ശാസ്ത്രീയ മാലിന്യ സംസ്‌ക്കരണത്തിന് ആരംഭിച്ച അടിയന്തര കര്‍മ്മ പദ്ധതിയുടെ ഒന്നാംഘട്ടം ജൂണ്‍ അഞ്ചിന് കൊച്ചിയില്‍ പൂര്‍ത്തിയാക്കുമെന്ന് തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ് പറഞ്ഞു. കൊച്ചിയില്‍ പദ്ധതി വിജയകരമായി നടപ്പിലാക്കുവാന്‍ കഴിയുമെന്നാണ് ജനങ്ങളില്‍ നിന്ന് ലഭിക്കുന്ന മികച്ച പിന്തുണയും സഹകരണവും സൂചിപ്പിക്കുന്നതെന്നും മന്ത്രി പറഞ്ഞു. കാലവര്‍ഷം ആരംഭിക്കുന്നതോടെ ബ്രഹ്മപുരത്തേക്ക് ജൈവ മാലിന്യം തള്ളുന്നത് അവസാനിപ്പിക്കുമെന്നും ജൈവ മാലിന്യസംസ്‌ക്കരണത്തിന് ഒരു വര്‍ഷത്തിനകം ഇവിടെ പുതിയ പ്ലാന്റ് കോര്‍പറേഷന്‍ സ്ഥാപിക്കുമെന്നും മന്ത്രി പറഞ്ഞു. 

 പ്രധാനമന്ത്രിയുടെ സന്ദർശനത്തോടനുബന്ധിച്ച് തിങ്കൾ (24.04.2023), ചൊവ്വ(25.04.2023) ദിവസങ്ങളിൽ കൊച്ചി സിറ്റിയിൽ ഗതാഗത നിയന്ത്രണം ഉണ്ടായിരിക്കുന്നതാണ്.

തിങ്കൾ (24.04.2023) ഉച്ചയ്ക്ക് 2  മുതൽ രാത്രി 8  വരെ പശ്ചിമകൊച്ചി ഭാഗത്ത് നിന്ന് എറണാകുളം ഭാഗത്തേക്ക് വരുന്ന വാഹനങ്ങൾ തോപ്പുംപടി, തേവര ഫെറി, കുണ്ടന്നൂർ , വൈറ്റില വഴിയും ഇടക്കൊച്ചി, അരൂർ വഴിയും NH ൽ പ്രവേശിച്ച് എറണാകുളം ഭാഗത്തേക്ക് വരേണ്ടതാണ്.

 കയർ ഫെഡ് സ്റ്റാളിൽ നിന്ന് 
ഒരു കിടക്ക വാങ്ങിയാൽ ഒന്നുകൂടി സ്വന്തമാക്കാം.
ലോ കോസ്റ്റ് കിടക്കൾ അൻപത് ശതമാനം വിലകുറച്ചാണ് ഇവിടെ വിൽക്കുന്നത്. സ്പ്രിംഗ് മെത്തകളും നോർമൽ മെത്തകളും സ്റ്റാളിലുണ്ട്. ചവിട്ടികൾക്ക് 10 ശതമാനം വിലക്കിഴിവുമുണ്ട്.

ആലപ്പുഴ ബീച്ചിൽ നടക്കുന്ന എൻ്റെ കേരളം പ്രദർശന വിപണന മേളയിലെ കയർ ഫെഡ് സ്റ്റാളിലാണ് ഈ ഓഫറുകളുള്ളത്. ചകിരിയിൽ നിർമ്മിച്ച മനോഹരമായ ചെടിച്ചട്ടികളും സ്റ്റാളിൽ ലഭ്യമാണ്. 15 മുതൽ 61 രൂപ വരെ വിലവരുന്ന വ്യത്യസ്ത അവളുകളിലെ ചെടി ചട്ടികളോടൊപ്പം അവ നിറക്കാൻ ആവശ്യമായ വളവും ചകിരിച്ചോറും സ്റ്റാളിൽ നിന്ന് തന്നെ മിതമായ നിരക്കിൽ വാങ്ങാം.

ഇരുപത്തഞ്ചു ശതമാനം രോഗികളും ലഹരി ഉപയോഗത്തിന്റെ പ്രശ്നങ്ങൾ പ്രത്യക്ഷമായോ പരോക്ഷമായോ   അനുഭവിക്കുന്നുണ്ടെന്നു ഡോ. ബി. പദ്മകുമാർ. ആലപ്പുഴ ബീച്ചിൽ നടക്കുന്ന എന്റെ കേരളം പ്രദർശന വിപണന മേളയോടനുബന്ധിച്ച് എക്‌സൈസ് വകുപ്പ് സംഘടിപ്പിച്ച  ലഹരിമുക്ത യുവത എന്ന വിഷയത്തിൽ സെമിനാറിൽ  വിഷയാവതരണം നടത്തുകയായിരുന്നു അദ്ദേഹം. 

