ജില്ലയിൽ പട്ടികജാതി വികസന വകുപ്പിൽ ലീഗൽ അസിസ്റ്റന്റുമാരുടെ താൽക്കാലിക നിയമനത്തിന് അപേക്ഷ ക്ഷണിച്ചു. അപേക്ഷകര്‍ എല്‍.എല്‍.ബി പഠനം കഴിഞ്ഞ് എൻറോൾമെന്റ് പൂർത്തിയാക്കിയവരായിരിക്കണം. എല്‍.എല്‍.എം  യോഗ്യത ഉള്ളവർക്കും പട്ടികജാതി വികസന വകുപ്പിന്റെ ത്രിവത്സര അഭിഭാഷക ധനസഹായം പദ്ധതി പൂർത്തിയാക്കിയവർക്കും വനിതകൾക്കും മുൻഗണന ലഭിക്കും. ജില്ലാ കോടതി- 1, സ്പെഷ്യല്‍ കോടതി – 3, ജില്ലാ ലീഗല്‍ സര്‍വ്വീസ് അതോറിറ്റി- 1 എന്നിങ്ങനെയാണ് ഒഴിവുകളുടെ എണ്ണം. പ്രായപരിധി 21-35.

വണ്ടൂര്‍ ബ്ലോക്കില്‍ പെട്ട തിരുവാലി പഞ്ചായത്ത് പടി- നിരന്നപറമ്പ്- പേലേപ്പുറം റോഡില്‍ ടാറിങ് പ്രവൃത്തികള്‍ നടക്കുന്നതിനാല്‍ പഞ്ചായത്ത് പടി മുതല്‍ നിരന്നപറമ്പ് വരെ മാര്‍ച്ച് 26 മുതല്‍ ഒരാഴ്ചത്തേക്ക് ഗതാഗതം നിരോധിച്ചതായി എക്സിക്യുട്ടീവ് എഞ്ചിനീയര്‍ (പി.എ.യു) അറിയിച്ചു. വാഹന യാത്രയ്ക്കായി തിരുവാലി വില്ലേജ് റോഡ്, ചാത്തക്കാട്, കാരയില്‍ റോഡ് എന്നിവ ഉപയോഗപ്പെടുത്തണം

വണ്ടൂര്‍ വിദ്യാഭ്യാസ ജില്ലയുടെ പരിധിയില്‍ പെട്ട പരീക്ഷാ കേന്ദ്രങ്ങളില്‍ നിന്നും കെ.ടെറ്റ് പരീക്ഷ എഴുതി വിജയിച്ചവരുടെ സര്‍ട്ടിഫക്കറ്റ് പരിശോധന (എല്ലാ കാറ്റഗറിയും ഉള്‍പ്പടെ) വണ്ടൂര്‍ ജില്ലാ വിദ്യാഭ്യാസ ഓഫീസില്‍ വെച്ച് മാര്‍ച്ച് 28 ന് രാവിലെ 10 മുതല്‍ വൈകിട്ട് 5 വരെ നടക്കും. പരീക്ഷാര്‍ഥികള്‍ എസ്.എസ്.എല്‍.സി, പ്ലസ്ടു, ഡിഗ്രി, ബി.എഡ്/ ടി.ടി.സി സര്‍ട്ടിഫിക്കറ്റുകളുടെ അസ്സലും പകര്‍പ്പുും, ഹാള്‍ടിക്കറ്റിന്റെ പകര്‍പ്പ് എന്നിവ ഹാജരാക്കണം. ബി.എ‍‍ഡ്/ ടി.ടി.സി പഠിക്കുന്നവര്‍ ഒറിജിനല്‍ സര്‍ട്ടിഫക്കറ്റ് ലഭിച്ചതിന് ശേഷം പരിശോധനയ്ക്ക് ഹാജരായാല്‍ മതിയെന്നും ജില്ലാ വിദ്യാഭ്യാസ ഓഫീസര്‍ അറിയിച്ചു.

