കായിക ക്ഷമതാ പരീക്ഷ
27ലേക്ക് മാറ്റി

നിയമസഭാ സമിതി യോഗം 26ന്
 

മുതിർന്ന പൗരൻമാരുടെ ക്ഷേമം സംബന്ധിച്ച നിയമസഭാ സമിതി ജില്ലയിൽ വിവിധ ക്ഷേമ പദ്ധതികളുടെ പ്രവർത്തനങ്ങൾ സംബന്ധിച്ച് വിവിധ വകുപ്പുകളിലെ ജില്ലാതല ഉദ്യോഗസ്ഥരുമായി ഏപ്രിൽ 26ന് രാവിലെ 11 മണിക്ക് കലക്ടറേറ്റ് കോൺഫറൻസ് ഹാളിൽ ചേരുന്ന യോഗത്തിൽ ചർച്ച നടത്തും.

ഓംബുഡ്‌സ്മാൻ സിറ്റിങ് 25ന്

മറവൻതുരുത്ത് ഗവൺമെന്റ് യു.പി സ്‌കൂളിന്റെ പുതിയ കെട്ടിടം ഉദ്ഘാടനം ചെയ്തു

കോട്ടയം: കേരളത്തിന്റെ വിദ്യാഭ്യാസ മേഖല രാജ്യത്തിനാകെ മാതൃകയെന്ന് പൊതുവിദ്യാഭ്യാസ വകുപ്പ് മന്ത്രി വി. ശിവൻ കുട്ടി. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മറവൻതുരുത്ത് ഗവൺമെന്റ് യു.പി സ്‌കൂളിൽ നിർമ്മിച്ച പുതിയ  കെട്ടിടത്തിന്റെ ഉദ്ഘാടനം നിർവഹിച്ച് പ്രസംഗിക്കുകയായിരുന്നു മന്ത്രി.

തീരദേശ മേഖലകളിൽ സമഗ്ര വികസനം കൊണ്ടു വരികയെന്നത് സംസ്ഥാന സർക്കാറിന്റെ പ്രഖ്യാപിത ലക്ഷ്യങ്ങളിലൊന്നാണെന്ന് ഫിഷറീസ്, സാംസ്‌കാരിക, യുവജന കാര്യവകുപ്പ് മന്ത്രി സജി ചെറിയാൻ. തീരദേശ റോഡുകളുടെ സംസ്ഥാന തല പ്രവൃത്തി ഉദ്ഘാടനം ഓൺലൈനായി നിർവ്വഹിച്ച് സംസാരിക്കുകയായിരുന്നു മന്ത്രി. ധർമ്മടം മണ്ഡലത്തിലെ പിണറായി, ധർമ്മടം, വേങ്ങാട്, മുഴപ്പിലങ്ങാട് എന്നീ ഗ്രാമപഞ്ചായത്തുകളിൽപ്പെട്ട അഞ്ച് തീരദേശ റോഡുകളുടെ പ്രവൃത്തി ഉദ്ഘാടനവും മന്ത്രി നിർവ്വഹിച്ചു.

നാലുനില കെട്ടിടത്തിന്റെ മുകളിൽ നിന്നും കയർ ഉപയോഗിച്ചുള്ള രക്ഷാപ്രവർത്തനം കണ്ടു നിന്നവരിൽ പരിഭ്രാന്തിയുണ്ടാക്കി. പിന്നീട് മോക്ക് ഡ്രിൽ ആണെന്നറിഞ്ഞപ്പോൾ ആശ്വാസവും. ദേശീയ അഗ്നിശമന സേനാ വാരാചരണത്തിന്റെ ഭാഗമായി തൃശ്ശൂർ വടക്കേ സ്റ്റാൻഡിൽ സംഘടിപ്പിച്ച മോക്ക് ഡ്രില്ലാണ് കൗതുകമായത്.

ആറളം ഫാം വൈവിധ്യവത്കരണത്തിന്റെ ഭാഗമായി പുറത്തിറക്കിയ ചക്കിലാട്ടിയ വെളിച്ചെണ്ണയായ ആറളം ഫാം കോക്ക്‌നട്ട് ഓയിൽ, ആറളം ഫാം മിക്‌സഡ് മാങ്ങ അച്ചാർ എന്നിവ മാനേജിംഗ് ഡയറക്ടർ ഡിഡിസി ഡിആർ മേഘശ്രീ റെയ്ഡ്‌കോ ഡയറക്ടർ ശ്രീധരന് നൽകി വിപണിയിലിറക്കി. ഫാം അഡ്മിനിസ്‌ട്രേറ്റീവ് ഓഫീസർ കെ ആർ പ്രസന്നൻ നായർ, അക്കൗണ്ട്‌സ് ഓഫീസർ ടി പി പ്രേമരാജൻ, മാർക്കറ്റിംഗ് ഓഫീസർ വി വിപിൻ എന്നിവർ സംബന്ധിച്ചു.
ഈ ഉത്പന്നങ്ങളും തേൻ, കശുവണ്ടി പരിപ്പ്, പച്ചക്കറി വിത്തുകൾ, മഞ്ഞൾ പൊടി, കുരുമുളക് പൊടി എന്നിവ സിവിൽ സ്‌റ്റേഷന് പരിസരത്തെ ആറളം ഫാമിന്റെ സെയിൽസ് കൗണ്ടറിൽ ലഭ്യമാണ്.

