കുമ്പളം ഗ്രാമപഞ്ചായത്തില്‍ സിഡിഎസ് വിഷു ചന്ത ആരംഭിച്ചു. ഗ്രാമപഞ്ചായത്ത് ഓഫീസിന് മുന്നില്‍ ആരംഭിച്ച വിഷു ചന്ത പഞ്ചായത്ത് പ്രസിഡന്റ് കെ.എസ് രാധാകൃഷ്ണന്‍ ഉദ്ഘാടനം ചെയ്തു. കുടുംബശ്രീ യൂണിറ്റുകള്‍ വിളവെടുത്ത പച്ചക്കറികളും ചെറുകിട സംരംഭകരുടെ ഉത്പന്നങ്ങളുമാണ് ചന്തയില്‍ ഒരുക്കിയിരിക്കുന്നത്. 

ബഡ്‌സ് സ്‌ക്കൂള്‍ വിദ്യാര്‍ത്ഥികള്‍ നിര്‍മ്മിച്ച ക്ലീനിങ് ലോഷന്‍, ചവിട്ടി, ഡിഷ്‌വാഷ് തുടങ്ങിയ ഉത്പന്നങ്ങള്‍ മുഖ്യ ആകര്‍ഷണമാണ്. വാഴപ്പഴം, മാങ്ങ, വെള്ളരിക്ക, ഏലയ്ക്ക, കുരുമുളക്, ഉണ്ണിയപ്പം, ചിപ്‌സ്, അച്ചാറുകള്‍ തുടങ്ങിയവ ചന്തയില്‍ ലഭിക്കും. 

കുട്ടികൾക്ക്
കളിച്ചു പഠിക്കാൻ  10 വീടുകൾ ചേർന്ന
കളിവീട് തുറന്ന് പെരുവല്ലൂർ ഗവ.യു പി സ്കൂൾ.
3,4 വയസ് പ്രായ പരിധിയിലെ കുട്ടികളുടെ സമഗ്ര ശേഷി വികാസത്തിന് ഉതകുന്ന പ്രവർത്തന ഇടങ്ങളായ പഞ്ചേന്ദ്രിയ ഇടം, ശാസ്ത്രയിടം, സംഗീതയിടം, ഇ-ഇടം, ഭാഷാവികസനയിടം, ഹരിതയിടം, നിർമ്മാണയിടം, കരകൗശലയിടം, വരയിടം, ശിശു സൗഹൃദ ഫർണീച്ചർ തുടങ്ങിയവ അടങ്ങിയതാണ്  പെരുവല്ലൂർ പ്രീ സ്‌കൂളായ 'കളിവീട്'

സമഗ്ര ആരോഗ്യ വികസനം ലക്ഷ്യമിട്ട് മുരിയാട് ഗ്രാമപഞ്ചായത്ത് ജീവധാര പദ്ധതിയുടെ ഭാഗമായി രൂപീകരിച്ച ആക്ഷൻ ടീമിനുള്ള പരിശീലന പരിപാടി ജില്ലാ കളക്ടർ വി ആർ കൃഷ്ണതേജ ഉദ്ഘാടനം ചെയ്തു.  ജില്ലാ  ഭരണകൂടത്തിൽ നിന്നും എല്ലാ സഹകരണങ്ങളും കളക്ടർ വാഗ്‌ദനം ചെയ്തു. ആരോഗ്യരംഗത്ത് അടിസ്ഥാന വികസനം, രോഗപ്രതിരോധം, മാതൃ-ശിശു-വയോജന സംരക്ഷണം എന്നീ അടിസ്ഥാന ലക്ഷ്യം കൈവരിക്കുന്നതിനായി 12 ഇന കര്‍മ്മപദ്ധതിക്കാണ് പഞ്ചായത്ത് രൂപം കൊടുത്തത്.  ആശാവര്‍ക്കര്‍മാര്‍, അങ്കണവാടി ടീച്ചര്‍മാര്‍, കുടുംബശ്രീ പ്രവര്‍ത്തകര്‍, ആരോഗ്യദായക സന്നദ്ധപ്രവര്‍ത്തകര്‍ എന്നിവര്‍ ഉള്‍ക്കൊള്ളുന്ന നൂറുപേരടങ്ങുന്ന ആക്ഷന്‍ ടീമിനാണ് പരിശീലനം നൽകിയത്.

നിലാവെട്ടത്തിന് ഇന്ന് മെഗാതിരുവാതിരയോടെ വിളംബരം. വൈകീട്ട് 4ന് ബഥനി സെന്റ് സ്കൂള്‍ ഗ്രൌണ്ടില്‍ നിയോജക മണ്ഡലാടിസ്ഥാനത്തില്‍ തയ്യാറാക്കിയ മെഗാതിരുവാതിര അരങ്ങേറും. ആയിരത്തോളം പേര്‍ ചുവടുവയ്ക്കും.

