യൂണിയന്‍  ബാങ്ക് ഓഫ് ഇന്ത്യയുടെ എറണാകുളം, ഇടുക്കി, കോഴിക്കോട് , തിരുവനന്തപുരം  എന്നീ ജില്ലകളില്‍  സെക്യൂരിറ്റി ജീവനക്കാരുടെ ഒഴിവുകളിലേക്ക് അപേക്ഷ ക്ഷണിച്ചു. യോഗ്യരായ വിമുക്തഭടന്‍മാര്‍  ഫെബ്രുവരി 18 നകം ഓണ്‍ലൈന്‍ ആയി    www.unionbankofindia.co.in  എന്ന വെബ്‌സൈറ്റില്‍ അപേക്ഷ സമര്‍പ്പിക്കണമെന്ന്് ജില്ലാ സൈനിക ക്ഷേമ ഓഫീസര്‍ അറിയിച്ചു.  കൂടുതല്‍ വിവരങ്ങള്‍ക്ക് -04994 256860

മഞ്ചേശ്വരം, പരപ്പ ആഗ്രോ സര്‍വ്വീസ് സെന്ററിലേക്ക് 40-45 എച്ച്.പി ട്രാക്ടര്‍, 42 ബ്ലേയ്ഡ് റോറ്റവേറ്റര്‍  എന്നിവ ഒരോന്നു വീതം വിതരണം ചെയ്യുന്നതിന് ഇ-ടെണ്ടര്‍ ക്ഷണിച്ചു. https://etenders.kerala.gov.in എന്ന വിലാസത്തില്‍ ഇ-ടെണ്ടര്‍ സമര്‍പ്പിക്കണം.ടെണ്ടറുകള്‍ ഫെബ്രുവരി 23-ന് ഉച്ചയ്ക്ക് ഒന്നുവരെ സമര്‍പ്പിക്കാം.

ജില്ലയില്‍ പകര്‍ച്ചവ്യാധികള്‍ക്കെതിരെയുള്ള ആരോഗ്യ ജാഗ്രതാ ക്യാമ്പയിന് തയ്യാറെടുക്കുന്നതിനായി ജില്ലയിലെ മെഡിക്കല്‍ ഓഫീസര്‍മാര്‍ക്കും സൂപ്പര്‍വൈസര്‍മാര്‍ക്കുമുള്ള ജില്ലാതല ഏകദിന ശില്പശാല കാഞ്ഞങ്ങാട് വ്യാപാരഭവനില്‍ നടന്നു. കാഞ്ഞങ്ങാട് നഗരസഭ ചെയര്‍മാന്‍ വി.വി.രമേശന്‍  പരിപാടി ഉദ്ഘാടനം ചെയ്തു. ജില്ലാ മെഡിക്കല്‍ ഓഫീസര്‍ ഡോ.എ.പി ദിനേശ് കുമാര്‍ അധ്യക്ഷത വഹിച്ചു. ഹരിത കേരളം മിഷന്‍ ജില്ലാ കോഡിനേറ്റര്‍ എം.പി സുബ്രഹ്മണ്യന്‍, ജില്ലാ പ്രോഗ്രാം മാനേജര്‍ ഡോ. രാമന്‍ സ്വാതി വാമന്‍, ജില്ലാ ആര്‍, സി.എച്ച്.ഓഫീസര്‍ ഡോ മുരളീധര നെല്ലൂരായ എന്നിവര്‍ സംസാരിച്ചു.

കാഞ്ഞങ്ങാട് നഗരസഭയിലെ 151 കുടുംബങ്ങള്‍ക്ക് ഇത് സ്വപ്നസാക്ഷാത്കാരം. ദുരിതപൂര്‍ണമായ ജീവിത സാഹചര്യത്തില്‍ നിന്നും പൊളിഞ്ഞുവീഴാറായ കുടില്‍ നിന്നും അടച്ചുറപ്പുള്ള വീട്ടിലേക്ക് പ്രവേശിക്കാനൊരുങ്ങുകയാണ്  ഈ 151 കുടുംബങ്ങള്‍. ലൈഫ് മിഷന്‍ വഴി പൂര്‍ത്തീയാക്കിയ വീടുകളുടെ താക്കോല്‍ ഈ മാസം 22ന് മുഖ്യമന്ത്രി പിണറായി വിജയന്റെ സാന്നിധ്യത്തില്‍ കൈമാറും. പ്രധാനമന്ത്രി ആവാസ് യോജന ലൈഫ് പദ്ധതി പ്രകാരം 1022 കുടുംബങ്ങളെയാണ് തിരഞ്ഞെടുത്തത്. ഇതില്‍ 151 വീടുകളുടെ പണി പൂര്‍ത്തിയായിക്കഴിഞ്ഞിരിക്കുകയാണ്. മറ്റുള്ളവയുടെ പണി നടന്നു വരുകയാണ്.

ജില്ലയ്ക്ക് പുതുതായി അനുവദിച്ച മേല്‍പറമ്പ പോലീസ് സ്റ്റേഷന്‍ ഉദ്ഘാടനം  ഫെബ്രുവരി 17 ന് വൈകുന്നേരം മൂന്നിന് മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിംഗ് വഴി നിര്‍വ്വഹിക്കും.ചടങ്ങില്‍ കെ.കുഞ്ഞിരാമന്‍ എം എല്‍ എ അധ്യക്ഷത വഹിക്കും.പി കരുണാകരന്‍ എം പി മുഖ്യപ്രഭാഷണം നടത്തും. പരിപാടിയില്‍ ചെമ്മനാട് ഗ്രാമപഞ്ചായത്ത് പ്രസിഡണ്ട് കല്ലട്ര അബ്ദുള്‍ഖാദര്‍, ജില്ലാ പഞ്ചായത്ത് അംഗം സുഫയ്യ അബൂബക്കര്‍, കാസര്‍കോട് ബ്ലോക്ക് പഞ്ചായത്ത് അംഗം ടി.ഡി.കബീര്‍, ചെമ്മനാട് ഗ്രാമപഞ്ചായത്ത് അംഗം അജന്ന.എ.പവിത്രന്‍ തുടങ്ങിയവര്‍ സംസാരിക്കും. ജില്ലാ പോലിസ് മേധാവി ഡോ.

