ജില്ലയിൽ മാനസികരോഗ ബാധിതരെ പുനരധിവസിപ്പിക്കുന്നതിന് സാമൂഹ്യനീതി വകുപ്പ് പി. ആർ. സി രജിസ്ട്രേഷൻ നൽകിയിട്ടുള്ളതിൽ കുറഞ്ഞത് 25 പേരെ എങ്കിലും താമസിപ്പിച്ചിട്ടുള്ളതും നിശ്ചിത ക്വാളിഫിക്കേഷനും പ്രവർത്തിപരിചയവും ഉള്ള സ്റ്റാഫിനെ നിയോഗിച്ച റൂൾസ് പ്രകാരം സേവനം നൽകി വരുന്നതുമായ സ്ഥാപനങ്ങൾക്ക് സൈക്കോ സോഷ്യൽസ്ഥാപനങ്ങൾക്കുള്ള  2022-23 സാമ്പത്തികവർഷത്തെ ഗ്രാന്റ് ലഭിക്കുന്നതിനുള്ള അപേക്ഷ ക്ഷണിച്ചു.

 അപേക്ഷകൾ മെയ് 15ന് മുൻപായി കാക്കനാട് സിവിൽ സ്റ്റേഷനിൽ പ്രവർത്തിക്കുന്ന ജില്ലാ സാമൂഹ്യനീതി ഓഫീസിൽ ലഭ്യമാക്കേണ്ടതാണ്. ഫോൺ :0484-2425377

സഹകരണ മേഖലയിലെ ആധുനികവത്കരണത്തിന് യുവജനങ്ങളുടെ പങ്കാളിത്തം അനിവാര്യമാണെന്ന് 
 പി. എസ്. സി. മുൻ ചെയർമാൻ എം. ഗംഗാധരക്കുറുപ്പ് പറഞ്ഞു. ഉപഭോക്തൃ, വിപണന സഹകരണ സംഘങ്ങളുടെ ആധുനികവത്കരണവും വിവരസാങ്കേതിക വിദ്യയും എന്ന വിഷയത്തിൽ സഹകരണ എക്സ്പോ വേദിയിൽ നടന്ന സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. ജന ജീവിതത്തിന്റെ സമസ്ത മേഖലകളിലും സഹകരണ മേഖലയുടെ ഇടപെടലുകൾ ഉണ്ടെന്നും ആധുനിക സാങ്കേതിക വിദ്യയുടെ ഉപയോഗം  സഹകരണ മേഖലയിലെ പ്രവർത്തനങ്ങളെ കൂടുതൽ ജനകീയമാക്കുമെന്നും അദ്ദേഹം പറഞ്ഞു. 

ഫോറസ്റ്റ് ട്രിബ്യൂണല്‍ ക്യാമ്പ് സിറ്റിങ് ഏപ്രില്‍ 28, 29 തീയതികളില്‍ ഓണ്‍ലൈനായി നടക്കുമെന്ന് സെക്രട്ടറി അറിയിച്ചു. ഫോണ്‍: 0495 2365091.

ഏപ്രില്‍ മാസത്തിലെ ജില്ലാ വികസന സമിതി യോഗം 29 ന് രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ നടക്കും. യോഗത്തിന് മുന്നോടിയായി രാവിലെ 10.30 ന് പ്രീ-ഡി.ഡി.സി യോഗം നടക്കുമെന്ന് ജില്ലാ കലക്ടര്‍ അറിയിച്ചു.

പാലക്കാട് ഗവ മെഡിക്കല്‍ കോളെജില്‍ വിവിധ വകുപ്പുകളിലായി ഒഴിവുള്ള പ്രൊഫസര്‍, അസോ. പ്രൊഫസര്‍, അസി. പ്രൊഫസര്‍, സീനിയര്‍ റെസിഡന്റ്/ജൂനിയര്‍ റെസിഡന്റ് തസ്തികകളിലേക്ക് സര്‍ക്കാര്‍ മെഡിക്കല്‍ കോളെജില്‍ നിന്നും ഡെപ്യൂട്ടേഷന്‍ വ്യവസ്ഥയില്‍ നിയമനം നടത്തുന്നതിന് അപേക്ഷ ക്ഷണിച്ചു. കൂടുതല്‍ വിവരങ്ങള്‍ www.gmcpalakkad.in ല്‍ ലഭ്യമാണ്. ഫോണ്‍: 0491-2951010
 

ജില്ലയിലെ പകര്‍ച്ചവ്യാധി പ്രതിരോധ നിയന്ത്രണ പ്രവര്‍ത്തനങ്ങള്‍ വിലയിരുത്തുന്നതിനും ആസൂത്രണം ചെയ്യുന്നതിനും മഴക്കാല പൂര്‍വ്വ പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നതിനുമായി ജില്ലാ കലക്ടറുടെ അധ്യക്ഷതയില്‍ ഏപ്രില്‍ 28 ന് ഉച്ചയ്ക്ക് രണ്ടിന് കലക്ടറേറ്റ് കോണ്‍ഫറന്‍സ് ഹാളില്‍ വിവിധ വകുപ്പ് മേധാവികളുടെ യോഗം ചേരുമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

മാലിന്യ സംസ്‌കരണം, മഴക്കാലപൂര്‍വ്വ ശുചീകരണം, വൃത്തിയുള്ള നവകേരളം ക്യാമ്പയിന്‍ തുടങ്ങിയ വിവിധ പ്രവര്‍ത്തനങ്ങളുടെ അവലോകനത്തിന് വൈദ്യുതി വകുപ്പ് മന്ത്രി കെ. കൃഷ്ണന്‍കുട്ടിയുടെ അധ്യക്ഷതയില്‍ ഏപ്രില്‍ 29 ന് ഉച്ചയ്ക്ക് രണ്ടിന് ചിറ്റൂര്‍ മിനി സിവില്‍ സ്റ്റേഷനില്‍ യോഗം ചേരും.