പുതിയ കെട്ടിടം മന്ത്രി വി.ശിവന്‍കുട്ടി ഉദ്ഘാടനം ചെയ്തു

എസ് എസ് എൽ സി പരീക്ഷാഫലം മെയ്‌ 20നകവും പ്ലസ് ടു പരീക്ഷാ ഫലം മെയ്‌ 25നകവും പ്രഖ്യാപിക്കുമെന്ന്  പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി. എറണാകുളത്ത് മാധ്യമങ്ങളോട് സംസാരിക്കുകയായിരുന്നു മന്ത്രി. മധ്യവേനൽ അവധി കഴിഞ്ഞ്  സ്കൂൾ തുറക്കാനുള്ള മുന്നൊരുക്കങ്ങൾ ഇപ്പോൾ തന്നെ ആരംഭിച്ചതായി  മന്ത്രി വ്യക്തമാക്കി.

എസ്എസ്എൽസി യുടെയും സിബിഎസ്ഇ പത്താം ക്ലാസിന്റെയും റിസൾട്ട് വരുന്നതിനനുസരിച്ച് പ്ലസ് വൺ അഡ്മിഷൻ നടപടികൾ ആരംഭിക്കും. ഹയർ സെക്കൻഡറി ബാച്ച് പുനക്രമിക്കുന്ന കമ്മിറ്റിയുടെ റിപ്പോർട്ട് പരിഗണിച്ച് സർക്കാർ ഇക്കാര്യത്തിൽ  തീരുമാനമെടുക്കും.

എസ്.എസ്.എല്‍.സി, ഹയര്‍സെക്കണ്ടറി കുട്ടികള്‍ക്ക് ഗ്രേസ്മാര്‍ക്ക് നല്‍കാന്‍ തീരുമാനിച്ചു

പൊതുവിദ്യാലയങ്ങളെ സംരക്ഷിക്കുക എന്ന നയത്തിലൂന്നിയുള്ള പ്രവര്‍ത്തനങ്ങള്‍ക്കാണ് സംസ്ഥാന സര്‍ക്കാര്‍ നേതൃത്വം നല്‍കുന്നതെന്ന് വിദ്യാഭ്യാസ മന്ത്രി വി. ശിവന്‍കുട്ടി. ഇടക്കൊച്ചി ഗവ.ഹൈസ്‌കൂളിന്റെ പുതിയ കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

മായം കലര്‍ന്ന അനധികൃത കാലിത്തീറ്റകള്‍ക്കെതിരെ കര്‍ശന നടപടി സ്വീകരിക്കുമെന്ന് മൃഗസംരക്ഷണ- ക്ഷീരവികസന വകുപ്പ് മന്ത്രി ജെ ചിഞ്ചുറാണി. ജില്ലാ പഞ്ചായത്ത് ജയന്‍ സ്മാരക ഹാളില്‍ നടന്ന കേരള നിയമസഭാ സെലക്റ്റ് കമ്മിറ്റിയുടെ തെളിവെടുപ്പ് യോഗത്തില്‍ സംസാരിക്കുകയായിരുന്നു മന്ത്രി. കന്നുകാലി, കോഴി തീറ്റകളുടെ ഗുണനിലവാരം ഉറപ്പുവരുത്താനുള്ള നിയമമാണ് കൊണ്ടുവരുന്നത്. കര്‍ഷകരുടെ അഭിപ്രായങ്ങള്‍ കൂടി പരിഗണിച്ചാണ് നിയമം നടപ്പാക്കുക. മായം ഉള്‍പ്പടെ കണ്ടെത്താന്‍ ഉന്നത നിലവാരത്തിലുള്ള ലാബുകള്‍ സ്ഥാപിക്കും. ക്ഷീരസ്വാന്തനം ഇന്‍ഷുറന്‍സ് പദ്ധതി വീണ്ടും നടപ്പാക്കും.

കൊല്ലത്ത് ഒമ്പതാമത് ദേശീയ സരസ് മേള ഏപ്രില്‍ 27 മുതല്‍ മെയ് ഏഴ് വരെ നടത്തുന്നതിന്റെ ഭാഗമായി ആശ്രാമം മൈതാനിയില്‍ 130000 അടി സ്‌ക്വയര്‍ ഫീറ്റില്‍ ശീതികരിച്ച പ്രദര്‍ശന വേദി തയ്യാറാകുന്നു. നിര്‍മാണം ഏപ്രില്‍ 25 ഓടെ പൂര്‍ത്തിയാകും 7500 ല്‍ അധികം കുടുബശ്രീ പ്രവര്‍ത്തകരും കുടുബാംഗങ്ങളും പങ്കെടുക്കുന്ന മെഗാ തിരുവാതിരയ്ക്ക് വേദി സാക്ഷ്യം വഹിക്കും. വിവിധ സംസ്ഥാനങ്ങളില്‍ നിന്നുള്ള വിഭവങ്ങളുടെ പ്രദര്‍ശനവും, വിപണനവും ലക്ഷ്യമിട്ട് 250 സ്റ്റാളുകളിലാണ് ഒരുക്കുന്നത്. ഫുഡ് കോര്‍ട്ടില്‍ തനത് രുചികള്‍ പരിചയപ്പെടുത്തുന്നതിന് ഇതര സംസ്ഥാനങ്ങളില്‍ നിന്നും ഉള്‍പ്പെടെ 30 ഫുഡ് സ്റ്റാളുകള്‍ ക്രമീകരിക്കും.

