കേന്ദ്ര വാര്‍ത്ത വിതരണ പ്രക്ഷേപണ മന്ത്രാലയം ഫീല്‍ഡ്‌ ഔട്ട്‌ റീച്ച്‌ ബ്യൂറോ തൃശൂര്‍ യൂണിറ്റ്‌ വനിതാശാക്തീകരണത്തിന്റെ ഭാഗമായി സംഘടിപ്പിക്കുന്ന പ്രഭാഷണ പരിപാടി ഇന്ന്‌ (ഫെബ്രുവരി 14) തൃശൂര്‍ സെന്റ്‌ മേരീസ്‌ കോളേജില്‍ നടക്കും. ജില്ലാ ഇന്‍ഫര്‍മാറ്റിക്‌സ്‌ ഓഫീസര്‍ കെ സുരേഷ്‌ പരിപാടി ഉദ്‌ഘാടനം ചെയ്യും. കോളേജ്‌ പ്രിന്‍സിപ്പാള്‍ ഡോ. സിസ്റ്റര്‍ മാഗി ജോസ്‌ അദ്ധ്യക്ഷത വഹിക്കും. സുരക്ഷിതമായ ഇന്റര്‍നെറ്റ്‌ ഉപയോഗം-ശ്രദ്ധിക്കേണ്ട കാര്യങ്ങള്‍, ഡിജിറ്റല്‍ ബാങ്കിങ്‌, സ്‌ത്രീ-സൗഹൃദ പദ്ധതികള്‍, വനിതാ ശാക്തീകരണം എന്നീ വിഷയങ്ങളില്‍ വിദഗ്‌ധര്‍ പ്രഭാഷണം നടത്തും.

സംസ്ഥാന കാര്‍ഷിക യന്ത്രവല്‍ക്കരണ മിഷന്‍ നടപ്പാക്കുന്ന കാര്‍ഷിക വിപ്ലവ സന്നാഹത്തിന്റെ സംസ്ഥാനതല ഉദ്‌ഘാടനം തേക്കിന്‍കാട്‌ മൈതാനിയില്‍ ഫെബ്രുവരി 18 വൈകീട്ട്‌ 6 ന്‌ മുഖ്യമന്ത്രി പിണറായി വിജയന്‍ നിര്‍വഹിക്കും. കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ അദ്ധ്യക്ഷത വഹിക്കും. സഞ്ചരിക്കുന്ന കാര്‍ഷിക യന്ത്ര അറ്റകുറ്റപ്പണി യൂണിറ്റിന്റെ ഫ്‌ളാഗ്‌ ഓഫ്‌ പൊതുവിദ്യാഭ്യാസ വകുപ്പ്‌ മന്ത്രി പ്രൊഫ. സി രവീന്ദ്രനാഥ്‌ നിര്‍വഹിക്കും. കേടായ ട്രാക്‌ടര്‍ പൂര്‍ണ്ണമായി അറ്റകുറ്റപ്പണി നടത്തിയത്‌ മേയര്‍ അജിത വിജയന്‍ കൈമാറ്റം ചെയ്യും.

തൃശൂര്‍ ജില്ലയില്‍ ആയിരം ദിനാഘോഷവുമായി ബന്ധപ്പെട്ട്‌ ഉദ്‌ഘാടനം ചെയ്യേണ്ടതും ഉദ്‌ഘാടനം തീരുമാനിച്ചതുമായ പദ്ധതികളുടെ അവലോകനവും ഏകോപനവും നടത്തുന്നതിനായി കോര്‍പ്പറേഷന്‍ മേയര്‍ അജിത വിജയന്റെ അദ്ധ്യക്ഷതയില്‍ ഫെബ്രുവരി 14 ഉച്ചയ്‌ക്ക്‌ 2 ന്‌ ജില്ലാ പഞ്ചായത്ത്‌ കോണ്‍ഫറന്‍സ്‌ ഹാളില്‍ യോഗം ചേരും.
 

