ആറ്റിങ്ങൽ നഗരസഭയിലെ ഹരിത കർമ്മ സേനയുടെ വാർഷിക ആഘോഷവും യൂണിഫോം വിതരണവും നഗരസഭ അധ്യക്ഷ എസ്.കുമാരി നിർവഹിച്ചു. ആറ്റിങ്ങൽ ലൈബ്രറി ഹാളിൽ നടന്ന ചടങ്ങിൽ 70 ഹരിത കർമ്മ സേന അംഗങ്ങൾക്കുള്ള യൂണിഫോമാണ് വിതരണം ചെയ്തത്. ടെലിവിഷൻ താരം അഞ്ജുശ്രീ മുഖ്യാതിഥിയായിരുന്നു. നഗരസഭ ഉപാധ്യക്ഷൻ ജി.തുളസീധരൻ പിള്ള അധ്യക്ഷത വഹിച്ചു.

സംസ്ഥാനത്ത് താപനില ഉയരുന്നതിനാൽ പകൽ 11 മുതൽ മൂന്ന് വരെയുള്ള സമയത്ത് സൂര്യപ്രകാശം നേരിട്ട് ഏൽക്കുന്നത് ഒഴിവാക്കണമെന്ന് സംസ്ഥാന ദുരന്തനിവാരണ അതോറിറ്റിയുടെ മുന്നറിയിപ്പ്. നിർജലീകരണം തടയാൻ വെള്ളം കുടിക്കണം. കുടിവെള്ളം എപ്പോഴും കയ്യിൽ കരുതണമെന്നും നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങൾ പകൽ സമയത്ത് ഒഴിവാക്കണമെന്നും പൊതുജനങ്ങൾക്കുള്ള ജാഗ്രതാനിർദേശത്തിൽ പറയുന്നു.  പ്രായമായവർ, ഗർഭിണികൾ, കുട്ടികൾ, ഭിന്നശേഷിക്കാർ, മറ്റ് രോഗങ്ങളാൽ അവശത അനുഭവിക്കുന്നവർ സൂര്യപ്രകാശം നേരിട്ട് ഏൽക്കാതെ ശ്രദ്ധിക്കണം.   
 

എംപ്ലോയീസ് പ്രോവിഡന്റ് ഫണ്ടുമായി ബന്ധപ്പെട്ട നിധി ആപ്‌കെ നികട് ജില്ല വ്യാപന പദ്ധതി എന്ന ഗുണഭോക്താക്കള്‍ക്കായുള്ള പ്രതിമാസ പരാതി പരിഹാര സമ്പര്‍ക്ക പരിപാടി ഏപ്രില്‍ 27ന് രാവിലെ ഒമ്പത് മുതല്‍ ഉച്ചയ്ക്ക് ഒന്നു വരെ കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ ചേരും. എംപ്ലോയീസ് ഡെപ്പോസിറ്റ് ലിങ്ക്ഡ് ഇന്‍ഷുറന്‍സ് സ്‌കീം, ഇ.പി.എഫ് മെംബര്‍ പാസ്ബുക്ക്, ഇ-നോമിനേഷന്‍ എന്നിവയുടെ പ്രാധാന്യത്തെക്കുറിച്ച് ചര്‍ച്ച ചെയ്യും. പരിപാടിയില്‍ പങ്കെടുക്കാന്‍ താത്പര്യമുള്ളവര്‍ ആവശ്യമായ രേഖകള്‍ സഹിതം അന്നേദിവസം എത്തണമെന്ന് റീജിയണല്‍ പ്രോവിഡന്റ് ഫണ്ട് കമ്മീഷണര്‍ അറിയിച്ചു.

കാഞ്ഞങ്ങാട് ഐ.സി.ഡി.എസ് പ്രൊജക്ട് പരിധിയിലുള്ള അജാനൂര്‍ പഞ്ചായത്തിലെ അങ്കണവാടികളിലെ ഹെല്‍പ്പര്‍ തസ്തികയിലേക്ക് അപേക്ഷ നല്‍കിയവര്‍ക്കുള്ള കൂടിക്കാഴ്ച ഏപ്രില്‍ 26ന് അജാനൂര്‍ പഞ്ചായത്തിലെ ഹാളില്‍ രാവിലെ 10 മുതല്‍ വൈകിട്ട് 5 വരെ നടത്തും. അപേക്ഷ നല്‍കിയവര്‍ക്ക് കൂടിക്കാഴ്ചയ്ക്ക് ഹാജരാകുന്നതിന് അറിയിപ്പ് തപാല്‍ മുഖേന അയച്ചിട്ടുണ്ട്. അറിയിപ്പ് ലഭിക്കാത്തവര്‍ കാഞ്ഞങ്ങാട് ബ്‌ളോക്ക് പഞ്ചായത്തിന് സമീപത്തുള്ള കാഞ്ഞങ്ങാട് ഐ.സി.ഡി.എസ് ഓഫീസുമായി ബന്ധപ്പെടണം. ഇമെയില്‍ icdskanhangad@gmail.com  ഫോണ്‍ 0467 2217437.