ഇരിങ്ങാലക്കുട : ഇരിങ്ങാലക്കുട  നഗരസഭയുടെ 2022 - 23 വാർഷിക പദ്ധതിയിലുൾപ്പെടുത്തി നടത്തിയ ഭിന്നശേഷി ഉപകരണങ്ങളുടെ വിതരണോദ്ഘാടനം നഗരസഭ ചെയർപേഴ്സൺ സോണിയ ഗിരി നിർവഹിച്ചു. രണ്ടര ലക്ഷം രൂപയുടെ ഉപകരണങ്ങളാണ് വിതരണം ചെയ്തത്.
നഗരസഭ മിനി ടൗൺ ഹാളിൽ നടന്ന ചടങ്ങിൽ വൈസ് ചെയർമാൻ ടിവി ചാർളി അധ്യക്ഷത വഹിച്ചു. ഐ സി ഡി എസ് സൂപ്പർവൈസർ ബീന റിപ്പോർട്ട് അവതരിപ്പിച്ചു.

സുജ സഞ്ജീവ്കുമാർ, അംബിക പള്ളിപ്പുറത്ത്, ജെയ്സൺ പാറേക്കാടൻ, അൽഫോൻസ തോമസ്, ലേഖ ഷാജൻ, എം എസ് സഞ്ചയ്, രാജി, സ്മിത കൃഷ്ണകുമാർ, സി സി ഷിബിൻ,  സലോമി എന്നിവർ സംസാരിച്ചു.

തൃശൂർ പൂരം പ്രദർശന നഗരിയിൽ കേരള പോലീസിന്റെ പവലിയൻ ഉത്തരമേഖല ഇൻസ്പെക്ടർ ജനറൽ ഓഫ് പോലീസ് നീരജ് കുമാർ ഗുപ്ത പൊതുജനങ്ങൾക്കായി തുറന്നു കൊടുത്തു. കേരള പോലീസ് നിർവ്വഹിക്കുന്ന വിവിധ സേവനങ്ങളെക്കുറിച്ചുള്ള വിവരങ്ങൾ പൊതുജനങ്ങളിലേക്ക് എത്തിക്കുന്നതിനാണ് ഇത്തവണ പവലിയനിൽ പ്രാധാന്യം നൽകിയിട്ടുള്ളത്.

ഈ വര്‍ഷത്തെ പൂരം ഭിന്നശേഷി സൗഹൃദമാക്കുന്നതിന്റെ ഭാഗമായി ഭിന്നശേഷിക്കാര്‍ക്ക് കുടമാറ്റം ചടങ്ങുകള്‍ അടുത്തുനിന്ന് കാണാന്‍ ജില്ലാ ഭരണകൂടം അവസരമൊരുക്കുന്നു. പരിമിത എണ്ണം ആളുകള്‍ക്കായിരിക്കും അവസരം. കൂടുതല്‍ അപേക്ഷകരുണ്ടെങ്കില്‍ നറുക്കെടുപ്പിലൂടെ തെരഞ്ഞെടുക്കപ്പെടുന്നവര്‍ക്ക് അവസരം നല്‍കും. രജിസ്റ്റര്‍ ചെയ്യുന്നവര്‍ പേര്, വയസ്സ്, അഡ്രസ്, ബന്ധപ്പെടാവുന്ന ഫോണ്‍ നമ്പര്‍, ഭിന്നശേഷി തെളിയിക്കുന്ന സര്‍ട്ടിഫിക്കറ്റ് എന്നിവ  94009 70600 നമ്പറിലേക്ക് വാട്ട്‌സ്ആപ്പ് സന്ദേശമായി ഏപ്രില്‍ 25ന് മുമ്പ് അയക്കണം

കോട്ടയം: മലിനീകരണപരാതി ഉയർന്ന കുറിച്ചി പഞ്ചായത്തിലെ  പെനി ഐസ് പ്ലാന്റ് കിൻഫ്രയുടെ മൂവാറ്റുപുഴയിലുള്ള വ്യവസായ പാർക്കിൽ അനുവദിച്ച സ്ഥലത്തു മാറ്റിസ്ഥാപിക്കാൻ ജില്ലാ കളക്ടർ വിളിച്ച അനുരഞ്ജന യോഗത്തിൽ തീരുമാനം.
കിണറുകൾ മലിനമാകുന്നതുമായി ബന്ധപ്പെട്ടു പരിസരവാസികൾ തുടങ്ങിയ രാപ്പകൽ സമരത്തെത്തുടർന്നാണു ജില്ലാ കളക്ടർ ഡോ. പി.കെ. ജയശ്രീ അനുരഞ്ജന യോഗം വിളിച്ചുചേർത്തത്.