* ഉദ്ഘാടനം ഗവർണറും സമാപനസമ്മേളന ഉദ്ഘാടനം മുഖ്യമന്ത്രിയും നിർവഹിക്കും

ആയുഷ് ചികിത്സാ സമ്പ്രദായങ്ങളുടെ ശാസ്ത്രീയ അടിത്തറ വിപുലപ്പെടുത്തുക, അന്താരാഷ്ട്രതലത്തിൽ ശ്രദ്ധ കൈവരിക്കുക എന്നീ ലക്ഷ്യങ്ങളോടെ ആയുഷ് വകുപ്പിന്റെ ആഭിമുഖ്യത്തിൽ സംഘടിപ്പിക്കുന്ന ആദ്യ അന്താരാഷ്ട്ര ആയുഷ് കോൺക്ലേവ് ഫെബ്രുവരി 15 മുതൽ 19 വരെ തിരുവനന്തപുരം കനകക്കുന്നിൽ നടക്കും. കോൺക്ലേവിന്റെ ഉദ്ഘാടനം 16ന് ഗവർണർ പി. സദാശിവവും സമാപന സമ്മേളനം ഉദ്ഘാടനം 19ന് മുഖ്യമന്ത്രി പിണറായി വിജയനും നിർവഹിക്കും. ചടങ്ങിൽ ആരോഗ്യ ആയുഷ് വകുപ്പ് മന്ത്രി കെ.കെ. ശൈലജ ടീച്ചർ അധ്യക്ഷത വഹിക്കും. 

കാഴ്ചപരിമിതർക്കായുള്ള പുനരധിവാസ കേന്ദ്രം പുനർജ്യോതിക്ക് തിരുവന്തപുരം  കണ്ണാശുപത്രിയിൽ തുടക്കമായി. സംസ്ഥാന സർക്കാരിന്റേയും റീജിയണൽ ഇൻസ്റ്റിറ്റ്യൂട്ട് ഓഫ് ഒഫ്ത്താൽമോളജി അലുമ്‌നി അസോസിയേഷന്റേയും സംയുക്ത സംരംഭമായ പുനർജ്യോതിയുടെ ഉദ്ഘാടനം ആരോഗ്യമന്ത്രി കെ. കെ. ശൈലജ ടീച്ചർ നിർവ്വഹിച്ചു. കാഴ്ച ശ്ക്തിയില്ലാത്തവർക്ക് കണ്ടതിന് സമാനമായ അനുഭവമുണ്ടാക്കാൻ പുനർജ്യോതിയുടെ പ്രവർത്തനങ്ങളിലൂടെ കഴിയുമെന്ന് മന്ത്രി പറഞ്ഞു. ആരോഗ്യമേഖലയിൽ ഈ സർക്കാരിന്റെ കാലത്ത് ഒട്ടനവധി പദ്ധതികളാണ് ചെയ്തുവരുന്നത്. കുടുംബാരോഗ്യ കേന്ദ്രങ്ങൾ വഴി നിരവധി ആരോഗ്യ രക്ഷാ പ്രവർത്തനങ്ങൾ നടക്കുന്നതായും മന്ത്രി പറഞ്ഞു. 

കേരള മത്സ്യത്തൊഴിലാളി ക്ഷേമനിധി ബോർഡ് മുഖേന നൽകുന്ന പെൻഷൻ ലഭിക്കുന്നവരിൽ ഇതുവരെ ലൈഫ് സർട്ടിഫിക്കറ്റ് ഹാജരാക്കാത്തവർ 28 നകം ഫിഷറീസ് ഓഫീസിൽ നൽകണം. ലൈഫ് സർട്ടിഫിക്കറ്റ് ഹാജരാക്കാത്തവർക്ക് പെൻഷൻ ലഭിക്കില്ല.

പി.എൻ.എക്സ്. 547/19

കേരള സർക്കാർ സ്ഥാപനമായ കെയ്‌സിനു കീഴിൽ പ്രവർത്തിക്കുന്ന നൈസ് അക്കാദമിയിൽ പട്ടികജാതി വിഭാഗത്തിലെ നഴ്‌സുമാർക്കായി പട്ടികവിഭാഗ ഡയറക്ടറേറ്റുമായി ചേർന്ന് സൗജന്യ ഫ്രഷേഴ്‌സ് നഴ്‌സിംഗ് എൻഹാൻസ്‌മെന്റ് പ്രോഗ്രാമും പട്ടികവർഗ വിഭാഗത്തിലുള്ളവർക്ക് ഗൾഫ് മേഖലയിലേക്കുള്ള പരീക്ഷ പാസാകുന്നതിന് പരിശീലനവും നൽകും. യോഗ്യത: ജി.എൻ.എം/ബി.എസ്.സി. പരീക്ഷാ ഫലം പ്രതീക്ഷിക്കുന്നവർക്കും അപേക്ഷിക്കാം. വിശദവിവരങ്ങൾക്ക് 9895762632, 9497319640.

പി.എൻ.എക്സ്. 545/19