കോട്ടയം: അതിദാരിദ്ര്യ നിർമാർജ്ജനം ലക്ഷ്യമാക്കി അവശ്യ രേഖകളുടെ വിതരണത്തിനായി ആരംഭിച്ച 'അവകാശം അതിവേഗം' പദ്ധതി കോട്ടയം ജില്ലയിൽ പൂർത്തിയായി. സംസ്ഥാനത്ത് പദ്ധതി പൂർത്തിയാക്കിയ ആദ്യ ജില്ലയാണ് കോട്ടയം.

'അവകാശം അതിവേഗം' പദ്ധതിയുടെ ഭാഗമായി തുണ എന്ന പേരിൽ ജില്ലാ ഭരണകൂടം ആവിഷ്‌കരിച്ച പദ്ധതിയിലൂടെ ആധാർ കാർഡ്, റേഷൻ കാർഡ്, സാമൂഹിക സുരക്ഷാ പെൻഷൻ, അവകാശ രേഖകൾ, തൊഴിലുറപ്പ് കാർഡ്, വോട്ടർ ഐ.ഡി., ഭിന്നശേഷിക്കാർക്കുള്ള തിരിച്ചറിയൽ രേഖ മുതലായവ വിതരണം ചെയ്തു. തദ്ദേശ സ്വയംഭരണം, റവന്യൂ, സിവിൽ സപ്ലൈസ്, എൻ.ആർ.ഇ.ജി.എസ് മിഷൻ തുടങ്ങി വിവിധ വകുപ്പുകളെ ഏകോപിപ്പിച്ചാണ് പദ്ധതി പൂർത്തീകരിച്ചത്.

കോട്ടയം: സംസ്ഥാന സർക്കാരിന്റെ  രണ്ടാം വാർഷികത്തോടനുബന്ധിച്ച് നൂറ് ദിന കർമ്മ പരിപാടിയുടെ ഭാഗമായി സഹകരണ വകുപ്പിന്റെ നേതൃത്വത്തിൽ എറണാകുളം മറൈൻ ഡ്രൈവ് മൈതാനത്ത് ഏപ്രിൽ 22 മുതൽ 30 വരെ നടക്കുന്ന 'സഹകരണ എക്സ്പോ 2023'ന്റെ പ്രചരണാർത്ഥം ജില്ലയിൽ സംഘടിപ്പിച്ച വിളംബര ജാഥ ജില്ലാ കളക്ടർ ഡോ. പി.കെ. ജയശ്രീ ഫ്ളാഗ് ഓഫ് ചെയ്തു. സിവിൽ സ്‌റ്റേഷൻ പരിസരത്ത് നിന്ന് ആരംഭിച്ച ജാഥ തിരുനക്കര ഗാന്ധി സ്‌ക്വയറിൽ സമാപിച്ചു.

കോട്ടയം: കടനാട് ഗ്രാമപഞ്ചായത്തിലെ പുത്തൻപുര-ഐങ്കൊമ്പ് കുടിവെള്ള പദ്ധതി, ഐങ്കൊമ്പ് ജംഗ്ഷനിലെ ഹൈമാസ്റ്റ് ലൈറ്റ്, നവീകരിച്ച റോഡുകൾ എന്നിവയുടെ ഉദ്ഘാടനം മാണി സി. കാപ്പൻ എം.എൽ.എ. നിർവഹിച്ചു. ഐങ്കൊമ്പ് ജനതാ ആർപിഎസ് അങ്കണത്തിൽ ചേർന്ന യോഗത്തിൽ കടനാട് ഗ്രാമപഞ്ചായത്ത് പ്രസിഡന്റ് ഉഷ രാജു അധ്യക്ഷ വഹിച്ചു. ജില്ലാ പഞ്ചായത്തംഗം രാജേഷ് വാളിപ്ലാക്കൽ മുഖ്യപ്രഭാഷണം നടത്തി.

കോട്ടയം: ഭരണങ്ങാനം  ഗ്രാമപഞ്ചായത്തിൽ കുടുംബശ്രീ സി.ഡി.എസ് ബാലസഭ ശുചിത്വോത്സവം ക്യാമ്പയിനുമായി ബന്ധപ്പെട്ട് ഏകദിന പരിശീലന പരിപാടി സംഘടിപ്പിച്ചു. ഗ്രാമപഞ്ചായത്ത് ഹാളിൽ വച്ചു നടന്ന പരിപാടി ഗ്രാമപഞ്ചായത്ത് പ്രസിഡന്റ്  ലിസി സണ്ണി ഉദ്്ഘാടനം ചെയ്തു. കുടുംബശ്രീ സി.ഡി.എസ് അധ്യക്ഷ സിന്ധു പ്രദീപ്  അധ്യക്ഷത വഹിച്ചു.  ഗ്രാമപഞ്ചായത്ത് വൈസ് പ്രസിഡന്റ് വിനോദ് ചെറിയാൻ, ക്ഷേമകാര്യ സ്ഥിരം സമിതി അധ്യക്ഷ എൽസമ്മ ജോർജ്കുട്ടി, ഗ്രാമപഞ്ചായത്ത് അംഗങ്ങളായ ജോസ്‌കുട്ടി അമ്പലമറ്റം, സോബി സേവ്യർ, എം.വി ബിജു  എന്നിവർ പങ്കെടുത്തു.