കുന്നംകുളം നഗരസഭ, കടവല്ലൂര്‍, കാട്ടകാമ്പാല്‍, പോര്‍ക്കുളം, ചൊവ്വന്നൂര്‍, കടങ്ങോട്, വേലൂര്‍, എരുമപ്പെട്ടി പഞ്ചായത്തുകളിലെ വനിതകളാണ് മെഗാതിരുവാതിരയില്‍ അണിനിരക്കുക. സിനിമ – ടെലിവിഷന്‍ താരം രശ്മി സോമന്‍ മെഗാതിരുവാതിരയ്ക്ക് ഭദ്രദീപം കൊളുത്തും. തുടര്‍ന്ന് മെഗാതിരുവാതിരയുടെ ലാസ്യഭംഗി ആസ്വാദകരിലേക്കെത്തും.

ഫയർ ഫൈറ്റിങ്ങിലോ ഇൻഡസ്ട്രിയൽ സെക്യൂരിറ്റിയിലോ ഡിപ്ലോമ ഉള്ള 50 വയസ്സിൽ താഴെയുള്ള വിമുക്തഭടന്മാർ യോഗ്യത സർട്ടിഫിക്കറ്റുകളുമായി തിരുവനന്തപുരം ജില്ലാ സൈനിക ക്ഷേമ ഓഫീസുമായി ഏപ്രിൽ 13 നകം ബന്ധപ്പെടണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.

പെരുങ്കടവിള ബ്ലോക്ക് പഞ്ചായത്തിലെ വിവിധ പദ്ധതികളുടെ ഉദ്ഘാടനം സി കെ ഹരീന്ദ്രന്‍ എംഎല്‍എ നിര്‍വഹിച്ചു. പെരുങ്കടവിള ബ്ലോക്ക് പഞ്ചായത്ത് ജനകീയാസൂത്രണം 2022- 2023 - ന്റെ ഭാഗമായി നവീകരിച്ച ഓഫീസ് റൂം, ബ്ലോക്ക് ഓഫീസ് കോമ്പൗണ്ടിലെ ആര്‍.ആര്‍.എഫിന്റ പ്രവര്‍ത്തനം,  ലൈബ്രറികള്‍ക്ക് അടിസ്ഥാന സൗകര്യം മെച്ചപ്പെടുത്തുന്നതിനാവശ്യമായ ഭൗതിക സാഹചര്യങ്ങളുടെ വിതരണം എന്നിവയുടെ ഉദ്ഘാടനമാണ് എം എല്‍ എ നിര്‍വഹിച്ചത്. പെരുങ്കടവിള ബ്ലോക്ക് ഓഫീസ് അങ്കണത്തില്‍ നടന്ന ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് ജി. ലാല്‍ കൃഷ്ണ അധ്യക്ഷത വഹിച്ചു.

ക്ലീൻ എനർജി മേഖലയിൽ നൂതന ആശയങ്ങൾ പ്രോത്സാഹിപ്പിക്കുന്നതിനായി ക്ലീൻ എനർജി ഇന്നവേഷൻ ബിസിനസ് ഇൻക്യുബേഷൻ സെൻറർ സംഘടിപ്പിക്കുന്ന ക്ലീൻ ടെക് ചാലഞ്ച് പുരസ്കാരങ്ങൾ പ്രഖ്യാപിച്ചു. ചാലഞ്ചിന്റെ ഭാഗമായി ലഭിച്ച 100 ആശയങ്ങൾ അടങ്ങിയ അപേക്ഷകളിൽ നിന്ന് തെരഞ്ഞെടുത്ത മികച്ച 10 ആശയങ്ങൾക്കാണ് പുരസ്കാരം നൽകിയത്. കവടിയാർ ഉദയ് പാലസ് കൺവെൻഷൻ സെൻററിൽ നടന്ന ചടങ്ങിൽ വൈദ്യുതി വകുപ്പ് മന്ത്രി കെ കൃഷ്ണൻകുട്ടി വിജയികൾക്ക് പുരസ്കാരങ്ങൾ സമ്മാനിച്ചു.  

ഏപ്രില്‍ 15 വരെ ഇന്ദിരാഗാന്ധി മുന്‍സിപ്പല്‍ സ്റ്റേഡിയത്തില്‍ നടക്കുന്ന എന്റെ കേരളം പ്രദര്‍ശന വിപണന മേളയില്‍ ഇന്ന് (ഏപ്രില്‍ 12) ജില്ലാ വിദ്യാഭ്യാസ വകുപ്പ് സംഘടിപ്പിക്കുന്ന ചൊല്ലരങ്ങ് കാവ്യാലാപന പരിപാടി നടക്കും. രാവിലെ 11.30 മുതല്‍ ഉച്ചയ്ക്ക് രണ്ട് വരെ പ്രധാന വേദിയിലാണ് പരിപാടി. രാജീവ് കാറല്‍മണ്ണ പരിപാടി നയിക്കും.

സെമിനാര്‍