ജില്ലയിലെ വിവിധ പദ്ധതികള്‍ വേഗത്തില്‍ പൂര്‍ത്തിയാക്കാന്‍ നിര്‍ദ്ദേശം നല്‍കി ധനകാര്യ മന്ത്രി കെ എന്‍ ബാലഗോപാല്‍. ജില്ലാതല പദ്ധതികളുടെ പുരോഗതി അവലോകനം ചെയ്യാന്‍ മന്ത്രിമാരായ കെ എന്‍ ബാലഗോപാലിന്റെയും ജെ ചിഞ്ചുറാണിയുടെയും നേതൃത്വത്തില്‍ ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേര്‍ന്ന യോഗത്തിലാണ് നിര്‍ദ്ദേശം.

മന്ത്രിമാരുടെ നേതൃത്വത്തില്‍ അവലോകനയോഗം ചേര്‍ന്നു

പാരിപ്പള്ളി മെഡിക്കല്‍ കോളേജിലെ സേവനങ്ങള്‍ കൂടുതല്‍ മികവുറ്റതാക്കുമെന്ന് ധനകാര്യ മന്ത്രി കെ എന്‍ ബാലഗോപാല്‍. പാരിപ്പള്ളി മെഡിക്കല്‍ കോളേജിന്റെ പ്രവര്‍ത്തനങ്ങള്‍ വിലയിരുത്തുന്നതിന്റെ ഭാഗമായി മന്ത്രി കെ എന്‍ ബാലഗോപാലിന്റെ അധ്യക്ഷതയിലും മൃഗസംരക്ഷണ- ക്ഷീരവികസന വകുപ്പ് മന്ത്രി ജെ ചിഞ്ചുറാണിയുടെയും സാന്നിധ്യത്തിലും ചേര്‍ന്ന അവലോകന യോഗത്തിലാണ് തീരുമാനം.

സംസ്ഥാന സര്‍ക്കാര്‍ രണ്ടാം വാര്‍ഷികം: വികസന പ്രവര്‍ത്തനങ്ങള്‍ ജനങ്ങളിലേക്ക്- മന്ത്രി കെ എന്‍ ബാലഗോപാല്‍

അര്‍ഹരായ മുഴുവന്‍ പേര്‍ക്കും പട്ടയം നല്‍കുമെന്ന് റവന്യു വകുപ്പ് മന്ത്രി കെ രാജന്‍. വണ്ടന്‍മേട്, രാജാക്കാട് സ്മാര്‍ട്ട് വില്ലേജ് ഓഫീസുകളുടെ ഉദ്ഘാടനം ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു അദ്ദേഹം. എല്ലാവര്‍ക്കും ഭൂമി, എല്ലാ ഭൂമിക്കും രേഖ, എല്ലാ സേവനവും സ്മാര്‍ട്ട് എന്നത് സര്‍ക്കാരിന്റെ പ്രഖ്യാപിത നയമാണ്.

*പീരുമേടില്‍ താത്കാലിക ആര്‍ ആര്‍ ടി

മനുഷ്യത്വ പൂര്‍വ്വമായ ജനകീയ ബാധ്യത വനം വകുപ്പ് ഉദ്യോഗസ്ഥര്‍ക്കുണ്ടെന്ന് വനം വന്യജീവി വകുപ്പ് മന്ത്രി എ.കെ ശശീന്ദ്രന്‍. സംസ്ഥാന സര്‍ക്കാര്‍ ആവിഷ്‌കരിച്ച 'വന സൗഹൃദ സദസ്സ്'- കാടിനെ കാക്കാം നാടിനെ കേള്‍ക്കാം കര്‍മ്മപരിപാടി കുട്ടിക്കാനത്ത് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജനങ്ങള്‍ ശത്രുത മനോഭാവത്തോടെ വനം വകുപ്പ് അധികൃതരെ നോക്കി കാണുന്ന സ്ഥിതിവിശേഷം മാറണം. ഇത് വനം വകുപ്പിന്റെ പ്രവര്‍ത്തികള്‍ ശക്തിപ്പെടുത്തുന്നതിനു പകരം തളര്‍ത്തും. വനം വകുപ്പിന് ജനാഭിമുഖ്യം ഉള്ള മുഖം വളര്‍ത്തിയെടുക്കാന്‍ വന സൗഹൃദ സദസ്സ് ഒരു തുടക്കമാകും.