സാംസ്‌കാരിക വകുപ്പ് സര്‍വ്വോദയ മണ്ഡലവുമായി ചേര്‍ന്ന്  തവനൂരില്‍ നടത്തുന്ന  രക്തസാക്ഷ്യം പരിപാടിയില്‍ ഇന്ന് (ഫെബ്രുവരി 13 ) വൈകീട്ട് അഞ്ചിന് നടക്കുന്ന സാഹിത്യ സമ്മേളനം  കഥയുടെ കുലപതി ടി. പദ്മനാഭന്‍ ഉദ്ഘാടനം ചെയ്യും.കേരള സാഹിത്യ അക്കാദമി സെക്രട്ടറി ഡോ കെ.പി.മോഹനന്‍ അധ്യക്ഷനാകുന്ന സാഹിത്യ സമ്മേളനത്തില്‍ ഡോ.ഖദീജാ മുംതാസ്, അശോകന്‍ ചരുവില്‍, ടി.ഡി.രാമകൃഷ്ണന്‍, പയ്യന്നൂര്‍ കുഞ്ഞിരാമന്‍, ഡോ.പ്രഭാകരന്‍ പഴശ്ശി തുടങ്ങിയവര്‍ പങ്കെടുക്കും. ചടങ്ങില്‍ മഹാത്മാഗാന്ധി യൂനിവേഴ്‌സിറ്റി ഡി.ലിറ്റ് നല്കിയ ടി.പദ്മനാഭനെ ആദരിക്കും.രാത്രി ഏഴിന് കരിന്തലക്കൂട്ടത്തിന്റെ നാടന്‍ പാട്ടും അരങ്ങേറും.

71-ാമത്  സര്‍വ്വോദയ മേളയുടെ ഭാഗമായി തവനൂര്‍ കേളപ്പജി സ്തൂപത്തിലെ പ്രാര്‍ത്ഥനാ സദസ്സിനും, കേളപ്പജി സമാധിയിലെ പുഷ്പാര്‍ച്ചനക്കും ശേഷം  രാഷ്ട്രപിതാവിന്റെ  ചിതാഭസ്മ നിമജ്ജന സ്മരണയില്‍ ശാന്തിയാത്ര നടത്തി.

ജില്ലയിലെ കേന്ദ്രാവിഷ്‌കൃത പദ്ധതികളുടെ പുരോഗതി അവലോകനം ചെയ്യുന്നതിനായി  ജില്ലാതലത്തില്‍ ജനപ്രതിനിധികളെയും ഉദ്യോഗസ്ഥരെയും ഉള്‍പ്പെടുത്തി രൂപീകരിച്ചിട്ടുള്ള ഡിസ്ട്രിക്ട് ഡെവലപ്‌മെന്റ് കോ-ഓര്‍ഡിനേഷന്‍ ആന്റ് മോണിറ്ററിംഗ് കമ്മിറ്റിയുടെ 2018-19 വര്‍ഷത്തിലെ മൂന്നാമത്തെ യോഗം ഫെബ്രുവരി 16ന് രാവിലെ 10.30ന് ഇടുക്കി കലക്ടറേറ്റ് കോണ്‍ഫറന്‍സ് ഹാളില്‍ ചേരും. അഡ്വ. ജോയ്‌സ് ജോര്‍ജ്ജ് എം.പി അധ്യക്ഷനായിരിക്കും. 

ഖാദി തുണിത്തരങ്ങള്‍ക്ക് 30 ശതമാനം റിബേറ്റ്

സാംസ്‌കാരിക വകുപ്പ് സര്‍വ്വോദയ മണ്ഡലത്തിന്റെ സഹകരണത്തോടെ തവനൂരില്‍ നടത്തുന്ന രക്തസാക്ഷ്യം പരിപാടിയിലെ പ്രദര്‍ശന മേളയില്‍ ഏവരുടെയും ശ്രദ്ധയാകര്‍ഷിക്കുകയാണ്  റൂറല്‍ ആര്‍ട്ട് ഹബ്ബ് പ്രൊജക്ട് ന്റെ സ്റ്റാള്‍. ചര്‍ക്കയില്‍ നൂല്‍ നൂല്‍ക്കുന്ന ചലിക്കുന്ന ഗാന്ധിയും ഒറ്റത്തടിയില്‍ തീര്‍ത്ത ആനയും.50 കിലോ ഭാരമുള്ള ഒറ്റത്തടി ആന പ്രതിമയ്ക്ക് 31,000 രൂപയാണ് വില. 20 രൂപ മുതല്‍ 31, 000 രൂപ വരെയുള്ള പരമ്പരാഗത കരകൗശല വസ്തുക്കള്‍ ഇവിടെ ലഭ്യമാണ്.

കുടുംബശ്രീ സംസ്ഥാന മിഷന്‍ 'കുടുംബശ്രീ ഒരു നേര്‍ച്ചിത്രം' ഫോട്ടോഗ്രാഫി മല്‍സരത്തിന്റെ രണ്ടാം സീസണ്‍ സംഘടിപ്പിക്കുന്നു. ഫോട്ടോഗ്രാഫിയില്‍ താല്‍പര്യമുള്ള വ്യക്തികളുടെ സര്‍ഗ്ഗാത്മക ശേഷി പ്രോല്‍സാഹിപ്പിക്കുക എന്നതാണ് ലക്ഷ്യം. കുടുംബശ്രീയുടെ മികച്ച പ്രവര്‍ത്തനങ്ങള്‍ പ്രതിഫലിപ്പിക്കുന്ന ചിത്രങ്ങളാണ് സമര്‍പ്പിക്കേണ്ടത്. അവസാന തീയതി മാര്‍ച്ച് 15. 

താനാളൂര്‍ ചുങ്കത്ത് പ്രവര്‍ത്തിക്കുന്ന കുടുംബാരോഗ്യ കേന്ദ്രത്തോടനുബന്ധിച്ച് താനാളൂര്‍ ഗ്രാമപഞ്ചായത്ത് നിര്‍മ്മിച്ച ഡയാലിസ് സെന്ററിന്റെ ഉദ്ഘാടനം ഫെബ്രുവരി 23ന് (ശനിയാഴ്ച) വൈകീട്ട് നാലിന് തദ്ദേശസ്വയംഭരണവകുപ്പ് മന്ത്രി എ.സി.മൊയ്തീന്‍ നിര്‍വഹിക്കും.
വി.അബ്ദുറഹിമാന്‍ എം.എല്‍.എയുടെ വികസന ഫണ്ടില്‍ നിന്നും 60 ലക്ഷം രൂപ ചെലവഴിച്ചാണ് ഡയാലിസ് യൂനിറ്റുകള്‍ സജ്ജമാക്കിയിരിക്കുന്നത്. ഡയാലിസിസ് സെന്റര്‍ ഉദ്ഘാടനത്തോടനുബന്ധിച്ചുള്ള സ്വാഗതസംഘ രൂപീകരണ യോഗം ഇന്ന് (ഫെബ്രുവരി13 ന് ) വൈകീട്ട് മൂന്നിന് താനാളൂര്‍ പഞ്ചായത്ത് കോണ്‍ഫറന്‍സ് ഹാളില്‍ ചേരുമെന്ന് പഞ്ചായത്ത് പ്രസിഡന്റ് എന്‍.മുജീബ്ഹാജി അറിയിച്ചു.