പോളിംഗ് സ്റ്റേഷന്റെ 200 മീറ്റര്‍ ചുറ്റളവില്‍ ബൂത്തുകള്‍ അനുവദനീയമല്ല. 

ഒരുമേശയും രണ്ട് കസേരയും ക്രമീകരിക്കാം ഷാമിയാന, ടെന്റ് എന്നിവ കെട്ടാന്‍ പാടുള്ളതുമല്ല. 

മൂന്ന് അടി നീളവും ഒന്നര അടി വീതിയുമുള്ള ബാനര്‍ ഉപയോഗിക്കാം     

ബൂത്തുകളിലുള്ള വ്യക്തികള്‍ നിര്‍ബന്ധമായും വോട്ടര്‍ ഐ.ഡി. കാര്‍ഡ് കൈവശം വയ്‌ക്കേണ്ടതാണ്.

രാഷ്ട്രീയ പരാമര്‍ശമുള്ള സ്ലിപ്പുകളോ മറ്റ് സാമഗ്രികളോ വിതരണം ചെയ്യാന്‍ പാടുള്ളതല്ല. 

തദ്ദേശസ്ഥാപനങ്ങളുടെ മുന്‍കൂര്‍ അനുമതി ഉണ്ടായിരിക്കേണ്ടതാണ്. 

                  (ഇലക്ഷന്‍: 230/19)

തെരഞ്ഞെടുപ്പ് ദിവസം സ്ഥാനാര്‍ഥി, ചീഫ് ഏജന്റ് എന്നിവര്‍ക്ക് വരണാധികാരിയുടെ അനുമതിയോടെ ഓരോ വാഹനങ്ങള്‍ മണ്ഡലത്തില്‍ ഉടനീളം ഉപയോഗിക്കാം. 

സ്ഥാനാര്‍ഥികളുടെ പാര്‍ട്ടി പ്രവര്‍ത്തകര്‍ക്ക് ഓരോ അസംബ്ലി നിയോജക മണ്ഡലത്തിലേക്കും ഓരോ വാഹനങ്ങള്‍ അനുമതിവാങ്ങി ഉപയോഗിക്കാം. 

ഓരോവാഹനത്തിലും ഡ്രൈവര്‍ ഉള്‍പ്പെടെ പരമാവധി അഞ്ച്  പേരെ മാത്രമെ അനുവദിക്കൂ.

സ്ഥാനാര്‍ഥി മണ്ഡലത്തില്‍ ഹാജരല്ലെങ്കില്‍ മറ്റാര്‍ക്കും സ്ഥാനാര്‍ഥിക്ക് അനുവദിച്ച വാഹനം ഉപയോഗിക്കാന്‍ പാടുള്ളതല്ല. 

വാഹനങ്ങളില്‍ വരണാധികാരി നല്‍കുന്ന പെര്‍മിറ്റ് വിന്‍ഡ് സ്‌ക്രീനില്‍ തന്നെ പതിക്കേണ്ടതാണ്. 

1. തെരഞ്ഞെടുപ്പ് കമ്മിഷന്‍ അനുവദിച്ച വോട്ടര്‍ തിരിച്ചറിയല്‍ കാര്‍ഡ്

2. പാസ്‌പോര്‍ട്ട്  

3. ഡ്രൈവിംഗ് ലൈസന്‍സ് 

4. സംസ്ഥാന/കേന്ദ്ര സര്‍ക്കാര്‍, പൊതുമേഖലാ സ്ഥാപനങ്ങള്‍/പൊതുമേഖലാ കമ്പനികള്‍ എന്നിവ ജീവനക്കാര്‍ക്ക് നല്‍കുന്ന സര്‍വീസ് തിരിച്ചറിയല്‍ കാര്‍ഡുകള്‍

5. ബാങ്ക്/ പോസ്റ്റ് ഓഫീസ് എന്നിവിടങ്ങളില്‍നിന്നുള്ള ഫോട്ടോ പതിച്ച പാസ്ബുക്ക് (സഹകരണ ബാങ്കുകളിലെ രേഖകള്‍ സ്വീകരിക്കില്ല)

6. പാന്‍ കാര്‍ഡ് 

7.കേന്ദ്രതൊഴില്‍ മന്ത്രാലയം വിവിധ പദ്ധതികളുടെ ഭാഗമായി അനുവദിച്ച സ്മാര്‍ട്ട് കാര്‍ഡ്