എൻ്റെ കേരളം പ്രദർശന വിപണന മേളയോടനുബന്ധിച്ച്  യോഗ നൃത്തം അരങ്ങേറി. 
നാഷണൽ അയുഷ് മിഷൻ, ഹോമിയോപതി, ഭാരതീയ ചികിത്സ എന്നീ വകുപ്പുകൾ ചേർന്നാണ് പരിപാടി സംഘടിപ്പിച്ചത്. വിവിധ യോഗാസനങ്ങൾ സംഗീതത്തിന്റെ അകമ്പടിയോടെയാണ് സംഘം അവതരിപ്പിച്ചത്. 
സൂര്യ നമസ്കാരം, യോഗാസനങ്ങളായിട്ടുള്ള ഉഷ്ട്രാസനം, ഗോമുഖാസനം, ഭുജംഗാസനം, ധനുരാസനം തുടങ്ങി ആസനങ്ങളാണ് 20 പേരടങ്ങുന്ന സംഘം വേദിയിൽ ന്യത്തത്തിലൂടെ ആ വിഷകരിച്ചത്.

ആർക്കും യോഗ ചെയ്യാൻ സാധിക്കുന്ന നിലയിൽ എല്ലാവരിലേക്കും യോഗ എത്തിക്കുന്നതിൻ്റെ ഭാഗമായിട്ടാണ് യോഗ അവതരിപ്പിച്ചത് എന്ന് സംഘത്തിന് നേതൃത്വം നൽകിയ ഡോക്ടർ മിൽറ്റോ ടി. കുമാർ പറഞ്ഞു.

        കേരളം തീർത്തും നിക്ഷേപ, വ്യവസായ സൗഹൃദ സംസ്ഥാനമാണെന്നും മറിച്ചുള്ള നിർഭാഗ്യകരമായ ചില പ്രചാരണങ്ങൾ നാടിനെ എങ്ങനെ പ്രതികൂലമായി ബാധിക്കുമെന്ന് തിരിച്ചറിയണമെന്നും മുഖ്യമന്ത്രി പിണറായി വിജയൻ. മുഖ്യമന്ത്രിയുടെ പ്രതിവാര ടെലിവിഷൻ സംവാദപരിപാടി 'നാം മുന്നോട്ട്'-ന്റെ പുതിയ എപ്പിസോഡിൽ പങ്കെടുത്തു  സംസാരിക്കുകയായിരുന്നു അദ്ദേഹം.

യുവതയെ ആവേശ കൊടുമുടിയിൽ എത്തിച്ച് സിദ്ധാർഥ് മേനോനും സംഘവും. ഫാസ്റ്റ് നമ്പറുകളും മെലഡിയും ഇടകലർത്തി പുതിയതും പഴയതുമായ ഹിറ്റ് പാട്ടുകൾ പാടി ഫാൻസിനെ ഒപ്പം ചുവടുവെപ്പിച്ച് സിദ്ധാർഥ്  അക്ഷരാർത്ഥത്തിൽ എന്റെ കേരളം മേളയെ യുവതയുടെ ആഘോഷമാക്കി മാറ്റി. സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് ആലപ്പുഴ ബീച്ചിൽ നടക്കുന്ന എന്റെ കേരളം പ്രദർശന വിപണന മേളയുടെ അഞ്ചാം ദിവസമാണ് സിദ്ധാർഥും സംഘവും കടപ്പുറം ഇളക്കിമറിച്ചത്.

ഭിന്നശേഷിക്കാർ മുതൽ വയോജനങ്ങൾ വരെയുള്ളവർക്കുള്ള സേവനങ്ങൾ വിരൽത്തുമ്പിൽ എത്തിച്ച് സാമൂഹ്യ നീതി വകുപ്പ്. ആലപ്പുഴ ബീച്ചിൽ നടക്കുന്ന എൻറെ കേരളം പ്രദർശന വിപണന മേളയിലാണ് വിവിധ സേവനങ്ങളുമായി സാമൂഹ്യ നീതി വകുപ്പിൻറെ സ്റ്റാൾ ഒരുക്കിയിരിക്കുന്നത്. വകുപ്പിൽ നിന്നും ലഭിക്കുന്ന സേവനങ്ങൾ, പദ്ധതികൾ എന്നിവയെക്കുറിച്ച് അറിയാനും ഇവിടെ അവസരമുണ്ട്. ഓൺലൈനായി അപേക്ഷിക്കാൻ സഹായിക്കുന്ന സുനീതി ഹെല്പ് ഡെസ്കും ഇവിടെയുണ്ട്.