ആലപ്പുഴ: ജില്ലയിൽ  തിരഞ്ഞെടുപ്പിനുള്ള ഒരുക്കങ്ങൾ അന്തിമഘട്ടത്തിൽ. വിവിധ വിതരണകേന്ദ്രങ്ങളിൽ  നിന്ന് പോളിങ് സാമഗ്രികൾ ഏറ്റുവാങ്ങിയ പോളിങ് ഉദ്യോഗസ്ഥർ അതത് ബൂത്തുകളിലെത്തിച്ചേർന്നിട്ടുണ്ട്. രാത്രിയോടെ കമ്പാർട്ടുമെന്റുകൾ സജ്ജമാക്കി ഉദ്യോഗസ്ഥർ തിരഞ്ഞെടുപ്പിനുള്ള അവസാനവട്ട ഒരുക്കങ്ങളും പൂർത്തിയാക്കും. രാവിലെ ഏഴുമുതൽ വൈകീട്ട് ആറുവരെയാണ് പോളിങ്. 

ആലപ്പുഴ: ജില്ലയിലെ രണ്ട് ലോക്‌സഭാ മണ്ഡലങ്ങളിലും ഇന്ന് ( ഏപ്രിൽ 23) രാവിലെ ഏഴിന് വോട്ടെടുപ്പ് ആരംഭിക്കും.വൈകിട്ട് ആറ് വരെയാണ് വോട്ടെടുപ്പ്. തുടർച്ചായി 11 മണിക്കൂറാണ് വോട്ടിങ് സമയം. അവസാന സമയമായ വൈകിട്ട് ആറിന് നിരയിലുള്ള അവസാനത്തെ ആൾമുതൽ മുന്നിലേക്ക് ടോക്കൺ നൽകും.അവസാനത്തെ ആൾക്കും വോട്ട് ചെയ്യാൻ അവസരമുണ്ടാകും. മോക്ക് പോളിന് ശേഷമാണ് വോട്ടെടുപ്പ് ആരംഭിക്കുക.പ്രിസൈഡിങ് ഓഫീസർമാർ മോക്‌പോൾ പരിശോധിച്ച് തൃപ്തികരമെന്ന് സർട്ടിഫിക്കറ്റ് തയ്യാറാക്കും.

ഇന്ത്യന്‍ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട് ചേര്‍ന്നുള്ള തെക്ക് പടിഞ്ഞാറന്‍ ബംഗാള്‍ ഉള്‍ക്കടലിലും  ന്യൂനമര്‍ദ്ദം രൂപം കൊള്ളാനും ഇതിന്റെ ഫലമായി 35 മുതല്‍ 45 കിലോമീറ്റര്‍ വേഗതയില്‍ കാറ്റടിക്കുവാനും സാധ്യതയുള്ളതിനാല്‍ ഏപ്രില്‍ 25, 26 തീയ്യതികളില്‍ ഇന്ത്യന്‍ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട് ചേര്‍ന്നുള്ള തെക്ക് പടിഞ്ഞാറന്‍ ബംഗാള്‍ ഉള്‍ക്കടലിലും  മത്സ്യത്തൊഴിലാളികള്‍ കടലില്‍ പോകരുതെന്ന് ഫിഷറീസ് കണ്‍ട്രോള്‍ റൂം അറിയിച്ചു.

കേന്ദ്ര ടെക്‌സ്റ്റൈല്‍ മന്ത്രാലയത്തിന്റെ കീഴിലുള്ള അപ്പാരല്‍ ട്രെയിനിംഗ് & ഡിസൈന്‍ സെന്ററിന്റെ തളിപ്പറമ്പ് നാടുകാണിയിലുള്ള സെന്ററില്‍ ആരംഭിക്കുന്ന മൂന്ന് വര്‍ഷത്തെ ഫാഷന്‍ ഡിസൈനിംഗ് ഡിഗ്രി കോഴ്‌സിലേക്ക് അപേക്ഷ ക്ഷണിച്ചു.  ഫോണ്‍: 0460 2226110, 9995004269, 9744917200.മ

വോട്ട് ചെയ്യാനെത്തുന്നവര്‍ക്ക് വിശ്രമിക്കാന്‍ മുളയും പനയോലയും കവുങ്ങും കൊണ്ട് ആദിവാസി കുടിലുകളുടെ മാതൃകയില്‍ വിശ്രമ കേന്ദ്രമൊരുക്കിയും കന്നി വോട്ടര്‍മാരെ പൂച്ചെണ്ട് നല്‍കി സ്വീകരിക്കാനൊരുങ്ങിയും വ്യത്യസ്തമായ രീതിയില്‍ മാതൃകയാവുകയാണ് കാഞ്ഞിരക്കൊല്ലി മാതൃകാ പോളിംഗ് സ്റ്റേഷന്‍. കൂടാതെ പോളിംഗ് സ്റ്റേഷനിലെത്തുന്ന കുട്ടികള്‍ക്ക് കളിസ്ഥലം, റെഡ് കാര്‍പ്പെറ്റ് സ്വീകരണം, പോളിംഗ് ഉദ്യോഗസ്ഥര്‍ക്കുള്ള ഭക്ഷണ വിതരണം, ഇന്‍ഫര്‍മേഷന്‍ കൗണ്ടര്‍ എന്നിവയും ഈ ബൂത്തില്‍ ഒരുക്കിയിട്ടുണ്ട്.  

2019 ലോക്സഭ തെരഞ്ഞെടുപ്പിന്റെ ഭാഗമായി ജില്ലയിലെ ബൂത്തുകളിലേക്കുള്ള പോളിംഗ് സമാഗ്രികള്‍ വിതരണം ചെയ്തു. അതത് നിയമസഭാ മണ്ഡലങ്ങളിലെ വിതരണ കേന്ദ്രത്തില്‍ സജ്ജീകരിച്ചിരിക്കുന്ന സ്ട്രോംഗ് റൂമില്‍ സൂക്ഷിച്ച ഇവിഎം-വിവിപാറ്റ് മെഷീനുകള്‍ ഉള്‍പ്പെടെയുള്ള പോളിംഗ് സാമഗ്രികളാണ് ബന്ധപ്പെട്ട എആര്‍ഒമാരുടെ നേതൃത്വത്തില്‍ വിതരണം ചെയ്തത്.