8. തൊഴില്‍പദ്ധതി ജോബ് കാര്‍ഡ് 

വോട്ടെടുപ്പിനായി ബൂത്തുകളിലേക്ക് ഉദ്യോഗസ്ഥര്‍ കൊണ്ടുപോയത് വോട്ടിംഗ് യന്ത്രങ്ങള്‍ മുതല്‍ മൊട്ടുസൂചിവരെ. ഇത്തവണ വിവിപാറ്റ് കൂടി ഈ ലിസ്റ്റില്‍ അധികമായി കടന്നുവന്നിട്ടുണ്ട്. വിവിധയിനം പോസ്റ്ററുകള്‍, കവറുകള്‍, ഫാറങ്ങള്‍, എല്‍ഇഡി ബള്‍ബ് വരെയുള്‍പ്പെടും. ആകെ 195 ഓളം ഇനങ്ങള്‍ ഉള്‍പ്പെടുന്ന ബാഗുകളാണ് ഓരോ ബൂത്തിനുമുള്ള പ്രിസൈഡിംഗ് ഓഫീസര്‍ ഏറ്റുവാങ്ങിയത്. തനിക്കൊപ്പമുള്ള മൂന്നു ജീവനക്കാരേയും കൂട്ടി തെരഞ്ഞെടുപ്പ് കമ്മിഷന്‍തന്നെ നല്‍കിയിട്ടുള്ള ചെക്ക് ലിസ്റ്റുമായി പ്രിസൈഡിംഗ് ഓഫീസര്‍ ഇത് ഒത്തുനോക്കിയശേഷമാണ് ബൂത്തുകളിലേക്ക് പോകാനായി ബസുകളിലേക്ക് മാറ്റിയത്. 

തിരുവനന്തപുരം കോളേജ് ഓഫ് എൻജിനീയറിങ്ങിലെ സിഇടി സ്‌കൂൾ ഓഫ് മാനേജ്‌മെന്റിൽ എം.ബി.എ.(ഫുൾടൈം) കോഴ്‌സിന് കെ.മാറ്റ്/സിമാറ്റ്/കാറ്റ് യോഗ്യതയുള്ളവർക്ക് അപേക്ഷിക്കാം. അപേക്ഷാഫോമുകൾ www.mba.cet.ac.in.    -ൽ ലഭ്യമാണ്. അപേക്ഷ സ്വീകരിക്കുന്ന അവസാനതിയതി ഏപ്രിൽ 30 വൈകിട്ട് നാല്.

പി.എൻ.എക്സ്. 1151/19

തദ്ദേശസ്വയംഭരണ സ്ഥാപനങ്ങളുടെ ഓംബുഡ്‌സ്മാൻ ജസ്റ്റിസ് കെ.കെ. ദിനേശൻ ഏപ്രിൽ 24, 25, 26 തിയതികളിൽ നടത്താനിരുന്ന സിറ്റിംഗുകൾ മാറ്റിവച്ചു.

പി.എൻ.എക്സ്. 1150/19

വേനമഴ ഇടവിട്ടുപെയ്യുന്ന സാഹചര്യത്തില്‍ വെള്ളം കെട്ടിനിന്നു കൊതുകു പെരുകുവാന്‍ സാധ്യതയുള്ളതിനാല്‍ ഡെങ്കിപ്പനി, ചിക്കുന്‍ഗുനിയ, മലമ്പനി തുടങ്ങിയ കൊതുകുജന്യ രോഗങ്ങള്‍ക്കെതിരെ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. കൊതുക് മുട്ടയിടാന്‍ സാഹചര്യമുള്ളതിനാല്‍ വീടിനു പരിസരം, ടെറസ്, സണ്‍ഷെയ്ഡ്, പാത്രങ്ങള്‍, ട്രേകള്‍, ടയര്‍, വാട്ടര്‍ ടാങ്ക്, എന്നിവിടങ്ങളില്‍ വെള്ളം കെട്ടിനില്‍ക്കാന്‍ അനുവദിക്കരുത്. വാട്ടര്‍ ടാങ്കുകളും വെള്ളം ശേഖരിക്കുന്ന പാത്രങ്ങളും കൊതുകു കടക്കാത്തവിധം മൂടി സൂക്ഷിക്കണം.

ലോക്‌സഭാ തെരഞ്ഞെടുപ്പിനുള്ള വോട്ടെടുപ്പ് ഇന്ന് (ഏപ്രില്‍ 23) രാവിലെ ഏഴിന് ആരംഭിക്കും. ജില്ലയിലെ രണ്ടു ലോക്‌സഭാ മണ്ഡലങ്ങളിലായി 27.14 ലക്ഷത്തോളം വോട്ടര്‍മാരാണ് സമ്മതിദാനാവകാശം വിനിയോഗിക്കുന്നത്. രാവിലെ ഏഴിന് വോട്ടെടുപ്പ് ആരംഭിക്കും. വൈകിട്ട് ആറിന് അവസാനിക്കും. 2715 പോളിങ് ബൂത്തുകളിലായാണ് വോട്ടെടുപ്പ് നടക്കുന്നത്.