്റിൽ നടക്കും. ലൈബ്രറി പ്രവർത്തകർ, നാഷണൽ സർവ്വീസ് സ്‌കീം പ്രവർത്തകർ, യുവജന സംഘടന പ്രതിനിധിയായ ജില്ലയിലെ സർക്കാരിന്റെ സാംസ്‌കാരിക സ്ഥാപനങ്ങളുടെ മേധാവികൾ, ഫിലിം സൊസൈറ്റി ഭാരവാഹികൾ തുടങ്ങിയവർ പങ്കെടുക്കണമെന്ന് ജില്ല ഇൻഫർമേഷൻ ഓഫീസർ അറിയിച്ചു.

സ്വാഗതസംഘം 14ന്

 ആലപ്പുഴ: പുന്നപ്ര ഡോ. അംബേദ്കർ മെമ്മോറിയൽ ഗവ. മോഡൽ റസിഡൻഷ്യൽ സ്‌കൂളിലെ അടുത്ത അധ്യയന വർഷത്തേക്ക് ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ആറാം ക്ലാസിലേക്ക് 19ഉം (ജനറൽ ഒന്ന്) ഏഴാം ക്ലാസ് ആറ്, എട്ടാം ക്ലാസ് ഒന്ന്, പത്താം ക്ലാസ് നാല് (ജനറൽ ഒന്ന്) (ആകെ 32) ഒഴിവുകൾ ഉണ്ട്. നിലവിൽ അഞ്ച്, ആറ്, ഏഴ്, ഒമ്പത് ക്ലാസ്സുകളിൽ പഠിക്കുന്ന വിദ്യാർഥികളിൽ നിന്നും അപേക്ഷ ക്ഷണിച്ചു. അപേക്ഷകർ ജാതി, വരുമാനം, ഇപ്പോൾ പഠിക്കുന്ന സ്‌കൂളിലെ പ്രഥമാധ്യാപകന്റെ പഠിക്കുന്ന ക്ലാസ്സ് തെളിയിക്കുന്ന സാക്ഷ്യപത്രം എന്നിവ സഹിതം ഫെബ്രുവരി 23ന് രാവിലെ 10ന് സ്ഥാപനത്തിൽ വെച്ച് നടക്കുന്ന എഴുത്ത് പരീക്ഷയ്ക്ക് നേരിട്ട് ഹാജരാകണം.. 

ആലപ്പുഴ: 181 പുന്നപ്ര സർവീസ് സഹകരണ ബാങ്കിൽ അഡ്മിനിസ്‌ട്രേറ്ററായി അമ്പലപ്പുഴ താലൂക്ക് സഹകരണസംഘം അസിസ്റ്റന്റ് രജിസ്ട്രാർ (ജനറൽ) ഓഫീസിലെ ആലപ്പുഴ യുണിറ്റ് ഇൻസ്‌പെക്ടർ ചാർജ്ജെടുത്തു. ബാങ്കിലെ ഇടപാടുകൾ കളർകോട് പ്രവർത്തിക്കുന്ന സഹകരണസംഘം അസിസ്റ്റന്റ് രജിസ്ട്രാർ (ജനറൽ) ഓഫീസിലെ യുണിറ്റ് ഇൻസ്‌പെക്ടർ മുഖേന നടത്തണം. ഫോൺ: 0477-2266763.

പുലിയൂർ സ്‌കൂളിൽ ഗുരുവന്ദനം ഇന്ന്