സംസ്ഥാനത്തെ എല്ലാ തദ്ദേശ സ്വയംഭരണ സ്ഥാപനങ്ങളിലും സ്‌പോര്‍ട്‌സ്‌ കൗണ്‍സില്‍ രൂപീകരിക്കുമെന്ന്‌ കായിക വകുപ്പ്‌ മന്ത്രി ഇ പി ജയരാജന്‍. തൃശൂര്‍ അക്വാറ്റിക്‌സ്‌ കോംപ്ലക്‌സ്‌ ഗ്രൗണ്ടില്‍ ജില്ലാ ഫുട്‌ബോള്‍ അസോസിയേഷന്റെ പുതിയ ഓഫീസ ഉദ്‌ഘാടനം ചെയ്‌തു സംസാരിക്കുകയായിരുന്നു മന്ത്രി. 249 കായിക താരങ്ങള്‍ക്ക്‌ പി എസ്‌ സി വഴി നിയമനം നടത്താനും പിഎസ്‌സി യില്‍ ഒരു ശതമാനം റിസര്‍വേഷന്‍ കായികതാരങ്ങള്‍ക്കായി മാറ്റി വയ്‌ക്കാന്‍ സാധിച്ചതായും മന്ത്രി പറഞ്ഞു.

വനിതാ കമ്മീഷനില്‍ കേസുകള്‍ കെട്ടിക്കെടുക്കുന്നില്ലെന്നും അങ്ങനെയുണ്ടെന്നുളള പ്രചാരണം വ്യാജമാണെന്നും വനിതാ കമ്മിഷന്‍ ചെയര്‍പേഴ്‌സണ്‍ എം സി ജോസഫൈന്‍ പറഞ്ഞു. രണ്ടു ദിവസമായി തൃശൂര്‍ ടൗണ്‍ഹാളില്‍ നടന്നു വന്ന വനിതാ കമ്മിഷന്‍ മെഗാ അദാലത്തിന്റെ സമാപനത്തോടനുബന്ധിച്ച്‌ നടന്ന പത്ര സമ്മേളനത്തില്‍ സംസാരിക്കുകയായിരുന്നു അവര്‍. 2017 ജൂണ്‍ മുതല്‍ 2018 ജനുവരി വരെ 68 അദാലത്തുകള്‍ സംഘടിപ്പിച്ചു. രണ്ടു ദിവസങ്ങളിലായി 184 കേസുകള്‍ പരിഗണിച്ചു. ഇതില്‍ 69 കേസുകള്‍ തീര്‍പ്പാക്കി.1 9 കേസുകള്‍ വിവിധ വകുപ്പുകളുടെ റിപ്പോര്‍ട്ടിനായി അയച്ചു. 61 കേസുകള്‍ വിധി പറയാന്‍ അടുത്ത അദാലത്തിലേക്കു മാറ്റി.

ആസൂത്രണ സമിതി യോഗം നാളെ

ജില്ലാ ആസൂത്രണ സമിതി യോഗം ഫെബ്രുവരി 15 ഉച്ചയ്ക്ക് ശേഷം 3 മണിക്ക് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ ചേരും. 

സെക്യൂരിറ്റി ജീവനക്കാരെ നിയമിക്കുന്നു

യൂനിയന്‍ ബാങ്ക് ഓഫ് ഇന്ത്യ എറണാകുളം, ഇടുക്കി, കോഴിക്കോട്, തിരുവനന്തപുരം ജില്ലകളില്‍ സെക്യൂരിറ്റി ജീവനക്കാരെ നിയമിക്കുന്നു.  താല്‍പര്യമുള്ള വിമുക്ത ഭടന്‍മാര്‍ക്ക് ഫെബ്രുവരി 18 വരെ ഓണ്‍ലൈനായി അപേക്ഷിക്കാവുന്നതാണ്.    വിശദവിവരങ്ങള്‍ www.unionbankofindia.co.in ല്‍ ലഭിക്കും.  ഫോണ്‍: 0497 2700069.