കോട്ടയം: വാടക കെട്ടിടത്തിൽനിന്നു സ്വന്തം കെട്ടിടത്തിലേക്ക് മാറാനൊരുങ്ങി ടി വി പുരം ഗ്രാമപഞ്ചായത്ത് ഹോമിയോ ആശുപത്രി. ഗ്രാമപഞ്ചായത്തിന്റെ 2022-23, 2023-24 ദ്വിവർഷ പദ്ധതിയിലൂടെയാണ് ഹോമിയോ ആശുപത്രിക്കായി പുതിയ കെട്ടിടം നിർമ്മിക്കുന്നത്. കൊട്ടാരപ്പള്ളി ഇടവക ടിവി പുരം ഗ്രാമപഞ്ചായത്തിന് നൽകിയ മൂന്ന് സെന്റ് ഭൂമിയിലാണ് പുതിയ കെട്ടിടം ഒരുങ്ങുന്നത്. കൊട്ടാരപ്പള്ളി വാതപ്പള്ളി ജംഗ്ഷനിൽ 25 ലക്ഷം രൂപ ചെലവിട്ട് 666.5 ചതുരശ്ര അടി വിസ്തൃതിയിലാണ് പുതിയ കെട്ടിടം നിർമ്മിക്കുന്നത്. ഒപി, ഫാർമസി, സ്‌റ്റോർ റൂം, രോഗികൾക്കുള്ള വിശ്രമമുറി എന്നിവ അടങ്ങുന്നതാണ് പുതിയ കെട്ടിടം. നിലവിൽ ഒരു നില കെട്ടിടമാണ് പണിയുന്നത്.

കോട്ടയം: വിൽപന നികുതി കുടിശികയിനത്തിൽ 32.08 ലക്ഷം രൂപയും പലിശയും അനുബന്ധചെലവുകളും ഈടാക്കുന്നതിനായി വെച്ചൂർ വില്ലേജിലെ സർവേ നമ്പർ 313/2 ൽ 17777-ാം നമ്പർ തണ്ടപ്പേരിലുള്ള 00.90 ആർ വസ്തുവും ചമയങ്ങളും മേയ്27 ന് രാവിലെ 11 ന് വെച്ചൂർ വില്ലേജോഫീസിൽ പരസ്യ ലേലം ചെയ്യും. വിശദവിവരത്തിന് ഫോൺ: 04829 231331
 

കോട്ടയം: ജില്ലയിലെ വിവിധ താലൂക്കുകളിലായി മൂന്ന് റേഷൻ കടകൾക്ക് പുതിയ ലൈസൻസിയെ നിയമിക്കുന്നതിന് സംവരണവിഭാഗത്തിൽ (എസ്.സി, എസ്.ടി) നിന്ന് അപേക്ഷ ക്ഷണിച്ചു. അപേക്ഷാഫോം മേയ് 17ന് വൈകിട്ട് മൂന്നു വരെ ജില്ലാ സപ്ലൈ ഓഫീസിലും അതത് താലൂക്ക് സപ്ലൈ ഓഫീസുകളിലും www.civilsupplieskerala.gov.in എന്ന വെബ് സൈറ്റിലും ലഭ്യമാണ്. പാറത്തോട് ഊരയ്ക്കനാട്, തിടനാട് വാര്യാനിക്കാട്, പൂഞ്ഞാർ തെക്കേക്കര ചോലത്തടം എന്നിവിടങ്ങളിലെ റേഷൻകടകൾക്കാണ് ലൈസൻസികളെ നിയമിക്കുന്നത്. ഫോൺ: 0481 2560371

ഹോട്ടൽ മാനേജ്‌മെന്റ് കോഴ്‌സുകൾ

മലബാർ ദേവസ്വം ബോർഡിന് കീഴിലുള്ള മലബാർ ക്ഷേത്ര ജീവനക്കാരുടെയും എക്‌സിക്യൂട്ടീവ് ഓഫീസർമാരുടെയും ക്ഷേമനിധി ക്ഷേത്രവിഹിതം കുടിശ്ശിക പിരിവ് നടത്തുന്നതിനായി ക്യാമ്പ് നടത്തുന്നു. ഏപ്രിൽ 24ന് രാവിലെ 11 മണി മുതൽ തളിപ്പറമ്പ് രാജരാജേശ്വര ക്ഷേത്രത്തിലാണ് ക്യാമ്പ്. മലബാർ ദേവസ്വം ബോർഡിന് കീഴിലുള്ള തളിപ്പറമ്പ്, കണ്ണൂർ, തലശ്ശേരി എന്നീ താലൂക്കുകളിലെ ക്ഷേത്രഭാരവാഹികൾ ക്ഷേമനിധിയിൽ അടക്കാനുള്ള ക്ഷേത്രവിഹിതം നിർബന്ധമായും അടക്കേണ്ടതാണ്.