ഉന്നത വിദ്യാഭ്യാസ വകുപ്പ് മന്ത്രി ഡോ. കെ.ടി ജലീല്‍ ഫെബ്രുവരി 17 ന് നാല് മണിക്ക് യുവജന കൂട്ടായ്മയുടെ വീട് താക്കോല്‍ദാനം, കടവ് റിസോര്‍ട്ടിന് സമീപം, 18 ന് രാവിലെ 10.30 ന് ജെ.ഡി ടെക്നിക്കല്‍ അദാലത്ത്, രണ്ട് മണിക്ക് മലാപ്പറമ്പ് ഗവ. വനിതാ പോളിടെക്നിക് കെട്ടിടം ഉദ്ഘാടനം എന്നീ പരിപാടികളില്‍ പങ്കെടുക്കും. 

പെരുവയല്‍  പഞ്ചായത്ത് കോണ്‍ഫറന്‍സ് ഹാളില്‍ റേഷന്‍ കാര്‍ഡ് സംബന്ധമായി സ്വീകരിച്ച അപേക്ഷകളിന്‍മേല്‍ റേഷന്‍ കാര്‍ഡ്, സര്‍ട്ടിഫിക്കറ്റുകളുടെ വിതരണം ഫെബ്രുവരി 14,15 തീയ്യതികളില്‍  രാവിലെ 10 മുതല്‍ 3 വരെ  കോഴിക്കോട് താലൂക്ക് സപ്ലൈ ഓഫീസില്‍ നടത്തും. അപേക്ഷ നമ്പര്‍ 12144 മുതല്‍ 12600 വരെ 14 നും 12601 മുതല്‍ 13054 വരെ 15 നുമാണ് വിതരണം.  അപേക്ഷകര്‍ ആധാര്‍ കാര്‍ഡ്, റേഷന്‍ കാര്‍ഡ്, എന്നിവ സഹിതം എത്തണം.  ഓണ്‍ലൈന്‍ അപേക്ഷകളും മറ്റു അപേക്ഷകളും അന്നേദിവസം  പരിഗണിക്കുന്നതെല്ലന്ന് താലൂക്ക് സപ്ലൈ ഓഫീസര്‍ അറിയിച്ചു.

ചക്ക ഉല്‍പ്പന്ന നിര്‍മ്മാണ സംരംഭം തുടങ്ങാന്‍ താത്പര്യമുള്ള യുവതീയുവാക്കള്‍ക്കായ് ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍  ഫെബ്രുവരി 22, 23 എന്നീ തീയതികളില്‍ നളന്ദ ഓഡിറ്റോറിയത്തില്‍ ടെക്നോളജി ക്ലിനിക്ക് നടത്തും.  താത്പര്യമുള്ളവര്‍ ഫെബ്രുവരി 16  ന് മുന്‍പായി കോഴിക്കോട് ജില്ലാ വ്യവസായ കേന്ദ്രത്തില്‍ വിശദമായ ബയോഡാറ്റ സഹിതം പേര് രജിസ്റ്റര്‍ ചെയ്യണമെന്ന് ജനറല്‍ മാനേജര്‍ അറിയിച്ചു.  ഫോണ്‍ : 04952766563, 9744566625.

പേരാമ്പ്ര മിനി സിവില്‍ സ്റ്റേഷനിലെ  കരിയര്‍ ഡെവലപ്പ്മെന്റ്  സെന്ററില്‍ പട്ടികജാതി-പട്ടിക വര്‍ഗ്ഗ വിഭാഗത്തില്‍പെട്ട ഉദ്യോഗാര്‍ത്ഥികള്‍ക്കായി  1000 രൂപ സ്റ്റൈപ്പന്റോടെ പേരാമ്പ്ര കരിയര്‍ ഡവലപ്പ്മെന്റ് സെന്റര്‍ സൗജന്യമായിപി.എസ്.സി മത്സരപരീക്ഷാ പരിശീലനം നടത്തും. 2019 ഫെബ്രുവരി അവസാനവാരത്തോടെ ക്ലാസ്സുകള്‍ ആരംഭിക്കും. താല്‍പര്യമുളളവര്‍ പേര് രജിസ്റ്റര്‍ ചെയ്യണം. ഫോണ്‍: 0496-2615500.