കേരള ആരോഗ്യശാസ്ത്ര സർവകലാശാലയുടെ അനുബന്ധ സ്ഥാപനമായ     സ്‌കൂൾ ഓഫ് ഹെൽത്ത് പോളിസി ആൻഡ് പ്ലാനിംഗിനായി നിർമ്മിക്കുന്ന കെട്ടിടത്തിന്റെ മ ശിലാസ്ഥാപനം ഫെബ്രുവരി പതിനഞ്ചിനു ഉച്ചക്ക് രൺു  മണിക്ക് തിരുവനന്തപുരം ഗവ: മെഡിക്കൽ കോളേജിനോട് ചേർന്ന് ആരോഗ്യ സാമൂഹ്യനീതി മന്ത്രി കെ.കെ. ശൈലജ നിർവഹിക്കും. ചടങ്ങിൽ സഹകരണ, ടൂറിസം, ദേവസ്വം വകുപ്പ് മന്ത്രി ശ്രീ. കടകംപള്ളി സുരേന്ദ്രൻ അദ്ധ്യക്ഷത വഹിക്കും. സർവകലാശാലാ  വൈസ് ചാൻസലർ ഡോ. എം.കെ.സി നായർ സംബന്ധിക്കും.

കെട്ടിട നിർമ്മാണോദ്ഘാടന വേളയിൽ പ്രൊ വൈസ് ചാൻസലർ ഡോ. എ. നളിനാക്ഷൻ, രജിസ്ട്രാർ ഡോ. എം.കെ. മംഗളം, ഡോ. ശശി തരൂർ എം പി തുടങ്ങിയവർ സംബന്ധിക്കും.

പഴശ്ശി ജലസേചന പദ്ധതിയിലൂടെ ഈ വര്‍ഷം സെപ്റ്റംബറോടെ രണ്ടാം വിള കൃഷിക്കുള്ള ജലസേചനം എന്ന ലക്ഷ്യം സാക്ഷാത്കരിക്കുന്നതിനായി കനാല്‍ നവീകരണ പദ്ധതിയുമായി ബന്ധപ്പെട്ട പ്രവൃത്തികള്‍ സജീവമായി. കാര്‍ഷിക മേഖലയുടെ സമഗ്ര വികസനം ലക്ഷ്യമിട്ട് രൂപം കൊടുത്ത, ജില്ലയിലെ ഏക ജലസേചന പദ്ധതിയായ പഴശ്ശി പദ്ധതിയുടെ പുനരുജ്ജീവനം ലക്ഷ്യമാക്കി സര്‍ക്കാര്‍ 2018ലെ ബജറ്റില്‍ അഞ്ച് കോടി രൂപ വകയിരുത്തുകയും 7.50 കോടി രൂപയുടെ ആക്ഷന്‍ പ്ലാന്‍ അംഗീകരിക്കുകയും ചെയ്തിരുന്നു.

എംപ്ലോയ്‌മെന്റ് വകുപ്പിന്റെ നേതൃത്വത്തിൽ സംഘടിപ്പിക്കുന്ന നിയുക്തി 2019 മെഗാ ജോബ് ഫെയർ 23ന് രാവിലെ ഒൻപത് മുതൽ തിരുവനന്തപുരം വഴുതയ്ക്കാട് ഗവ. വിമൻസ് കോളേജിൽ ആരംഭിക്കും. എസ്.എസ്.എൽ.സി, പ്ലസ് ടു, ബിരുദം, ബി.എച്ച്.എം/ഡി.എച്ച്.എം യോഗ്യതയുളളവർക്കാണ് അവസരം. ഹോസ്പിറ്റാലിറ്റി, മാനേജ്‌മെന്റ്, സെയിൽസ് ആന്റ് മാർക്കറ്റിംഗ് മേഖലകളിൽ പ്രവൃത്തി പരിചയമുളളവർക്ക് മുൻഗണന. താല്പര്യമുളളവർ  www.jobfest.kerala.gov.in  ൽ ഓൺലൈനായി അപേക്ഷ സമർപ്പിക്കണം. കൂടുതൽ വിവരങ്ങൾക്ക് അടുത്തുളള എംപ്ലോയ്‌മെന്റ് എക്‌സ്‌ചേഞ്ചുമായി ബന്ധപ്പെടണം.