കാഞ്ഞങ്ങാട് ഐ.സി.ഡി.എസ് പ്രൊജക്ട് പരിധിയിലുള്ള കാഞ്ഞങ്ങാട് മുന്‍സിപ്പാലിറ്റിയിലെ അങ്കണവാടികളിലെ ഹെല്‍പ്പര്‍ തസ്തികയിലേക്ക് അപേക്ഷ നല്‍കിയവര്‍ക്കുള്ള കൂടിക്കാഴ്ച ഏപ്രില്‍ 25ന് കാഞ്ഞങ്ങാട് മുന്‍സിപ്പാലിറ്റി ഹാളില്‍ രാവിലെ 10 മുതല്‍ വൈകിട്ട് 5 വരെ നടത്തും. അപേക്ഷ നല്‍കിയവര്‍ക്ക് കൂടിക്കാഴ്ചയ്ക്ക് ഹാജരാകുന്നതിന് അറിയിപ്പ് തപാല്‍ മുഖേന അയച്ചിട്ടുണ്ട്. അറിയിപ്പ് ലഭിക്കാത്തവര്‍ കാഞ്ഞങ്ങാട് ബ്‌ളോക്ക് പഞ്ചായത്തിന് സമീപത്തുള്ള കാഞ്ഞങ്ങാട് ഐ.സി.ഡി.എസ് ഓഫീസുമായി ബന്ധപ്പെടണം. ഇമെയില്‍ icdskanhangad@gmail.com ഫോണ്‍ നം.04672217437.

കാസര്‍കോട് ജില്ലയില്‍ എക്‌സൈസ് വകുപ്പില്‍ സിവില്‍ എക്‌സൈസ് ഓഫീസര്‍ (ട്രെയിനീ) (പുരുഷന്മാര്‍) (കാറ്റഗറി നമ്പര്‍ 538/2019) തസ്തിക കായിക ക്ഷമതാ പരീക്ഷ തസ്തികയുടെ ചുരുക്കപ്പട്ടികയിലുള്‍പ്പെട്ട ഉദ്യോഗാര്‍ത്ഥികളുടെ ശാരീരിക അളവെടുപ്പും  കായിക ക്ഷമതാ പരീക്ഷയും ഏപ്രില്‍ 26, 27 എന്നീ തീയതികളില്‍ കാസര്‍കോട് പാറക്കട്ടയിലെ പോലീസ് ഡി.എച്ച്.ക്യു മൈതാനത്ത് നടത്തും. ഉദ്യോഗാര്‍ത്ഥികളുടെ പ്രൊഫൈലില്‍ അഡ്മിഷന്‍ ടിക്കറ്റ് ലഭ്യമാക്കിയിട്ടുണ്ട്.

ഉഡുപ്പി കാസര്‍കോട് 400 കെ.വി വൈദ്യുതി ലൈന്‍ നടപ്പിലാക്കുന്നതുമായി ബന്ധപ്പെട്ട് മുഴുവന്‍ ആളുകളുടേയും യോഗം ഏപ്രില്‍ 23ന് ഞായറാഴ്ച്ച രാവിലെ 10 മുതല്‍ കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ ചേരും. രാവിലെ 10 മുതല്‍ 11 വരെ കിനാനൂര്‍-കരിന്തളം പഞ്ചായത്ത്, 11 മുതല്‍ 12 വരെ കുംബഡാജേ, ബേഡഡുക്ക പഞ്ചായത്തുകള്‍, ഉച്ചയ്ക്ക് 12 മുതല്‍ ഒന്നു വരെ കോടോം-ബേളൂര്‍ പഞ്ചായത്ത്,  ഉച്ചകഴിഞ്ഞ് രണ്ട്  മുതല്‍ മൂന്ന് വരെ കാറഡുക്ക, ബെള്ളൂര്‍, എന്‍മകജെ പഞ്ചായത്തുകള്‍. അന്നേദിവസം നടക്കുന്ന യോഗത്തില്‍ സമയക്രമം അനുസരിച്ച് ബന്ധപ്പെട്ട പഞ്ചായത്തുകളിലെ ജനങ്ങള്‍ എത്തിച്ചേരണമെന്ന് ജില്ലാ കളക്ടര്‍ അറിയിച്ചു.

കാസര്‍കോടിന്റെ സുസ്ഥിര വികസനത്തെ വരികളില്‍ അടയാളപ്പെടുത്തി ഉപന്യാസരചനാ മത്സരം. എന്റെ കേരളം പ്രദര്‍ശന വിപണന മേള 2023ന്റെ പ്രചരണത്തിന്റെ ഭാഗമായി ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് ജില്ലാ ഇന്‍ഫര്‍മേഷന്‍ ഓഫീസാണ് ഹൈസ്‌കൂള്‍ വിദ്യാര്‍ത്ഥികള്‍ക്കായി  ഉപന്യാസ മത്സരം സംഘടിപ്പിച്ചത്. ഹൊസ്ദുര്‍ഗ് ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ നടന്ന മത്സരം കാഞ്ഞങ്ങാട് നഗരസഭ ചെയര്‍പേഴ്‌സണ്‍ കെ.വി.സുജാത ഉദ്ഘാടനം ചെയ്തു. നഗരസഭാ വൈസ് ചെയര്‍മാന്‍ ബില്‍ടെക്ക് അബ്ദുള്ള അധ്യക്ഷനായി. വിദ്യാഭ്യാസ സ്ഥിരം സമിതി അധ്യക്ഷ കെ.വി.

കാസര്‍കോട് ജനറല്‍ ആശുപത്രിയിലെ ഡയാലിസിസ് യൂണിറ്റില്‍ സൂക്ഷിച്ചിരിക്കുന്ന ഒഴിഞ്ഞ പ്ലാസ്റ്റിക് കോണ്‍സന്‍ട്രേറ്റഡ് ക്യാന്‍ 150 എണ്ണം ഏപ്രില്‍ 27ന് രാവിലെ 11.30ന് ആശുപത്രി ഓഫീസില്‍ ലേലം ചെയ്യുന്നു. കൂടാതെ താത്പര്യമുള്ളവരില്‍ നിന്നും ക്വട്ടേഷനും സ്വീകരിക്കുന്നു. ക്വട്ടേഷന്‍ ഏപ്രില്‍ 27ന് രാവിലെ 11നകം ഓഫീസില്‍ നല്‍കണം. ഫോണ്‍ 04994 230080.