.

തിരുരങ്ങാടി പുതുക്കനാട്ടില്‍ സുഹൈബ്, പുതുക്കനാട്ടില്‍ മുഹമ്മദ് അഷ്‍റഫ് എന്നിവരില്‍ നിന്നും എം.എ.സി.ടി കുടിശ്ശിക ഇനത്തില്‍ തുക ഈടാക്കുന്നതിനായി ജപ്തി ചെയ്തിട്ടുള്ള കെ.എല്‍.65 ഇ 4602 രജിസ്ട്രേഷന്‍ നമ്പറിലുള്ള എഫ്.സി 16 മോട്ടോര്‍ ബൈക്ക് മാര്‍ച്ച് 30 ന് രാവിലെ 11 മണിക്ക് തിരൂരങ്ങാടി താലൂക്ക് ഓഫീസില്‍ വെച്ച് ലേലം ചെയ്ത് വില്‍ക്കുമെന്ന് തിരൂരങ്ങാടി തഹസില്‍ദാര്‍ അറിയിച്ചു

സാങ്കേതിക വിദ്യാഭ്യാസ വകുപ്പിന് കീഴില്‍ പ്രവര്‍ത്തിക്കുന്ന കോക്കൂര്‍ ഗവ. ടെക്നിക്കല്‍ ഹൈസ്കൂളില്‍  2023-24 അധ്യയന വര്‍ഷത്തെ എട്ടാം ക്ലാസിലേക്കുള്ള പ്രവേശനം ആരംഭിച്ചു. അപേക്ഷകള്‍ www.polyadmission.org/ths എന്ന വെബ് സൈറ്റിലൂടെ ഓണ്‍ലൈന്‍ ആയി സമര്‍പ്പിക്കാം. ഏപ്രില്‍ 5 ആണ് അപേക്ഷിക്കാനുള്ള അവസാന തിയ്യതി. കൂടുതല്‍ വിവരങ്ങള്‍ 9645961710, 9400006487, 9747520946 എന്നീ നമ്പറുകളില്‍ ലഭിക്കും

പൊന്നാനി തീരത്ത് കപ്പലടുപ്പിക്കാനൊരുങ്ങി തുറമുഖ വകുപ്പ്. കപ്പൽ ടെർമിനൽ

കർഷകര്‍, കർഷകഗ്രൂപ്പുകൾ, കൃഷികൂട്ടങ്ങള്‍, എഫ്.പി.ഒ.കൾ വഴി ഉൽപ്പാദിപ്പിക്കുന്ന വിവിധ മൂല്യവർദ്ധിത കാർഷികോൽപ്പന്നങ്ങള്‍ ഓണ്‍ലൈന്‍ പ്ലാറ്റ്ഫോമുകളിലൂടെ വിപണനം നടത്താന്‍ പദ്ധതിയുമായി കൃഷി വകുപ്പ്. വിവിധ മൂല്യവർദ്ധിത കാർഷികോൽപ്പന്നങ്ങളുടെ വിപണനം ഊർജ്ജിതമാക്കി കർഷകരുടെ വരുമാനമുയർത്തുക എന്ന ലക്ഷ്യത്തോടെ കൃഷി വകുപ്പ് നടപ്പിലാക്കുന്ന കര്‍മ്മപരിപാടികളുടെ ഭാഗമായാണ്  പദ്ധതി നടപ്പാക്കുന്നത്.  ‘Keralagro’ എന്ന ഏകീകൃത ബ്രാൻഡിലാണ് ഓൺലൈൻ പ്ലാറ്റ്ഫോമുകളിലൂടെ ഉൽപന്നങ്ങൾ വിപണനം നടത്തുക. കൂടുതൽ വിവരങ്ങള്‍ക്ക് അതത് കൃഷിഭവനുകളുമായി ബന്ധപ്പെടണമെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു